પૈપ્પલાદ-સંહિતા · અધ્યાય 20.54

યત્ તે શ્લિષ્ટં ક્લોમ કર્ણેષુ
યચ્ ચ શિશ્ને સનાભ્યામ્ ।
ઇન્દ્રસ્ તદ્ અબ્રવીદ્ ભિષક્
પાર્ષ્ણિર્ આશ્લિષ્ટાવચ્છેદની ॥

એષા વૈ દુઃસહા નામ
પાર્ષ્ણિર્ આશ્લિષ્ટાવચ્છેદની ।
ઇદમ્ અહમ્ અમુષ્યામુષ્યાયણસ્યામુષ્યાઃ પુત્રસ્યાશ્લિષ્ટાં પ્ર ચ્છિનદ્મિ ॥

વિપશ્ચિત્ પુચ્છમ્ આભરત્
તદ્ વિષ્ણુઃ પુનર્ આભરત્ ।
તદ્ અગ્નિના મનસા સંવિદાનં
પુમાંસમ્ અસ્યૈ પુત્રં ધેહિ સ્વાહા ॥

વિપશ્ચિત્ પુચ્છમ્ આ ભર
યર્જ્જરહસ્તા ચિત્ત્યા ।
યથાસ્યાઃ પુત્રો જાયતા
અભિભૂર્ ણો વિપશ્ચિતા ॥

અપેહીતો વિપશ્ચિત્ ત્વં
પુમાન્ અયં જનિષ્યતે ।
પુમાન્ પુંસો અધિ સંભૂતઃ
સ પુમાન્ એવ જાયતામ્ ॥

ભદ્રાય કર્ણઃ ક્રોશતુ
ભદ્રાયાક્ષિ વિ વેપતામ્ ।
પરા દુષ્વપ્ન્યં સુવ
યદ્ ભદ્રં તન્ ન આ સુવ ॥

અક્ષિવેપં દુષ્વપ્ન્યમ્
આર્તિં પુરુષરેષિણીમ્ ।
તદ્ અસ્મદ્ અશ્વિના યુવમ્
અપ્રિયે પ્રતિ મુઞ્ચતમ્ ॥

યત્ પાર્શ્વાદ્ ઉરસો મે
અઙ્ગાદઙ્ગાદ્ અવવેપતે ।
અશ્વિના પુષ્કરસ્રજા
તસ્માન્ નઃ પાતમ્ અંહસઃ ॥

યદીદ્ અમૃતકામ્યાઘં
(· ·) રિપ્રમ્ ઉપેયિમ ।
અન્ધશ્રોણ ઇવ હીયતાં
મા નો ન્વ્ આગાદ્ અઘં યતઃ ॥

અરિપ્રા આપો અપ રિપ્રમ્ અસ્મત્ ।
યો ઽસ્માન્ દ્વેષ્ટિ યં વયં દ્વિષ્મસ્
તસ્મિન્ દુષ્વપ્ન્યમ્ આ સૃજામિ ॥

પયો મે ક્લોમ કર્ણેષુ
પયો મે વીરુધો દધન્ ।
પયો મે સૃષ્ટા દેવેષુ
પયો મે દધત્ ॥