પૈપ્પલાદ-સંહિતા · અધ્યાય 20.53

ધાતા તે હસ્તમ્ અગ્રહીત્
સવિતા હસ્તમ્ અગ્રહીત્ ।
મિત્રસ્ ત્વમ્ અસિ ધર્મણ્-
-અગ્નિર્ આચાર્યસ્ તવ ॥

અગ્નેર્ બ્રહ્મચાર્ય્ અસિ
મમ બ્રહ્મચાર્ય્ અસિ ।
પ્રજાપતિષ્ ટ્વા ગોપાયતુ
દેવાય ત્વા સવિત્રે પરિ દદામિ
સ્વસ્તિ ચરતાદ્ ઇહાસૌ ॥

વિશ્વમ્ અસિ વિશ્વપતે
સર્વમ્ અસિ સર્વપતે ।
તં ત્વાસૌ દેવાય ત્વા સવિત્રે પરિ દદામિ
સ્વસ્તિ ચરતાન્ મયિ ॥

સમાવવર્ત્તિ વિષ્ઠિતો જિગીષુર્
વિશ્વેષાં કામશ્ ચરતામ્ ઇહાસ્તુ ।
વિશ્વા દ્વેષાંસિ દુરિતા હિત્વ્-
-આ યન્ત્વ્ અનુવ્રતા સવિતુર્ દૈવ્યસ્ય ॥

આ નો હસ્તો અકૃતાગાત્ સ્વર્ગઃ
પુનર્ ઐતુ તન્વા સંવિદાનઃ ।
પ્રાણેન તેજસા હરસા બલેન
મિત્રો અસ્માન્ વરુણ ઉભયતસ્ પાતુ ॥

યત્ કામ કામયમાના
ઇદં કૃણ્મસિ તે હવિઃ ।
તન્ નઃ સર્વં સમ્ ઋધ્યતામ્
અથૈતસ્ય હવિષો વીહિ સ્વાહા ॥

યદ્ વર્ચો દ્યાવાપૃથિવ્યોર્
અથો યદ્ આઞ્જન ત્વયિ ।
તેન સુચક્ષા વર્ચસ્ય્
અહં ભૂયાસમ્ આઞ્જન ॥

યદ્ય્ અસ્પૃષિ શ્લિષ્ટં
યદિ વા સ્વપ્નયાનુશ્લિષ્ટમ્ ।
આશ્લિષ્ટાવચ્છેદનમ્
અસ્ય્ અભિદૃષ્ટવીર્યમ્ ॥

અવ વાર્ ઇવ વારિવા
અવ વર્ષં ગિરેર્ ઇવ ।
અવ જ્યામ્ ઇવ ધન્વનો
હૃદિ શ્લિષ્ટં છિનદ્મિ તે ॥

યત્ તે હૃદિ શ્લિષ્ટં
યચ્ ચ શ્લિષ્ટં પુરીતતિ ।
મધ્યે પૃષ્ટીનાં યચ્ છ્લિષ્ટં
તત્ પાર્ષ્ણ્યાવ છિનદ્મિ તે ॥