Scripture Library

Paippalāda-Saṃhitā · Chapter 20.51

20.51.1

ut tabhnāmi gavāṃ kṣīram
ud rathaṃ rathavāhanam |
ut tabdhā asmākaṃ vīrā
mayi gāvaś ca gopatau ||

20.51.2

ut tvā stabhnātu savitā devo agnir
un mitrāvaruṇāv aśvinobhā |
sarvān sapatnān avadhīr yugena
viśāṃ patir upasattaidhy atra ||

20.51.3

tvaṃ hi rudra vaśinī nirniṣe
tvaṃ deveṣūta mānuṣeṣu |
yad īśāno nayasi yac ca haṃsy
asmākam astu pitṛṣu svadhāvat ||

20.51.4

vāyav ā rundhi no mṛgān
asmabhyaṃ mṛgayadbhyaḥ |
sa no nediṣṭham ā kṛdhi
vāto hi raśanākṛtaḥ ||

20.51.5

ud asurya ud u yakṛt
sthāma gacchatu te punaḥ |
yato nilayate yakṛt
tat prastambham ājatu |
memaṃ pṛthupravartane
jaghanastambhinaṃ karaḥ ||

20.51.6

yā pārśve saṃtanoti
hṛdayaṃ jihvayā saha |
tāṃ tvaṃ devi pṛthivi
hikkām arasāṃ kṛdhi ||

20.51.7

anusṛptām ity ekā ||

20.51.8

pra patāta iti dve ||

20.51.10

aharahar balim itye haranto
'śvāyeva tiṣṭhate ghāsam agne |
rāyaṣpoṣeṇa sam iṣā madanto
'gne mā te prativeśā riṣāma ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0