Scripture Library

Paippalāda-Saṃhitā · Chapter 20.50

20.50.1

abhi tvā pañcaśākhena
hastenādhāṃ sahīyasā |
yathā na vidviṣāvahai
na vibhavāva kadā cana ||

20.50.2

cākravākaṃ saṃvananam
asyasya svaṃkaram |
amuṃ svaṃ kṛṇotu me
yam ahaṃ kāmaye priyam ||

20.50.3

yat kakṣīvāṃ saṃvananaṃ
cyavanaś cakra āsuraḥ |
tad vāṃ kṛṇomi dampatī
saṃ priyau bhavataṃ yuvam ||

20.50.4

yathā saṃyuktau pakṣiṇau
saṃpriyau carato mṛgau |
evā saṃyuktau brahmaṇā
saṃpriyau bhavataṃ yuvam ||

20.50.5

prehi pra hara pādāv
ā gṛhebhyaḥ svastaye |
kapiñjala pradakṣiṇaṃ
śatapatrābhi no vada ||

20.50.6

bhadraṃ vada dakṣiṇato
bhadram uttarato vada |
bhadraṃ purastān no vada
bhadraṃ paścāt kapiñjala ||

20.50.7

śunaṃ vada dakṣiṇataḥ
śunam uttarato vada |
śunaṃ purastān no vada
śunaṃ paścāt kapiñjala ||

20.50.8

yauvanāni mahayasi
jigyuṣām iva dundubhiḥ |
kapiñjala pradakṣiṇaṃ
śatapatrābhi no vada ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0