Paippalāda-Saṃhitā · Chapter 20.43
indra jīva sūrya jīva
devā jīvā jīvyāsam aham |
sarvam āyur jīvyāsam ||
anābhūr asmi naitave
tantyāṃ baddho divi śritaḥ |
āhā tvā nirṛtaye ||
rantir asi ramatir asi |
saṃ śrutena rādhiṣīya
mā śrutena vi rādhiṣi ||
darśo 'si darśato 'si
viśvataḥ saṃdṛṣṭaḥ |
somo asi rudro asi ||
taṃ tvā yaṃ devā aṃśum āpyāyanti
taṃ tvā yam ādityā aṃśum āpyāyanti |
taṃ tvā yam akṣitam akṣitaye pibanti
sa naḥ somaḥ pra tirad dīrgham āyuḥ ||
anyeṣāṃ prāṇenā pyāyasva
māsmākaṃ prāṇena |
yo 'smān dveṣṭi yaṃ vayaṃ dviṣmas
tasya prāṇenā pyāyasva ||
cid asi samudrayoniḥ śyena ṛtāvān |
somapīthopa na ehy arvāṅ
rāyaspoṣeṇa prajayā dhanena ||
svarava stha namo vo mahatām ūrjāyai |
parṇāṃ māva gām ||
apaścāddaghvānnasya bhūyāsam |
annādāyānnapataye rudrāya namo agnaye ||
yā te vaso vāta iṣuḥ sā ta eṣā |
tayā no mṛḍa ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0