Scripture Library

Paippalāda-Saṃhitā · Chapter 20.44

20.44.1

agnis takmānam apa bādhatām ito
varuṇo grāvā marutaḥ pūtadakṣāḥ |
barhiṣadaḥ samidhaḥ śośucānās
takmanaḥ śocām apa nir nudantu ||

20.44.2

yo abhyavabhṛṇāyasi
svapantam iccha puruṣaṃ
śayānam akovidam |
sa naḥ sahasravīry-
-ānuṣṭhātā śivo bhava ||

20.44.3

devayātur asi mṛḍo 'si |
mṛḍāsmākaṃ dvipade catuṣpade
mā tasya mīmṛḍo dvipade catuṣpade
yo asmān dveṣṭi yaṃ vayaṃ dviṣmaḥ ||

20.44.4

brahmayātur asi mṛḍo 'si |
mṛḍāsmākaṃ dvipade catuṣpade
mā tasya mīmṛḍo dvipade catuṣpade
yo asmān dveṣṭi yaṃ vayaṃ dviṣmaḥ ||

20.44.5

annayātur asi mṛḍo 'si |
mṛḍāsmākaṃ dvipade catuṣpade
mā tasya mīmṛḍo dvipade catuṣpade
yo asmān dveṣṭi yaṃ vayaṃ dviṣmaḥ ||

20.44.6

manuṣyayātur asi mṛḍo 'si |
mṛḍāsmākaṃ dvipade catuṣpade
mā tasya mīmṛḍo dvipade catuṣpade
yo asmān dveṣṭi yaṃ vayaṃ dviṣmaḥ ||

20.44.7

avabharaṇo nāmāsi devatrā ṇo akṣamāpaḥ |
yo asmān dveṣṭi yaṃ vayaṃ dviṣmas
taṃ ta āsann api daghmaḥ ||

20.44.8

yad adosnātā āsuro dīkṣito 'carat |
tasya yan malam avāsravat
sa hi nāsi tāvad anuṣṭhyā tvā vidma-
-arasaṃ vṛścika te viṣam ||

20.44.9

ketuluṅgā nāma te mātā karkaṭaḥ pitā |
tat satyam arasam abhaga te viṣam ||

20.44.10

dve viṣasya dhāre striyā anyā puṃso anyā |
te ubhe arase ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0