પૈપ્પલાદ-સંહિતા · અધ્યાય 20.43

ઇન્દ્ર જીવ સૂર્ય જીવ
દેવા જીવા જીવ્યાસમ્ અહમ્ ।
સર્વમ્ આયુર્ જીવ્યાસમ્ ॥

અનાભૂર્ અસ્મિ નૈતવે
તન્ત્યાં બદ્ધો દિવિ શ્રિતઃ ।
આહા ત્વા નિરૃતયે ॥

રન્તિર્ અસિ રમતિર્ અસિ ।
સં શ્રુતેન રાધિષીય
મા શ્રુતેન વિ રાધિષિ ॥

દર્શો ઽસિ દર્શતો ઽસિ
વિશ્વતઃ સંદૃષ્ટઃ ।
સોમો અસિ રુદ્રો અસિ ॥

તં ત્વા યં દેવા અંશુમ્ આપ્યાયન્તિ
તં ત્વા યમ્ આદિત્યા અંશુમ્ આપ્યાયન્તિ ।
તં ત્વા યમ્ અક્ષિતમ્ અક્ષિતયે પિબન્તિ
સ નઃ સોમઃ પ્ર તિરદ્ દીર્ઘમ્ આયુઃ ॥

અન્યેષાં પ્રાણેના પ્યાયસ્વ
માસ્માકં પ્રાણેન ।
યો ઽસ્માન્ દ્વેષ્ટિ યં વયં દ્વિષ્મસ્
તસ્ય પ્રાણેના પ્યાયસ્વ ॥

ચિદ્ અસિ સમુદ્રયોનિઃ શ્યેન ઋતાવાન્ ।
સોમપીથોપ ન એહ્ય્ અર્વાઙ્
રાયસ્પોષેણ પ્રજયા ધનેન ॥

સ્વરવ સ્થ નમો વો મહતામ્ ઊર્જાયૈ ।
પર્ણાં માવ ગામ્ ॥

અપશ્ચાદ્દઘ્વાન્નસ્ય ભૂયાસમ્ ।
અન્નાદાયાન્નપતયે રુદ્રાય નમો અગ્નયે ॥

યા તે વસો વાત ઇષુઃ સા ત એષા ।
તયા નો મૃડ ॥