Paippalāda-Saṃhitā · Chapter 20.20

āsanmantryāṃ vacasyāṃ
saṃpibantīṃ nyakvarīm |
uttarāṃ janaṃgamāṃ
pra tā dhamāmi lakṣmyaḥ ||

yā te ghorā tanvam āviveśa
yā te lakṣmīḥ sarvā samaktā |
agniṣ ṭe tāsv adatta saubhagāy-
-āpaḥ śundhantu bṛhate raṇāya ||

adevṛghnīṃ varuṇ-
-āpatighnīṃ bṛhaspate |
indrāputraghnīṃ lakṣmyam
asyai tāḥ savitaḥ suva ||

yā te lakṣmīś cakṣuṣi yota datsu
yā hastayo stanayor yopapakṣayoḥ |
śroṇyor bhaṃsasi yā padoṣ ṭe
sarvās tā ati krāma ghorāḥ ||

ūrubhyāṃ te aṣṭhīvadbhyāṃ
pārṣṇibhyāṃ prapadābhyām |
lakṣmīḥ śroṇibhyām aṅgebhyo
yāḥ pāpīs tā anīnaśan ||

apāślīlaṃ pṛthivī hantu yat pador
apa hastayor varuṇo mitro aryamā |
apādityā anumatī rarāṇāḥ
pra ṇaḥ suvāt savitā saubhagāya ||

etā enā vyākaran
khile gā aditīr iva |
ramantāṃ bhadrā lakṣmyo
yāḥ pāpīs tā anīnaśan ||

sāhuṣī nāma vā asi
sahamānā sahasvatī |
gṛhaguptim anuvartiṃ kulāyinīṃ
tā ihā veśayāmasi ||

?saṃcāriṇy ubhair yā babhūv-
-ānyā anyāṃ jinvati bhadrapāpīḥ |
tāṃ lakṣmīṃ nihavā nayāmo
bhadrā subhadrām api saubhagāya? ||

ekaśataṃ lakṣmyas
tāsāṃ rājñī babhūvitha |
bhadrābhir bhadre saṃbhūya
bhadreṇābhi sacasva naḥ ||