પૈપ્પલાદ-સંહિતા · અધ્યાય 20.20

આસન્મન્ત્ર્યાં વચસ્યાં
સંપિબન્તીં ન્યક્વરીમ્ ।
ઉત્તરાં જનંગમાં
પ્ર તા ધમામિ લક્ષ્મ્યઃ ॥

યા તે ઘોરા તન્વમ્ આવિવેશ
યા તે લક્ષ્મીઃ સર્વા સમક્તા ।
અગ્નિષ્ ટે તાસ્વ્ અદત્ત સૌભગાય્-
-આપઃ શુન્ધન્તુ બૃહતે રણાય ॥

અદેવૃઘ્નીં વરુણ્-
-આપતિઘ્નીં બૃહસ્પતે ।
ઇન્દ્રાપુત્રઘ્નીં લક્ષ્મ્યમ્
અસ્યૈ તાઃ સવિતઃ સુવ ॥

યા તે લક્ષ્મીશ્ ચક્ષુષિ યોત દત્સુ
યા હસ્તયો સ્તનયોર્ યોપપક્ષયોઃ ।
શ્રોણ્યોર્ ભંસસિ યા પદોષ્ ટે
સર્વાસ્ તા અતિ ક્રામ ઘોરાઃ ॥

ઊરુભ્યાં તે અષ્ઠીવદ્ભ્યાં
પાર્ષ્ણિભ્યાં પ્રપદાભ્યામ્ ।
લક્ષ્મીઃ શ્રોણિભ્યામ્ અઙ્ગેભ્યો
યાઃ પાપીસ્ તા અનીનશન્ ॥

અપાશ્લીલં પૃથિવી હન્તુ યત્ પદોર્
અપ હસ્તયોર્ વરુણો મિત્રો અર્યમા ।
અપાદિત્યા અનુમતી રરાણાઃ
પ્ર ણઃ સુવાત્ સવિતા સૌભગાય ॥

એતા એના વ્યાકરન્
ખિલે ગા અદિતીર્ ઇવ ।
રમન્તાં ભદ્રા લક્ષ્મ્યો
યાઃ પાપીસ્ તા અનીનશન્ ॥

સાહુષી નામ વા અસિ
સહમાના સહસ્વતી ।
ગૃહગુપ્તિમ્ અનુવર્તિં કુલાયિનીં
તા ઇહા વેશયામસિ ॥

?સંચારિણ્ય્ ઉભૈર્ યા બભૂવ્-
-આન્યા અન્યાં જિન્વતિ ભદ્રપાપીઃ ।
તાં લક્ષ્મીં નિહવા નયામો
ભદ્રા સુભદ્રામ્ અપિ સૌભગાય? ॥

એકશતં લક્ષ્મ્યસ્
તાસાં રાજ્ઞી બભૂવિથ ।
ભદ્રાભિર્ ભદ્રે સંભૂય
ભદ્રેણાભિ સચસ્વ નઃ ॥