Paippalāda-Saṃhitā · Chapter 19.11

devebhyo adhi jāto 'si
somasya sakhā hitaḥ |
sa prāṇāyāpānāya
cakṣuse 'sya mṛḍa ||

ayasmaye drupade bedhiṣa id
abhihito mṛtyubhir ye sahasram |
yamo mahyaṃ punar it tvāṃ dadātu
tasmai devāya haviṣā vidhema ||

yat te devī nirṛtir ābabandha
dāma grīvāsv avicṛtyam |
tat te vi ṣyāmy āyuṣe balāya-
-anamīvaṃ pitum addhi prasūtaḥ ||

namo 'stu te nirṛte viśvavāre
ayasmayaṃ vi cṛtā bandham etam |
yamena tvaṃ pitṛbhiḥ saṃvidāna-
-uttame nāke adhi rohayemam ||

antardāvāya juhutā sv etad
yātudhānakṣayaṇaṃ ghṛtena |
ārād rakṣāṃsi prati dahāgne
māsmākaṃ tanvam upa tītapanta ||

śarvo vo grīvā aśarīt piśācāḥ
pṛṣṭīr vo 'pi śṛṇātv agniḥ |
vīrud vo viśvadhāvīryā
mṛtyunā sam ajīgamat ||

apiśācaṃ no adharād
apiśācaṃ na uttarāt |
indrāpiśācaṃ naḥ paścād
apiśācaṃ puras kṛdhi ||

indraś cakāra prathamo
nairhastam asurebhyaḥ |
vṛścāmaḥ śatrūṇāṃ bāhū
anena haviṣā vayam ||

nirhastaḥ śatrur abhidāsan no astu
ye senābhir yudham āyanty asmān |
sam arpayendra mahatā vadhena
drātv eṣām aghahāro vividdhaḥ ||

ava manyur avāyatā-
-ava bāhū manoyujā |
parāśara tvaṃ teṣāṃ parāñcaṃ śuṣmam
ardayārvācīṃ rayim ā kṛdhi ||

ātanvānā āyacchanto
'syanto ye ca dhāvatha |
nirhastāḥ śatrava sthana -
-indro vo 'dya parāśarīt ||

nirhastāḥ santu śatravo
'ṅgaiṣāṃ mlāpayāmasi |
yathaiṣām indra vedāṃsi
yūtheṣu vi bhajāmahai ||

nirhastebhyo nairhastaṃ yaṃ
devāḥ śarum asyatha |
jayantu satvāno mama
sthireṇendreṇa medinā ||