પૈપ્પલાદ-સંહિતા · અધ્યાય 19.11

દેવેભ્યો અધિ જાતો ઽસિ
સોમસ્ય સખા હિતઃ ।
સ પ્રાણાયાપાનાય
ચક્ષુસે ઽસ્ય મૃડ ॥

અયસ્મયે દ્રુપદે બેધિષ ઇદ્
અભિહિતો મૃત્યુભિર્ યે સહસ્રમ્ ।
યમો મહ્યં પુનર્ ઇત્ ત્વાં દદાતુ
તસ્મૈ દેવાય હવિષા વિધેમ ॥

યત્ તે દેવી નિરૃતિર્ આબબન્ધ
દામ ગ્રીવાસ્વ્ અવિચૃત્યમ્ ।
તત્ તે વિ ષ્યામ્ય્ આયુષે બલાય-
-અનમીવં પિતુમ્ અદ્ધિ પ્રસૂતઃ ॥

નમો ઽસ્તુ તે નિરૃતે વિશ્વવારે
અયસ્મયં વિ ચૃતા બન્ધમ્ એતમ્ ।
યમેન ત્વં પિતૃભિઃ સંવિદાન-
-ઉત્તમે નાકે અધિ રોહયેમમ્ ॥

અન્તર્દાવાય જુહુતા સ્વ્ એતદ્
યાતુધાનક્ષયણં ઘૃતેન ।
આરાદ્ રક્ષાંસિ પ્રતિ દહાગ્ને
માસ્માકં તન્વમ્ ઉપ તીતપન્ત ॥

શર્વો વો ગ્રીવા અશરીત્ પિશાચાઃ
પૃષ્ટીર્ વો ઽપિ શૃણાત્વ્ અગ્નિઃ ।
વીરુદ્ વો વિશ્વધાવીર્યા
મૃત્યુના સમ્ અજીગમત્ ॥

અપિશાચં નો અધરાદ્
અપિશાચં ન ઉત્તરાત્ ।
ઇન્દ્રાપિશાચં નઃ પશ્ચાદ્
અપિશાચં પુરસ્ કૃધિ ॥

ઇન્દ્રશ્ ચકાર પ્રથમો
નૈર્હસ્તમ્ અસુરેભ્યઃ ।
વૃશ્ચામઃ શત્રૂણાં બાહૂ
અનેન હવિષા વયમ્ ॥

નિર્હસ્તઃ શત્રુર્ અભિદાસન્ નો અસ્તુ
યે સેનાભિર્ યુધમ્ આયન્ત્ય્ અસ્માન્ ।
સમ્ અર્પયેન્દ્ર મહતા વધેન
દ્રાત્વ્ એષામ્ અઘહારો વિવિદ્ધઃ ॥

અવ મન્યુર્ અવાયતા-
-અવ બાહૂ મનોયુજા ।
પરાશર ત્વં તેષાં પરાઞ્ચં શુષ્મમ્
અર્દયાર્વાચીં રયિમ્ આ કૃધિ ॥

આતન્વાના આયચ્છન્તો
ઽસ્યન્તો યે ચ ધાવથ ।
નિર્હસ્તાઃ શત્રવ સ્થન -
-ઇન્દ્રો વો ઽદ્ય પરાશરીત્ ॥

નિર્હસ્તાઃ સન્તુ શત્રવો
ઽઙ્ગૈષાં મ્લાપયામસિ ।
યથૈષામ્ ઇન્દ્ર વેદાંસિ
યૂથેષુ વિ ભજામહૈ ॥

નિર્હસ્તેભ્યો નૈર્હસ્તં યં
દેવાઃ શરુમ્ અસ્યથ ।
જયન્તુ સત્વાનો મમ
સ્થિરેણેન્દ્રેણ મેદિના ॥