Paippalāda-Saṃhitā · Chapter 17.12

antaḥpātre rerihati
dūrśe durnihitaiṣiṇi |
uruṇḍe abhicaṅkrame
vakmake bastavāsini
sarvāsāṃ bhaṇvā vaḥ sākaṃ
nāmadheyāni vidmasi |
yati jātāni vas tati
naśyatetaḥ sadānvāḥ ||

karṇā dṛṣadrathāmaham
urukīṃ keśinīṃ krakum |
khaḍurīm ambarīṣyaṃ
nāśayāmaḥ sadānvāḥ || prapāṭhaka ||

paṇḍugirāṃ phāladatīm
asaṃsūktanigāriṇīm |
asātāḥ sarvā vo brūmo
naśyatetaḥ sadānvāḥ ||

yāḥ śayānaṃ jambhayanti
naktam icchanty āturam |
atho janasya suptasya
mukhā hastāt pra rihanti
datsu datkavanocitās
tā ito nāśayāmasi ||

āpatantīr vikṣiṇānā
vastagandhāḥ sadānvāḥ |
bhaṇvā (a)sinā totsyāmi
tīkṣṇaśṛṅga ivarṣabhaḥ ||

sadānvāḥ sādānveyāṃ
strīpuṃsām̐ ubhayān saha |
sahe sahasvān sahasā
vi mṛdho hanmi rakṣasaḥ ||

caturdaṃṣṭrān kumbhamuṣkān
dīrghakeśām̐ asṛnmukhān |
alābugandhīn undurān
durṇāmno nāśayāmasi ||

stambe jātā adhi bāle
rodākām̐ rudatīṃ tvat |
durṇāmnīḥ sarvāḥ santokā
nāśayāmaḥ sadānvāḥ ||

yāsāṃ jātāni krośanti
bhitsv antar vane jvala
upa vṛkṣeṣu śerate |
(…) ||

yā vātābhra utpatite
carttā varṣeṇa vidyutā
śālā icchanti satvaram |
durṇāmnīḥ sarvāḥ santokā
nāśayāmaḥ sadānvāḥ ||