પૈપ્પલાદ-સંહિતા · અધ્યાય 17.12

અન્તઃપાત્રે રેરિહતિ
દૂર્શે દુર્નિહિતૈષિણિ ।
ઉરુણ્ડે અભિચઙ્ક્રમે
વક્મકે બસ્તવાસિનિ
સર્વાસાં ભણ્વા વઃ સાકં
નામધેયાનિ વિદ્મસિ ।
યતિ જાતાનિ વસ્ તતિ
નશ્યતેતઃ સદાન્વાઃ ॥

કર્ણા દૃષદ્રથામહમ્
ઉરુકીં કેશિનીં ક્રકુમ્ ।
ખડુરીમ્ અમ્બરીષ્યં
નાશયામઃ સદાન્વાઃ ॥ પ્રપાઠક ॥

પણ્ડુગિરાં ફાલદતીમ્
અસંસૂક્તનિગારિણીમ્ ।
અસાતાઃ સર્વા વો બ્રૂમો
નશ્યતેતઃ સદાન્વાઃ ॥

યાઃ શયાનં જમ્ભયન્તિ
નક્તમ્ ઇચ્છન્ત્ય્ આતુરમ્ ।
અથો જનસ્ય સુપ્તસ્ય
મુખા હસ્તાત્ પ્ર રિહન્તિ
દત્સુ દત્કવનોચિતાસ્
તા ઇતો નાશયામસિ ॥

આપતન્તીર્ વિક્ષિણાના
વસ્તગન્ધાઃ સદાન્વાઃ ।
ભણ્વા (અ)સિના તોત્સ્યામિ
તીક્ષ્ણશૃઙ્ગ ઇવર્ષભઃ ॥

સદાન્વાઃ સાદાન્વેયાં
સ્ત્રીપુંસાઁ ઉભયાન્ સહ ।
સહે સહસ્વાન્ સહસા
વિ મૃધો હન્મિ રક્ષસઃ ॥

ચતુર્દંષ્ટ્રાન્ કુમ્ભમુષ્કાન્
દીર્ઘકેશાઁ અસૃન્મુખાન્ ।
અલાબુગન્ધીન્ ઉન્દુરાન્
દુર્ણામ્નો નાશયામસિ ॥

સ્તમ્બે જાતા અધિ બાલે
રોદાકાઁ રુદતીં ત્વત્ ।
દુર્ણામ્નીઃ સર્વાઃ સન્તોકા
નાશયામઃ સદાન્વાઃ ॥

યાસાં જાતાનિ ક્રોશન્તિ
ભિત્સ્વ્ અન્તર્ વને જ્વલ
ઉપ વૃક્ષેષુ શેરતે ।
(…) ॥

યા વાતાભ્ર ઉત્પતિતે
ચર્ત્તા વર્ષેણ વિદ્યુતા
શાલા ઇચ્છન્તિ સત્વરમ્ ।
દુર્ણામ્નીઃ સર્વાઃ સન્તોકા
નાશયામઃ સદાન્વાઃ ॥