Scripture Library

Paippalāda-Saṃhitā · Chapter 16.41

16.41.1

catuḥsraktiṃ paricakrāṃ
kavibhir nimitāṃ mitām |
indrāgnī rakṣataḥ śālām
amṛtau somyaṃ sadaḥ ||

16.41.2

mā naḥ pāśān prati muco
gurur bhāro laghur bhava |
vadhūm iva tvā śāle
yatrakāmaṃ bharāmasi ||

16.41.3

imā āpaḥ pra harāmy
ayakṣmā yakṣmanāśanīḥ |
gṛhān abhi pra sīdāmy
amṛtena sahāgninā ||

16.41.4

pratīcīṃ tvā pratīcīnaḥ
śāle praimy ahiṃsatīm |
agnir hy antar āpaś ca-
-ṛtasya prathamobhā ||

16.41.5

svāhā devebhyaḥ svāhyebhyaḥ
prācyā diśaḥ śālāyā namo mahimne ||

16.41.6

svāhā devebhyaḥ svāhyebhyo
dakṣiṇasyā diśaḥ śālāyā namo mahimne ||

16.41.7

svāhā devebhyaḥ svāhyebhyaḥ
pratīcyā diśaḥ śālāyā namo mahimne ||

16.41.8

svāhā devebhyaḥ svāhyebhya
udīcyā diśaḥ śālāyā namo mahimne ||

16.41.9

svāhā devebhyaḥ svāhyebhyo
dhruvāyā diśaḥ śālāyā namo mahimne ||

16.41.10

svāhā devebhyaḥ svāhyebhya
ūrdhvāyā diśaḥ śālāyā namo mahimne ||

16.41.11

svāhā devebhyaḥ svāhyebhyo
diśodiśaḥ śālāyā namo mahimne ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0