Paippalāda-Saṃhitā · Chapter 16.42

arātīyor bhrātṛvyasya
durhārdo dviṣataḥ śiraḥ |
pra vṛścāmīdam ojasā ||

varma mahyam ayaṃ maṇiḥ
phālāj jātaḥ kariṣyati |
tṛpto manthena māgamad
rasena saha varcasā ||

yat tvā śikvaḥ parāvadhīt
takṣā hastena vāsyā |
āpas tvā tasmāj jīvalāḥ
punantu śucayaḥ śucim ||

hiraṇyasrag ayaṃ maṇir
duhāno vasv akṣitam |
śraddhāṃ yajñaṃ maho dadhad
gṛhe vasatu no 'tithiḥ || [Bhatt. notithiḥ

tasmai ghṛtaṃ surāṃ madhv
annam annaṃ kṣadāmahe |
sa naḥ piteva putrebhyaḥ
śreyaḥśreyaś cikitsatu
devebhyo maṇir etya ||

yam abadhnād bṛhaspatir
maṇiṃ phālaṃ ghṛtaścutam
ugraṃ khadiram ojase |
tena tvaṃ dviṣato jahi ||

tam agniḥ praty amuñcata-
-ājyāya rasāya kaṃ
so asmā ājyaṃ duhe |
bhūyobhūyaḥ śvaḥśvas
tena tvaṃ dviṣato jahi ||

yam abadhnād bṛhaspatir
maṇiṃ phālaṃ ghṛtaścutam
ugraṃ khadiram ojase |
tena tvaṃ dviṣato (…) ||

tam indraḥ praty amuñcata-
-ojase vīryāya kaṃ
so asmai balam id duhe |
(…) ||

taṃ sūryaḥ praty amuñcata
tenemā ajayad diśaḥ
so asmai varca id duhe |
(…) ||