Scripture Library

Paippalāda-Saṃhitā · Chapter 16.37

16.37.1

ut tiṣṭhaiva parehīto
ajñāte kim ihecchasi |
grīvās te kṛtye pādau ca-
-api kartsyāmi nir drava ||

16.37.2

indrāgnī asmān rakṣatāṃ
yau prajānāṃ prajāpatī |
somo rājādhipā mṛḍitā ca-
-ṛtasya naḥ patayo mṛḍayantu ||

16.37.3

bhavāśarvāv asyatāṃ pāpakṛtvane
kṛtyākṛte duṣkṛte
vidyutaṃ devahetim ||

16.37.4

yady eyatha dvipadī catuṣpadī
kṛtyākṛtā saṃbhṛtā viśvarūpā |
seto 'ṣṭāpadī bhūtvā
punaḥ parehi ducchune ||

16.37.5

abhyaktāktā svaraṃkṛtā
sarvaṃ bharantī duritaṃ parehi |
jānīhi kṛtye kartāraṃ
duhiteva pitaraṃ svam ||

16.37.6

parehi kṛtye mā tiṣṭho
viddhasyeva padaṃ naya |
mṛgaḥ sa mṛgayus tvaṃ
na tvā nikartum arhati ||

16.37.7

martyo mṛtyuḥ svayaṃkṛtaṃ
yaṃ cakārācittyā |
hastābhyām ātmane vadham ||

16.37.8

uta hanti pūrvāsinaṃ
pratyādāyāpara iṣvā |
uto pūrvasya nighnato
vi hanty aparaḥ prati ||

16.37.9

etad dhi śṛṇu me vaco
athehi yata eyatha |
yas tvā cakāra taṃ punaḥ ||

16.37.10

anāgohatyaṃ vai bhīmaṃ kṛtye
mā no gām aśvaṃ puruṣaṃ vadhīḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0