પૈપ્પલાદ-સંહિતા · અધ્યાય 16.37

ઉત્ તિષ્ઠૈવ પરેહીતો
અજ્ઞાતે કિમ્ ઇહેચ્છસિ ।
ગ્રીવાસ્ તે કૃત્યે પાદૌ ચ-
-અપિ કર્ત્સ્યામિ નિર્ દ્રવ ॥

ઇન્દ્રાગ્ની અસ્માન્ રક્ષતાં
યૌ પ્રજાનાં પ્રજાપતી ।
સોમો રાજાધિપા મૃડિતા ચ-
-ઋતસ્ય નઃ પતયો મૃડયન્તુ ॥

ભવાશર્વાવ્ અસ્યતાં પાપકૃત્વને
કૃત્યાકૃતે દુષ્કૃતે
વિદ્યુતં દેવહેતિમ્ ॥

યદ્ય્ એયથ દ્વિપદી ચતુષ્પદી
કૃત્યાકૃતા સંભૃતા વિશ્વરૂપા ।
સેતો ઽષ્ટાપદી ભૂત્વા
પુનઃ પરેહિ દુચ્છુને ॥

અભ્યક્તાક્તા સ્વરંકૃતા
સર્વં ભરન્તી દુરિતં પરેહિ ।
જાનીહિ કૃત્યે કર્તારં
દુહિતેવ પિતરં સ્વમ્ ॥

પરેહિ કૃત્યે મા તિષ્ઠો
વિદ્ધસ્યેવ પદં નય ।
મૃગઃ સ મૃગયુસ્ ત્વં
ન ત્વા નિકર્તુમ્ અર્હતિ ॥

મર્ત્યો મૃત્યુઃ સ્વયંકૃતં
યં ચકારાચિત્ત્યા ।
હસ્તાભ્યામ્ આત્મને વધમ્ ॥

ઉત હન્તિ પૂર્વાસિનં
પ્રત્યાદાયાપર ઇષ્વા ।
ઉતો પૂર્વસ્ય નિઘ્નતો
વિ હન્ત્ય્ અપરઃ પ્રતિ ॥

એતદ્ ધિ શૃણુ મે વચો
અથેહિ યત એયથ ।
યસ્ ત્વા ચકાર તં પુનઃ ॥

અનાગોહત્યં વૈ ભીમં કૃત્યે
મા નો ગામ્ અશ્વં પુરુષં વધીઃ ॥