Paippalāda-Saṃhitā · Chapter 16.23
ekaṃ padaṃ not khidati
salilād dhaṃsa utpatan |
yad aṅga sa tam utkhiden
naivādya na śvo
na rātrī nāhaḥ syān
na prajñāyaiti kiṃ cana ||
aṣṭācakraṃ vartata ekanemi
sahasrākṣaraṃ pra puro ni paścāt |
ardhenedaṃ pari babhūva viśvaṃ
yad asyārdhaṃ katamaḥ sa ketuḥ ||
yo asya viśvajanmana
īśe sarvasya ceṣṭataḥ |
anyeṣu kṣipradhanvane
tasmai prāṇa namo 'stu te ||
yo asya sarvajanmana
īśe viśvasya ceṣṭataḥ |
atandro brahmaṇā dhīraḥ
prāṇo mām abhi rakṣatu ||
ūrdhvaḥ supteṣu jāgāra
nanu tīryaṅ ni padyate |
na suptam asya supteṣv
anu śuśrāva kaś cana ||
prāṇa mā mat paryāvṛto
na mad anyo bhaviṣyasi |
apāṃ garbham iva jīvase
prāṇa badhnāmi tvā mayi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0