પૈપ્પલાદ-સંહિતા · અધ્યાય 16.23

એકં પદં નોત્ ખિદતિ
સલિલાદ્ ધંસ ઉત્પતન્ ।
યદ્ અઙ્ગ સ તમ્ ઉત્ખિદેન્
નૈવાદ્ય ન શ્વો
ન રાત્રી નાહઃ સ્યાન્
ન પ્રજ્ઞાયૈતિ કિં ચન ॥

અષ્ટાચક્રં વર્તત એકનેમિ
સહસ્રાક્ષરં પ્ર પુરો નિ પશ્ચાત્ ।
અર્ધેનેદં પરિ બભૂવ વિશ્વં
યદ્ અસ્યાર્ધં કતમઃ સ કેતુઃ ॥

યો અસ્ય વિશ્વજન્મન
ઈશે સર્વસ્ય ચેષ્ટતઃ ।
અન્યેષુ ક્ષિપ્રધન્વને
તસ્મૈ પ્રાણ નમો ઽસ્તુ તે ॥

યો અસ્ય સર્વજન્મન
ઈશે વિશ્વસ્ય ચેષ્ટતઃ ।
અતન્દ્રો બ્રહ્મણા ધીરઃ
પ્રાણો મામ્ અભિ રક્ષતુ ॥

ઊર્ધ્વઃ સુપ્તેષુ જાગાર
નનુ તીર્યઙ્ નિ પદ્યતે ।
ન સુપ્તમ્ અસ્ય સુપ્તેષ્વ્
અનુ શુશ્રાવ કશ્ ચન ॥

પ્રાણ મા મત્ પર્યાવૃતો
ન મદ્ અન્યો ભવિષ્યસિ ।
અપાં ગર્ભમ્ ઇવ જીવસે
પ્રાણ બધ્નામિ ત્વા મયિ ॥