Paippalāda-Saṃhitā · Chapter 16.137
ghṛtaṃ prokṣantī subhagā
devān devī gamiṣyati |
paktāram aghnye mā hiṃsīr
divaṃ prehi śataudane ||
ye pitaro diviṣado 'ntarikṣasadaś ca
ye ceme bhūmyām adhi |
tebhyas tvaṃ dhukṣva sarvadā
kṣīraṃ sarpir atho madhu ||
yat te śiro ye ca śṛṅge
yau karṇau yau ca te akṣyau |
āmikṣāṃ duhratāṃ dātre
kṣīraṃ sarpir atho madhu ||
yat te mukhaṃ yā jihvā
ye dantā ye ca te hanū |
(…) ||
yat te klomā yad dhṛdayaṃ
purītat sahakaṇṭhikā |
(…) ||
yat te yakṛd ye matasne
āntrāṇi yāś ca te gudāḥ |
(…) ||
yas te plāśir yo vaniṣṭur
yau kukṣī yac ca ta udaram |
(…) ||
yas te majjā yāny asthīni
yan māṃsaṃ yac ca lohitam |
(…) ||
yau te bāhū yau te aṃsau
doṣaṇī yā ca te kakut |
(…) ||
ye te skandhā yā grīvā
yāḥ pṛṣṭīr yāś ca parśavaḥ |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0