Paippalāda-Saṃhitā · Chapter 16.138
yau ta ūrū aṣṭhīvantau
ye śroṇī yā ca te bhasat |
(…) ||
yat te pucchaṃ ye te bālā
yad ūdho ye ca te stanāḥ |
(…) ||
yās te jaṅghā yāḥ kuṣṭhikā
ṛtsarā ye ca te śaphāḥ |
(…) ||
yat te carma śataudane
yāni lomāny aghnye |
āmikṣāṃ duhratāṃ dātre
kṣīraṃ sarpir atho madhu ||
ayaṃ te stana āmikṣām
ayaṃ sarpir ayaṃ madhu |
ayaṃ te sarvān kāmān
duhāṃ devi śataudane ||
kroḍau te stāṃ puroḍāśāv
ājyenābhighāritau |
tau pakṣau devi kṛtvā
sā dātāraṃ divaṃ vaha ||
ulūkhale musale ye ca carmaṇi
ye vā śūrpe taṇḍulāḥ kaṇāḥ |
yad vā vāto mātariśvā mamātha-
-agniṣ ṭad dhotā suhutaṃ kṛṇotu ||
apo devīr madhumatīr ghṛtaścuto
brahmaṇāṃ hasteṣu prapṛthak sādayāmi |
yatkāma idam abhiṣiñcāmi vo 'haṃ
tan no astu
vayaṃ syāma patayo rayīṇām ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0