પૈપ્પલાદ-સંહિતા · અધ્યાય 16.137
ઘૃતં પ્રોક્ષન્તી સુભગા
દેવાન્ દેવી ગમિષ્યતિ ।
પક્તારમ્ અઘ્ન્યે મા હિંસીર્
દિવં પ્રેહિ શતૌદને ॥
યે પિતરો દિવિષદો ઽન્તરિક્ષસદશ્ ચ
યે ચેમે ભૂમ્યામ્ અધિ ।
તેભ્યસ્ ત્વં ધુક્ષ્વ સર્વદા
ક્ષીરં સર્પિર્ અથો મધુ ॥
યત્ તે શિરો યે ચ શૃઙ્ગે
યૌ કર્ણૌ યૌ ચ તે અક્ષ્યૌ ।
આમિક્ષાં દુહ્રતાં દાત્રે
ક્ષીરં સર્પિર્ અથો મધુ ॥
યત્ તે મુખં યા જિહ્વા
યે દન્તા યે ચ તે હનૂ ।
(…) ॥
યત્ તે ક્લોમા યદ્ ધૃદયં
પુરીતત્ સહકણ્ઠિકા ।
(…) ॥
યત્ તે યકૃદ્ યે મતસ્ને
આન્ત્રાણિ યાશ્ ચ તે ગુદાઃ ।
(…) ॥
યસ્ તે પ્લાશિર્ યો વનિષ્ટુર્
યૌ કુક્ષી યચ્ ચ ત ઉદરમ્ ।
(…) ॥
યસ્ તે મજ્જા યાન્ય્ અસ્થીનિ
યન્ માંસં યચ્ ચ લોહિતમ્ ।
(…) ॥
યૌ તે બાહૂ યૌ તે અંસૌ
દોષણી યા ચ તે કકુત્ ।
(…) ॥
યે તે સ્કન્ધા યા ગ્રીવા
યાઃ પૃષ્ટીર્ યાશ્ ચ પર્શવઃ ।
(…) ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0