पैप्पलाद-संहिता · अध्याय 16.137
घृतं प्रोक्षन्ती सुभगा
देवान् देवी गमिष्यति ।
पक्तारम् अघ्न्ये मा हिंसीर्
दिवं प्रेहि शतौदने ॥
ये पितरो दिविषदो ऽन्तरिक्षसदश् च
ये चेमे भूम्याम् अधि ।
तेभ्यस् त्वं धुक्ष्व सर्वदा
क्षीरं सर्पिर् अथो मधु ॥
यत् ते शिरो ये च शृङ्गे
यौ कर्णौ यौ च ते अक्ष्यौ ।
आमिक्षां दुह्रतां दात्रे
क्षीरं सर्पिर् अथो मधु ॥
यत् ते मुखं या जिह्वा
ये दन्ता ये च ते हनू ।
(…) ॥
यत् ते क्लोमा यद् धृदयं
पुरीतत् सहकण्ठिका ।
(…) ॥
यत् ते यकृद् ये मतस्ने
आन्त्राणि याश् च ते गुदाः ।
(…) ॥
यस् ते प्लाशिर् यो वनिष्टुर्
यौ कुक्षी यच् च त उदरम् ।
(…) ॥
यस् ते मज्जा यान्य् अस्थीनि
यन् मांसं यच् च लोहितम् ।
(…) ॥
यौ ते बाहू यौ ते अंसौ
दोषणी या च ते ककुत् ।
(…) ॥
ये ते स्कन्धा या ग्रीवा
याः पृष्टीर् याश् च पर्शवः ।
(…) ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0