Paippalāda-Saṃhitā · Chapter 16.105

uruḥ kośo vasudhānas tavāyaṃ
yasminn imā viśvā bhūtāny antaḥ |
sa no mṛḍa paśupate namas te
paraḥ kroṣṭāro abhibhāḥ śvānaḥ |
paro yantv agharudo vikeśyaḥ ||

dhanur bibharṣi haritaṃ hiraṇyayaṃ
sahasraghni śatavadhaṃ śikhaṇḍin |
rudrasyeṣuś carati devahetis
tasmai namo yatamasyāṃ diśītaḥ ||

yo 'bhiyāto nilayate
tvām ugra nicikīrṣati |
paścād anuprayuṅkṣe
taṃ viddhasya padanīr iva ||

bhavārudrau sayujā saṃvidānāv
ubhā ugrau carato vīryāya |
tayor bhūmir antarikṣaṃ svar dyaus
tābhyāṃ namo bhavamatyāya kṛṇmaḥ ||

namas te astv āyate
namo astu parāyate |
namas te rudra tiṣṭhata
āsīnāyota te namaḥ ||

namaḥ sāyaṃ namaḥ prātar
namo rātryā namo divā |
bhavāya ca śarvāya ca-
-ubhābhyām akaraṃ namaḥ ||

sahasrākṣam atipaśyaṃ purastād
rudram asyantaṃ bahudhā vipaścitam |
mopārāma jihvayeyamānam ||

śyāvāsvāṃ kṛṣṇam asitaṃ mṛṇantaṃ
bhīmaṃ rathaṃ keśinaḥ pādayantam |
pūrve pratīmo namo astv asmai ||

mā no 'bhi srā matyaṃ devahetiṃ
mā naḥ krudhaḥ paśupate namas te |
anyatrāsmad divyāṃ śākhāṃ vi dhūnu ||

mā no hiṃsīr adhi brūhi
pari ṇo vṛṅdhi mā krudha |
mā tvayā sam arāmahi ||