Paippalāda-Saṃhitā · Chapter 16.106

mā no aśveṣu goṣu puruṣeṣu
mā gṛdho no ajāviṣu |
anyatrogra vi vartaya
piyārūṇāṃ prajāṃ jahi ||

yasya takmā kāsikā hetir ekā-
-aśvasyeva vṛṣaṇaḥ kranda eti |
abhipūrvaṃ nirṇayate
namo astv asmai ||

yas tiṣṭhati viṣṭabhito antarikṣe
'yajvanaḥ pramṛṇan devapīyūn |
tasmai namo daśabhiḥ śakvarībhiḥ ||

tubhyam āraṇyāḥ paśavo
mṛgā vane hitās tubhyaṃ
vayāṃsi śakunāḥ patatriṇaḥ |
tava yakṣmaṃ paśupate apsv antas
tubhyaṃ kṣaranti divyā āpo vṛdhe ||

śiṃśumārā ajagarāḥ
pulīkayā jaṣā matsyā
rajasā yebhyo asyasi |
na te dūraṃ na pariṣṭha-
-asti te bhava sadyaḥ
sarvāṃ pari paśyasi bhūmim ||

pūrvasmād dhaṃsy uttarasmin samudre
mā no rudra takmanā na viṣeṇa |
mā naḥ saṃ srā divyenāgninā-
-anyatrāsmad vidyutāṃ pātayaitām ||

bhavo divo bhava īśe pṛthivyā
bhava ā papra urv antarikṣam |
tasya na prāpad ducchunā kā caneha ||

bhava rājan yajamānāya mṛḍa
paśūnāṃ hi paśupatir babhūtha |
yaḥ śraddadhāti santi devā iti
catuṣpade dvipade asya mṛḍa ||

mā no mahāntam uta mā no arbhakaṃ
mā naḥ kṣiyantam uta mā no akṣitaḥ |
mā no hiṃsīḥ pitaraṃ mota mātaraṃ
svāṃ tanvaṃ rudra mā rīriṣo naḥ ||

rudrasyailabakārebhyo
'saṃsūktagirebhyaḥ |
idaṃ mahāsyebhyaḥ śvabhyo akaraṃ namaḥ ||

namas te ghoṣiṇībhyo
namas te keśinībhyaḥ |
namaḥ saṃyatībhyo
namo namasvatībhyaḥ ||