Paippalāda-Saṃhitā · Chapter 16.100

indrāya bhāgaṃ savitā kṛṇotv
imaṃ yajñaṃ yajñapatiś ca sūriḥ |
ye no dveṣanty anu tān rabhasva-
-ariṣṭā vīrā yajamānasya sarve ||

pañca lokāḥ pañca rtavaḥ |
pañcasv ṛtuṣv ṛdhnoti
ya evaṃ viduṣe 'jaṃ pañcaudanaṃ dadāti ||

eṣa vai nidāgho yajño
yad ajaḥ pañcaudanaḥ |
nir apriyaṃ bhrātṛvyaṃ dahati
bhavaty ātmanā parāsyāpriyo bhrātṛvyo bhavati
(…) ||

yo vā āyantam ity ṛtuṃ veda |
āyatīm evāpriyasya bhrātṛvyasya śriyam ādatte
bhavaty ātmanā (…)
(…) ||

(…) vai saṃyantam iti (…) |
saṃyatīm eva (…) ||

(…) vai bhavantam iti (…) |
bhavantīm eva (…) ||

(…) vā abhibhavantam iti (…) |
abhibhavantīm eva (…) ||

(…) vā udyantam iti (…) |
udyatīm eva (…) ||

(…) vai mūrdhānam iti (…) |
mūrdhnīm eva (…) ||

yo vai sarvam ity ṛtuṃ veda |
sarvām evāpriyasya bhrātṛvyasya śriyam ādatte
bhavaty ātmanā parāsyāpriyo bhrātṛvyo bhavati
ya evaṃ viduṣe 'jaṃ pañcaudanaṃ dadāti ||

yāvanty asya lomāni
brahmāstṛṇoti vedyām |
tāvatīr asya dhārāḥ
samudrasyevākṣitāḥ ||

duhāṃ kṣīraṃ bhavatu sarpir ebhyaḥ
surā bhūtvopa tiṣṭhāt surāpām |
madhor dhārā madhupebhyo duhāno
'jo nāke tiṣṭhatu modamānaḥ ||