પૈપ્પલાદ-સંહિતા · અધ્યાય 16.100

ઇન્દ્રાય ભાગં સવિતા કૃણોત્વ્
ઇમં યજ્ઞં યજ્ઞપતિશ્ ચ સૂરિઃ ।
યે નો દ્વેષન્ત્ય્ અનુ તાન્ રભસ્વ-
-અરિષ્ટા વીરા યજમાનસ્ય સર્વે ॥

પઞ્ચ લોકાઃ પઞ્ચ ર્તવઃ ।
પઞ્ચસ્વ્ ઋતુષ્વ્ ઋધ્નોતિ
ય એવં વિદુષે ઽજં પઞ્ચૌદનં દદાતિ ॥

એષ વૈ નિદાઘો યજ્ઞો
યદ્ અજઃ પઞ્ચૌદનઃ ।
નિર્ અપ્રિયં ભ્રાતૃવ્યં દહતિ
ભવત્ય્ આત્મના પરાસ્યાપ્રિયો ભ્રાતૃવ્યો ભવતિ
(…) ॥

યો વા આયન્તમ્ ઇત્ય્ ઋતું વેદ ।
આયતીમ્ એવાપ્રિયસ્ય ભ્રાતૃવ્યસ્ય શ્રિયમ્ આદત્તે
ભવત્ય્ આત્મના (…)
(…) ॥

(…) વૈ સંયન્તમ્ ઇતિ (…) ।
સંયતીમ્ એવ (…) ॥

(…) વૈ ભવન્તમ્ ઇતિ (…) ।
ભવન્તીમ્ એવ (…) ॥

(…) વા અભિભવન્તમ્ ઇતિ (…) ।
અભિભવન્તીમ્ એવ (…) ॥

(…) વા ઉદ્યન્તમ્ ઇતિ (…) ।
ઉદ્યતીમ્ એવ (…) ॥

(…) વૈ મૂર્ધાનમ્ ઇતિ (…) ।
મૂર્ધ્નીમ્ એવ (…) ॥

યો વૈ સર્વમ્ ઇત્ય્ ઋતું વેદ ।
સર્વામ્ એવાપ્રિયસ્ય ભ્રાતૃવ્યસ્ય શ્રિયમ્ આદત્તે
ભવત્ય્ આત્મના પરાસ્યાપ્રિયો ભ્રાતૃવ્યો ભવતિ
ય એવં વિદુષે ઽજં પઞ્ચૌદનં દદાતિ ॥

યાવન્ત્ય્ અસ્ય લોમાનિ
બ્રહ્માસ્તૃણોતિ વેદ્યામ્ ।
તાવતીર્ અસ્ય ધારાઃ
સમુદ્રસ્યેવાક્ષિતાઃ ॥

દુહાં ક્ષીરં ભવતુ સર્પિર્ એભ્યઃ
સુરા ભૂત્વોપ તિષ્ઠાત્ સુરાપામ્ ।
મધોર્ ધારા મધુપેભ્યો દુહાનો
ઽજો નાકે તિષ્ઠતુ મોદમાનઃ ॥