Paippalāda-Saṃhitā · Chapter 14.9
andhaṃ rātri tiṣṭhadhūmam
aśīrṣāṇam ahiṃ kṛṇu |
akṣau vṛkasya nir jahy
ā stenaṃ drupade jahi ||
ye te rātry anaḍvāhas
tīkṣṇaśṛṅgāḥ svāśavaḥ |
tebhir no adya pāraya-
-ati durgāṇi viśvahā ||
rātriṃ rātrim ariṣyantas
tarema tanvā vayam |
gambhīram aplavā iva
na tareyur arātayaḥ ||
yathā śāmyākaḥ prapatan
predivān nānu vidyate |
evā rātri pra pātaya
yo asmām̐ abhy aghāyati ||
apa stenaṃ vāsomathaṃ
goajam uta taskaram |
atho yo arvataḥ śiro
+'bhidhāya ninīṣati ||
yad adya rātri subhage
vibhajanty ayovasu |
yad ehy asmān bhrājaya-
-athed anyān upāyasi ||
uṣase naḥ pari dehi
sarvān rātry anāgasaḥ |
uṣā no ahna ā bhajād
ahas tubhyaṃ vibhāvari ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0