પૈપ્પલાદ-સંહિતા · અધ્યાય 14.9

અન્ધં રાત્રિ તિષ્ઠધૂમમ્
અશીર્ષાણમ્ અહિં કૃણુ ।
અક્ષૌ વૃકસ્ય નિર્ જહ્ય્
આ સ્તેનં દ્રુપદે જહિ ॥

યે તે રાત્ર્ય્ અનડ્વાહસ્
તીક્ષ્ણશૃઙ્ગાઃ સ્વાશવઃ ।
તેભિર્ નો અદ્ય પારય-
-અતિ દુર્ગાણિ વિશ્વહા ॥

રાત્રિં રાત્રિમ્ અરિષ્યન્તસ્
તરેમ તન્વા વયમ્ ।
ગમ્ભીરમ્ અપ્લવા ઇવ
ન તરેયુર્ અરાતયઃ ॥

યથા શામ્યાકઃ પ્રપતન્
પ્રેદિવાન્ નાનુ વિદ્યતે ।
એવા રાત્રિ પ્ર પાતય
યો અસ્માઁ અભ્ય્ અઘાયતિ ॥

અપ સ્તેનં વાસોમથં
ગોઅજમ્ ઉત તસ્કરમ્ ।
અથો યો અર્વતઃ શિરો
+ઽભિધાય નિનીષતિ ॥

યદ્ અદ્ય રાત્રિ સુભગે
વિભજન્ત્ય્ અયોવસુ ।
યદ્ એહ્ય્ અસ્માન્ ભ્રાજય-
-અથેદ્ અન્યાન્ ઉપાયસિ ॥

ઉષસે નઃ પરિ દેહિ
સર્વાન્ રાત્ર્ય્ અનાગસઃ ।
ઉષા નો અહ્ન આ ભજાદ્
અહસ્ તુભ્યં વિભાવરિ ॥