Paippalāda-Saṃhitā · Chapter 12.22

nikṣa darbha sapatnān me
nikṣa me pṛtanāyataḥ |
nikṣa me sarvān durhārdo
nikṣa me dviṣato maṇe ||

tṛndhi darbha sapatnān me
tṛndhi me pṛtanāyataḥ |
tṛndhi me sarvān durhārdas
tṛndhi me dviṣato maṇe ||

bhaṅdhi darbha sapatnān me
bhaṅdhi me pṛtanāyataḥ |
bhaṅdhi me sarvān durhārdo
bhaṅdhi me dviṣato maṇe ||

mṛṇa darbha sapatnān me
mṛṇa me pṛtanāyataḥ |
mṛṇa me sarvān durhārdo
mṛṇa me dviṣato maṇe ||

mantha darbha sapatnān me
mantha me pṛtanāyataḥ |
mantha me sarvān durhārdo
mantha me dviṣato maṇe ||

piṇḍhi darbha sapatnān me
piṇḍhi me pṛtanāyataḥ |
piṇḍhi me sarvān durhārdaḥ
piṇḍhi me dviṣato maṇe ||

oṣa darbha sapatnān me
oṣa me pṛtanāyataḥ |
oṣa me sarvān durhārda
oṣa me dviṣato maṇe ||

daha darbha sapatnān me
daha me pṛtanāyataḥ |
daha me sarvān durhārdo
daha me dviṣato maṇe ||

jahi darbha sapatnān me
jahi me pṛtanāyataḥ |
jahi me sarvān durhārdo
jahi me dviṣato maṇe ||

yat te darbha jarāmṛtyū
sa te marmasu varma te |
tenemaṃ varmiṇaṃ kṛtvā
sapatnān jahi vīryaiḥ ||

śataṃ te darbha varmāṇi
sahasraṃ vīryāṇi te |
tam asmai viśve tvāṃ devā
jarase bhartavā aduḥ ||

tvām āhur devavarma
tvāṃ darbha brahmaṇaspatim |
tvām indrasyāhur varma
tvaṃ rāṣṭrāṇi rakṣasi ||

sapatnakṣayaṇaṃ darbhaṃ
dviṣatas tapanaṃ hṛdaḥ |
maṇiṃ kṣatrasya vardhanaṃ
tanūpānaṃ kṛṇomi te ||

yat samudro abhyakrandat
parjanyo vidyutā saha |
tato hiraṇyayo bindus
tato darbho ajāyata ||