Paippalāda-Saṃhitā · Chapter 13.1
antarhitaṃ me bṛhad antarikṣam
antarhitāḥ parvatā agnayo me |
maiṣāṃ rādhy abhicāra eṣa
pratyag enān pratisareṇa hanmi ||
tapaḥśramāv antarau mat parītaṃ
brahmayajñam antaraṃ mad dadhāmi |
(…) ||
agnīṣomāv antarau mad bhavātho
divaṃ varma pṛthivīṃ ca kṛṇve |
(…) ||
antarhitaṃ me sāma prastutam
antarhitaḥ parameṣṭhī prajāpatiḥ |
(…) ||
antarhitā sarparājñī vīrāṇ me
antarhitaḥ puruṣo medhyo me |
(…) ||
antarhitā me ṣaḍ urvīḥ sadhrīcīr
antarhitāḥ sādhyā āptyā me |
(…) ||
(antarhitā) ma ṛṣayaḥ pracetaso
antarhitaḥ sūryo mātariśvā |
(…) ||
antarhitā me nadyaḥ syandamānā
antarhitā oṣadhīḥ puṣpiṇīr me
(…) ||
antarhitāḥ paśavaḥ kakṣyā me
antarhitaṃ vayo yat patatri |
(…) ||
antarhitā ma iṣavo brāhmaṇānām
antarhitā vanaspatayaḥ samūlāḥ |
(…) ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0