પૈપ્પલાદ-સંહિતા · અધ્યાય 12.22

નિક્ષ દર્ભ સપત્નાન્ મે
નિક્ષ મે પૃતનાયતઃ ।
નિક્ષ મે સર્વાન્ દુર્હાર્દો
નિક્ષ મે દ્વિષતો મણે ॥

તૃન્ધિ દર્ભ સપત્નાન્ મે
તૃન્ધિ મે પૃતનાયતઃ ।
તૃન્ધિ મે સર્વાન્ દુર્હાર્દસ્
તૃન્ધિ મે દ્વિષતો મણે ॥

ભઙ્ધિ દર્ભ સપત્નાન્ મે
ભઙ્ધિ મે પૃતનાયતઃ ।
ભઙ્ધિ મે સર્વાન્ દુર્હાર્દો
ભઙ્ધિ મે દ્વિષતો મણે ॥

મૃણ દર્ભ સપત્નાન્ મે
મૃણ મે પૃતનાયતઃ ।
મૃણ મે સર્વાન્ દુર્હાર્દો
મૃણ મે દ્વિષતો મણે ॥

મન્થ દર્ભ સપત્નાન્ મે
મન્થ મે પૃતનાયતઃ ।
મન્થ મે સર્વાન્ દુર્હાર્દો
મન્થ મે દ્વિષતો મણે ॥

પિણ્ઢિ દર્ભ સપત્નાન્ મે
પિણ્ઢિ મે પૃતનાયતઃ ।
પિણ્ઢિ મે સર્વાન્ દુર્હાર્દઃ
પિણ્ઢિ મે દ્વિષતો મણે ॥

ઓષ દર્ભ સપત્નાન્ મે
ઓષ મે પૃતનાયતઃ ।
ઓષ મે સર્વાન્ દુર્હાર્દ
ઓષ મે દ્વિષતો મણે ॥

દહ દર્ભ સપત્નાન્ મે
દહ મે પૃતનાયતઃ ।
દહ મે સર્વાન્ દુર્હાર્દો
દહ મે દ્વિષતો મણે ॥

જહિ દર્ભ સપત્નાન્ મે
જહિ મે પૃતનાયતઃ ।
જહિ મે સર્વાન્ દુર્હાર્દો
જહિ મે દ્વિષતો મણે ॥

યત્ તે દર્ભ જરામૃત્યૂ
સ તે મર્મસુ વર્મ તે ।
તેનેમં વર્મિણં કૃત્વા
સપત્નાન્ જહિ વીર્યૈઃ ॥

શતં તે દર્ભ વર્માણિ
સહસ્રં વીર્યાણિ તે ।
તમ્ અસ્મૈ વિશ્વે ત્વાં દેવા
જરસે ભર્તવા અદુઃ ॥

ત્વામ્ આહુર્ દેવવર્મ
ત્વાં દર્ભ બ્રહ્મણસ્પતિમ્ ।
ત્વામ્ ઇન્દ્રસ્યાહુર્ વર્મ
ત્વં રાષ્ટ્રાણિ રક્ષસિ ॥

સપત્નક્ષયણં દર્ભં
દ્વિષતસ્ તપનં હૃદઃ ।
મણિં ક્ષત્રસ્ય વર્ધનં
તનૂપાનં કૃણોમિ તે ॥

યત્ સમુદ્રો અભ્યક્રન્દત્
પર્જન્યો વિદ્યુતા સહ ।
તતો હિરણ્યયો બિન્દુસ્
તતો દર્ભો અજાયત ॥