Padma Samhita · Chapter 4.8

rājñorāṣṭrasya martyānāṃ yadabhyudayasādhanam /
yaccotpāta praśamanaṃ vyādhīnaṃ cāpanodanam

yadabhipretamakhilaṃ sādhayatya vilambitam /
kurvatāṃ bhagavan tanme tadarcana manuttamam

kathyatāṃ mayi cedasti dayā parama pūruṣa /
rahasyamapi tanmahya mākhyeyaṃ jagato hitam

mahābhiṣeko nāmāgryaṃ snapanaṃ kamalāsana /
viṣuve saṅkrame caiva grahaṇe cāyanadvaye

dvādaśyāṃ śravaṇe caiva tathā kartu strijanmasu /
dinatraye vyatīpāte rohiṇyāṃ ca tithitraye

darśeca paurṇamāsyāṃ ca punarvasvorviśeṣataḥ /
pañcamyāṃ śubhanakṣatra tithivā reṣu cābjaja

prayujyamānaṃ sarvārtha sādhanaṃ sarvaśāntidam /
kartavyaṃ tattridhā brahmannuttamādhamamadhyamam

jātyutkarṣaṃ dhanotkarṣa mathavāvekṣyatatvavit /
prayuññītūttamaṃ snāna mitareṣvitaradbhavet

pūrvedyu raṅkuranyāso badhvā kautukamaṅgalam /
adhivāsaśca bimbasya sadyo vā sakalaṃ bhavet

snapanaṃ pratimāyāssyādadhivāsaśca turmukha /
tīrthapratikṛtau vāpi pūrvālābhe'dhivāsayet

yadvotsa vārthapratimāṃ balibimba mathāpivā /
bimbaṃ karmārthamathavā
asattsakuśakūrcakam

lepamṛṇmayabhittistha paṭastheṣu ca darpaṇam /
kūrcaṃ mūrtyantarābhāvekluptireṣā sanātanī

prāsādasyā grataḥkuryāttatassnapana maṇḍapam /
daśahasta pravistāraṃ dviguṇenāyataṃ śubham

caturdvāraṃ caturdikṣu catustoraṇa bhūṣitam /
sarvāvaraṇa bhūṣveva dikṣu sarvāsu vā bhavet

klupte vā maṇḍape kuryā davakāśānu sārataḥ /
vibhajya tattridhā kuryā ttṛtīye'ṃśe'tha paścime

avalambya brahmasūtraṃ caturaśraṃ samantataḥ /
caturhastāṃ snānavedīṃ hastotsedhāṃ śilādibhiḥ

upānahādisaṃyuktāṃ darśanīyāṃ salakṣaṇām /
upariṣṭācca valayaṃ vṛttaṃ vā caturaśrakam

prādeśena pravistīrṇaṃ tatamaṣṭāṅgulena vā /
ṣaḍaṅgulena vā brahman caturaṅgula munnatam

vedikopari taddhāri kulyāmāśvabhra medinīm /
mṛṇmayādiṣu bimbeṣu bahirvedī prakalpanam

ekabere tu na bahissnā navedī prakalpanam /
dukūlakṣaumavasanai rmaṇḍapaṃ sarvatodiśam

śobhayetpūrṇa kumbhādyaisto raṇaiśca vibhūṣayet /
veṣṭayeddarbha mālābhi rmuktādāmāni lambayet

āsthānamaṇḍape sthāne tathācaivārdha maṇḍape /
toraṇādi na kartavyaṃ gṛharcāyāṃ tathaiva ca

nitye ca snapane nāpi kautukaṃ nāṅkurārpaṇam /
niśācūrṇairnasnapanamiṣyate
maṇḍapa sthalam

gomayāmbobhi rālipya sudhācūrṇaiśca śobhayet /
dīpānā kopayettatranyasyeda ṅkurapālikāḥ

koṇe raudre maṇḍapasya jaladroṇyādibhājanam /
kalpayedgāli tasvādu sugandhi jalapūritam

pavamānādi bhissūktairmantritaṃ sāpidhānakam /
vedidakṣiṇato bhūmā vupasnānāmbu kalpanam

arghyādi dīpaparyantaṃ pūjādravyāṇi kalpayet /
candanārdrāṇi sūtrāṇi caturdaśa nipātayet

prāgāyatāni tāvanti sūtrāṇyeva caturmukha /
udagāyatāni santyevaṃ koṣṭhānye konasaptatiḥ

śataṃ ca teṣāmā yāma vistāraṃ ṣoḍaśāṅgulam /
dhānyapīṭhā nurūpaṃ vā kalaśānāṃ caturmukha

dikṣvaṣṭānu tathā madhye pratyekaṃ nava bhūmiṣu /
nava koṣṭhāni kumbhānāṃ padāni kamalāsana

ekamekādhikāśīti koṣṭhāni kalaśāspadam /
anyānyaṣṭottarāśītī rathyāṃ sammṛjya kalpayet

vrīhibhiḥpīṭhikāṃ kuryātkoṣṭhabhūṣu pṛthakpṛthak /
āḍhakena tadardhena tadardhārdhena vā bhavet

pīṭhikā dhānyaturyāṃśāstaṇḍulāḥ pīṭhikopari /
tatturyāṃ śāstilāsteṣāṃ bhaveyurupari sthitāḥ

dvau dvau ku śāgrau pratyasyet pīṭhikāsucaturmukha /
sauvarṇā rājatāstāmrā mṛṇmayā vā yathāvasu

kalaśā lakṣaṇopetāḥ pakvabimbaphalopamāḥ /
acchidrā ssvanava naśca kālamaṇḍala varjitāḥ

abhinnā mṛṇmayāḥkumbhāḥpāṣāṇa sphoṭavarjitāḥ /
dravyakumbhā droṇapūrṇāstadardhenāthavā'thavā

pādena kalaśāśśiṣṭāḥ pūryāvāryāḍhakena tu /
prakṣālya viṣṇugāyatryā dravyakumbhāṃstathetarān

sthāpayitvā karatale savye'savyena pāṇinā /
indramarudvamantreṇa tantunā pariveṣṭayet

tantūnāṃ viṣṭitānāṃ syā dantarālaṃ yavā ntaram /
ardhāṅgulāntarālaṃ syā dyadvaikāṅgula mantaram

kalaśāspadamedanyāḥpaścime dharaṇītale /
dhānyapīṭhaṃ vidhāyāsmin kalaśānadhivāsayet

dhānyapīṭhe tatastasmin kuśānā stīrya viśvataḥ /
prāgagrānu dagagrāṃśca teṣu kumbhānadhomukhān

omityuccārya vinyasyennava bhūṣu yathottaram /
nyastānā mapi kumbhānā mupariṣṭādyathāpuram

darbhāṃstṛṇī yādācāryomantreṇa parameṣṭhinā /
prokṣayedarghyatoyena prāṅmukhaḥ puruṣātmanā

viśvamantreṇa virire dakṣatā na dhipāsite /
uttāni teṣu kumbheṣu nivṛtyā hvonavidyayā

sarpiṣā ṣṭottaraśataṃ viṣṇugāya triyākṛte /
home hutājya śeṣeṇa snapanadravyasecanam

ghṛtādisnapanadravyai rvastrapūtaiḥ pariṣkṛtaiḥ /
pūrayetka laśāṃstattanmantreḥpūrṇān samuddharet

sarvamantreṇa viśvātman kumbān saptadadaśdhotān /
dravyakumbhān dhānyapīṭhe sthāpaye dviṣṇupūrvayā

gāyatryā ca catuṣṣaṣṭi dvādaśākṣaravidyayā /
udakumbhān krameṇānyān praṅmukho vāpyudaṅmukhaḥ

navake madhyame sthāne sthāvanī yāstu madhyame /
ghṛtakumbhaṃ sthāpayitvā padepautrāmaṇe tataḥ

uṣṇodakumbhaṃ vinyasye dratna kumbha manantaram /
phalakumbhaṃ yamapade lohakumbhaṃ tu nairṛte

prācetase mārjanāmbhaḥ kumbhaṃ gandhāmbumārute /
akṣatāmbu ca kau bere pade śārve yapodakam

prācyāṃ tu kumbhanavake madhye pādya ghaṭaṃ syaset /
arghya kumbhaṃ pade yāmye pade prācetase punaḥ

upasparśana pānīyaṃ pañcagavya mudakpade /
agneya kumbhanavake madhye dadhi ghaṭaṃ nyaset

nairṛte madhyataḥkṣīraṃ vāyavīye ghaṭaṃ madhoḥ /
kaṣāya kumbhamaiśāne sarvatra parito ghaṭān

śuddhodakāṃścatuṣṣaṣṭi maṣṭhāvaṣṭau niveśayet /
saptabhiḥ pañchabhirvāpi yadvā darbhaustribhiḥkṛtān

kūrcān kumbheṣvapāgagrān nikṣipella kṣaṇānvitān /
mahā kumbhe kuśaiḥkūrcaṃ caturviṃśatibhiḥ kṛtam

cakramantreṇa tān kumbhān śarāvairapidhāna yet /
vāsobhi rdravyakalaśā nyupāsupāsa ityṛcā

kaṇṭheṣu veṣṭayedanyān vāsobhi schādayennavaiḥ /
adhīyānaistrayīvidyāṃ vidvadbhi rbrāhmaṇaissaha

ṛtvigbhi ssahadevasya yāyānmantra vidantikam /
ṛtvijo devamutthāpya guruścottiṣṭha vidyayā

sāmnārathanta rākhyena brahmayāne gurussvayam /
sthāpayedṛtvijaissārdhaṃ brāhmaṇai rvedapāragaiḥ

śibhikāyāṃ sthāpayitvā mṛdvāstaraṇa kalpite /
niveśameyuḥ pratimāṃ snāna veditale śucau

puṇyāhaṃ vā cayetpaścātpañcakāla parāyaṇaiḥ /
ayugmaistoṣayedvittaistānvibhūtyanusārataḥ

dvāratoraṇa kumbhādīn samabhyarcya yathāpuram /
dvāreṣva dhyayanaṃ nṛttaṃ vādyaṃ geyaṃ pravartayet

sarpiṣā juhuyādaganau yāvatkalaśasaṅkhyayā /
mūlamantreṇa juhuyā ccaruṃ purvektasajhkhyayā

nṛ sūktena samabhyarcya kalaśān sthāpitān guruḥ /
arghyādi bhistathā devaṃ
ghṛtāropaṇa mācaret

dantakāṣṭhaṃ gandhatailaṃ tathāmalakavāri ca /
vastraṃ datvācottarīya marghyādyai rarcayetpunaḥ

dīpāntamarcanaṃ kṛtvā pādyakumbha mukhai rghaṭaiḥ /
ghṛtakumbhāna sānaiśca snāpaye dde śikottamaḥ

chinnaikatantu muddhṛtya pādyakumbhaṃ samarcitam /
puṣpairdadyātkaratale deśikendrasya mūrtipaḥ

kūrcamādāya kumbhasthaṃ svahaste deśikottamaḥ /
avāgagreṇa kūrcana tīrdhai rbrahmādi bhistataḥ

śubhairvaiṣṇava gāyatryāsnāpayetpādya vāribhiḥ /
tadviṣṇuritimantreṇa snāpayedarghyapāribhiḥ

na teviṣṇu ritiśrutyākumbhenācamanāmbunā /
viṣṇoḥ krameti mantreṇa pañcagavyābhiṣecanam

dadhikrā viṇṇayajuṣā dadhnā devabhiṣecanam /
sāmnā payo pṛtenaiva payasā madhunā punaḥ

madhuvāteti mantreṇa snapanaṃ madhuvidvaṣaḥ /
oṣadhya itimantreṇa kaṣāyāmbhobhiṣecanam

tadviṣṇo riti mantreṇa snānaṃmuṣṇāmbudhārayā /
phalinītyanuvākena snapanaṃ phalavāribhiḥ

śaṃ nodevīriti snānaṃ mantridairmārjanāmbubhiḥ /
sāvitryākṣatapāthobhistrātāra miti sāmabhiḥ

ratnodakairlohatoyairmahāvyāhṛtividyayā /
gandhadvāreti mantreṇa snapanaṃ gandhavāriṇā

śatadhāreti mantreṇa snānaṃ syādyavavāribhiḥ /
ghṛta snāteti mantreṇa ghṛtena snapanaṃ hareḥ

athavā pauruṣai ssūktaiḥkramātpā dyādipāribhiḥ /
ṛgbhiṣṣoḍa śabhissnāna mṛcedaṃ viṣṇurityapi

aṣṭākṣareṇa vā yadvā dvādaśākṣaravidyayā /
viṣṇugāyatriyā vāpi snānaṃ yadvā caturmukha

svamūrti vidyayā vāpi snapanaṃ madhuvidviṣaḥ /
kṣālanaṃ ca ghṛta snāne sāmānyai kuṣṇavāribhiḥ

pādyādi dravya kumbhānā muddhāreṣpantarā ntarā /
śuddhoda kumbhairanyaiśca snānamaṣṭabhi raṣṭabhiḥ

aṣṭākṣareṇa mantreṇa bhaveddevasya padmaja /
upasnānaṃ tathā plotaṃ vastraṃ caipūttarīyakam

arghyaṃ pādyaṃ tathācāmaṃ gandhaṃ puṣpaṃ ca dhūpakam /
dīpaṃ caitāni deyāni pratidravya ghaṭāplavam

uddhareddranva kalaśān viṣṇugāyatrividyayā /
śuddhodakāṃśca kalaśān dvādaśākṣara vidyayā

haridrā taṇḍulai ssvarṇa cūrṇaiḥ kumbhān sasūtrakān /
pūrayennava nirdoṣān saptavā pañca vāthavā

trīṇyekaṃ kumbhamathavā te ca sthāpyāḥ parivyaye /
sāpidhāneṣu kumbheṣu sakūrceṣu samarcayet

śriyaṃ kumbhān samuddhṛtya śrīsū ktenābhiṣecayet /
pūrṇāhutiryathā homecūrṇaissnāsaṃ tathābhavet

pāsudevatanubhraṣṭān cūrṇān paramapāvanān /
yevahanti śirobhissvairnarā nirdhūtakalmaṣāḥ

teyānti vaiṣṇavaṃ sthānaṃ punarāvṛttivarjitam /
abhiṣeka jalaṃ viṣṇo rye pibanti vahanti vā

te sarvitīrthābhiśeka phalamaśnuvate mahat /
kṛtvā pradakṣiṇaṃ natvāstutvā stotreṇa deśikaḥ

tata ssahasra dhārābhi ssnāpayitvā janardanam /
nīrājanāntamiṣṭvaivaṃ
tato'laṅkāra viṣṭare

yajeta mātrādānāntaṃ mātrāsaṅkhyā parivyayaḥ /
khāridroṇaṃ tadardhaṃ vā deyāssyurdeśikāya te

caturvidhāni cānnāni bhojayedbho janāsane /
homānta marcayeddevaṃ deśikendro yathāvidhi

snapanānte tato devaṃ sukhamāsīna māsane /
yāceta yājamānopi sarvamiṣṭaṃ janārdanam

dakṣiṇāṃ deśikendrāya suvarṇaśataniṣkakām /
tadardhaṃ pādamathavā dadyādvi ttānu sārataḥ

kuryādā cāryasātsarvaṃ dravyaṃ pūjāṅga māhṛtam /
vastrādikaṃ tathānyeṣāṃ ṛdvijāṃ tuṣṭimāvahet

nṛttageyaratānāṃ ca tathā svādhyāyaśālinām /
brāhmaṇānāṃ yathā tuṣṭi stathā vittaṃ visarjayet

athamottamametattusnapanaṃ parirīrtitam /
koṇeṣu kumbhairdvāttriṃśatkevalodakapūritaiḥ

tairvihīnaṃ haressnānaṃ jñeyantvadhamamadhyamam /
śuddhoda kumbheryaddhīnaṃ sarvestadadhamādhamam

pādyakumbhe tathā cārghye tathopasparśanāmbhasi /
kumbhe kaṣāyaphalayoḥ kumbhe cākṣatagandhayoḥ

ekaikasmin ghaṭeṣveṣu dravyāṇāmaṣṭakaṃ kṣipet /
pādyādiṣu kramāddravyaṃ tatpramāṇaṃ ca kathyate

tulasī ca tathā padmaṃ dūrva ca syāttathā'kṣatam /
śyāmūkaṃ viṣṇu parṇīṃ ca bhilvapatrāṇi candanam

dravyāṇi candanaṃ muktvā muṣṭimātrāṇi tatphalam /
siddhārthaṃ cākṣataṃ caiva kuśāgraṃ ca tathā phalam

yavāstilāścandanaṃ ca prasavāśca sugandhayaḥ /
phalaṃ supakva meteṣu candanaṃ ca triniṣkakam

śiṣṭāni muṣṭimātrāṇi takkolaṃ campakasya ca /
mukulaṃ ghanasāraṃ ca jātirelāphalāni ca

lavaṅgatvakcandanaṃ ca puṣpāṇi surabhīṇi ca /
palārdhaparimāṇāni pratyekaṃ kamalāsana

śamīpalāśakhadirabilvāśvattha vikaṅkatam /
audumbaraṃ canyagrodhaśśamyādīnāṃ tvacaḥ smṛtāḥ

pratyekaṃ palamānāssyuḥ kadalī bhejapūrakam /
amramāmalakaṃ bhilvaṃ nālikera phalāni ca

panasaṃ mātulaṅgaṃ ca bhinnānyetāni nikṣipet /
nīvāraveṇuśālīnāṃ priyaṅguyuvayorapi

kaṅguṣāṣṭikayoścaiva godhūmasya ca taṇḍulāḥ /
muṣṭipramāṇā vijñeyāḥ kuṅkumaṃ koṣṭhacandane

agarūśīramālāni hriberaṃ girisambhavam /
māṃsī muraṃ ca pratyekaṃ palamātrāṇi padmaja

māṇikyaṃ padmarāgaṃ ca nīlaṃ vajraṃ ca puṣyakam /
pravālaṃ mauktakaṃ caiva tathā maratakaṃ kṣipet

vaiḍūryaṃ navaratnāni tāni ratna ghaṭo dake /
suvarṇaṃ rajataṃ tāmraṃ sīsakaṃ trapukaṃ tathā

kāṃsyamāyasasāraṃ ca saptalohaghaṭo dake /
pratyekaṃ niṣṭamānāni rajanī sūryavartinī

sahadevī śirīṣaṃ ca sadā bhadraṃ kuśāgrakam /
mārjanāni ṣaḍetāni muṣṭimātrāṇi nikṣipet

yavā veṇuyavāścaiva vrīhayaśceti tattrikam /
yapūdake nidhātavyaṃ pratyekaṃ kuḍupaṃ bhavet

pañcagavyāni grahṇīyāsmṛtpātre nūtane śubhe /
gomūtraṃ gomayaṃ kṣīraṃ dadhi sarpiśca pañcamam

kapilāyā jarāyā ? vā pañcigavyaṃ praśasyate /
tayorabhāve tvanyāsāṃ gavāṃ gavyaṃ vidhīyate

nārtāyā na ca garbhiṇyā na vṛddhāyāḥ kadā cana /
nāvatsāyā upādeyaṃ dhenormūtraṃ śakṛddhvayam

bhūmiṣṭhaṃ gomayaṃ grāhyaṃ soṣṇaṃ krimyādyadūṣitam /
niṣpīḍya samyaggṛhṇī yādgomayasya rasaṃ punaḥ

sadyastaptaṃ ghṛtaṃ śuddha mahorātroṣitaṃ dadhi /
kṣīraṃ grāhyamataptaṃ ca daśāhjjanmanaḥ param

go mūtraṃ viṣṇugāyatryā gandhadvāreti gomayam /
āpyāya sveti ca kṣīraṃ dadhikrā vṇeti vai dadhi

ghṛtaṃ śukramasītyevaṃ gavyāni saha yojayet /
viṣṇugāyatriyā yadvā pañcopaniṣadai stuvā

parameṣṭhī śakṛnmantro gomūtrasyatu pūruṣaḥ /
viśvamantro bhaveddadhno nivṛttissarpiṣo bhavet

payasassarvamantrassyātsarveṣā maṣṭavarṇakam /
dadhni dviguṇa māghārā tpīyūṣaṃ triguṇaṃ tataḥ

ṣaḍguṇaṃ mūtrametasmācchakṛdvāri caturguṇam /
snavane kadhitaṃ mānam
prokṣaṇe pañcakaṃ samam

gomayena samaṃ mātraṃ dadhisyāddviguṇaṃ tataḥ /
tataścatugurṇaṇaṃ sarpissarpiṣo'ṣṭa guṇaṃ payaḥ

praśane pañcagavyānāṃ pramāṇa midamīritam /
droṇamānaṃ pañcagavyaṃ ghṛtamānaṃ ca tā dṛśam

tādṛgeva dadhi kṣīraṃ tāvadeva ca mākṣikam /
ardhaṃ pāsyādāḍhakaṃ vānyūnaṃ cedāsuraṃ bhavet

gṛhorcāsnapane nyūnaṃ prasthenaiva prakalpayet /
pādye dravyāntarālābhe dūrvaivā rghyo ca sarṣapāḥ

śastamācamanīye tu takkolaṃ mārjanāmbhasi /
sahadevī gandhatoye candanakṣoda iṣyate

kaṣāyatoye cāśvattha śśītamuṣṇodare sati /
ratnodare vajramekaṃ kadalyekā phalāmbhasi

suvarṇaṃ lohapānīye śāli daṇḍulamakṣate /
yapūdakaghaṭevrīhiśśasyate kamalāsana

alabdhe dadhini kṣīraṃ kṣīrā bhāve tu taddadhi /
madhunyalabdhe sarpīṃṣi tadalābhe bhavenmadhu

alābhe pañcagavyānāṃ ghṛtamevaikamiṣyate /
pañcagavyeṣu yasyasyādalābha statpade ghṛtam

snapanaṃ madhyamaṃ vakṣye yathā tadava dhāraya /
madhye pūrvoktakalaśa sthāpane vihite sati

dvau dvau bahistataḥ paṅktīssammṛjya kamalāsana /
parito vīdikāḥ kuryā dbahistā bhyo ghaṭāspadam

pañcāśata mathaikona kalaśān dikṣu nikṣipet /
pūrvādiṣu pratidiśaṃ ca tasṛṣvambujāsana

catvāro dravyakalaśāsteṣu śuddhodakāḥ pare /
guḻodakaṃ cekṣurasaṃ nālikerajalaṃ tathā

śāntivāri ca pūrvādau kramānnyasyeccatuṣṭayam /
guḻābhāve cekṣurasastastyābhāve guḻodakam

guḻamānaṃ palāśīti rardhamardhārdha meva vā /
nālikera jalābhāve tatthsāne kṣīramiṣyate

tulasīveṇunīvarayavāśca śvetasarṣapāḥ /
tilāśca ṣaṭ śāntikumbhe dravyāṇi tulasī bhavet

muṣṭimātraṃ dravyamanyatpṛtha kkuḍubasammitam /
tulasīdalamanyeṣāmalābhe grāhyamiṣyate

guḻodakādi bhirdravyaissnapane vihite sati /
pādyādi dravyakalaśai rghṛtāntai ssnāpayeddharim

madhuvāteti mantreṇa snapanaṃ guḻavāriṇā /
madhunaktamitisnāna maikṣavena rasena ca

madhumānna itisnānaṃ nālikerāmbhasā punaḥ /
vedāhamitimantreṇa śāntidravya ghaṭāmbubhiḥ

jitaṃ ta iti śuddhena vāriṇā snapanaṃ hareḥ /
madhyamottamamuddiṣṭaṃ madhyame madhyamaṃ punaḥ

caturbhirdravyakalaśai ssnānaṃ śuddhodakairvinā /
bahiṣṭhairdevadevasya madhyamādhama āplavaḥ

sarvaireva dravyakumbhaissarvaiśśuddhodakairvinā /
uttamaṃ snapanaṃ vakṣye yathāvadava dhāraya

vidikṣu dikṣuvatkumbhāsthsāpyāḥ pūrvoktasaṅkhyayā /
teṣu ca dravyakalaśāścatvāro'nye caturmukha

śuddhodakā vidiśyagne rvinyasyenmaṅgalodakam /
indravalyaṅku rāśvatthapallavāśca kuśeśayam

ekapatrāmbhujaṃ kuṣṭhaṃ kuṅkumaṃ rohiṇa drumam /
puṇyāssu manasaścāṣṭau yūdhikā mallikāpi ca

trīṇyutpalāni jātiśca campakaṃ ketakī tathā /
dravyāṇi maṅgalānīti prasyīnmaṅgalapāthasi

aṅkuradvayamekair mekapatraṃ ca paṅkajam /
muṣṭimātraṃ sumanasaśchaikaikaṃ candanādikam

palaṃ pṛthakpṛthakkumbhe nairṛte sakalauṣadhīḥ /
māṃsī kuṣṭhaṃ haridre dvemurā śaileyacambake

mustā vacā ca karpūraṃ pratyekaṃ palasammitam /
piṣṭvā sarvaiṣadighaṭe nikṣipetkamalāsana

vāyavīye sarvagandha dravyāṇāṃ kṣepaṇaṃ ghaṭe /
karpūraṃ kuṅkumaṃ kuṣṭhaṃ māṃsī malayajaṃ muram

priyaṅgu kesaraṃ mustā tamālaṃ nāgakesaram /
māladvayaṃ cakaccoraṃ suraparṇikaresaram

uśīraṃ tagaraṃ lodhraṃ tathaiva haricandanam /
agurudvayaṃ sitaṃ kuṣṭhaṃ kāleyaṃ granthipallavam

mukulaṃ campakasyeti pratyekaṃ palasammitam /
cūrṇīkṛtaṃ samastaṃ ca nya syedgandhodake ghaṭe

mālauṣadhighaṭe śārve mālauṣadhisamarpaṇam /
vyāghrīsiṃhī balā cāgniśśarapuṅkhā śatāvarī

bilvamūlaṃ vacā śuṇṭhī koraṇḍaṃ śatamūlikā /
pratyekaṃ palamānānsyuḥ piṣṭvā kumbhe vinikṣipet

maṅgalodakavastūnāmalābhe candanaṃ varam /
sarvauṣadhīnāmetāsāmalābhe kuṣṭhamiṣyate

alābhe sarvagandhānāṃ śasyate candanaṃ varam /
mālauṣadhīnāṃ sarvāsāmalābhe śasyate balā

adhidaivaṃ samabhyarcya uddhṛtya snāpayetkramāt /
pūrvādidikṣu prathamamāgneyādi tataḥparam

viṣṇornukamiti procyasnāpayenmaṅgalāmbhasā /
oṣadhya iti mantreṇa sarvaiṣadhijalena ca

nārāyaṇānuvākena sarvagandhāmbubhirharim /
yā oṣadhītimantreṇa mālauṣadhijalai stataḥ

astraśuddhodakaissnāyāddvidyayāṣṭākṣarātmanā /
pādyapūrvaṃghṛtāntaṃca snānaṃ deve yathāpuram

uttamottamametattusnapanaṃ parikīrtitam /
ardhaśuddhodakairhīnaṃ bhaveduttamamadhyamam

sarvaśuddhodakairhīna muttamādhama miṣyate /
viṃśatiḥ pañca ca brahman saṅkṣkepe kalaśā matāḥ

catuśśataṃ ca vistāre saptatiśca tri ruttaram /
dravyāṇā matha sarveṣāṃ kathayāmyadhidevatāḥ

ghṛtasya paramātmā ca vāsudevo'dhidevatā /
uṣṇodakumbhe puruṣa ssatyassyāttu phalodake

acyuto mārjane devastvanantaścākṣatodake /
ratnodake keśavassyāllohe nārāyaṇasmsṛtaḥ

gandhodake mādhavassyādgovindassyādyavodake /
pādyodake bhavedviṣṇu rarghye ca madhusūdanaḥ

trivikra mastathā cāme pañcagavyeṣu vāmanaḥ /
dadhini śrīdharo devo hṛṣīkeśaḥ payasyapi

madhunaḥ padmanābhassyāddāmodaraḥ kaṣāyake /
guḻodake varāhassyāt nṛsiṃhaścaikṣavodake

śrīdharo nālikerasya hayāsya śśāntivāriṇaḥ /
vāsudevo maṅgalasya kumbhasya kamalāsana

sarvaiṣadhyambukalaśe devassaṅkarṣaṇasmsṛtaḥ /
pradyumna ssarva gandhasya mālauṣadhye'niruddhakaḥ

mūrtireteṣu kumbheṣu sāṅgapīṭhaṃ samarcayet /
śuddhodakeṣu sarveṣu nārāyaṇasamarcanam

dhānyānāṃ kalaśānāṃ ca devatā syādvasundharā /
kurcānāṃ daivataṃ cāstraṃ cakrakāṇāṃ sudarśanam

pāsaso daivataṃ viṣṇu ssarveṣāṃ vā janārdanaḥ /
ityevaṃ snapanaṃ proktaṃ navadhā tava padmaja

eṣāmanya tamena syātsnānaṃ vittānusārataḥ /
pañcamyāṃ snapanaṃ viṣṇo ryathokta phalamaśnute

trijanmarkṣe daśaguṇaṃ śravaṇe dviguṇaṃ bhavet /
triguṇaṃ śaśinaḥ pūrtau kṣaye śataguṇaṃ bhavet

caturguṇaṃ syāddvādaśyāṃ triguṇaṃ tārakātraye /
saṅkrāntyāṃ ṣaḍguṇaṃ caiva viṣuve triguṇaṃ bhavet

ayane dakṣiṇe snāna mekaṃ śataguṇaṃ bhavet /
ayane'nyatra vihite sahasraguṇa āplavaḥ

vidau vidhuntudagraste snānaṃ triṃśadguṇaṃ hareḥ /
sūrye śatasahasraṃ tu yugānte koṭisammitam

anantaṃ syādvyatīpāte kāleṣveteṣu pūjanam /
anantaroktaphaladaṃ kalpate caturāsana

aṣṭottareṇa kumbhānāṃ śatena kamalāsana /
snapanaṃ kathyate viṣṇo ryathāvadavadhāryatām

brāhmadivya mānuṣeṣu bhāgeṣu triṣu bhāgayoḥ /
ādyayoḥ sphālayetsūtrāṇyekādaśa pṛthak kṣitau

prāgāyatāni tiryakca tatra madhye ca dikṣu ca /
catvāri catvāryaṣṭāsu kumbhasthānāni vīdhikāḥ

anyāni kuryādevaṃ caṣaṭtriṃśatkoṣṭhakaṃ bhavet /
tatra kumbhāṃ stoyapūrṇān vinyasenmānuṣe pade

bhāge nava navāśāsu kumbhānaṣṭasu kalpayet /
aṣṭottaraśataṃ kumbhāssaṃpadyanaitathā sati

brāhme tu madhyame sthāne kalaśānāṃ catuṣṭaye /
ekasmin dravyamāghāraṃ śiṣṭaṃ śuddhodakaṃ trikam

divye tu bhāge prācīne kalaśānāṃ catuṣṭaye /
ekasminnuṣṇamu dakaṃ diśyagne ratnaśambaram

yāmyephalodakaṃ lauhaṃ nairṛtyāmatha vāruṇe /
mārjanaṃ vāyubhāgetu gandhatoya mudagdiśi

akṣatodakamīśāne yavambhaḥkathitā nava /
dravyakumbhā bahirbhāge mānuṣe pūrvavatpade

pādyādi dravyakalaśāḥ pūrvādiṣu yathoditāḥ /
kalpanīyā yathāpūrvamuddṛtya snāvayetkramāt

kumbhairekonapañcāśa tsaṅkhkyairanyadudīryate /
candanārdrāṇi sūtrāṇi daśa prāgāyatāni ca

tathodagāyatāni nyusthsāpyāni kamalāsana /
madhye navasu koṣṭheṣu vinyasetkalaśānnava

dikṣu pratidiśaṃ kumbhān ṣaṭsu koṣṭheṣu tāvataḥ /
vinyasecca turaḥ kumbhān vidikṣvapi pṛthakpṛthak

vīdhayo'nyāni koṣṭhāni dravyāṇi ca yathāpuram /
kumbhānāṃ pañcaviṃśatyā snānamanyadudīryate

pūrvavaddaśa sūtrāṇi sphālayitvā bhuvasthsale /
madhye navasu koṣṭheṣu navakumbhān prakalpayet

prāgādidikṣu pratyekaṃ kalaśāṃ strīnpra kalpayet /
āgneyādiṣu kumbhānāṃ koṇeṣvekaikalpanam

dvau dvau purvādiṣu ghaṭau pārśvataḥ kevalodakau /
aṣṭā tānvarjayitvānye dravyakumbhā yathoditāḥ

madhyame kumbhanavake yathokta dravyapūraṇaṃ /
gandhadravyaiḥ pūrayedvākalaśānvañcaviṃśatim

candanāguru kāśmīra kuṣṭha tagara vīraṇaiḥ /
asitāguruṇā cāpi haricandanavāriṇā

hrībherakardamenāpi navamena ghaṭānnava /
madhyādīśānaparyantaṃ pūrayetkamalāsana

tamālasitakuṣṭhābhyāṃ suraparṇīrajaḥ kaṇaiḥ /
karpūranāgasumanomustācampakakuṭmalaiḥ

priṅgupuṣpakāleyagrandhivallavabhījakaiḥ /
māṃsīkharjūraśaileya hrīberaiśca suradrumaiḥ

mureṇa tairyathā yogaṃ bahiṣṭhānapi ṣoḍaśa /
hitvā bahirvi dikkumbhān yadvānyaissnāpayeddharim

sphālayennava sūtrāṇi yathā pūrvaṃ bhuvasthsale /
brāhmasthāne catuṣkoṣṭhe vinyaseccaturo gharṭā

dvau dvau syātāṃ ca pūrvādi dikṣvaukaikaṃ vidikṣu ca /
ratnaṃ lohaṃ tathā gandhamāghāraṃ ca yathā kramam

dravyāṇi kumbheṣvāgneya koṇādi stheṣvanu kramāt /
bahiraindra pade koṣṭhe dvayoḥkalaśayoryathā

pādyamarghyaṃ tathāgneya koṇe dadhighaṭo bhavet /
yāmye cācamanīyaṃ prāksañcagavyaṃ ca paścime

koṇe tu nairṛte kṣīraṃ paścime tu ghaṭadvaye /
dakṣiṇe'kṣatamanyatra mārjanāmbhastathānile

koṇe madhu tathā saumye kaṣāyāṃ ca kuśodakam /
yapodakaṃ śārvakoṇe dravyaiḥ padyādibhiḥ kramāt

yugbhiṣṭoḍaśabhissūktaiḥ pauruṣai ssnāpayeddharim /
kumbhairdvādaśabhirvāpi caturbhirmadhyamasthitaiḥ

katnena lohena tathā sarvagasthena sarpiṣā /
pūrtairbahirindrādi koṣṭhasthairaṣṭabhirghaṭaiḥ

prācīmārabhya pādyena dadhyarghyakṣīrapūritaiḥ /
tathaipācamanīyena madhunā pañcagavyakaiḥ

phalodakena yadvānyairdravyairdvādaśasammitaiḥ /
madhye'gni koṇe koṣṭhena nairute'guruṇā'nile

grandhipallavabhījena śārve malayajāmbhasā /
bahiḥkrameṇa pūrvādi dikṣvāṣṭāsu caturmukha

kāśmīrajena māṃsyā ca tamālena mureṇa ca /
mūlena parvatotthena suravarṇīrajaḥkaṇaiḥ

campakaprasanakṣodaiḥ śarjūreṇa prapūritaiḥ /
kalaśaissnāpayeddevaṃ navabhirvā vidheḥpade

prāgādidikṣu cāṣṭānu krameṇājyena vastunā /
pādyena dadhnā cārghyeṇa kṣīreṇācamanāmbunā

madhunā pañcagavyena phalenāpi ca pūritaiḥ /
ratnairvā navabhipūrṇaiḥ kumbhairnavabhirlāvaḥ

pañcabhirvā ghaṭairmadhye dikṣu prāgādiṣu sthitaiḥ /
maṇibhiśca pravālaiśca muktābhiḥpūritaiḥkramāt

vajravaiḍūrya śakalairlohairvā pañcabhiśśubhaiḥ /
pañcāmṛtairvā madhunā guḻenājyena pūrayet

dadhnā ca payasā yadvā pañcagavyaiḥkramādbhavet /
ekena vāharessnānaṃ dravyaiḥ pūrvoditairbhavet

vyastaissamastairvā vittaṃ deśakālānusārataḥ /
deyā ca dakṣiṇā svarṇaniṣkāḥkalaśammitāḥ

ardhaṃ pādaṃ tadardhaṃ vā yathāvittānusārataḥ /
snapanaṃ dakṣiṇāhīnaṃ niṣphalaṃ phalakāminaḥ