Padma Samhita · Chapter 4.3

śrūyatāmabhidhāsyāmi brahmannārādhanaṃ hareḥ /
yena viṣṇoḥ padaṃ martyaḥ propnotyamaradurlabham

snānamūlāḥ kriyāssarvāḥ snānaṃ ca bahudhā śrutam /
vāruṇaṃ divyamāgneyaṃ vāyavyaṃ pārthivaṃ tathā

māntraṃ mānasamityevaṃ snānaṃ saptavidhaṃ smṛtam /
nirīkṣya cātmanaśśaktiṃ samayaṃ deśameva ca

etaṣvekataraṃ kuryātsamārādhanatatparaḥ /
avagāhana mapsvantarvāruṇaṃ snānamiṣyate

sahātapena varṣeṇa snānaṃ divyamanantaram /
samidhāṃ dīpitānāṃ ca gomayasya hutasya ca

sitena bhasmanā'ṅgeṣu lalāṭādiṣu cakramāt /
yadūrdhvapuṇḍrakaraṇaṃ mantroccāraṇapūrvakam

tadāgneyaṃ bhavet snānaṃ śodhanaṃ paramaṃ smṛtam /
gacchatsu goṣu pādotthairajobhirbhūmisambhavaiḥ

sparśanaṃ vapuṣassnanaṃ vāyavyaṃ tadudāhṛtam /
praśaste varvatāgrādau jātayā svetamṛtsnayā

uccārya keśavādīnā nāmānyaṅge yathākramam /
lalāṭādau yadvidhāna murdhvapuṇḍrasya tadbhavet

pārthivaṃ snānamabliṅgairmantrairviprakareritaiḥ /
ambhobhiḥ prokṣaṇaṃ brahmaṃ stanmāstraṃ snānamiṣyate

trirācamyā'hataṃ vāsaḥ paridhāya sukhānasaḥ /
prāṇāna yamya māṃ dhyāye ddhṛdayāmbhoruhe sthitam

dhyānenānena nirddhūtakalmaṣo jāyate pumān /
snānaṃ mānasametatsyāt snataśca harimarcayet

ājānu pādau prakṣālya hastau cāmaṇi bandhanāt /
ācamya ca dvārapārśvaṃ gatvāṅganyāsapūrvakam

tālatrayaṃ ca hastābhyāṃ kṛtvā'bhivalajaṃ sthitaḥ /
kavāṭa mudghāṭya tato vāyamantreṇa mantrevit

sāmnā devavratenāntaḥ praviśeddakṣiṇāṅghriṇā /
praṇamecchirasā devaṃ puṇḍarīkākṣa vidyayā

āropiteṣu dīpeṣu mālye cāpi nirāsite /
vedyāṃ pātreṣu bimbeṣu śodhiteṣu yathātatham

dvārapūjāmukhe sarvaparivārasamarcane /
kṛte śiṣyeṇa vā'nyena paricārapareṇa vā

pūjako'laṅkṛtassragvīśuklāmbaradhaṃ śśuciḥ /
śuklopavītottarīyaśca ndanādya nulepanaḥ

candanaśvetamṛtsnāmbu talpitā grordhvapuṇḍrakaḥ /
ārabhya nāsikāmūlaṃ lalāṭāntaṃ likhetkramāt

devapārśvāṃ samāsādya pārśve savyetare svayam /
āsīno viṣṭage śuddhe ṝsyādau svasti kāsane

badhvā padmāsanaṃ vāpi dūryāghoṣe pravartite /
tiraskariṇyāca dvāre niśchidraṃ cchādite tataḥ

astramantreṇa kakubho badhvā dhūmadhvajaṃ bahiḥ /
prākāravat sthitaṃ dhyāyettejo mantreṇa mantravit

cakramudrāṃ ca khe nyasya cakramantreṇa sādhakaḥ /
gopayannitthamātmānaṃ prāṇāyāmaistribhiḥ kramāt

yuktaḥ kṛtvā yogamudrāṃ nābhikanṭe sthitaṃ punaḥ /
vedyākāraṃ vāyubījaṃ dhyātvā tajjena vāyunā

dhūmreṇa dehapāpmānaṃ śoṣayitvā niranvayam /
trikoṇamagnibhījaṃ ca raktavarṇaṃ hṛdambuje

dhyātvā tadutthasaptārciśśikhābhiḥ kalmaṣaṃ dahet /
māhendra bījaṃ vinyasya pītābhaṃ caturaśrakam

kaṇṭhe sahasparśanena stambhayedagnimutthitam /
vāyunā kumbhakenaiva vṛttaṃ sphaṭikasannibham

vinyasya vāruṇaṃ bījaṃ mūrdhni tajjāmṛtāmbhasā /
kṣālayetsarvato dehamāpādatalamastakam

pṛthivyādīni tatvāni samādhiparayā dhiyā /
paramātmani saṃhṛtya pralayakramamāsthitaḥ

pṛthivīṃ pañcaguṇakāṃ pītābhāṃ caturaśrakām /
ghrāṇopasthendriyayutāṃ tanmātrālakṣaṇe tataḥ

gandhe saṃhṛtya yogena gaganena vicakṣaṇaḥ /
kasanā pāyvīndriyābhyāṃ sahāpaśca caturguṇāḥ

ardhacandrākṛti ścaitā stanmātrālakṣaṇe kase /
gandhaṃ ca tanmātrātmānaṃ tatogniṃtryaśrapāṭalam

triguṇaṃ dṛṣṭicaraṇastrotobhyāṃ susamāhitaḥ /
tanmātrālakṣaṇe rūpe rasaṃ tanmātrayā saha

saṃhareddviguṇaṃ vāyuṃ sparśetanmātralakṣaṇe /
dhūmraṃ vṛttaṃ tatkarābhyāṃ rūpaṃ tanmātrayā saha

vāyunā saṃharedyogī khaṃ ca śabdaguṇaṃ punaḥ /
tanmātrālakṣaṇe śabhde nīlotpala dalaprabham

sparśaṃ ca tanmātrātmānaṃ śrutipāksahitaṃ tataḥ /
saṃhṛtya śabdatanmātrāṃ svānte svāntamahaṅkṛtau

ahaṅkṛtiṃ buddhitatve buddhiṃ ca prakṛtau punaḥ /
jīve ca prakṛtiṃ jīvaṃ vāsanāvivaśaṃ tataḥ

susūkṣmaṃ nābhicakre sve bhāskarābhamavasthitam /
nuṣumnayā nāḍikayā padmasūtrasusūkṣmayā

uparyārohayeddehe kumbhakena sabhasvatā /
bhitvā ca brahmaṇo randhraṃ bahirdehādvinirgatam

praviśya bhāskarasyāpi maṇḍalānnirgataṃ bahiḥ /
aśarīraṃ tathā jīvaṃ parasmin brahmaṇi druve

sthitaṃ dhyāyet sthitaṃ tatra svadehaṃ yonijaṃ dahet /
nyastena śikhibhījena pādāgrejvalanaṃ dviṣā

pādādimūrdhaparyantaṃ dagdhe dehe nije tataḥ /
nivṛttibījaṃ khe dhyāye tpūrṇa candrāyuto pamam

tadutthapīyūṣanidhau jā te pāṇḍara paṅkaje /
smarejjīvaṃ samutpannaṃ sakāśādbhrahmaṇa stadā

jīvātpradhānaṃ tasmācca buddhiṃ buddherahaṅkṛtim /
tato manastataśśabdaṃ tanmātrāṃ khaṃ tatassaha

pākchrutibhyāṃ śabdhaguṇaṃ tanmātrāṃ sparśalakṣaṇām /
vāyuṃ sparśaguṇaṃ sārdhaṃ tvacā hastena casmaret

tanmātrāṃ sparśarūpāṃ tāṃ tatogniṃ saha cakṣuṣā /
padbhyāṃ rūpaguṇaṃ rūpatanmātrāṃ ca rasaṃ tataḥ

apo rasaguṇāḥ pāyurasanābhyāṃ sahābjaja /
gandhaṃ ca tanmātrātmānaṃ sahagandhaguṇāṃ bhuvam

samutpannaṃ smaredvidvān phrāṇopasthayutaṃ tathā /
itthaṃ śarīramātmīyaṃ sṛṣṭaṃ mahyādibhūtajam

vicintya paṅkajaṃ budhyā prabuddhaṃ tadvinissṛtaiḥ /
śātakumbhamayaiḥkumbhaiḥ pūrṇairamṛtavāribhiḥ

snāpitaṃ śuddhamanaghaṃ cintayitvā nijaṃ vapuḥ /
ārādhane hare ryogyaṃ parasya paramātmanaḥ

dhyāyannaṣṭākṣaraṃ mantraṃ dvādaśākṣarameva vā /
sṛṣṭisthitilayavyāsai rhastanyāsa purassaram

nyasyedaṅgraṣu mūrdhādi pādānteṣu yathā tatham /
talaṃ pṛṣṭhaṃ cakarayo śśodhayutvāstra vidyayā

aṅgralīnāṃ ca sarvāsāṃ parvasvādyantavartiṣu /
iṣyate praṇavanyāso madhyameṣu ca parvasu

mantrākṣarāṇi vinyasye nnyāsa eṣa sanātanaḥ /
parvadakṣiṇa tarjanyāḥ prakramyāṅguliparvasu

dakṣiṇetaratarjanyāḥ parvāntaṃ sādhakottamaḥ /
sṛṣṭinyāsamimaṃ kuryā dvyatyāsena tu saṃhṛtau

prakramya tarjanīparva kaniṣṭhāparva viśramaḥ /
sthitāvaṣṭākṣarasyeṣa mantrasya nyāsa īritaḥ

dvādaśākṣara mantrasya nyāsassamprati kathyate /
nyāsastavale madhyamayā tarjanyā'ṅguparvaṇi

kṛtvā pradakṣiṇaṃ parnasvaṅguṣṭhenetareṣu tu /
savye tale tu viśrānti ssṛṣṭānaparadhā laye

talayoḥprakramasthāne dakṣiṇetarayordvamayoḥ /
kaniṣṭhayośca viśrāntiḥ parvaṇo rubhayorapi

dvādaśākṣara mantrasya nyāso'yaṃ kamalāsana /
hṛdayādīni cāṅgāni dhyātvā'ṅguṣṭhādi pañcasu

nyasyennakhamukhe netre tale savye gadā dharau /
savyetare padmacakrenyasyesnyāsaḥ karadvaye

īritastalayormantraṃ dhyātvā tejobhiru jvalam /
tābhyāṃ mūrddhādipādāntaṃ dehe nyasye tsamūhitaḥ

vyāpakaṃ kañcukaṃ yadvā mantramakṣaraśastataḥ /
mūrdninetre mukhe citte nābhyāṃ guhye ca jānuni

caraṇau kramaśassṛṣṭau nyāso mantrasya iṣyate /
viparītakramojñeya ssaṃhṛtau pālane punaḥ

nābhyādi pṛdayānteṣu nyāsoṅgeṣu prakīrtitaḥ /
aṣṭākṣarasya mantrasya sthānānyetāni tāni ca

śirasaḥ paścimaṃ pūrvaṃ dakṣiṇaṃ cottaraṃ tataḥ /
catvāri ca caturvaktrasthānāni dvādaśākṣare

mūrdhni madhyamayā'ṅgulyā tarjanyā saha cakṣuṣoḥ /
nyasyenmukhe'nāmikayā sāṅguṣṭhena ca mantravit

aṅguṣṭha tarjanībhyāṃ tu hṛdaye nyasanaṃ bhavet /
tathāṅguṣṭha kaniṣṭhābhyāṃ nābhau nyāsaḥ praśasyate

vināṅguṣṭhena śeṣābhirguhye jānuni cobhayoḥ /
samastābhiścaraṇayo rityaṣṭākṣarabhūmayaḥ

prāgbhāge śirasoṅgulyā nyāso'ṅguṣṭhena dakṣiṇe /
tarjanyā paścime bhāge nyāso'nāmika yottare

kaniṣṭhayātadhaitāssyurdvādaśākṣarabhūmayaḥ /
rūpaṃ kramṇākṣarāṇāṃ nyāsakāle vicintayet

śuklaṃ hiraṇyayaṃ kṛṣṇaṃ raktaṃ kuṅkuma sannibham /
padmakiñjalka sadṛśaṃ sarvavarṇa kamaṣṭakam

sitaṃ kṛṣṇaṃ ca dhūmrābhaṃ śyāmaṃ tārānibhaṃ tataḥ /
sphaṭikābhaṃ ca śajkhābhaṃ kaktaṃ śuklaṃ ca lohitam

tamorūpaṃ pītavarṇaṃ dhvātvāmantradvayākṣaram /
sthāne yathokte vinyasya ṣaḍaṅganyāsamācaret

hṛdayaṃ ca śiraśceva śikhā kavaca meva ca /
netramastraṃ ṣaḍetāni hṛdaye mastake tathā

śikhāyāmānupūrvyeṇa skanthasyobhaya pārśvayoḥ /
netrayordikṣu sarvāsu nyasanīyāni bhūmiṣu

rūpāṇi ṣaṇṇāṃ kumudaṃ bandhūka masitotpalam /
abjakesara mambhoja matasī sūna sannibham

divyāyudhadharaṃ divyavastramālyānu tepanam /
kaustubhaṃ vanamālāṃ ca śrīvatsaṃ divyalakṣaṇam

bibhrāṇaṃ bhāvayetsākṣādātmānaṃ parameśvaram /
arcayennyāsabījāni gandapuṣpādibhiḥ kramāt

mānasairūpa cāraiśca hṛdayāmbhoruhe sdhitam /
homāntamarca yetpūrvaṃ pāsudevaṃ sanātanam

ātma śuddhiriyaṃ proktā mantraśuddhistu kathyate /
ṣadviṃśe nārṇabījena mantrabījāni śoṣayet

saptaviṃśena bījena dahedetāni varṇaśaḥ /
aṣṭāviṃśena bījena khe ca stambha namācaret

ekonatriṃśabījena tānyeva kṣā layetpunaḥ /
huṅkāreṇa prabuddhāni phaṭkāreṇa vicakṣaṇaḥ

kuryādabhimukhānya nvakpraṇavena viśodhayet /
tamakṣamālayā śuddhaṃ japenmantraṃ samāhitaḥ

aṣṭottara śataṃ vārā naṣṭāviṃśati meva vā /
aṣṭhau vāmantravinmantraṃ bījādyanta puṭhīkṛtam

pūjādravyāṇi sarvāṇi kṣālayeccāmbu pūritām /
dakṣiṇe vāmapārśvevā viniveśya gala ntikām

arghyādi pātrāṇyādāya gāyatryā viṣṭhupūrvayā /
prakṣālya pādeṣpādadhyāddevasyāgre'tha padmaja

pādyaṃ madhye dakṣiṇe'rghyaṃ pāme cācamanīyakam /
tasya pārśvasya pārśvetu vāme snānīyapātrakam

pūrṇāni gālitāmbobhiḥ pātrāṇi nigamādinā /
saṃspṛśyārghyādi pātreṣu dravyāṇi viniveśayet

kuśāgramakṣataṃ puṣpaṃ phalaṃ malayajaṃ tathā /
tirlā siddhārthasahitān yavā na rghyasya bhājane

tilān dūrvāṃ viṣṇuparṇīṃ śyāmākaṃ padmamakṣatam /
prādyapātre ṣaḍetāni dravyāṇi viniveśayet

elālavaṅgakarpūraṃ jātītakkola candanam /
puṣpāṇyācamanīye tu pātre dravyāṇi kalpayet

sandhaṃ sarvaiṣadhī ratnaphalabīja kuśāni ca /
tilāni cākṣataṃ caiva dadhikṣīraghṛtāni ca

rajanī dvādaśāṅgāni snānīye ca vinikṣipet /
koṣṭhaṃ māṃsīhiridre dve murāśaileyacampakāḥ

vacākacoramustāśca sarvauṣadhyaḥ prakīrtitāḥ /
tilāni tulasī caiva nikṣipecchānti vāriṇi

dvādaśāraṃ bhāsamānaṃ cakraṃ madhyetu bhāskaram /
haste pāmetare dhyātvādīptaustadraśmibhiḥ punaḥ

dravyāṇi dagdhvāniśśeṣaṃ bhasmībhūtāni tāni ca /
dakṣiṇetarahastasthesite padme vikasvare / 3.97 //
dalaiṣṣoḍaśabhiryukte candraṃ pīyūṣakaśmibhiḥ /
hlaudayantaṃ sthitaṃ dhyātvā tadutthairamṛtāmbubhiḥ

siktāni jātāni puna ryāgayogyāni bhāvayet /
hastayorubhayordevaṃ dhyāyennā rāyaṇaṃ prabhum

tābhyāmarghyādipā treṣu spṛṣṭvā dravyāṇi viśvataḥ /
sakṛtsakṛtsambhṛtāni gāyatryā viṣṇupūrvayā

abhimantrya tato mudrāṃ saurabheyīṃ pradarśayet /
taddugdhena ca pātrāṇi pūritāni vicintayet

omarghyamityādi pūrvaṃ kalpayāmīti coccaran /
spṛśetpātrāṇi hastena pātre'nyasminnana ntaram

arghyapātrājjalaṃ kiñcadgṛhītvā viniveśayet /
dakṣiṇaetarahaste tat pātraṃ saṃsthāpya mantrayet

manraiṇa mūlabhūtena vārān saptatadambanā /
paṭhaṃsaināstra mantreṇa dravyāṇyātmānameva ca

prokṣya kūrcena devasya yogapīṭhaṃ prakalpayet /
abhinne sahaje pīṭhe pratimāyāścaturmukha

ādhāraṃ prathamaṃ rūrmaṃ kālāgniṃ tadanantaram /
upariṣṭācca bhogīndraṃ paṇābhirbhūmimaṇḍalam

caturaśraṃ sahasreṇa bibhrāṇaṃ balavattaram /
bhuvaścopari dharmādyāḥ kalpyā yogāsanāṅghrayaḥ

āgneyādiṣu catvāraścatasṛṣveva padmaja /
adharmādyāśca tāvantaḥ prāgādyāsu yathākram

āśāsu tāvatīṣveva puruṣākṛtayasthsatāḥ /
caturbhujāssiṃhavaktrāssitāḥ pūrva'ruṇāḥ pare

hastābhyāmapi mukhyābhyāṃ racitāñjali sampuṭāḥ /
avarābhyāṃ ca bibhrāṇā hastābhyāṃ yogapīṭhikām

madhye sadā śivo deva stadvadeva pratiṣṭhitaḥ /
athavā puruhūtādyā dikṣu prāgādiṣu kramāt

aṣṭāvaṣṭanu pīṭhasya pādarūpeṇa dhārakāḥ /
īṣāścatasraḥ pūrvādyāḥ tasya veda catuṣṭayam

ahaṅkārāstrayaḥ pāśā guṇāssatvādayo guṇāḥ /
tūlikā pañcabhūtātmā jīvātmāstaraṇaṃ tathā

agne ssomasya sūryasya maṇḍalānyu parikramāt /
ambhojamupariṣṭācca valarkṣaṃdvādaśacchadam

smerakesarasampūrṇaṃ madhye vipulakarṇikam /
bhadrāsanaṃ kalpayītvā yatho ktenaiva vartmānā

arcayedgandhapuṣpādyaiḥ pīṭhapārśvaitu dakṣiṇe /
brahmāṇaṃ viṣṇu mīśānaṃ samārādhya tathottare

sanatkumāraṃ sanakaṃ sanandaṃ ca sabhājayet /
pārśveca paścime durgāṃ vighneśaṃ nāradaṃ tathā

ātmanaśca gurūn dhyātvā prārabhetācyutārcanam /
āvāhanapadaṃ pātraṃ prakṣālitamathāmbabhiḥ

pūramesmūlamantreṇa hastābhyāṃ ca samuddharet /
lalāṭasamametasminnantarāvāhya keśavam

mūlabimbhā dyathādīpaṃ dīpādavikṛtaṃ tathā /
yaturucchārayenmantramāgaccha padasaṃ yutam

tenatoyena karmārcāṃsiñketkūrcena mūrdhani /
tatra sannihitaṃ devaṃ karmārcāyāṃ vicintayet

praṇamyakiñcadutthāya svāgato kairanantaram /
darśayetpratimāmudrāṃ kalpayītvā ca sannidhim

yāgāvasānikīṃ tatra prārthayeta hareḥ sthitam /
sammukhīkaraṇaṃ kuryātpuṇḍarīkākṣavidyayā

dadyācca mūlamantreṇa saparyāsanamāditaḥ /
yathā dehe tathārcāyāṃ mantranyāsaṃ samācaret

hastanyāsaṃ vinā śaṅkhacakramudrāṃ pradarśayet /
nāvāhayedekabere surasiddhāvatārite

ṛṣibhirmanujairvāpi sthāpite niścale harai /
susthate'bhimukhībhāvasta devāvāhanaṃ hareḥ

yathāgnimāhitaṃ kuṇḍe yathā vā puruṣaṃ sthitam /
kāle prabodhayedevamarcane bodhayeddharim

kalpanaṃ yogapīṭhasya mantranyasanameva ca /
bimbe sthire sadā kāryaṃ pūjārambhe caturmukha

arghyavastrāmbarākalpa puṣpagandhānulepanaiḥ /
pratyarcitaṃ sthitaṃ dhyāyetpādyacamanayoḥpunaḥ

āsīnaṃ snānakāle ca padmāsanasukhāsane /
naivedyadhūpadīpādāpāsīnaṃ svastikāsane

upacāreṣu cānyatra tattatkarmānusārataḥ /
sthitamāsīnamathavā devaṃ dhyāyeta pūjakaḥ

arcayāmīti sāmnātu kṣipetpuṣpāñjaliṃ hareḥ /
vibho sakalalokeśa viṣṇo jiṣṇo prabho hare

tvāṃ bhaktyā pūjayāmyadya bhogai rarghyūdibhiḥ kramāt /
divyenārghyopacāreṇa yathāśakti yathāvidhi

arcayiṣyāmi samaye bhagavantaṃ janārdanam /
iti vijñāvya deveśaṃ yajedarghyādibhiḥkramāt

bhaktinamreṇa śirasā dadyādarghyaṃca mūrdhani /
pādāravindayordadyātpādyaṃ pādyapratigrahe

dhyāyedācamanīyasya dānakāle jagardurum /
ācāmantamivāmbhobhi ssākṣādambhaḥ pratigrahe

upacaryopacāreṇa madhuparkādinā harim /
hastābhyāṃ śirasā padbhyāṃ manasā cadhiyā tathā

ahaṅkāreṇa cātmānaṃ nipātya dharaṇī tale /
anena praṇipātena praṇipatya janārdanam

daso'haṃ te jagannāthasavutrādiparigrahaḥ /
preṣyaṃ praśādhi kartavye māṃ niyuṅkṣvahite sadā

iti vijñāpya deveśaṃ parivārām prakalpayet /
yogāsanābjapatreṣu pūrvādiṣu yathākramam

dvādaśa dvādaśasveva śaktīśśrīvatsapūrvikāḥ /
śrīvatsaṃ vanamālāṃ camāyāṃ yogātmikāṃ tathā

vaiṣṇavīṃ vimalāṃ sṛṣṭiṃ śaktimutkarṣiṇīmapi /
prajñāṃ satyāṃ tatheśānāmanukampāṃpitāmahīṃ

prathamāvaraṇe cāpi dakṣu prāgādiṣu kramāt /
vyāptiṃ kāntiṃcatṛptiṃcaśraddhāṃ vidyāṃ jayāṃ kṣamām

śāntiṃca śaktīraṣṭaitāḥ kṛtvā cāmaradhāriṇīḥ /
tato dvitīyāvaraṇe saṅkhadyāyudhadhāriṇaḥ

puruṣānaṣṭa pūrvādiṣvānu pūrvyeṇa kalpayet /
tṛtīyāvaraṇe svāsu dikṣvindrādīn prakalpayet

bahirāvaraṇe tārkṣyaṃ bhagavatpramukhaṃ tathā /
viṣvaksesaṃ tadhai śānyāṃ dvitīyāvaraṇādbahiḥ

parivārā nirīkṣeran sarve prāñjalayo harim /
dadyācca pāduke snātumutthānasamaye hareḥ

idaṃviṣṇuriti dvābhyāṃ pādukārohaṇaṃ hareḥ /
uddharecca hariṃ snātumuttiṣṭha brahmaṇasspate

itimantreṇa deveśaṃ prāpayet snānapīṭhikām /
mantrastu bhadraṃkarṇebhiriti snānāsanāsane

sāvitryā vitaredarghyaṃ pādyaṃ trīṇipadeti ca /
āpaḥ punantvityetena mantreṇācamanakriyā

dantadhāvana kāṣṭhaṃ ca tadviṣṇoriti nirvapet /
abhyaṅgaṃ pāmadaivyena kuryādudvartanaṃ punaḥ

kāryaṃ viṣṇornukamiti mantreṇāmalakādikaṃ /
pratadviṣṇuriti kṣālyamabhiṣeka vidhistataḥ

apāhiṣṭheti tisṛbhiratodevā avantviti /
kaṅkatena mṛjetkeśān kalaśaissnapanaṃ tataḥ

hiraṇyavarṇāṃ hariṇīmiti lepo haridrayā /
hiraṇyavarṇāṃ śśucayaḥpāvaketi catasṛbhiḥ

kṣālyo sandhāmbunā dehaḥ punastaṃ kuñkumenatu /
ālipya viṣṇugāyatryā kṣālametpāvamānībhiḥ

brahmajijñānamiti ca kayānaścitra abhuvat /
ityeva marghyapādyādyai ryajedādyaṃ maheśvaram

pariṣicya tu sāvitryā sūktena puruṣātmanā /
sahasradhārayā snānaṃ yadvākumbhena tadbhavet

agnirmūrddhetimantreṇa plotenāṅgāmbu nirhṛtiḥ /
viṣṇugāyatriyā dadyā dvastre dve dhautanirmale

praṇavena brahmasūtramuttarīyaṃ ca kalpayet /
acāntamanvadhiṣṭhāya pāduke maṇḍanāsane

sukhāsīnāya devāya prāgvadarghyādi narvapet /
dhūpenāguruje nārdrāmūrdhrānaṃ divaityṛcā

keśān saṃśoṣya śucinā candanena sugandhinā /
idaṃ viṣṇuriti śrutyā lepanaṃ vapuṣismṛtam

jitaṃ ta itimantreṇa maṇḍanairapi maṇḍayet /
puṣpāṇi dadyātta dviṣṇo ritimantreṇa mantravit

irāvatīti mantreṇa pādayorakṣatān kṣipet /
añjanaṃ viṣṇugāyatryāvyāhṛtyādarvaṇekṣaṇam

jitaṃ ta iti dhūpaiśca dhūpayedagurūtthitaiḥ /
uddhīpyasveti mantreṇa dīpāropaṇa miṣyate

tilān vastraṃ tathā hema tāmbulaṃ taṇḍulānapi /
phalāni gavyamāghāraṃ gāścadhyānaṃ yathāvasu

gogrāsaṃ deśikāyaiva dadyāddevasya sannidhau /
adhipasya tathā rājño rāṣṭrasya sakalasya ca

prajānāṃ brāhmaṇādīnāṃ dānamabhyudayāvaham /
apanīte yavanikāpaṭe bhaktānukampayā

ghoṣayettūryaghoṣeṇa nṛttaṃ gītaṃ tathācaret /
stotrāṇi ca kathāścitrā vedanāṅgāni ṣaṭe tathā

paṭheyuragre devasya sarvamanyacca maṅgalam /
ācare tpāduke datvā gamayedbhojanāsanam

datvārghyaṃ pādyamācāmaṃ madhuparkaṃ nivedayet /
praṇavena tato dadyā ttāmbūlīmāsya śodhanīm

ha virnavedayetsiddhaṃ bhojyabhakṣyādikaṃ tathā /
madhurāti kasopetaṃ vidhyuktaṃ susamāhiteḥ

susaṃskṛtaiśca niṣpannairyaktamanyaiḥphalādibhiḥ /
apaktairapatipakvaiśca yathā yogaṃ prakalpayet

rājopacāra vatsarvamupa cāre prakalpayet /
prokṣitaṃ cāstramantreṇa pariṣicya ca marmaṇā

praṇavenārhaṇe datte dahanāplāvanādike /
kṛte ca surabhīmudrāṃ darśayitvāca deśikaḥ

nyaste'rghyapuṣṭe saṃspṛṣṭe viṣṇuhaste samādhinā /
anvārabdhena savyena pāṇinā dakṣiṇena tu

pragṛhī tārghyapuṣpeṇa darśitagrāsamudrayā /
devasya tveti mantreṇa nai vedyaṃ tadyathodiśam

devasya dakṣiṇe haste nirvapetsādharassvayam /
datte'nnapānake haste pānīye ca susaṃskṛte

kṛte cācamane dadyāttāmbhūlī māsyaśodhinīm /
kriyākalāpaṃ pūjādai karmārcāyāṃ yadīritam

tatsarvaṃ dhruvaberādau yathāsambhavamācaret /
arghyādiṣūpacāreṣu kartavyeṣu yathātatham

mantrapūrveṣu sarvaṣu vācamenāmudīrayet /
divyenārghyopacāreṇa yathāśakti yathāvidhi

arcayicyāmi samaye bhagavantaṃ janārdanam /
ityādikāmavitathāṃ pūjakassusamāhitaḥ

caturbhirevagandhādyaiḥ paripārārcanaṃ matam /
sarvasminnupacāre ca stutyante'puṣṭhite punaḥ

japecca pūjako mantraṃ yathodīritasañkhyayā /
dvādaśākṣaramanyaṃ vā tadante huhuyādbahiḥ

bhūtebhyo balidānaṃ ca kuryānnityaṃ mahotsavam /
vijñāpya devadeveśaṃ pūjakaḥ praṇametsvayam

ādadītāvaśiṣṭāni pūjāvastūni kṛtsnaśaḥ /
tairātmapūjanaṃ kuryāttuṣyettenāpi keśavaḥ

mantrairyathoktairārādhya sūktena puruṣeṇa vā /
athavādvādaśārṇādyairmantrairbimbhamukhe harim

prapadyate paraṃ śreyā niṣkāmo yadi pūjakaḥ /
kāmanāyāstu kāmyāni phalāni prati padyate