Padma Samhita · Chapter 4.4

bhagavannutsavo nityo homaścāgnau puroditaḥ /
sa kathaṃ pūjakaiḥkāryaḥ kathayasva yathātatham

dvārasthānagnyagārasya caṇḍādīna rcayetkramāt /
antaḥ praviśya śakṛdālipte kuṇḍe'kṣatārcite

upaviśyātmanaḥ pārśve dakṣiṇe puṣpabhājanam /
anyāni homadravyāṇi vāmapārśvetu nikṣipet

kuṇḍasyottarapārśvetu prāgagreṣu kuśeṣu ca /
ājyapātraṃ carusthālīṃ prokṣaṇiṃ samidhaḥkukān

praṇītāṃ taṇḍulān toyaṃ paridhīn sruksruvai tathā /
darvīmagnerviharaṇaṃ vyajanāni ca mekṣaṇam

śuṣkaṃ ca kāṣṭhaṃ ghaṇṭāṃ ca gandhadravyaṃ ca sākṣatam /
dvandvāni ca prayojyāni nyañci satyeva sambhave

kuṇḍamadhye tatastisrorekhāḥprāgāyatāḥ pṛthak /
tathodagāyatāstisrolikhitvā mūlavidyayā

darbhastambadvayenādbhi rubhyukṣyādāya pāvakam /
mathitaṃ laukikaṃ yadvā nidhāya ca vihṛtya ca

adbhiḥ parisamūhyāgniṃ paristīrya tribhistribhiḥ /
prāgagrairudagagraiśca darbhaiḥ pañcabhireva vā

saptabhirnava bhirvāpi yadvaikādaśasammitaiḥ /
granthīkṛtāgrairadvandvaiḥpañcaviṃśatiniṣṭhitaiḥ

tatrāgnimadhye'pāṃ pūrṇāṃ praṇītāmakṣatārcitām /
nidhāya darbhayugmena kūrcaṃ prādeśasammitam

nirmāyācchādanaṃ tasya tribhirdarbaiḥ pavitritaiḥ /
kū rcena tena prokṣaṇyāṃ praṇītājalamāvapet

prokṣaṇī mātmanaścāgre sarūrcāṃ nyasya mantravit /
aṅguṣṭhānāmikābhyāṃtukūrcaṃtatkarayordvayoḥ

punarāghāramutpūya triḥprokṣya prokṣaṇīṃ punaḥ /
homadravyāṇi sarvāṇi prokṣayettena vāriṇā

spṛśecca tāni dravyāṇi nāmādeśaṃ yathā tatham /
sravāpayetprokṣaṇīvāri prādakṣiṇyena tāṃ punaḥ

kṛtvāmbhaḥ pūritāṃ devaṃ praṇītāyāṃ sabhājayet /
agnerdakṣiṇato darbhakūrca tanmayaviṣṭare

āvāhya buddhyā brahmāṇamiṣṭhvā prakṣālya vāriṇā /
viṣṇugāyatriyā sthālīmāḍhakaṃ tatra taṇḍulān

prakṣipya hṛdayādyaṅgaiḥ prakṣālyāgnāvadhiśrapet /
ājyasthālyāṃ nirūpyājyaṃ drāvitaṃ gālitaṃ tathā

tatra pratyasya darbhāgradvayaṃ mantreṇa mantravit /
aṅgāreṣu nidhāyāgnau tāṃ dīptenātha barhiṣā

paryagnikuryāduttārya yathāsthānaṃ niveśayet /
utpūyotlpavanaṃ kūrcamadbhispṛṣṭvā hyuṣarbudhe

prahṛtya cāmṛtīkṛtya ghṛtaṃ surabhimudrayā /
avakuṇṭhya ca dikpālā nindrādīn pūjayetkramāt

uṣṇodakena prakṣālya sruksruvai kuśapañcakam /
kūrcamādāya tau tena mūle madhye ca mūrdhani

sammṛjya kūrcamūlena madhyenāgreṇa cakramāt /
niṣṭapyāgnau nidhātavyai tāvudīcyā mathātmanaḥ

suvreṇājyaṃ samādāya homavastūni secayet /
caruṃ cājyena saṃsicya pārśvetamavaropayet

kevalānnaṃ tathā maudgaṃ pāyasānnaṃ gulodanam /
caturvidhaścarurjñeyaḥ pākaśculyāmapīṣyate

yādṛṅni vedyate bimbehotavyaścāpi tādṛśaḥ /
udak saṃsthāḥ paridhayaḥ pratyagārambhaṇā stathā

nidhātavyāśśikhīśānakoṇayo ssamidhau tathā /
ūrdhve nidhāya manasā dhyāyannidhmān prajāpatim

ekatogrān sakṛtsañcadaśoktān muṣṭimudrayā /
ādadhyādājyapātraṃ ca kuśamārcena veṣṭite

vāme kare nidhāyāgnāvāghārāhutimācaret /
prājāpatyaṃ tathācaindramājya bhāgamathācaret

āgneyaṃ dakṣiṇe bhāge saumyaṃ bhāgamathottare /
madhyevyāhṛtibhirhutvāsmaredagni manantaram

dviśīrṣakaṃ saptahastaṃ tripādaṃ saptajihvakam /
varadaṃ śaktipāṇiṃ ca bibhrāṇaṃ sruksruvai tathā

abhītidaṃ carmadharaṃ vāme cājyadharaṃ kare /
jihvāyāṃ dakṣiṇe vaktredhūmrāyāṃ māraṇādikam

lohinyāṃ tu vaśīkāraḥ kālyāṃ karma ca śāntikam /
sarvasiddhi ssphuliṅginyā mānane dakṣiṇetare

viśvarūparasajñāyā maṇimādi mahāphalam /
karālikā vijayadā puṣṭidā ca manūjavā

kārṣṇyaṃ lauhityametāsāṃ varṇaśyāmatvameva ca /
sphuliṅgarūpaṃ catato varṇassphaṭika sannibhaḥ

tapanīyanibhaḥ phrokto jihvānāmānu pūrvaśaḥ /
tilānāghāra samidho juhuyā jjātaśāntaye

aṣṭottaraśataṃ vārān dvādaśākṣaravidyayā /
pūrṇāhutyavasāne tu dhyātvā jvalasamarcayet

gandhādyairātmanū dadyādakṣatāni ca varmaṇā /
pariṣiñcejjalenāgniṃ tanmadhye yogapīṭhikām

kalpayītvā ca tanmantrairjuhuyātsarpiṣā sakṛt /
atrāvatārya hṛdayācci drūpaṃ parameśvaram

sakalīkṛtya mantrasya nyāsaṃ kuryādyathāvidhi /
arghyapūrvaṃ nivedyānnaṃ narpiṣā juhuyātsakṛt

japārthaṃ ca sakṛnmantrairjuhuyātsarpiṣā tataḥ /
samidbhirvā dalaiḥ puṣpairbījairvāpyatha vāphalaiḥ

parivārārthamapyevaṃ sarpiṣā juhuyātsakṛt /
ārādhanaṃ hareretatsaptārciṣi caturmukha

ārādhanaṃ cedanyatra pratimādāvanantaram /
juhuyātsamidādyaistrervakṣyamāṇena vartmanā

āyāmassamidhāṃ tālaṃ kaniṣṭhā nahanaṃ kramāt /
carmahīne vināśassyādbhede kṣīṇaṃ kulaṃ bhavet

ārdrāsu bandhunāśassyātputranāśaḥ purātane /
kṣatāsu bhāryāmaraṇaṃ kalahāya ca śākhinī

udvegāya bhavet sthūlā hrāsvā'vagrahakāriṇī /
dīrghāti vṛṣṭi jananī tyājyā doṣayutā samit

śataṃ tadardhaṃ pādaṃ pā samidho'ṣṭau yathoditāḥ /
tadardhaṃ vā ghṛtāktāstā juhuyānmūlavidyayā

ājyāvasiktāścatvāraḥ pratpṛcaṃ grāsamudrayā /
nṛsūktena ca hotavyā mūlamantreṇa sarpiṣā

śatādisaṅkhyayā homo dhyātvā paramapuruṣam /
sruveṇa juhuyādājyaṃ hasteva samidhaṃ punaḥ

caruṃ palāśapātreṇa yadvā hastādinā bhavet /
hutvā purṇāhutiṃ pūrvaṃ tataśśāntiṃ prakalpayet

yajñavṛkṣodbhavaiśśānnissaubhāgyaṃ kusumaiśśubhaiḥ /
dhūpadravyessadārogyaṃ puṣṭiṃ dadhnā payaśśuci

annena vividhān kāmānājyenāyuṣmatīḥ prajāḥ /
śvetapadmaistu juhuyādicchan brahmaśriyaṃ naraḥ

lakṣmīpuṣpaistu juhuyā llakṣmīkāmo'tha vāruṇaiḥ /
padmairbilva samidbhirvā jñānakāmastu sarpiṣā

kanyākāmaḥ kālapuṣṭai rgokāmo gomayaiḥ punaḥ /
āyuṣkāmastu dūrvābhirbhūtikāmastu mṛtsnayā

yavāgvendriyakāmastu tilaissarvajanapriyaḥ /
brahmavarcakāmastu brahmavṛkṣasamudbhavaiḥ

veṇubhiśca yavaiścaiva nīvāraiśśālibhi stathā /
sarve kāmāḥprasiddhyanti hoturbhījairyathoditaiḥ

lājahomena sidhyanti sarve kāmā na saṃśayaḥ /
antekannādikāmastu putrakāmastu pāyasaiḥ

nimbapuṣpai rhiraṇyārthī sarvaṃ sidhyati sarpiṣā /
home sarparmadhukṣīradhārā syāccaturaṅgulā

śuktirdadhyāhutirgrāsaṃ pāyasājyāhutirbhavet /
bhakṣyāhuti stadardhaṃ syātphalaiḥ puṣpairakhaṇḍitaiḥ

niṣpāvabījamānā tu dhūpadravyāhutirbhavet /
tilavrīhi yavādyestu muṣṭyardhārdhāhutiḥ kramāt

aṣṭāṅgulā tadardhāvā samiddhūrvā ṣaḍaṅgulā /
mṛdvīkā'kṣapramāṇā tu gomayāhutiriṣyate

pūrṇāhutirghṛtasya syātkuḍubena caturmukha /
nyūnādhikapramāṇāṃ tu havyakavyāhutiṃ kṛtām

bhuñjanti dānavā daityā na phalāya ca kalpate /
kukkuṭāṇḍa pramāṇaṃ tu caroḥ piṇḍaṃ ghṛtāplutam

nikṣipya casrucorgate abhighārya sruveṇa ca /
sasamiddarbhakusumaṃ juhuyānmūla vidyayā

prāyaścittārthamājyenapaḍhañcopaniṣadā punaḥ /
srucamājyena sampūrya sadarbhaṃ samidhānvitam

uddhṛtya nāsikāgrāntamabhighārya sruveṇa ca /
jāhuyānmūlamantreṇa pūrṇāhutyātu sādhakaḥ

srucaṃ jalena sampūrya bahiḥ kuṇḍātpradakṣiṇam /
secayedvā viśeṣaṃ tu ninayecchirasi svayam

bhasmanā tilakaṃ kṛtvā harimagne ssamutsṛjet /
gṛhitvārghyaṃ pradadyācca dhāmni devāya pūjakaḥ

bhaktyā yadagnau vihitaṃ yathāśakti yathāvidhi /
ārādhanaṃ tadevati gṛhāṇi varameśvara

agni kāryavidhirhyeṣa saṅkṣepātkathitomayā /
vidhinānena yaḥkuryā dagnikāryaṃ dine dine