Padma Samhita · Chapter 4.29

devīnāṃ ca śriyādīnāṃ mantrān viṣṭarakalpanam /
mantrāṃśca parivārāṇāṃ prathamāvaraṇādiṣu

anukrameṇa vakṣyāmi yathā tadanadhāraya /
chandasāmādirādyarṇaṃ turyamagneranantaram

agniśca mahatī māyāmanusvāraśca paścimaḥ /
ekākṣaro manurbrahman śriyassarvaphalapradaḥ

ṛṣirmaṅkaṇakaḥ proktaśchando gāyatramucyate /
śrīrasya devatā'ṅgāni svena rūpeṇa kalpayet

bilvānokahamūle tu lakṣajāpena sādhayet /
samidbhiśca tadīyābhirjuhuyāllakṣasaṅkhyayā

śrīpuṣpaiḥ pāyasānnaiśca juhuyāduktasaṅkhyayā /
śriyamāpnoti mahatīṃ śrīkāmo nātra saṃśayaḥ

praṇavādi caturthyantaṃ nāma natyantamiritam /
caturakṣaramantroyamaparaśśrīsamāśritaḥ

ṛṣirasya dhanādhyakṣaśchandaśśrīrdevatā tathā /
pratyakṣaraṃ japellakṣaṃ sādhako mantrasiddhaye

prāgvacca bījamaṅgāni phalamapyasya pūrvavat /
nigamādiṃ bhadrahastaṃ hairambaṃ mandarā dipam

śubhadaṃ dahanaṃ māyāṃ mārutaṃ mādhavaṃ tathā /
saptākṣaro'yaṃ śrīmantrassarvamanyadyathāpuram

gṛhītvaikākṣaraṃ pūrvaṃ bhānu magniṃ ca vāmanam /
bhallāyudhaṃ ca mahendraṃ hṛṣīkeśaṃ sayaṣṭikam

śaśāṅkamaurvaṃ nāsikyaṃ subhadraṃ gadinaṃ param /
jalādhidaivamādyarṇaṃ vai rājaṃ godhanaṃ dharam

pulahaṃ kamalaṃ śakraṃ dahakaṃ pāṭalapriyam /
godhanaṃ kamalaṃ citrabhānuṃ māyāvibhūṣitam

prabhañjanaṃ mṛgeśaṃ ca svāhāyāṃ viramettataḥ /
ṣoḍaśākṣaramantro'yaṃ śriyaḥ kamalasambhava

oṅkārapūrvaṃ natyantaṃ kamalaṃ mandaraṃ tathā /
māhendraṃ varuṇaṃ cādidevaṃ candraṃ trivikramam

vighneśaṃ pañcabinduṃ ca hutāntaṃ tvidamiritam /
bījāti pūrvavatsarvaṃ parigṛhya caturmukha

pūrvoktāṃścaturovarṇān gṛhītvātadanantaram /
devānāṃ dānavacanaṃ humāntaṃ tadanantaram

ityuddhṛto manuścānyaśśriyaḥ kamalasaṃbhava /
uddhṛtya pūrvamudgīthaṃ śrīvatsamanalaṃ tathā

vāmanaṃ yaṣṭi śirasaṃ dineśaṃ yāntamabjaja /
pañcabinduṃ sayaṣṭiṃ ca śubhadaṃ vasumastakam

mahāmāyāṅkitaṃ daṇḍaṃ ṭha ṭha ityavasānakam /
maṅkaṇo'sya ṛṣiśchando gāyatrī śrīśca devatā

japellakṣatrayaṃ mantraṃ bilvāraṇye'tha sādhayet /
vaśyākarṣaṇabhūlābha khaniratnādisiddhayaḥ

dhyānamasya pravakṣyāmi śriyo mahendramaṇḍale /
āsīnāyāḥ parijanānindrādīnarcayetkramāt

caturthyantaṃ svanāmoktvā satyantaṃ mantramabjaja /
maṇḍale tatra padmasya pūrvādiṣu daleṣu ca

vāsudevādayo pyohāścatvāro dikṣvavasthitāḥ /
teṣāṃ nāma caturthyantaṃ satyantaṃ praṇavānvitam

gagguluśca kuraṇḍaśca damaka śśalalastathā /
koṇavarṇeṣu saṃsthyapya mantrāṃstannāmapūrvakam

ratissarasvatī bhūmiḥ pritiḥ kīrtiścaturmukha /
śāntiḥ puṣṭiśca tuṣṭiśca śriyo'dhastācca śaktayaḥ

nāmāni tāsāṃ manavo yathāpūrvamudīritāḥ /
pārśve ca dakṣiṇe tasyāśśriyaḥ padmanidhisthsitaḥ

vāme śaṅkhanidhirnāma tayormantraṃ yathāpuram /
dhanado māṇibhadraśca jṛmbhalo nalakūbharaḥ

pūrṇabhadraścalendraśca kalisrakśibikuṇḍalaḥ /
pūrvādidikṣu bhavināmetāṣāṃ manurucyate

nigamādiṃ subhadraṃ ca ekadantaṃ sayaṣṭikam /
dhanadasya manuḥ prokto nāma natyantameva ca

bhallāyudhaṃ padmanābhaṃ pañcibinduṃ sadaṇḍakam /
nalakūbaramantraśca kathitaḥ kamalodbhava

kakubhaṃ padmanābhaṃ ca nāsikyaṃ jṛmbhalo manuḥ /
sparśāntaṃ pulahaṃ cordhvalokeśaṃ tadanantaram

māṇibhadrasya sadṛśo manussarvārthasādhakaḥ /
paścimaṃ pītavarṇābhaṃ bhuvanaṃ yaṣṭimastakam

pūrṇabhadrasya kathito manurevaṃ caturmukha /
vakratuṇḍaṃ ca bhuvanaṃ pulahaṃ bhuvanaṃ punaḥ

nāsikyaṃ manuretasmin śibhikuṇḍalanāmani /
brahmāṇamādiṃ pulahaṃ guhālayasayaṣṭikam

uddhāraśca manorevaṃ kathitaḥ kalimālinaḥ /
vakratuṇḍaṃ pītavarṇaṃ hṛṣīkeśaṃ ca taddhravam

carendramantraḥ kathitaḥ pūrvādiṣu yathākramam /
mandaraṃ pulahaṃcaiva guhālayavidarbhitam

māhendrasya manuḥ proktassubhagaḥ pulahodayaḥ /
dhanādhyakṣasya mantro'yaṃ kathitaḥ kamalāsana

pārśveca dakṣiṇe pūjyāśśriyaḥ parijanā sthitāḥ /
khaḍgadāmodaraṃ caiva mahāmāyāṃ sabindukam

cintāratnasya kathito manuḥ pūrvadalāśrayaḥ /
śrīvatsamagniṃ bhuvanaṃ sadaṇḍaṃ ca caturmukha

kathita ścha balāmantrastārkṣyasthāne samarcanam /
indrādayo lokapālāssvāśāsu paritasthsitāḥ

tṛtīyāvaraṇe cāpi balākī vanamālinī /
vibhīṣī śāṅkarī caiva dikṣu pūrvādiṣu sthitāḥ

sakañcukā vetrahastā mantrāstāsāṃ samāhvayāḥ /
viṣvaksenapade puṣpadāriṇi marcayettataḥ

kalpakaṃ pārijātaṃ ca haricandanabhūruham /
santānamandarau caiva dvārabhūṣuniveśayet

bilvaṃ ca sarasīṃ caiva śatapatrasamākulām /
śriyaṃ parigatāṃ pakṣi saṅghātakalanisvanām

parivārān prakalpyaipaṃ tattannāmabhirarcayet /
caturthyantairnatiparaiḥ praṇavapramukhaistathā

mālāmantraṃ pravakṣyāmi śriyaḥ kamalasambhava /
udgīthamuktvā prathamaṃ natiścatadanantaram

uktvā bhagavatī śabde śrīcaturthyantamanvataḥ /
dhīrāpadaṃ ca sambuddhau śrīpūrvaṃ nilayaṃ tathā

ākārapūrvaṃ bharaṇaṃ śatamaṇḍita manvataḥ /
śarīreti ca sambuddhiḥ padānyevaṃ samuddharet

bhāskaraṃ cānalaṃ pañca binduṃ candrārdhaśekham /
kalātmānaṃ visargāntaṃ bījayetatsamuddharet

dviruccāryaṃ bharapadaṃ pāpaśabdādanantaram /
alakṣmīmitivaktavyaṃ nāśayeti dvirīrayet

bhāskaraṃ cānalaṃ paṃca binduṃ yaṣṭimanantaram /
trirabhyasettathā saptajanmapūrvarjitaṃ tathā

akhalaṃ procya dāridryaṃ padaṃ dūrāttathā padam /
utsārayeti dviḥ procya candramādi visargitam

tristriḥ procyaṃ tvadabhakta ? janaśabdamanantaram /
vasuṃ niyojayetyuktvā dhārayeti padaṃ punaḥ

pūrayeti dviruccārya padamambhoruhāsana /
prapannalokaṃ hrīṅkāraṃ trirucchārya hayaṃ gajam

vividhaṃ paśumuccārya nicayaṃ tadanantaram /
dāsīdāsaṃ parijanaṃ tadantaṃ dvirvilokaya

māṃ ca saumyeti cetyuktvā avalokanasaṃyutam /
lakṣmīmagniṃ vikramaṃ ca śrīdharaṃ yaṣṭimastakam

triruccārya yajeti dvirbhavatīti ca padmaja /
surāsuretyanuguṇaṃ siddhagandharvarākṣasam

yakṣavidyādharavadaṃ nikhilaṃ jantuśabdakam /
manobhiriti cārāṅkṣya samāgamamanantaram

priyeti sambuddhipadaṃ bhāskaraṃ saguhālayam /
sārdhacandramidaṃ bījaṃ triruccārya parādite

varaṃ vividhamuccārya sitamālāmbaraṃ tathā /
dhāraṇīti samucchāryaṃ nikhilaṃ rociṣaṃ vasu

nicayā bhavatī padmā sambuddhau tattrayaṃ padam /
śrīpadaṃ cāpi natyantamastvityatatkriyāpadam

yuṣmacchabdaṃ caturthyantaṃ ṭhaṭhānto manurīritaḥ /
pūrvavadbījamasyāpi mantraṃ bhaṅtkvāṅgakalpanā

chando'ticchanda etasya devatā śrīrdhanādipaḥ /
draṣṭā phalaṃ japaścāsya dviṣaṭkākṣaravatphalam

adhunā vasudhāmantraṃ pravakṣyāmi caturmukha /
brahmakośaṃ mukhaṃ tasya śrīvatsaṃ jvalanaṃ tathā

vāmanaṃ mādhavaṃ devadattaṃ śrībījameva ca /
kamalaṃ bahulaṃ pañcabinduṃ subhagamanvataḥ

bhadrahastaṃ vidhātāramanalaṃ vāmanaṃ tathā /
subhagaṃ gopanayutaṃ vighneśaṃ ca samiraṇam

karālamagnimikāraṃ ṭhaṭhāntaṃ ṣoḍaśākṣaram /
tārādivasumadhyaṃ ca ṭhaṭhāntaṃ hṛdayādiṣu

aṅgeṣu yojayenmantraṃ namaskārapadaṃ śṛṇu /
sāmāyā ca tathā saumyā sambuddhau tatpadadvayam

samayaṃkari cetyacuktvā mahāśabdamanantaram /
ṭābantassamayāśabdassambuddhau ca ṭhaṭhāvadhi

hyāntameti tathā pūrvaṃ gaccheti padamanvataḥ /
dirvaktavyaṃ padadvandvaṃ bhagapūrvāvadhīti ca

vasuśabdaṃ dehī śīrṣaṃ ṭhaṭhāntaṃ tena cāhvayet /
devīṃ ca vasudhāṃ dhyāyettaptahālakarociṣam

siṃhāsanasthāmākalpairanekairbhūṣitāṃ sadā /
gṛhītadāḍiminālavāmahastāṃ tathetare

haste dadhānāṃ subhagaṃ cintāratnaṃ caturmukha /
pūrṇaṃ nānāvidhairatnaiḥ kumbhaṃ cordhvamukhaṃ sthitam

dakṣiṇe caraṇāṅgaṣṭhe paścimāmarabhūruham /
pārśvayorubhayoścāpi vālavyajanapāṇibhiḥ

anyābhiśśukla tāmbūladhāriṇībhiśca sevitām /
śaṅkhapadmanidī cāpi vamantau vipulaṃ dhanam

parasparamukhaprekṣau parivāhau sthitau punaḥ /
anuktaparivārāśca grāhyāśśrīmanuvartmanā

samudragāyāssaritassrotasi prāṅmukhasthsitaḥ /
mastadaghne japellakṣaṃ mantrasiddhau samāhitaḥ

vaiśākhe māsiśukle ca pakṣe māsarkṣapaścime /
vrataṃ samāpaye ccakre pūjayecca mahāniśi

mallikāvakulaiścānyaissugandhaiḥ kālajaiśśubhaiḥ /
goghṛtaiśca tilairanyairyathābhilaṣitairalam

tarpaṇaṃ mantrajāpaṃ ca nityametatsamācaret /
evamācaratassamyaṅmantriṇo yāvadāyuṣam

vasati śrīrgṛhe tasya saptajanmasu niścalā /
manuṃ dharaṇyā vakṣyāmi sādhanaṃ ca yathātatham

chandasāmādimuddhṛtya sūkṣmādṛkpulahaṃ tathā /
hṛṣīkeśaṃ visargāntaṃ manurekākṣaraḥ smṛtaḥ

gopanaṃ pañcabinduṃ ca ūrdhvalokeśamanvataḥ /
vīrasenaṃ kalāntaṃ ca saṅkarṣaṇasamāhvayam

sabinduṃ gadinaṃ tānaṃ ? kalpayeddhṛtayādiṣu /
paiṭharosya muniśchando daivaṃ gāyatramiritam

devatā dharaṇī devī japellakṣamatantritaḥ /
manurdharaṇyāssaptārṇaḥ kathyate kamalāsana

dhanadaṃ pāvakaṃ cādiṃ sumukhaṃ godhanāhvayam /
natyantamevaṃ saptārṇo dharaṇyāssaṃpradarśitaḥ

manuścatustriṃśavarṇaḥ kathyate kamalodbhava /
ādāya cādau saptārṇān kumbhamādi macāmanu

śaśāṅkamādiṃ bhuvanaṃ subhagaṃ dattasaṃjñitam /
subhadramūrdhvalokeśaṃ vijayaṃ viṣṇuśīrṣakam

mohanāśaṃ tathākāraṃ vai rājaṃ cāgnivikramam /
bhallāyudhaṃ ca mahendraṃ hṛṣīkeśavigarhitam

sānusvāraṃ ca kamalaṃ pāvakaṃ saguhālayam /
nāsikyaṃ tridaśāhāraṃ trivikramasamāhvayam

krodharūpaṃ ca sumukhaṃ sodakaṃ kalaśaṃ tataḥ /
praṇavādiṃ ca mahendraṃ varṇānāṃ ca samuddharet

subhadraṃ devattaṃ ca bhāskaraṃ yaṣṭimastakam /
pāvakaṃ pāṭalaṃ brahma māhendraṃ ca guhālayam

prabhañjanaṃ pūrṇacandramauṣadhaṃ yaṣṭisaṃyutam /
svāhāyāṃ viratirmantraḥ kathitaḥ kamalāsana

pūrvoktaṃ bījamaṅgāni ṛṣiśchandhaśca devatā /
sārasvataṃ manuvaraṃ pravakṣyāmi yathā tatham

nigamādiṃ śvetaraśmiṃ manumardhenduśekharam /
ityuddharetsvayaṃ gāṃ ca draṣṭā kaśyapanandanaḥ

chandaśca devī gāyatraṃ devatā bhāratī svayam /
lakṣamekaṃ niyamavān japenmantramatandritaḥ

atulā vāgnibhūtissyāllabhate jñānamuttamam /
sakṛdgrahaṇamātreṇa grahaṇaṃ dṛḍhamaśnute

smṛtipramoṣo naivāsya sabhāyāṃ na parābhavaḥ /
anyaṃ sārasvataṃ mantramadhunā kathayāmi te

mukhamasya brahmakośaṃ godhanaṃ cenduśekham /
kamalaṃ pulahaṃ māyāmanussvārapariṣkṛtām

yaṣṭiṃ yaṣṭyāvisargāntaḥ pūrvoktaṃ mantramanvataḥ /
triyakṣarasya coddhāraḥ kathitaḥ kamalāsana

draṣṭā vasiṣṭho mantrasya virāṭ chandassarasvatī /
devatā japanaṅkhyā ca lakṣatrayamudāhṛtam

parāparajño pāgmī ca saptakṛto'bhimantritam /
jalaṃ pibeddhruvaṃ tasya kalyāṇī vāgbhaviṣyati

ṣaḍakṣaragaṇo mantraḥ kathyate kamalāsana /
tārakaṃ varuṇaṃ cādiṃ nāsikyaṃ jvalanāhvayam

madhusūdanamanvakcha huṃphaḍantaṃ namaskṛtiḥ /
ṛṣirmaheśvaraśchando virāṭ saiva ca devatā

daśākṣaraṃ mantrarājaṃ varṇoddhāreṇa cocyate /
vyāpī sudhārasaścāpi vaidharo viṣṇumastakaḥ

varṇā sta eva catvāra ssamanantaramiritāḥ /
īrayitvā tathā kuṃbhaṃ madhusūdanamanvataḥ

pañcāntakaḥ pāśapāṇiṃ madhusūdhanapaścimam /
vaidharaṃ rāmasahitaṃ vighnesaṃ bandhumastakam

hutāntamarṇānuddhṛtya manureṣa samiritaḥ /
aṅgāni rūpaṃ mantrasya bījamevaṃ vibhājitam

candramaṇḍalamadhyasthāṃ tuṣāranicayaprabhām /
vamantīmamṛtaṃ vaktrājjihvāmadhyagatāṃ smaret

dhyāyato mandriṇastasya vāksiddhiratulā bhavet /
nigamādiṃ ca nattyantaṃ subhadraṃ gadinaṃ tathā

kumbhamādiṃ ca vijayaṃ govindaṃ madhuketanam /
vijayaṃ mādhavayutaṃ ṭhaṭhāntaṃ manumuddharet

jvalanaṃ cādimardhendu bījamevaṃ samuddaret /
draṣṭāsya devalaśchando virāṭ devī rati stathā

daśa lakṣaṃ japenmantraṃ tatassidhyati mantriṇaḥ /
vaśyākarṣaṇa vidveṣamukhā ca phalasantatiḥ

dūrādāgamanaṃ cāpi proṣitasyā'cirādbhavet /
saptavarṇān samuccārya pūrvoktān samanantaram

pavitraṃ pīṭhamanvakcha pañcabindumanantaram /
vairājaṃ godhanaṃ vāyuṃ ṭhaṭhāntaṃ manumuddharet

ekacakṣuśca pīṭhaṃ ca hṛṣīkeśaṃ sabindukam /
bījamuktaṃ manorasya muniraṅgirasaḥ smṛtaḥ

chandaśca devī gāyatraṃ devatā prītirucyate /
sādhayitvā yathāpūrvaṃ dharmādiphalabhāgbhavet

saptārṇāḥ pūrva vadgrāhyāḥ karālaṃ vāmanaṃ tataḥ /
ekadṛggodhanaṃ citrabhānuṃ ca madhusūdanam

yaṣṭiṃ karālamagniṃ ca dhruvaṃ cāgneśca yoṣitam /
tadeva bījaṃ draṣṭā ca manuḥ kīrtiśca devatā

chandaśca devī gāyatraṃ pūrvavatsiddhisādhane /
varṇānādāya saptādau pariśiṣṭān samuddharet

śrīvatsaṃ gopanaṃ bhadrapāṇiṃ ca vijayaṃ tathā /
sparśanaṃ vīrasenaṃ ca śubhadaṃ dahanaṃ manum

yaṣṭiṃ ca bhāskaropetaṃ pāvakaṃ bindupañcakam /
sayaṣṭiṃ bījasahitaṃ śriyassvāhāpadāvadhi

chando virāṭ gautama rṣirdevatā śāntirucyate /
manunā sādhayedbrahman pādukādiphalaṃ mahat

saptavarṇā yathāpūrvaṃ nṛhariṃ pāvakaṃ tathā /
mahāmāyāmanusvāraṃ vijayaṃ praṇavādikam

udayaṃ krodharūpaṃ ca bhūdharaṃ gopanaṃ tathā /
ṭhaṭhāntamevamuddhṛtya manurjñeyo vicakṣaṇaiḥ

draṣṭā vyāso virāṭchando devatā tuṣṭirucyate /
lakṣatrayajapenaiva tuṣṭiśca mahatī bhavet

saptārṇāḥ pūrvavadgrāhyāśśiṣṭārṇasyoddhṛtiḥ kramāt /
bhāskaraṃ pāvakaṃ pañcabinduṃ yaṣṭisamanvitam

pavitraṃ bhuvanaṃ krodharūpaṃ bhūdharamanvataḥ /
govindamāgneyī manvaguddhṛtya manurīritaḥ

draṣṭeritastatheśānā puṣṭiśchando virāḍabhūt /
aṣṭalakṣaṃ japenmantraṃ puṣṭikāmassamāhitaḥ

bhuktvā bhogāṃśca vipulān rasāyanapurogamān /
atalādiṣu lokeṣu mantrī carati devavat

yogāsanāṅgā nyādhāraśaktyādīni caturmukha /
yāni teṣāṃ kalpaneṣu varṇoddhārapurassaram

mantrānvakṣyāmyānupūrvyāyathāvadavadhāraya /
brahmasośamukhaṃ vidyātpavitramṛtadhāma ca

hṛṣīkeśaṃ binduparaṃ pratardanamataḥ param /
padmanābhaṃ ca nāsikyaṃ gopanaṃ subhagaṃ punaḥ

ādidevaṃ hutavahaṃ śrīvatsaṃ kamalāhvayam /
vairājaṃ vīnasenaṃ ca natimevaṃ samuddharet

ādhāraśaktimantroyaṃ kathitaḥ kamalāsana /
caturmukhaṃ caturbhāhuṃ śuddhasphaṭikavarcanam

kirīṭahārakeyūrapramukhākalpabhūṣitam /
śrīvatsāṅkaṃ śaṅkhacakragadāpadmāyudhairyutam

tejomaṇḍalamadhyasthaṃ dhyāyedādhārarūpiṇam /
brahmakośaṃ dinakaraṃ bhuvanaṃ pāpakāhvayam

guhālayaṃ dhruvaṃ bhūyaḥ kamalaṃ saguhālayam /
pāvakaṃ mandaraṃ padmamākāraṃ vipulaṃ tathā

gopanaṃ ca gadadhvaṃsaṃ vināyakamanantaram /
prabhañjanaṃ mādhavaṃ ca satyantaṃ manumuddaret

ekavaktraṃ caturbhāhuṃ japāpuṣpasamadyutim /
śaṅkacakradharaṃ kruddhaṃ padmakaumodakīdharam

vahnimaṇḍalamadhyasthaṃ jvalanāpītavigraham /
sakalābharaṇopetaṃ dhyāyetkūrmamanantaram

udgīdhaṃ bhānumākāraṃ yaṣṭimādiṃ vināyakam /
dviradaṃ vijayākāraṃ śvasanaṃ prathamaṃ svaram

natiṃ coddhṛtya mantro'yamanantasya pradarśitaḥ /
sphaṭikādripratīkāśaṃ caturbhāhuṃ kirīṭinam

pūrṇacandrānanaṃ saumyaṃ sitapuṣpaurvirājitam /
lāṅgalaṃ musalaṃ mukhyakarayordadhataṃ śivam

jaghanyakarayośśaṅkhacakradvandvaṃ yathāyatham /
nīlāmbaradharaṃ daṃṣṭrākarālavadanairyutam

praśāntavapuṣā yuktaṃ sahasraphalamunnatam /
phaṇāmaṇisahasrāṃśu nīrājanavirājitam

anantavaktrakuharairudvamantamudarciṣam /
maṇḍalīkṛtanāgendra bhogaveṣṭana vigraham

dhyāyedanantamubhayoḥ pārśvayornāgayoṣitaḥ /
devyastasya sukhāsīnāḥ phaṇāmaṇḍala maṇḍitāḥ

dhyātvā bhuvo manuḥ paścādvarṇoddhāreṇa vakṣyate /
tāraṃ subhaganāmānamarciṣmantaṃ caturmukha

sumukhaṃ godhanaṃ vāyuṃ natyantamiti kalpayet /
tasyopari phaṇīndrasya tapanīyanibhāṃ śubhām

caturaśrāṃ mahāpīṭhiṃ kalpayenmadhuvidviṣaḥ /
dharmādīnāṃ caturṇāṃ tvadharmādīnāṃ ca tāvatām

pādānāṃ kalpanāmantarā vakṣyante kamalāsana /
ādyarṇān praṇavādīṃ śca sānusvārān yathāyatham

caturthyantāni nāmāni procyānte natimirayet /
mathye sadāśivapadaṃ pādatvena prakalpayet

taccaturthyantamādau ca bhāskaraṃ saguhālayam /
natyantaṃ caiva pādānāṃ navānāṃ kalpayenmanūn

ṛgādayaścaturvedā steṣāṃ tu manavaḥ punaḥ /
sānusvārāṃ stadādyarṇān procyādau kamalāsana

caturthyantāni nāmāni ṛgādīnāṃ satīḥ punaḥ /
manūn prakalpayedevaṃ bhautikādirahaṃkṛtiḥ

tisraḥ prakalpayetpaścāttāsāṃ mantrān bravīmi te /
praṇavādīn pullanayanānacāmādiṃ sadaṇḍakam

bhautikādirahaṅkāraścaturthyanto nati stathā /
paścimaṃ mārutaṃ cordhvalokeśaṃ bindumastakam

padaṃ ca taijasaṃ śiṣṭaṃ pūrvavanmanurīritaḥ /
kumbhamaurvaṃ sanāsikyaṃ vai kāripadamanvataḥ

śiṣṭaṃ yathāpuraṃ sarvaṃ manuranyassamiritaḥ /
satvaṃ rajastamaśceti guṇān paścātprakalpayet

sānusvāraṃstadādyarṇān caturthyantāṃstadāhvayān /
manūn prakalpayedevaṃ mahyādyaistatprakalpanam

ātmaśabjaṃ caturthyantaṃ mahyādi padapūrvakam /
huṃphaḍhantaṃ ca satyantaṃ prayuñjīta manuṃ punaḥ

praṇavaṃ mandaraṃ yaṣṭiṃ musalaṃ pañcabindukam /
amṛtaṃ gopanayutaṃ vijayaṃ mādhavīṃ tathā

bhadrahastaṃ mṛgeśaṃ ca natimuddhṛtya mantravit /
mantreṇāstaraṇādhyāso vahnyādermaṇḍalatrayam

tasyo pari ṣṭādadhyāsān mantrān sarvānyathākramam /
pāvakaṃ śaśinaṃ sūryaṃ trayamākārabindukam

manumevaṃ samuddhṛtya padmaṃ corikalpayet /
praṇavaṃ paścimaṃ yaṣṭiṃ pavitraṃ vijayaṃ tathā

dakṣaṃ ca gopana paraṃ śvasanaṃ ca vināyakam /
viṣṇuṃ ca mandaraṃ svargamuddhṛtyā jamanuḥ smṛtaḥ

śrīvatsādidvādaśānāṃ śaktīnāṃ tatsamāhvayāḥ /
caturthyantāssanā sikyāstadādyarṇa puraskṛtāḥ

mantrobhadrāsanasyaiṣa kathitaḥ kalpānā kramaḥ /
brahmādaya stataḥ paśchātsanakāditrayaṃ punaḥ

vināyakaśca durgā camantriṇo gururasvataḥ /
praṇavādyāścaturthyantā natyantāśca tadāhvayāḥ

tānarcayecca brahmadīn paricaryāmukhe hareḥ /
aṣṭau vyāptyādikāśśaktīḥ prathamāvaraṇe jayet

pūrvavattatsamākhyābhirmantraiḥ pañcāyudhānyapi /
divyāni dikpatīn sarvānindrādīn vihagādhipam

seneśaṃ ca caturthyantairnatyantaiśca svanāmabhiḥ /
pūrvavatpūjayedprahman
dvitīyāvaraṇe tataḥ

caṇḍapracaṇḍāvantasthsau dvārsthau ca manunā jayet /
nigamādiṃ khaḍgadharamṛtamotaṃ sayaṣṭikam

vakratuṇḍaṃ pracaṇḍaṃ ca puṇḍarīkākṣagopanau /
prabhañjanaṃ cāprameyaṃ natyanto manurīritaḥ

prathamaṃ chanda sāmādiṃ paścimaṃ ṛtadhāmakam /
sadaṇḍaṃ pāpahananaṃ dahanaṃ vakratuṇḍakam

pracaṇḍaṃ puṇḍarīkākṣaṃ caturthyantaṃ tathā natiḥ /
caṇḍapracaṇḍayormantrassamuddhṛtyārṇamiritaḥ

udumburasya satyantaṃ śāntimādivibhaktikam /
udīrayedadhiṣṭhātrī tasya śāntiśca devāta

sarasvati dakṣiṇasyāṃ ratiścottaradāruṇi /
śrīḥ paścimādadhastasya śāntirbhavati devatā

caturthyanaṃ ca tannāmamantraścoktaścaturmukha /
kavāṭe dakṣiṇe viśvanetrasyāddevatā tathā

uttare viśvavaktraśca devatā vetradāruṣu /
vasanti vedaśāstrāṇi nārāceṣu tathā marāḥ

ṛṣayaḥ kīradeśeṣu bhūteśaḥ paṭṭikā bhuvi /
viśvabhāvanavāsassyātkandapaṭṭadvayaṃ tathā

nāma teṣāṃ caturthyantaṃ manurvāstupatestathā /
kṣetreśasya manurbrahman chandasāmādimuddharet

nṛsiṃhamudayaṃ dakṣamṛtadhāmasadaṇḍakam /
caturthyantaṃ namontaṃ ca tārkṣyamagreharesthsitam

dvārapārśve śaṅkhacakradvayaṃ tatsaṃjñayārcayet /
vacmi dhāmārcane mantraṃ chandasāmādimuddharet

varuṇaṃ bandhuśirasaṃ krodharūpaṃ vanasrajam /
varuṇaṃ devadattaṃ ca paścimaṃ vahnigopanau

śaśāṅka mādidevāntaṃ vaidharaṃ dahanaṃ tataḥ /
hṛṣīkeśaṃ paścimaṃ ca rāmaṃ sumukhamanvataḥ

mādhavaṃ huṃphaḍantaṃ ca svāhāntāvadhiko manuḥ /
diṅmārtayaścānupūrvyā kathyante kamalāsana

indreśānau nṛsiṃhaśca viriñcaśca kramādbhavet /
diṅmārtayo'thavā śaktidharaḥ paśupati stathā

śrīdharo dhanadaśceti yadvākroḍākṛtirhariḥ /
nṛsiṃhaśśrīdharaśceti hayaśīrṣākṛti stathā

api vā syāccaturvaktra naranārāyaṇāvubhau /
hariḥ kṛṣṇaśca kathito yadvā satyādayaḥ kramāt

vāsudevādayo pyohā yadvā diṅmārtayaḥ kramāt /
kramācca toraṇāyānte pūrvapaścimadhāmayoḥ

caturaśrāyate dhāmni pūrvapaścimanāsayoḥ /
pūrṇaśca puṣkaraśchadvāvadhiṣṭāne punaḥ kramāt

āgneye hastivadano yāmye paśupati stathā /
vāruṇe dakṣiṇāmūrtiḥ kaubhere viśvarūpadhṛk

śāṅkare ca caturvaktra tasmin bhagavatī tathā /
antarmaṇḍalasambandhigopurobhayapārśvayoḥ

candrādityau tathorvyāṃ tu indradikṣu vidikṣu ca /
manmathaśca vidhātā ca vi śveśaṣṣaṇmukha stathā

durgādhanadarudrāśca kṣetreśa stadanantaram /
someśānāntare caiva viṣvaksenaḥ pratiṣṭhitaḥ

dakṣiṇorvītale saptamātaro vīrabhadrakaḥ /
vighneśaḥ pārśvayosteṣāṃ jyeṣṭhāṃ nirṛtibhūtale

indhrādayassvāsu dikṣu dvitīyāvaraṇe punaḥ /
bhagavatpramukhe tarkṣyodvitīyāvaraṇe tataḥ

tadīyagopuradvārapārśvayoḥ puraṣācyutau /
khalurikādharitrīṣu vahnyādīnāṃ diśi kramāt

hayaśīrṣaḥ karṣaṇaśca kroḍākṛtiranantaram /
pradyumno'nantanāmānāvaniruddhonṛkesarī

cakraṃ ca musalaṃ śaṅkhaṃ khaṅgaṃ kaumodakīṃ dhanuḥ /
vajraṃ padmamiti proktaṃ prāgādiṣu tṛtīyake

gopurobhayapārśvasthā dvādaśāśśītaraśmayaḥ /
yamāgnimadhye pasavaḥ pitaro yamarakṣasoḥ

viśve devāśca madhyasthā nirṛtervaruṇasya ca /
marutaḥ pāśahastasya śvasanasya ca madhyamāḥ

pāśimārutayormadhye munayassapta ca sthitāḥ /
kubereśānayormadhye rudrāścaikādavasmṛtāḥ

kṣetrapālaścatatraiva prācyādau kumudādayaḥ /
maryādāhvayasālasya dvāri purṇaśca puṣkaraḥ

urvītale samārādhyāḥ prāṅkaṇeklṛptapīṭhake /
sthāpyāścai pottamagaṇāḥ prācyādiṣvaṣṭanu kramāt

tathopendrādayasthsāpyā mahatyāvaraṇe tataḥ /
mahītale madhyagaṇā viśve śādyā diśi kramāt

jayādayo gopurāṇāṃ bahirbhūmau vyavasthitāḥ /
balipīṭheṣu sarvatra prathamāvaraṇādiṣu

ādyāścha kāmajāścaiva ye bhūtāḥ prāgdiśi sthitāḥ /
prasannāḥ parituṣṭāste gṛhṇantu balikāṅkṣiṇaḥ

bhūmau pyomni tathā vṛkṣaparvatādiṣu viṣṭhitāḥ /
vināyaka kṣetrapālāśśūrāśca kumudādayaḥ

sarvaiḥ pāriṣadaiścānyaipsārdhaṃ gṛhṇantu te balim /
caṇḍādayotha dvārasthāścaturthyantaissvānāmabhiḥ

praṇapādyaiśca natyantairdevīparijanānvitāḥ /
savāhanāste saṃpūjyāssve sve deśe caturmukha

balipīṭheṣu sarveṣāṃ baligrahaṇakāṅkṣiṇām /
tattannāmasamuccārya balirdeyo vicakṣaṇaiḥ

dhāmeśānaṃ vinā tena balidānena yo'rcati /
haranti rāṣṭraṃ rājānaṃ dhāma cātmānameva ca

parivārānasabhyarcyatathaivāgnessamindharam /
bhogairakṛtvā devasya pūjā syānniṣprayojanā

tasmādyathoktamārgeṇa pūjanaṃ sthānavṛddhidam /
vardhanaṃ rājarāṣṭrāṇāṃ prajānāṃ vṛddhikāṅkṣiṇām

dṛśyādṛśyena rūpeṇa sthitānāṃ balikāṅkṣiṇām /
bhūtānāṃ bhūtikāmena deyo'vaśyaṃ balissadā