Padma Samhita · Chapter 4.28

hebrahman yajñavapuṣamantrassaṃprati kathyate /
mahāphalaṃ procyamānamimaṃ tvamavadhāraya

ātmane iti paryantamaṣṭākṣaravaduddharet /
kālādyanalamadhyaṃ ca vigrahāntaṃ padaṃ tataḥ

caturthyanto mūrtiśīrṣaṃ yajñādipadamanvataḥ /
tadvibhaktyantamaparaṃ ṭhaṭhāntaṃ manurīritaḥ

bī masyā nalaṃ mukhyamanusvārāntamuddharet /
aṅgāni cānalādīni ṣaḍbhārāntānyanukramāt

sānusvārāṇi yojyāni kraturdraṣṭā viruṭpunaḥ /
chandhaśca yajñamūrtyātmā devatā bhagavān hariḥ

lakṣatrayaṃ japaḥkāryo mantrasyāsya prasādhane /
phalaṃ prasūte dharmādipuruṣārtha catuṣṭayam

annādhipatimantrasya prabhāporūpameva ca /
kathyate saṃprati brahman na vācyaṃ yasya kasya cit

praṇavādirmanussarvo viśeṣastūcyate'dhunā /
mukhyamarṇaṃ bhadrapāṇiṃ dviruktaṃ tadanantaram

ādidevaṃ dhanapatiṃ māyāmuddhṛtya paścimam /
viṣṇuṃ vijayanāmānamādyaṃ vāyumanantaram

devadattaṃ ca dakṣādimādyaṃ dakṣaṃ punastathā /
ādidevaṃ manuṣyeśaṃ dviruktaṃ mukhyamanvataḥ

mandaraṃ pāpahananamṛtadhā vaiṣṇavākṣaram /
śaṅkhamādimacāmanvagdviḥ proktaṃ pretanāyakam

praṇavādiṃ ṭhaṭhetyantamiti mantraṃ caturmukha /
bījamasya pravakṣyāmi dvādaśātmānamuddharet

jvalanaṃ vāmanaṃ bindumetadevāṅgamucyate /
ākārādikramāddīrghasvarabhaktirviśeṣa kṛt

astre viśeṣo viṣṇuśca visargaśca samiritaḥ /
vyāso draṣṭāsya mantrasya chandastu bṛhatī tathā

devatānnapatiḥprokto mantrasyāsya caturmukha /
anyathā śṛṇu vakṣyāmi bahvannaphaladaṃ śubham

natyantaṃ prapaṇavaṃ pūrvaṃ varuṇaṃ ca trivikram /
krodharūpaṃ pracaṇḍaṃ ca viṣṇuṃ varuṇamanvataḥ

mādhavaṃ pūrṇacandraṃ ca pīyūṣātmānameva ca /
ādiṃ vaiśvānaraṃ mukhyaṃ pavitraṃ praṇavādi ca

ekanetramakāraṃ ca śvasanaṃ mādhavaṃ tataḥ /
mandaraṃ praṇavādyaṃ ca dīptimantraṃ caturmukha

gopanaṃ jṛmbhalaṃ viṣṇuṃ māhendraṃ gopanaṃ tataḥ /
vāyuvādyaṃ ṭhaṭhāntaṃ ca varṇoddhāra itīritaḥ

bījamaṅgāni pūrvoktamṛṣirasya parāśaraḥ /
chandaścha devī gāyatraṃ devatānnapatirbhavet

pūrṇendhubimbamadhyasthe sitapadme vikasvare /
āsīnaṃ dhavalākāraṃ nilakuñchitamūrdhajam

dukūlakṣaumavasanaṃ bālayogya vibhūṣaṇam /
kaladhautamayaṃ prātaṃ vāyasānnena pūritam

bibhrāṇaṃ dakṣiṇe haste dadhyodana mathetare /
dhyāyellakṣatrayaṃ dhīmān japettadgatamānasaḥ

anena juhuyāccāgnau niyataṃ mantravittamaḥ /
bahvannatvamavāpnoti sarvamiṣṭaṃ labheti ca

śaktīśamantramadhunā kathayāmi caturmukha /
āditassaptavarṇānāmuddhāraḥ pūrvamiritaḥ

krodhanaṃ hṛdayāhlādaṃ bhuvanaṃ bhāskaraṃ tataḥ /
guhālayamanussvāraṃ ravimagniṃ ca mārutam

sayaṣṭiṃ pītamādyarṇaṃ kamalaṃ krodharūpiṇam /
mādhavīṃ pañcabinduṃ ca hananaṃ cāprameyakam

vai rājamapaprameyaṃ ca puruṣātmāca mādhavaḥ /
nārāyaṇaṃ caturthyantaṃ ṭhaṭheti manurīritaḥ

aṃśumān vītihotraścha vāmano bindumastakaḥ /
aṅgaṃ ca bījaṃ pūrvoktamṛṣiścāpi parāśaraḥ

chandaśca devī gāyatraṃ śaktīśo devatā tathā /
japeddvādaśa lakṣaṃ tu prāpnu yātsarvamipsitam

kālanemimanurbrahman kathyate sarvasādhakaḥ /
ādyarṇāḥ pūrvavatsaptapīyūṣātmā trivikramaḥ

ugradehaḥ pracaṇḍaśca viṣṇuḥ kalaśamādhavau /
kamalaṃ gopanayutaṃ mahendraṃ viṣṇumastakam

vighneśaṃ devadattaṃ ca dakṣaṃ māyāpariṣkṛtam /
pataṅgamṛtadhāmānaṃ vaidharaṃ ca caturgatim

ādyaṃ sudhārasaṃ māyāmatrirgopanahavyavāṭ /
ādyaṃ sumukha mādyaṃ ca śvasanaṃ cāprameyakam

huṃphaḍantaṃ ṭhaṭhaparaṃ manurevaṃ samuddhṛtaḥ /
bījaṃ vakṣye dinakaraṃ bhuvanaṃ yaṣṭimastakam

kruddhādi pūrvavaccāṅgaṃ nārado mandradarśanaḥ /
chandho virāṭ devatā ca kālanemiśchaturmukha

japasaṅkhyāphalaṃ cāpi dviṣaṭkākṣaravadbhavet /
trailokya mohanaṃ mantraṃ kathayāmi yathātatham

udgīthaṃ kamalaṃ pītaṃ vāmanaṃ dhruvamastakam /
ekākṣaro manurayaṃ devatāṅgamanukramāt

ṣaḍbhiryutamacāmādvaisyānusvāraṃ prajayojayet /
ṛṣirvṛddhamanuśchandho devī gāyatramiritam

trailokyamohano devo devatā japatarpaṇam /
homaśca phalamapyasya nidhisthānopalambhanam

japan bhūyastathā sarvaṃ durlabhaṃ phalamaśnute /
ṣoḍaśārṇo manurbrahman trilokīmohanātmakaḥ

ucyate pūrvavatsaptavarṇānādyān samuddharet /
trailokya mohanapadaṃ caturthyantaṃ tataḥ param

tadvibhaktipadaṃ viṣṇupadaṃ svāhāntamuddharet /
manureṣa sa evāṅgaṃ bījaṃ pūrvavadīritam

muniḥ punastyaśchandaśca devatā pūrvavattathā /
japasaṅkhyā phalaṃ caiva mūlamantravadiṣyate

mantro navākṣaraścānyastrilokī mohanātmakaḥ /
trailokya mohanapadaṃ caturthyantaṃ namastathā

bījamaṅgamayaṃ caiva sarvakāmaphalapradam /
nigamādiṃ caturthyantaṃ padaṃ trailokya mohanam

aṃśumālinamagniṃ ca pañcabinduṃ sayaṣṭikam /
śaṅkhinaṃ pulahaṃ pañca binduyaṣṭisamanvitam

tadbījaṃ ca dvirabhyasya natiśca tadanantaram /
dvādaśārṇātmakomantrastrilokīmohanātmakaḥ

pratyakṣaraṃ lakṣajapo dvādaśākṣaravatphalam /
kāmakāmeśvarī nāma mantrassarvaphalapradaḥ

udgīthaṃ pūrvamucārya bhāskaraṃ jvalanaṃ tataḥ /
mahāmāyāṃ yaṣṭiyutāmityekākṣaramuddharet

etadevāṅgamuditaṃ śaunako munirucyate /
chandaśca devī gāyatraṃ devatā puruṣottamaḥ

lakṣamekaṃ japenmantrī sarvān kāmānavāpnuyāt /
śaṅkhakundendudhavalaṃ caturcāhuṃ kirīṭinam

garuḍārūḍhamāropya devīṃ vāmoruviṣṭare /
dāḍimikusumaprakhyāṃ sarvākalpapariṣkṛtām

vāśāṅkuśadharāṃ lakṣmīṃ kāmavihvālalocanām /
kāmakāmeśvarīmeva dhyāyedekāgramānasaḥ

trailokyamohanaṃ nāma manussaṃpratikathṛte /
brahmakośamudīryādau natyantaṃ tadanantaram

padāni sambudhyāntāni krameṇoddhārayetsudhīḥ /
puruṣādyuttamapadaṃ rupamaprati meti ca

lakṣmyādi ca nivāsāntaṃ sakalādiṃ jagatpadam /
kṣobhaṇāntaṃ ca sarvādipadaṃ strīhṛdayāvadhi

vidāraṇaśiraścāpi trayādi bhuvanāvadhi /
unmādakaraparyantaṃ surāsurapadaṃ tataḥ

manujeti samuccārya sundarījanamanvataḥ /
manāṃsīti samuccārya tāpayeti caturmukha

dīpayeti padaṃ paścācchoṣayeti ca māraya /
stambhaya drāvayākarṣaparyantaṃ ca kriyāpadam

dvirvaktavyaṃ tato brahman paramaṃ subhagāvadhi /
sambudhyantaṃ ca saubhāgyaṃ kareti padamanvataḥ

sarvakāmapradaṃ procya padaṃ cāmukamityataḥ /
haneti dvissamuccārya cakreṇa gadayeti ca

khaḍgena sarvabāṇaiśca dvirbhindheti paṭhettataḥ /
pāśeneti tato bandha bandheti ca padadvayam

aṅkuśeneti saṃprocya tāḍayeti dvirabhyaset /
kurvanti dvissamuccārya kiṃ tiṣṭhapadamanvataḥ

tāvadyāvatpade procya samīhitapadaṃ tataḥ /
me siddhirbhavatūccārya me huṃphaḍiti śīrṣakam

ityeṣa mālāmantrasya samuddhāraḥ pradarśitaḥ /
nigamādiranantaṃ ca aurvaṃ candrārdha śekharam

bījamevaṃ samuddhṛtya ṣaḍaṅgāni manuḥ punaḥ /
ṣoḍhā vibhajya kartavyā ṛṣissyānnalakūbaraḥ

chando'ticchandanāmāsya devatā puruṣottamaḥ /
dhyāyettameva puruṣaṃ sādhayenmantravittamaḥ

aṣṭabāhuṃ viśālākṣaṃ garuḍārūḍhamacyutam /
akalaṅkaśaśiprakhyaṃ pūrṇendusadṛśāsanam

subhrūlalāṭamakuṭaṃ lāvaṇyāmṛtasāgaram /
pītakauśeyavasanaṃ kapolāmṛṣṭakuṇḍalam

cakraṃ ca musalaṃ bāṇamaṅkuśaṃ dakṣiṇe bhuje /
śaṅkhaṃ kaumodakīṃ śārṅgaṃ pāśaṃ vāmeṣu bibhratam

sarvalakṣaṇasaṃpūrṇaṃ sarvākalpapariṣkṛtam /
divya candanaliptāṅgaṃ divya sragdāmabhūṣitam

devyo'ṣṭau paritastasya vālavyajanapāṇayaḥ /
vījayanti sadā devaṃ kāmavihvalalocanāḥ

etābhyo bahiraṣṭau ca dikṣu cakrādidhāriṇaḥ /
puruṣā devadeveśaṃ praṇipatya bahisthitāḥ

evaṃ saparivāraṃ taṃ dhyātvā devaṃ samāhitaḥ /
saptāhaṃ mantrajāpena vaśyā manujayoṣitaḥ

divaseṣu ca tāvatsu punaryakṣyādiyoṣitaḥ /
tiṣṭhanti saṃmukhāssarvā manmathāviṣṭacetasaḥ

bhajantimantriṇaṃ mantra vaibhavānmohayanti ca /
japī bhūyāstathā kāmān sarvānvindatyasaṃśayaḥ

kiṃ punarbahunoktena devaḥ pratyakṣatāmiyāt /
śāntiḥ puṣṭiśca dharmaśca kāmārthau mokṣa eva ca

pātālākāśagamanamantardhānamadṛśyatām /
nidhānaṃ phalasiddhiṃ ca khananaṃ cauṣadhaṃ tathā

pādukāṃ gulikāṃ cāpi rasāyanamanuttamam /
akṣasūtraṃ daraṃ khaḍgaṃ tathā vetālasādhanam

phalāni durlabhānyeva sidhyanti manuvaibhavāt /
pratyekaṃ na pradarśante granthavistarabhīrubhiḥ

phalānāṃ digiyaṃ proktā durlabhānāṃ caturmukha /
trailokyamohanākhyasya kāmakāmeśvarasya ca

ekākṣaramukhasyoktaṃ phalaṃ mantrasya padmaja /
mantraṃ yajñavarāhasya vakṣyāmi kamalāsana

gṛhītvā pūrvavatsapta varṇānādyānanukramāt /
sparsāntaṃ bhāskaraṃ cādyaṃ kalaśaṃ praṇapādi ca

analaṃ cādidevāntaṃ bhāskaraṃ madhusūdanam /
śvasanaṃ varṇamādyaṃ ca oṣadhīśamacāṃ mukham

vahniṃ pracetasaṃ mukhyaṃ mārutaṃ praṇavādi ca /
musaliṃ candradhavalamacāmādimanantaram

śrīvatsamādimanalaṃ mahāmāyāgnigopanam /
daraṃ viṣṇuṃ khaḍgadharaṃ vijayaṃ śrīdharaṃ tathā

piyūṣarūpamanalaṃ mādhavaṃ vaidharaṃ tathā /
ādiṃ pavitradhṛṣṭiṃ ca praṇavādivibhūṣitam

śvasanaṃ cāprameyaṃ ca kalātmā viṣṇumastakaḥ /
varuṇaṃ dahanākrāntaṃ vaidharaṃ mādhavākṣaram

varuṇaṃ cādivarṇaṃ ca tathaipogrātma saṃmitam /
analaṃ mādhavopetaṃ mandaraṃ prathamaṃ marut

madhusūdanavikrāntaṃ pavanaṃ śvetarociṣam /
varuṇaṃ vītihotraṃ ca subhadraṃ ca guhālayam

vai rājamādidevāntaṃ vijayaṃ mandaraṃ tathā /
bhadrapāṇiṃ mṛgeśaṃ ca vaidharaṃ yaṣṭimastakam

ugrātmā parvataṃ cādimṛtadhāmapariṣkṛtam /
vighneśaṃ mārutaṃ caikanetraṃ śuklaśirastathā

subhadraṃ cordhvalokeśaṃ nābhipaṅkajasambhava /
mādhavīmaprameyaṃ ca vanamālī jhaṣa stathā

māhendraṃ gopanayutaṃ mārutaṃ prathamasvaram /
bhallāyudhaṃ hṛṣīkeśaṃ subhadraṃ bhuvanaṃ vasuṃ

pracetasaṃ kalātmāna mamṛtaṃ savisargakam /
pavitramādiṃ vai rājaṃ mukhyaṃ pavanamādavau

mākāram.
subhadramaurvaṃ dakṣaṃ ca mukha dvipadamirayet /
śaśāṅkaṃ dvipadaṃ vahnibhuvanaṃ dvipadaṃ paṭhet

acāṃ dvitīyaṃ dṛṣṭiṃ ca māyāṃ kamalamādiśet /
havyavāḍgopanayutaṃ bhāskaraṃ madhusūdanam

prabhañjanamakāraṃ ca sūkṣmadṛgbhuvanaṃ tathā /
mādhavīṃ rāmasahitaṃ paścimānanamādimat

ekanetramikāraṃ ca vijayaṃ kalaśaṃ tathā /
mandaraṃ devadattaṃ ca vaidharaṃ viṣṇumastakam

dvirbrūyādgāpanā krāntaṃ paścimānanamādimat /
prabhañjanamakāraṃ caṭhaṭhānto manurīritaḥ

sūkṣmadṛgbhuvanaṃ sargaṃ bījametatsamuddhṛtam /
mantraṃ ṣoḍhā vibhajyāṅgakalpanaṃ kāśyapo muniḥ

chando virāṭ stomaghoṇī devatā kamalāsana /
japo lakṣadviṣaṭkaṃ syātphalaṃ sarvaṃ yathāpuram

darodaranṛsiṃhasya manussaṃprati kathyate /
oṃkāraṃ pūrvamuddhṛtya kamalaṃ śatrudāhakam

guhālayaṃ sayaṣṭiṃ ca gopatiṃ bhuvanaṃ dhruvam /
pullalocanamādyaṃ ca hṛdayā hlādanaṃ tathā

bhadrapāṇiṃ svarādiṃ ca jvalanaṃ cādimaṃ tathā /
oṣadhīśamikāraṃ ca yaṣṭiṃ bhāskaragopanau

śvasanaṃ ca natirmantro nārasiṃha udīritaḥ /
ayameva manurbhījaṃ chando gāyatramiritam

devatā nṛharirdraṣṭā kapilo dhyānamucyate /
darodare sukhāsīnaṃ śatapatre vikasvare

taptajāmbhūnadanibhaṃ caturbhāhumudāyudham /
paryaṅkabandhasubhagaṃ prasāritabhujadvayam

jānunorupariṣṭācca sarvākalpapariṣkṛtam /
vyāttānanaṃ trinayanaṃ sakhadambholibhīṣaṇam

siṃhasyārdhaṃ narasyārdhaṃ meghagambhūragarjitam /
evaṃ dhyātvā japedaṣṭalakṣaṃ mantrī samāhitaḥ

sāvitre maṇḍale devamāsīnaṃ sarvakāmadam /
dhyāyellabheta dharmādi puruṣārthacatuṣṭayam

bahunātrakimuktena sarvān kāmānavāvapnuyāt /
caturṇāṃ puruṣādīnāṃ manussaṃprati kathyate

praṇavādīn saptavarṇān samuddhṛtya yathā puram /
svaṃ svaṃ nāma caturthyantaṃ mantrāneṣāṃ prakalpayet

teṣāṃ bījāni vakṣyāmi varṇoddhāraiḥ kramādaham /
tigmāśurgopanayutassadaṇḍaḥ puruṣātmanaḥ

mārtāṇḍaḥ pañcabinduśca sendussatyassa kathyate /
vairājaṃ pāpakaṃ pañcabinduṃ nāsikya meva ca

trayūtanuṃ hṛṣīkeśaṃ yaṣṭiṃ cānantanāmani /
ṛṣiśchando devatā ca phalamaṣṭākṣare tathā

hayagrīvasya mantrasya varṇoddhāraḥ pradarśyate /
saptavarṇān samuddhṛtya vijayaṃ bahulaṃ tataḥ

kālātmā caika dṛgvahniṃ gopatiṃ viṣṇumastakam /
śvasanaṃ praṇavādiṃ ca lakṣmīṃ bindumanantaram

jvalanaṃ gopanayutaṃ śaśāṅkaṃ mādhavaṃ tathā /
svāhāntamaśvaśirasaḥ kathitaṣṣoḍaśākṣaraḥ

sa eva bījamaṅgāni kruddholkādi yathāpuram /
ṛṣirbṛhaspatirhyasya cchando gāyatramucyate

devo hayaśirā nāma devatā kamalāsana /
daśalakṣaṃ japenmantraṃ mahet jñānamavāpnuyāt

oṃkārapūrvaṃ natyantaṃ caturthī devatā kramāt /
ṭhaṭhānto mantrarojoyaṃ daśākṣaravidarbhitaḥ

bījāni pūrvavatsarvaṃ kartavyaṃ kamalāsana /
ato'nyaṃ vājiśiraso mālāmandraṃ bravīmite

arṇasaptakamuddhṛtya padaṃ hayaśirāstathā /
caturthyantaṃ sarvavidyālayeti padamanvataḥ

sakalā maraśabdādi gurave padamuddharet /
samastapratiśabdādi hantānantetyanantaram

vīryaṃ tejaḥ padaṃ paścāt jñānaiśvaryapadaṃ tataḥ /
śaktiścaiva balaṃ caiva sarvādyāvāsamanvataḥ

tadvibhaktiṃ tataḥ paścātparamātmapadaṃ tataḥ /
caturthyantaṃ vāsudevaśabdastā dṛgvibhaktikaḥ

jñānajñeyapadaṃ tadvadvyaktāvyaktaparāya ca /
sarvaduṣṭāsuraṃ procyaduritaṃ vrajinaṃ tathā

pramāthi tadvibhaktyantaṃ tatsadrucirapūrvakam /
padaṃ ca turagāyeti jñānamuccārya mūrtaye

iti coccārya tasyānu sahasraṃ koṭimanvataḥ /
padaṃ vidyādinikaṃ muñca gaccha pade tataḥ

sphoṭirvijṛmbhirlloḍantaṃ dvirvaktavyaṃ ca tij padam /
sarvāditejomadhyaṃ ca nidhyantaṃ ca padatrayam

caturthyantaṃ samuccārya nirdhūta padamanvataḥ /
vikīrṇapadamucācārya prākpradīptapadaṃ tataḥ

kesaraṃ ca saṭāśabdaṃ kalāpapadamanvataḥ /
pradīptasūryamaṃśuṃ ca pratīkāśapadaṃ tataḥ

bhāskarākāraśabdaṃ ca ūṣmamūrdhvajamanvataḥ /
śaṅkhamābhamatāṅghriṃ ? ca prasaravrātadīptimān

dravatkanakamuccārya piṅgalāyatamānanam /
mahāsvarasamākāraṃ viśuddhadaśanaṃ tataḥ

paṅtkiṃ vinirgatāṃ coktvā virājitapadaṃ tathā /
lokatrayadravaddīptapadaṃ cāmikarādimat

piṅgalāyatamucchārya viṣphāritapadaṃ paṭhet /
locanādi mahāśabdaṃ vibhīṣaṇa padānvitam

nāsikāpuṭamadrīndra śikharākārasaṃyutam /
ruciraṃ padamuccārya vikuñchitapadaṃ tathā

mahāśravaṇasaṃyuktaṃ śreyaseti paṭhetpadam /
tacchabdaṃ ca caturthyantaṃ duṣṭasatvānanantaram

bindiśchindi stathā māri rmardistrāsiśca dātavaḥ /
loḍantā dvissamuccārya syauṃ vau mitipadadvayam

dhvaṃsi hanti tathādhmāpi hanti grahasi tāḍaya /
paci rmathiśca te ete coḍantā dviḥ kṛtā stathā

paravidyāpadaṃ procyacchindhirṇyantaḥ prayujyatām /
amityuktvā tathā nārī ? loṇmadhyamaśirāḥ smṛtaḥ

ehyehi bhagavan śabdaṃ vajraśabdamanantaram /
aṅkuśeneti tadanuprocya cākarṣayeti ca

hṛdayā dyādiranvaksyādbhakti pūrvajaneti ca /
jihvādinilayaṃ procya baḍabānalamanvataḥ

sambadhyantaṃ viśvamūrtiṃ saumanasyamanantaram /
bhagavannitivaktavya moṃkāraṃ hṛdayaṃ tataḥ

sadā yadbrahma sadasadātmeti ca padaṃ punaḥ /
cidghanādi ca turthyantaṃ bhagavatpadamirayet

ṭhaṭhāntamuddharedevaṃ hayagrīvaṃ caturmukha /
pūrvoktamevāsya bījaṃ pūrvavacchāṅgapaddhatiḥ

vyāso munirhayagrīvo devatā cchanda utkṛtiḥ /
dhyāyan hayaśirovaktrātudvāntaṃ phenamulbaṇam

pibanniva sudhīrmantra rājaṃ mantraviduccaret /
ayutaṃ niyutaṃ vāpi japenmantrasya siddhaye

vidyāpāramavāpnoti vāgīśatvaṃ ca padmaja /
vyākhyātṛtvaṃ ca kartṛtvaṃ śāstrāṇāṃ bahuvartmanām

sakṛdgrahaṇamātreṇa vidyāssarvāḥ pratiṣṭhitāḥ /
avismṛtiśca tāsu syātpuruṣārthacatuṣṭaye

nāsādhyaṃ kiñsidasyāsti dīrghamāyuśca vindati /
ṣaṇṇāṃ mukundamukhyānāṃ manussaṃprati kathyate

saptārṇān purvamuccārya nāmadheyāni ṣaṭtathā /
caturthyantāni yojyāni śiṣṭārṇānevamuddharet

jīmūtamādiṃ nāsikye varuṇaṃ praṇavādi ca /
sabinduṃ bhāskaraṃ rephe pañcabinduṃ sayaṣṭikam

ṭhaṭhāntaṃ ca mukundhasya munurevaṃ samuddhṛtaḥ /
bhāskaraṃ pāvakaṃ pañca binduryaṣṭisamanvitaḥ

akṣaraṃ ca dvirabhyasyenmārtāṇḍaṃ ca guhānvayam /
sānusvāraṃ dvirabhyasyedviṣṇuśabdamanantaram

caturthyantaṃ ṭhaṭhāntaṃ ca babhrormanurudīritaḥ /
parvataṃ bhuvanaṃ bhānumūrdhvalokeśanāsike

bhāskaraṃ pāvakaṃ pañca binduṃ nāsikyamuddharet /
phaṭkāraṃ ca hutāntaṃ ca manuścaivaṃ vṛṣākapeḥ

khubhadaṃ pāvakaṃ caiva pañcabi ndusadarthakam /
akṣaraṃ taddviruccārya ṭhaṭhānto mantra īritaḥ

śaurestathāparaṃ vakṣye daśārhaṃ manumabjaja /
savitāraṃ bṛhadbhānuṃ sayaṣṭiṃ pañcabindukam

hutāntaśca manuḥ prokto
vaikuṇṭhamanurucyate /
paramātmā caturthyantaṃ varuṇaṃ prathamaṃ svaram

nāsikyaṃ kumbhamākāramardhenduṃ bhāskaraṃ tataḥ /
hṛṣīkeśamanusvāraṃ nārāyaṇapadaṃ tataḥ

caturthyantaṃ ṭhaṭhāntaṃ ca vaikuṇṭhamanurīritaḥ /
ṛṣiśchando devatā ca bījamaṅgāni ṣaṭtathā

aṣṭākṣaravadeteṣāṃ phalāni ca caturmukha /
athāparājitaṃ mantraṃ vakṣyāmi kamalāsana

nigamādīn saptavarṇān gṛhītvādau yathāpuram /
caturthya ntāna ntapūrvamantaśśabdaṃ samuddharet

sahasrādi ca śīrṣāntaṃ tadvibhaktipadaṃ punaḥ /
tatsugandhaṃ tathākṣīramudārṇava padānvitam

śāyineti padaṃ procya śeṣabhojapadaṃ tathā /
paryaṅketi caturthyantaṃ tadvibhaktiśca vāhanam

garuḍādi padaṃ paścādvāsudevapadaṃ tataḥ /
tadvibhaktiśca satyantaṃ vāsaḥpītādi tādṛśam

saṃpūrvaṃ karṣaṇapadaṃ sambudhyantamanantaram /
pradyumnādyaniruddhaṃ ca tadvibhaktipadaṃ smṛtam

hayādiśīrṣaṃ sambuddhau varāhaṃ tadvidiṣyate /
nṛsiṃha vāmanapade trivikramamanantaram

rāmaśabdaṃ triruccārya kṛṣṇeti padamuddaret /
varapradeti natyantamastītyanvakkriyāpadam

teca śabdaṃ caturthyanta masureti padaṃ tataḥ /
daityayakṣapade coktvā rākṣaseti padaṃ tataḥ

bhūtaṃ piśācaṃ siddhaṃ ca yoginī ḍhākinīti ca /
brahmādi rākṣasapadaṃ vināyaka padaṃ tataḥ

pūtanā revatīskandapurogamasamuddhṛtiḥ /
gṛhīdīti ca nakṣatra gṛhīnityapyanukramāt

anyāṃśceti mahatpurvaṃ gṛhāniti paṭhetpadam /
haniṃ dahiṃ paciṃ caiva mathihyanta ? śabanvitam

anibhirdviḥ ? patiṃ caiva patibhyantaṃ ? samanvitam /
ākhyātaṃ dvissamuccārya gṛhāṇeti tathaiva ca

āviśa dhvaṃ siraparāstrasidruhyantaloṭparāḥ /
catvāro dhātavo mantre dvirvaktavyāścaturmukha

cakraṃ gadāṃ ca vajraṃ ca tṛtīyā ntamudīrayet /
bhasmīkurvityanukramya bāhuṃ sambaddiśīrṣakam

sahasrārapadaṃ sarvaṃ mukhya praharaṇāyudham /
jayeti vijayeti dve pade dviḥ procya padmaja

anantamaparā pūrvajitaṃ pratihataṃ tathā /
naṅpārvaṃ netṛparyantaṃ sahasrādipadaṃ tataḥ

prajvalirjvalirityete loḍantedvissamu ddharet /
viśvarūpaṃ samuddhṛtya madhusūdanamanvataḥ

mahāpuruṣavaikuṇṭhanārāyaṇapadaṃ tataḥ /
padmādinābhiparyantaṃ hṛṣīkeśapadaṃ tataḥ

sarvamuktvā tathā bhūtaṃ vaśīkaraṇamuddharet /
śaṅkhacakragadāmuktvā dhareti tadanantaram

uddhṛtya sarvabhūtaṃ ca namaskṛtapadaṃ tathā /
sarvamanvaṅnāgapadaṃ pramardanapadānvitam

sarvaṃ prapaṭhyānupūrvādasurotsādhanaṃ tataḥ /
sarvadevamanukramya mahāśvaramudīrayet

sarvaṃ gṛhaṃ samuccārya nivāraṇapadaṃ tathā /
yantramanyaṃ ca sarvādi prabhañjanapadaṃ tataḥ

sarvaduḥkhapraśamanaṃ sarvajvara vināśanam /
sarvabandhamanukramya vimokṣaṇapadaṃ tathā

dussvapnamadhyaṃ sarvādivināśanamanuddharet /
namaskṛtāntaṃ sarvādibhūtamadhyaṃ padatrayam

padadvayaṃ pūrvavatsyādapakarṣaṇamācaret /
janārdaneti sambuddhau namaścāstviti te padam

aprameyamanusvārasahitaṃ bījamiritam /
mantraṃ ṣoḍhā vibhajyāṅgamṛṣiḥ padyunma ucyate

chandho'ticchanda etasya viśvarūpaśca devatā /
sādhayenmantravinmantramaṣṭākṣarasamādinā

aparājitamantreṇa nāsādhyaṃ vidyate phalam /
vaśyamucchāṭanaṃ caiva tathāmāraṇakarmaca

kṛtyādi bhūtadoṣāṇāṃ nivāraṇamanuttamam /
phalāni lipsussarvāṇi mantramenaṃ samāśrayet