Padma Samhita · Chapter 4.25

aṣṭākṣarasya mantrasya mahimānamanuttamam /
śusrūṣitamatamathacchando viśeṣaṃ sarṣidaivatam

phalaṃ tanmantra jāpasya rūpaṃ vā kīdṛśaṃ matam /
devatā sādhanaṃ cāpi madana grahakāmyayā

brūhi sarvamaśeṣeṇa mahyaṃ śuśrūṣave'cyuta /
aṣṭākṣarasya mantrasya phalāni na hi śakyate

vaktuṃ varṣaśatenāpi teṣāṃ diṅmātramucyate /
dharmārthakāmamokṣāṇāmekāntaphaladaṃ śubham

siddhayo bahudhā japturmantraṃ coditasajñyayā /
acintanīyo mahimā devasyeva madhudviṣaḥ

śucau vivikte vijane sarvadoṣavivarjite /
varṇacakraṃ samālikhya bhūmāvarghyādisādhanaiḥ

abhyarcyaca yathānyāyaṃ tato varṇān samuddharet /
udgīthamādau vighṇeśaḥ prayojyastadanantaram

brahmāsādhanasaṃyukto mandarassyādanantaram /
ādidevo vrato bhadrabāhuḥpaśpādudīritaḥ

vahnirgopanasaṃvītaśśvapano viṣṇuśīrṣakaḥ /
vanamālī tato yojyo madhusūdanasaṃyutaḥ

praṇavādiśiro vāyuriti varṇakramoditaḥ /
bījaṃ viṣṇuramasvārassāmarthyaṃ kathitaṃ punaḥ

aṅgāni ṣaḍdviṣaṭkasya mantrasyeva vidurbudhāḥ /
chandaśca devī gāyatramantaryāmī munassmṛtaḥ

devo nārāyaṇassākṣāddaivataṃ kṣetramīritam /
paramavyoma buddhissyāttatvaṃ varṇassita stathā

pratyakṣaramṛṣirbrahman gautamaḥ prathamassmṛtaḥ /
bharadvājo viśvāmitro jamadagniranantaram

vasiṣṭhaḥ kāśyapaḥ paśpā datrisyātkumbhasambhavaḥ /
chāndāṃsi gāyatryādīni virāḍavasitāni ca

dharodhruvaśca somaśca āpaścāgnirjalādhipaḥ /
pratyūṣaśca prabhātaśca devāḥ pratyakṣaraṃ tathā

ākāśaṃ paramaṃ kṣetramakṣarasyāvasānataḥ /
satyādi lokāssaptasyuḥ prātilomyena bhūmayaḥ

akṣarāṇāṃ pṛthivyantāssaptānāṃ sapta padmaja /
agnirbhūrvāyurākāśaṃ sūryo dyauratha candramāḥ

nakṣatrāṇi tathā rāśirete tatvānyanukramāt /
niruktamasya mantrasya kathayāmi yathātatham

aviḥ kvibanto vyāptyarthaḥsmaryate kartṛsādhanaḥ /
oṃkāravarṇavyatyāsassyādakārasya padmaja

makāravarṇāvyatyāso vakārasyāpyayantvidam /
antarbahiśca yatsarvaṃ vyāpnoti tadudīryate

athavā tantusantānaṃ vṛttervātha bhaviṣyati /
ṭeśca lopo vakārasya prasāraṇamataḥparam

pūrvatvaṃ copasargeṇa syādantaścādguṇaḥ kṛtaḥ /
yasminnotamidaṃ sarvaṃ tadevamabhidhīyate

avate rakṣaṇārthatvā daṭi lepe ca vartate /
vakārasyopadhāyāśca dvayo rūḍhāgamaḥsmṛtaḥ

guṇe ca rūpaṃ yatsarvaṃ trāyate tatparaṃ param /
abhidheyamitiproktā niruktiḥ praṇavasya sā

samyate deva evaika steṣāmekaṃ parāyaṇam /
naro devaḥ parassraṣṭā sargādau pāthasāmatha

tasmānnā rāṇi pāthāṃsi tānyevāyanamucyate /
devasya hetoścāmuṣmānnārāyaṇa samāhvayaḥ

nārāvā'yanamāvāsaḥ puruṣasya madhudviṣaḥ /
aṇpratyayaḥ prakṛtyarthe tato vāsasamāhvayaḥ

evaṃ mantramimaṃ labdhvā samyaggurumukhāttataḥ /
guruśuśrūṣaṇaparassarva mandrāṇi sādhayet

brahmacarye sthito maunī medhyāhārāśano pratī /
aśanīyāni medhyāni pakṣāmi khṛṇu tānyapi

payoyāvakaśākāmbaphalamūlāni saktavaḥ /
ādyaṃ kuśodakaṃ medhyaṃ dadhi bhikṣānnameva ca

sādhane mandrajāpasya śṛṇu kālaṃ yathoditam /
mūrgaśīrṣe śubhe māsi dvādaśyāṃ candravardhane

arādhya parayā bhaktyā nārāyaṇamananyadhīḥ /
cākrābjamaṇḍale devaṃ dyāye devaṃ samāhitaḥ

caturbhāhumudāraṅgaṃ cakrādyāyudha sevitam /
kālameghapratīkāśaṃ padma patrāyatekṣaṇam

pītāmbaradharaṃ saumyaṃ prasannendunibhāvanam /
cāruhāsaṃ sutāmroṣṭhaṃ ratnojvalitakuṇḍalam

subhrā lalāṭaṃ sumukhaṃ sarvābharaṇabhūṣitam /
lalāṭatilakaṃ saumyaṃ dīpavacchvetamṛtsnayā

dhṛtordhvapuṇḍratilakaṃ maṇḍitaṃ caṇḍabhānunā /
sphuratkaṭakakeyūrahārakaustubhabhūṣitam

sphuradbhāskaravarṇābhaṃ śobhitaṃ vanamālayā /
pradyotanasahasrābhabhūṣaṇai rapi bhūṣitam

divya candanaliptāṅgaṃ divyamālyavibhūṣitam /
śrībhūmibhyāṃ sukhāsīnaṃ svarṇasiṃhāsane śubhe

dhyātvaivaṃ devadeveśaṃ mantrājāpa paro bhavet /
sukhāsīno yathākālaṃ śucirbhūtvā samāhitaḥ

mantraṃ japejjagannāthaṃ samārādhya dine dine /
japellakṣāṣṭakaṃ proktaṃ tadardhaṃ tilatarpaṇam

tadardhaṃ juhuyādagnau tatassidhyati mantrarāṭ /
atha saṃsādhite mantreṇa svapne jāharaṇe tathā

siddhiliṅgāni mantrasya mantrī paśyati santatam /
tatassiddhena mantreṇa sādhayeddharmamuttamam

athamantravarāddharmasādhanaṃ yo'bhivāñcati /
yaḥ pitṛṇāṃ ca sarveṣāṃ tarpaṇaṃ mantravittamaḥ

ṛṇatrayādvinirmuktiṃ sarvasmādabhivāñcati /
upoṣya sa śucirbhūtvā kumbhecakrābjamaṇḍale

āvāhya devamārādhya samyagarghyādisādhanaiḥ /
gohiraṇyādibhirdravyaistitaiścaiva kuśodakaiḥ

dattairmantrajapairyuktaḥ prāpayellokamakṣayam /
patṛn mantraprāsāna narakasthānapi kṣaṇāt

ato'nyallupta piṇḍānāṃ patṛṇāṃ tṛptikāraṇam /
vidhiṃ vakṣyāmi kalyāṇaṃ caturvaktra yathātatham

upoṣya mantravitpūrvaṃ pūrvedyussu samāhitaḥ /
pañcamyāṃ māghamāsasya maṇḍalaṃ cakrapaṅkajam

arcayitvā tatastasya madhye devaṃ jagadgurum /
yajeta kṛsarānnena homaṃ tenaiva kalpayet

samidājyatitānāpi mantreṇāṣṭottaraṃ śatam /
pitrādi nāma saṃkīrtya tārayeti padānvitam

prācīnāvitiko bhūtvā homānte dakṣiṇāmukhaḥ /
dakṣiṇāgrān kuśān bhūmāpāstīrya dhyānamāsthitaḥ

dhvātvā nārāyaṇaṃ devaṃ tarpayecca tilodakaiḥ /
tadakṣayaṃ jalaṃ dattaṃ pitṛṇāṃ tṛptimāvahet

tarpayitvā sadācārān brāhmaṇān bhagavanmayān /
bhojayetṣaḍrasopetaṃ bhojanaṃ dvādaśāvarān

dadyāttebhyastilānvastrān gohiraṇyādikaṃ tataḥ /
tatassavye bhuje nyasya brahmasūtraṃ samāhitaḥ

agre bhagavato darbhān dakṣiṇāgrān dharātale /
āstīrya sāgrān suṣamānāsīnū dakṣiṇāmukhaḥ

pātrasthamannaṃ dadhi ca tilāṃścabadarīphalam /
kabalīkṛtya tān piṇḍān samānmantramudīrayet

madhuvāteti tisṛbhirṛgbhirbarhiṣi nikṣipet /
gotranāma samucchārya pitṛṇāṃ secanaṃ jalaiḥ

puṇḍān pitṛbyo mātṛbhyo bhrātṛbhyogurave tathā /
ācāryaya tathānyebhyo bandhubhyo dhyānamāsthitaḥ

avasecanapūrvaṃ tu mantreṇānena mantravit /
piṇḍān dadyādabhidhyāyan devaṃ nārāyaṇaṃ harim

āsecanaṃ prakurvīta punareva vicakṣaṇaḥ /
evaṃ vidhāya vidhivadṛṇānmuktaśca tatkṣaṇāt

vimānaṃ divyamāruhya yāti brahma sanātanam /
upavānān bahuvidhānakṣamaḥ kartumaññasā

devaṃ cakrābjamadhyasthaṃ yajedarghyādhisādhanaiḥ /
siddenānena mantreṇa naivedyaiśca caturvidhaiḥ

hutvāghṛtena jvalane samidhāṣṭottaraṃ śatam /
tanmayānbhojayedviprān dadyācca vibhapocitam

iṣṭvevaṃ devadeveśaṃ vrastho niyatendriyaḥ /
cāndrāyaṇaṃ parākaṃ ca kṛcchraṃ sāntapanaṃ tathā

saṃvatsaropavāsaṃ ca tathaikāduśyu poṣitam /
kṛṣṇāṣṭamyāṃ śrāvaṇe ca jayantyādi prateṣvapi

ekādaśyupavāsasya yaduktaṃ phalamuttamam /
tattacchataguṇaṃ vidyātphalaṃ pūjāvidherapi

yajñadharmaphalākājkṣītattatphalamavāpnuyāt /
tarthābhigamanasyāpi phalaṃ saptāhapūjanāt

pavitrārohaṇe vāpi pratādiparipūraṇe /
snavane cotsave pañcakālābhigamane tathā

gopurālaya sālādinirmāṇe pratimāsu ca /
kṣetrārāmataṭākādi pradāne ca madhudviṣaḥ

ghṛtadīpapradāne ca yatphalaṃ tatsahasradhā /
phalatyārādhanādviṣṇornātra kārya vicāraṇā

saṅkrāntau maṇḍale kumbhejvalane ca madhudviṣam /
āvāhya pūjayeddevaṃ paramānnaiśchaturvidhaiḥ

juhuyānmanunānena jvalane'ṣṭottaraṃ śatam /
tanmayānbhūjayecchaktyādadyāccaiva yathāvasu

yasya yasya ca dharmasya phalaṃ yadyadudīritam /
tasya tasya phalaṃ tattanmantrācchataguṇaṃ bhavet

ayane cottare kumbhe vahnau cakrābjamaṇḍale /
sopavāsaśśucirbhūtvā samāvāhya jagadgurum

yajeta pūrvavatpaścāddhomaṃ pūrvavadācaret /
athārthāsādhanaṃ mantramabhivāñchati cennaraḥ

bhadrakaṃ maṇḍalaṃ kṛtvā tasminnā rādhya mantravit /
tilairbhilvaistathāpadmairnimbapuṣpaiśca taṇḍulaiḥ

campakai rmallikābhiśca mālatyā karavīrajaiḥ /
nandyāvartairyūdhikābhiḥ pratyekaṃ śatasaṅkhyāyā

juhuyādvidyayā vidvān saptāhaṃ caturāsana /
dhanamakṣayamāpnoti mantrasyāsya prabhāvataḥ

candanaṃ kuṅkumaṃ koṣṭhaṃ rocanā laktakaṃ tathā /
ghanasāraṃ mṛgamadaṃ piṣṭvā tatkṣodavāriṇā

dhanadaṃ vilikhedbhūmau sapta rātramananyadhīḥ /
yajeta gandhapramukhairnivedya ca guḻodanam

pādenākramya hṛdayaṃ dhanadasya japettataḥ /
ayutaṃ niyutaṃ vāpi mantrarājaṃ jitendriyaḥ

dhyātvā nārāyaṇaṃ devaṃ tadanaimantravittamaḥ /
sākṣātkaroti dhanadaṃ tathaiva dhanamakṣayam

prayacchati dhanādhyakṣairānītaṃ svāśrayātkṣaṇāt /
māṇibhadrādibhirmantraprabhāvena caturmukha

saptāhamathavā yāgaṃ kṛtvā bhadrakamaṇḍale /
hutvā hutīstadante ca kuryādbrahmaṇatarpaṇam

dhyātvā nārāyaṇaṃ devamātmānaṃ sādhakottamaḥ /
paśyan mahītalaṃ śuddhamagrahārādbahisthsitaḥ

bhavanti cāsya nidhayaḥ pratyakṣā bahavastathā /
añjanāñcitacakṣurvā mantreṇānena mantravit

nidhīn paśyati duṣprāpānabhīṣṭāṃ stat kṣaṇādasau /
bhadrake maṇḍale pūrvamiṣṭvā devaṃ janārdanam

yajñadāruṃ vṛṣaskandhe badhvā tasmin halaṃ punaḥ /
karṣayedbhūtalaṃ śuddhaṃ sitāsu maṇikāñcanam

mahadāpnotyabhipretamathavā kamalāsana /
valmīkasya tathābhyarṇe kṛtvā bhadrakamaṇḍalam

yajeta pūrvavaddevamantre valmīkabhūmiṣu /
nālikerajalaissārdhaṃ piṣṭaṃ nāgabaliṃ kṣipet

khātvā valmīkadhiṣṇyantaṃ tatra paśyenmahaddhanam /
khanitraṃ kṣālayitvā tu niśāyāmadhivāsayet

maṇḍale svastike devamiṣṭvā hutvā tathāhutīḥ /
aṣṭottaraśataṃ bhūyaḥ prātarnikṣipya bhūtale

śucau khanetkhanitreṇa labhate sumahaddhanam /
sādhitaṃ pāradaṃ kṛtvā haste japtvā manuṃ punaḥ

niyutaṃ prayutaṃ vāpi yathāśakti samāhitaḥ /
tadrasasparśamātreṇa sarvaṃ kāñcanatāmiyāt

pāṣāṇamathavā loṣṭamagnitaptaṃ na saṃśayaḥ /
auṣadhāni ca sarvāṇi rasayuktāni padmaja

lohasaṃsparśayuktāni suvate kanakaṃ mahat /
itthaṃ dhanavatāṃ kāmassamutrāntaḥ pravartate

tatprāptaye vidhāyābjamaṇḍalaṃ tatra saṃsmaret /
mantreśamarcayitvāgre yathāpūrvamananyadhīḥ

juhuyācca yathoktena mārgeṇa dinasaptakam /
padmarāgarucaṃ devaṃ smṛtvā mantraṃ japetsudhīḥ

pūrvoktasaṅkhyayā strīṇāṃ bhogaṃ cecchati durlabham /
cintayitvāphalaṃ homakarmaṇyavasite tataḥ

abhīṣṭasādhakaṃ sarvāḥ prārthayantevarāstsriyaḥ /
yāvajjīvaṃ na tyajanti kāmārtā mantravittamam

kanyākāmaḥ phalaiḥ pakvaiḥ puṣpairlājairdine dine /
sahasraṃ juhuyāddevamārādhya garuḍadhvajam

labhate kanya kāmiṣṭāṃ tadantena vicāraṇā /
yantraṃ vaśyakaraṃ pakṣye śrūyatāṃ tadyathātatham

bhūrjapatre likhe ccakramaṣṭāraṃ rocanādikaiḥ /
candanadvayakāśmīraśaśikastūrikānvitaiḥ

hemasūcyālikhedetairgandhadravyaistathāparaiḥ /
nābhinemiyutaṃ cakramaṣṭāraṃ jvālayānvitam

aṣṭasvareṣu vilikhedakṣarāṇyaṣṭa padmaja /
prādakṣiṇyena vispaṣṭaṃ hrīṅkāraṃ madhyame pade

sādhyanāmāpi tatraiva soṅkāraṃ tadanantaram /
hrīṅkāraṃ nābhivalaye dikṣvaṣṭāsu samarpayet

hrīṅkāraṃ nemivalaye vaśīkaraṇamakṣaram /
tathaivāśānu sarvāsu vaśaṃ kuru padānvitam

tasminnāvāhya deveśamiṣṭvā mantraṃ japedbudhaḥ /
aṣṭottarasahasraṃ tu huhuyā dāhutī stataḥ

gulikāṃ bibhratastasya vaśyaṃ sarvamanantaram /
athavā pādayoḥ pāṃsūn raktacandanamiśritān

ādāya puruṣākārāṃ strīrūpāṃ vā yathepsitām /
kṛtvā pratikṛtiṃ tasminnasyātmānaṃ smareddharim

tāḍayenmūlamanunā raktaistu hayamārajaiḥ /
pratyahaṃ mantrajāpassyādaṣṭottarasahasrakam

paśyā nārī pumān vāpi saptāhānte japādbhavet /
yāvajjīvaṃ dhanairdattairātmanā vā yathepsitam

tilataṇḍuladūrvāṇāmayutāhutibhiḥ kramāt /
brāhmaṇakṣatriyaviśo vaśyamantra prabhāvataḥ

apāmārgasamidbhirvā homādvārṇān vaśaṃ nayet /
audumbarasamidbhirvā palāśasamidhāpi vā

homena brāhmaṇā vaiśyāḥ pūrvoktāhutisaṅkhyāyā /
tribhirmadhurasaissiktairapāmārgasamicchataiḥ

daśabhirjuhuyādagnaurājā vaśyaḥ kṣaṇādbhavet /
aśvatthaiḥ khādirai rvāpi vaśīkaraṇamīritam

vaṭavṛkṣasamitsaṅghairvaiśyāssarve vaśīkṛtāḥ /
śūdrastu plakṣasamidhāmāhutyā svavaśaḥ kṣaṇāt

gandhadravyasamāyuktamṛtsnayā tilakaṃ dadhat /
dṛṣṭamātreṇa janatāṃ vaśaṃ nayati mantravit

dhyātvā karatale candraṃ tanmadhye viṣṭhitaṃ harim /
sukhāsīnaṃ puṇḍarīkakarṇikāyāṃ sitaprabham

dhyāyan karatalaspa rśaissarvaṃ vaśyaṃ kṣaṇādbhavet /
bhakṣyaṃ bhojyaṃ tathā peyaṃ phalaṃ vā puṣpameva vā

spṛṣṭvā sahasrajāpena dattaṃ sarvān vaśaṃ nayet /
akarṣaṇavidhiṃ vakṣyetaṃ brahmannavadhāraya

bhūrjapatre likheccakramaṣṭāraṃ pūrvavartmanā /
gandhadravyairlikhenmantraṃ hemasūcyā vicakṣaṇaḥ

veṣṭayeduktasūtreṇa tadyantramabhimantritam /
śikhicaṅcupuṭe nyastaṃ bhāvayitvā japettataḥ

tannāmasaṃyutaṃ mantraṃ kruddhyannākarṣayeti ca /
yuktaṃ sahasraṃ saptāhaṃ japetpratidinaṃ sīdhīḥ

ātmānaṃ garuḍārūḍhaṃ sāyudhāṣṭabhujaṃ harim /
bandhūkapuṣpasadṛśaṃ bhāvayitvā jitendriyaḥ

vāmotsaṅge harerdevīṃ niṣaṇṇāṃ kāmavihvalām /
pāśāṅkuśadharāṃ lakṣmīṃ dhyātvā ca tadanantaram

nṛpaṃ badhvā gale pāśaistāḍayitvā'ṅkuśādibhiḥ /
āyudhaiḥ vṛṣṭhato mantramākarṣaya padānvitam

japtvā'yutaṃ saptadinaṃ yojanānāṃ śate sthitam /
api bhūpaṃ nayatyāśu sādhako mantratesajasā

dhanena mahatā yuktassvayamevāgatonṛpaḥ /
vaśyo bhavati kṛtvaivaṃ viprādīnapi vā ''nayet

yoṣidākarṣaṇe cāpi kṛtvaivaṃ karma mantravit /
pañcabhāṇeṣubhirviddhāṃ sarvāṅgeṣu striyaṃ smaret

pāśabaddhaṃ tathaivānyairāyudhaiptāḍitāṃ bhṛśam /
kṣipramevānayennārīṃ saptāhāccharavegavat

dūrasthitāmapi tathā rājño vā mahiṣīmapi /
sā sannidhatte kāmārtā madavihvālalocanā

samṛddhārthātmanā vāpi dhanairvāpi yathepsitaiḥ /
sādhakaṃ toṣayatyeṣā mantrajāpādyathoditāt

mṛtanārīkapāle vā rocanādyena vastunā /
pūrvavacca kramalikhya tanmadhye'bhīṣṭayoṣitaḥ

likhitvā nāmadheyaṃ ta tkapāle jvalane punaḥ /
tāpayitvā japenmantraṃ saptāhaṃ jūpvasaṅkhyayā

tatassidhyati sā nārī dūrasthāpi yathepsitā /
yakṣāṇāmapi yakṣīṇāṃ sādhanaṃ śṛṇu kathyate

vaṭavṛkṣe kuṭiṃ kṛtvā tatra cakrabjamaṇḍale /
ārādhya tevaṃ juhuyādvaṭavṛkṣasamicchataiḥ

daśabhiḥ pratyahaṃ mantrī saptāhe pariniṣṭhite /
pūrvameva vaṭe yakṣaṃ yakṣīṃ vā kuṅkumādibhiḥ

likhitvā karma tatsarvaṃ kuryādabhimukhe svayam /
saptame'hni vaṭe rātrau kampite'bhītavat sthitaḥ

gugguluṃ ghṛtamiśraṃ ca dhūpayenmantravittamaḥ /
vaṭābhimukhamutthāya yakṣīṃ vā yakṣameva vā

sākṣātkaroti tāṃ taṃ vā yā cetābhīṣṭamuttamam /
mātṛtvaṃ vā svasṛtvaṃ vā bhrātṛtvaṃ vā yathātatham

pitṛtvaṃ vātha bhāryātvamipsitaṃ sarvamāpnuyāt /
prayacchati yathāyogaṃ yakṣī yakṣaśca mantriṇe

mātā cenmātṛvadrakṣetpitācetpitṛtattathā /
evaṃ bhrātrādayo pyanye yathāsvatrāṇatatparāḥ

vidyādharavaśīkāre vidhānamaparaṃ śṛṇu /
asokavṛkṣa mūlorvyāṃ kuryātpūjādi pūrvavat

vidyādharaṇe yacchakyaṃ kartumasyāpi tadbhavet /
anyeṣāṃ devayonīnāmevaṃ kuryādyathāvidhi

te te sarvaṃ prayacchantimantratuṣṭā yathātatham /
pātālasādhanaṃ cāpi śṛṇu guhyaṃ yathātatham

homāvasānaṃ pūjādi karma kṛtvā yathoditam /
biladvārasamīpe tu lakṣamaṣṭākṣaraṃ japet

kṣīravṛkṣaśamīdurvātilādyānāmananyadhīḥ /
pratyekamayutaṃ homaṃ kuryādvai sādhakottamaḥ

nirgacchati bilāttasmātkāmārtā kanyakā svayam /
sahasraparivāreṇa sārdhamāyatalocanā

gṛhītvā mantriṇaṃ sveṣu mandireṣu yathāsukham /
ramate divyabhogaissā vicitrairatimānuṣaiḥ

pātāladvārapārśve tu kārayedyāgamaṇṭapam /
dhvajatoraṇasaṃyuktaṃ dvārakumbhopaśobhitam

cakrābjaṃ vartayettatra dhyātvā nārāyaṇaṃ prabhum /
yajeta pūrvavaddhomaṃ kṛtvā pūrvoktasaṅkhyāyā

aṣṭalakṣaṃ mitāhāro jitendriya ananyadhīḥ /
tatkṣaṇādeva nāgendrakanyakā mantriṇaḥ puraḥ

sthitā manobhavavaśā sahasraiḥ parivāritāḥ /
ātmatulyābhiranyābhiḥ kanyakābhirvaśīkṛtāḥ

gṛhītvā mantriṇaṃ tāśca nāgālayapurottame /
praviśya vividhairbhogairvaśīkurvantimantriṇam

pītvā rasāyanaṃ cāpi yāvadābhūtasaṃplavam /
ramate bhīrubhissārdhaṃ divi devapatiryathā

khaḍgasādhanamāścaryaṃ śṛṇu vakṣyāmi tadyathā /
dehajaṃ lohitaṃ mantrīśmaśānāṅgāramiśritam

peṣayitvālikhedkhaḍgaṃ catustālāyataṃ śubham /
śmaśānadeśe tanmūlaṃ spṛṣṭvāmantraṃ japetsudhīḥ

niśīthe nirjane tāvadyā vajjvālāṃ vimuṃcati /
jvālābhirasya śobhante diśo daśa caturmukha

nānāvidhāni bhūtāni bhavanti bhayahetavaḥ /
abhīto niścato mantraṃ jape devaṃ samāhitaḥ

sphurantaṃ pāṇinā khaḍgaṃ gṛhītvā dṛḍhamuṣṭinā /
mantraṃ japennabho yāti yatra vidyādharādayaḥ

vidyāmahimnā teṣāṃ sa rājā bhavati mantravit /
yakṣarākṣasadaityānāṃ jetā martyeṣu kiṃpunaḥ

khaḍgahastasyadā mantraṃ japanyāti triviṣṭapam /
tatrāpi bhogamatulaṃ labhate cāpsarogaṇaiḥ

khaḍgaṃ vā''yasamādāya parṇaiḥ pipphalasaṃbhavaiḥ /
antarhitaṃ vidhāyāśu niyutaṃ japamācaret

samidājyaistathā bījairjuhuyādayutāvaram /
nararaktaṃ gajamadaṃ pittamākṣaṃ vimiśritam

rājavartena taiḥ khaḍgaṃ vilipyārādhayeddharim /
tasmin pūrvoktamārgeṇa khaḍgaṃ spṛṣṭvā japaḥsmṛtaḥ

aṣṭottarasahasreṇa paścāttāpādisambhavaḥ /
tāpe syādadhamāsiddhirmadhyamā dhūmajanmani

uttamā jvalane dṛṣṭe paścādkhaḍgadharassvayam /
caredabhīpsitān lokān bhogāṃścāpnoti puṣkalān

śaṅkhakuktyadare mandraṃ likhedgorocanāmbubhiḥ /
japenmantravaraṃ spṛṣṭvā yāvajjvālāvalokanam

samutthitā ca tanmadhye kanyā sarvavarapradā /
tilakaṃ cākṣamālāṃ ca gulu kāñjanapādukāḥ

divyaiṣadhaṃ rasendraṃ ca kapālasthaṃ rasāñjanam /
dadādi sarvaṃ sā kanyā mantriṇe mantravaibhavāt

tilakaṃ bhibhrata stasya naranārī mṛgādikam /
smṛtimātreṇa pūrato dṛṣṭaṃ bhavati taddhruvam

tayā kṣamālayā japtaḥ puraścaraṇavarjitaḥ /
mantro yathepsitān kāmān tasmai śīghraṃ prayacchati

nidhāya gulikāmāsye nirbhayassarvaviṣṭave /
caratyeṣa yathākāmaṃ dīrghamāyuścha vindati

añjanenāktanayanassyādadṛśyassurāsuraiḥ /
pādukāsparśamātreṇa cārayatyanale jale

dūraṃ vā gamayecchīghraṃ yaṃ yaṃ deśamabhīpsati /
divyauṣadhena bhuktena durvādhirnaśyati kṣaṇāt

acikitsyopi kuṣṭhādirnātra kāryā vicāraṇā /
pāṣāṇādi rasendriṇa spṛṣṭamāgnau pratāpitam

hiraṇyaṃ bhavati brahman pītvā cāpi rasāyanam /
balavānapi tejasvī valīpalitavarjitaḥ

kapāle cāśma nikṣipya śatrumūrdhani nikṣipet /
udvāsito vā mriyate sānvavāyassuhṛṅjanaḥ

darśayannindrajālaṃ cenmāyādevīṃ likhedbhuvi /
kṛṣṇāṃ ca turbhujāṃ saumyāṃ sarvābharaṇa bhūṣitām

sarvāṅgasundarīṃ mantrī pūjayitvā japettataḥ /
ayutaṃ niyutaṃ vāpi mantramaṣṭākṣa rānvitam

siddhā tadante sā devī caturaṅgabalaṃ mahat /
bhūmau pyomni balaṃ sravamudyatāyudhamadbhutam

darśayatyāśu mantreṇa ma ntreṇe mantrasiddhadā /
trailokyamapi sarvaṃ sā pradarśayati toṣitā

gulikā kadhyate brahman nirmāṇa madhunocyate /
manaśśilā tathā kuṣṭhaṃ halitālaṃ ca kuṃkumam

gorocanāṃ ca cakrāṅgaṃ sarvaṃ piṣṭvā madhutrikaiḥ /
kṛtvā ca gulikāṃ cakrapadmamadhye niveśayet

ekādaśīniśāyāṃ vā yajeta harimavyayam /
dvādaśyāmarcayitvā tu japenmantraṃ yathāpuram

homamagnau prakurvīta sahasraṃ sarpiṣā tataḥ /
siddheyaṃ gulikā sarvaṃ sādhayetsādhakasya hi

vetālasādhanaṃ brahman kathayāmi yathātatham /
brāhmaṇaṃ kṣatriyaṃ vāpi yuvānaṃ nirvraṇaṃ mṛtam

tatkṣaṇādeva saṅgṛhya śūnyāgāre niveśayet /
kṣālayitvā malaṃ sarvaṃ cakrapadme niveśyatam

hṛdayaṃ tasya cākramya pādena dhyānamāsthitaḥ /
japenmantraṃ divārātraṃ niśīdhe kampate śavaḥ

nirbhayastāḍayeddehaṃ siddhārdhairabhimantritaiḥ /
kampamānaṃ śarīraṃ tadutthāyāgre'vatiṣṭhate

kiṃ karomiti ca tatomantriṇaṃ saṃpuṭāñjaliḥ /
bruvāṇo mantriṇe tasmai prayacchati yathepsitam

khaṇḍamuṣṭiṃ tathā divyamauṣadhaṃ ca rasāyanam /
gulikāṃ pāduke siddhaṃ rasaṃ veṇupuṭe sthitam

pādalepaṃ cākṣasūtramanyadvā durlabhaṃ nṛbhiḥ /
pādalepena gamanamākāśādiṣu mantriṇaḥ

khaḍgena śatrusainyānāṃ vadhaḥ kesariṇāmapi /
divyauṣadhānāṃ sarveṣāṃ phalaṃ pūrvamudīritam

āmayānāmapasmāramukhānāṃ śāntaye vidhiḥ /
bhūbhāge śalyarahīte kṛtvā maṇṭapamāditaḥ

nirvraṇān lakṣaṇopetānkalaśān pañcaviṃśatim /
pūritān droṇamātreṇa sarpirādyena vastunā

sasūtrān sakuśāṃścaiva sāpidhānān savastrakān /
dvārakumbhān caturdikṣu toraṇāni ca kalpayet

pratyekaṃ kalaśān sarvān mantreṇaivābhimantrayet /
aṣṭākṣareṇa pratyekamaṣṭottaraśatāvaram

niśāmbanā candanena śvetadūrvāṅkureṇa ca /
bhūrjapatrodare padmamaṣṭapatraṃ sakarṇikam

nābhinemiyutaṃ cakramaṣṭāraṃ kamalādbahiḥ /
praṇavaṃ karṇikādeśe sādhyanāma ca madhyataḥ

aṣṭākṣarāṇyaṣṭadale nābhau sparśākṣaraṃ likhet /
nābhikṣetre yakārādīnaṣṭāreṣu svarān punaḥ

mahāmāyāgni saṃyuktaṃ bhāskaraṃ daṇḍaśekharam /
nemibhāge kramāddikṣu vidikṣu caturāsana

kṛtvaivaṃ sitasūtreṇa pariveṣṭyanirantaram /
gulikāṃ taṇḍuladroṇamadhyasthe kalaśe kṣipet

āvāhya hṛdayāttasmi nmantreśaṃ cakrapaṅkaje /
candanādyaissitairvastraiḥ puṣpairanyeśca tādṛśaiḥ

śālyodanena ca hariṃ yajeta susamāhitaḥ /
pūrṇendumaṇdalāntasthamudgirantaṃ sudhārasam

śaśāṅkaśatasaṅkāśaṃ dhyātvā nārāyaṇaṃ harim /
śāntiṃ prayaccha mahatīmityante samudīrayet

śaśino daśi vṛtte'tha kuṇḍe kṣīrājyataṇḍulaiḥ /
gugguluṃ kṣaudrabījāṃ ścasaptāhaṃ homamācaret

pūrvoktasaṅkhyayā kumbhaiḥ sthāpitaṃ cāmayāvinam /
svāpayenmūlamantreṇa dhyāyeccaiva janārdanam

mūrṇenduśatasaṅkāśaṃ syandhamānaṃ sudhārasam /
tadīyapādakamalātsarvato vyādhipīḍitam

praviśya brahmarandhreṇa plāpayantamananyadhīḥ /
dhyātvā japenmūlavidyāṃ mantravidvyādhipīḍitam

utthāpayati tanmūrdhninyasya tāṃ gulikāmatha /
apasmārādayassarve śāmyanti manutejasā

athādāya ca mṛtpātraṃ paittalaṃ vātha kāṣṭhajam /
tasminnikṣipya pīyūṣaṃ dadhisarpissamanvitam

odanaṃ caityavṛkṣādimūle bhūtabaliṃ haret /
bhojayedbrāhmaṇānai dadyātaibhyo yathāvasu

pauṣṭiṃ vakṣyāmi te karma maṇṭapādi yathāpuram /
bhūrjapatre likhedyantraṃ prāgvatpadmādisaṃyutam

śrībhūmimantraṃ ca likhetkesareṣu daleṣu ca /
gulikāṃ veṣṭitāṃ raktāsūtrairmadhughaṭe kṣipet

vidrumābhaṃ ca mandreśaṃ samāvāhya ca sarvagam /
saumyāśāyāṃ padmakuṇḍaṃ kalaśān raktavāsasaḥ

vastu sarvaṃ yathoktaṃ tadyuktaṃ syātsati sambhave /
balikarmaca kartavyaṃ karmānte kamalāsana

mahatī puṣṭireva syātkṛte karmaṇi śāntike /
āyuṣkāmastu dūrvābhirghṛtāktābhi ryathoditam

juhuyānmaṇṭapādīnāṃ vidhānaṃ pūrvavartmanā /
karmānte kalaśaissnānaṃ sādhyasya kamalāsana

evaṃ kṛte yathāśāstramāyurvindati puṣkalam /
ārogyakāmassāvitre maṇḍale harimarcayet

rukmābhaṃ vidyayārghyādi sādhanairuktavartmanā /
pūrvavajjapahomādi homo gugguluvastubhiḥ

japānte praṇamennityamaṅgairaṣṭābhirātmavān /
yāvadāyuṣamārogyaṃ labhate mantravaibhavāt

jvaritasya bhavecchāntiramṛtācūtapallavaiḥ /
pūrvoktena vidhānena sarvamanyadyathoditam

jvaraśāntirbhavedante vidyāvīryaprabhāvataḥ /
candanādidrumairlohairyadvā pratikṛtiḥ kṛtā

pūjitā pūrvavatsarvān kāmānāśu prayacchati /
homaśca karmānuguṇairdravyaissyātkamalāsana

aśvatthaṃ mandavāreṣu spṛṣṭvā dakṣiṇapāṇinā /
japato nāpamṛtyussyātpūrvamiritasaṅkhyāyā

ghṛtamiśraṃ vacā cūrṇaṃ yadvā brāhmīṃ ghṛtāplutām /
jyotiṣmatīrasaṃ vāpi spṛṣṭvā lakṣaṃ japan pibet

muhurte bhobhane prāpte vāksiddhistasya niścitā /
audumbare'thavā pātre kapilājyaṃ catuṣpalam

miśraṃ śvetavacācūrṇaṃ yadvā candhre maghāyute /
puṇye sārasvate yoge śvetavarṇaṃ caturbhujam

śvetapadme sukhāsīnaṃ candramaṇḍalamadhyagam /
iṣṭvā devaṃ goghṛtena juhuyācca yathāvidhi

piban sa susravaṃ paścāllabhate vācamuttamām /
aṣṭabāhuṃ candranibhamātmānaṃ śeṣaviṣṭare

sukhāsīnaṃ bhāvayitvā kopinaṃ prativādinam /
pidhāya jihvā hṛdayaṃ musalena śiro'ṅkuśaiḥ

tāḍayedgadayā pṛṣṭhaṃ pāśairbadhvā kalebharam /
tasyaiva jihvāmadhye ca māhendraṃ daṇḍa śekharam

vinyasya stambhayedvācamevaṃ dhyāyan vicakṣaṇaḥ /
ātmano vādinaścaiva madhye yavanikā bhavet

mantraṃ śataguṇaṃ japtvā vādī vācaṃ samutsṛjet /
sadyaḥ parasyāpajayo vijayaścātmano bhavet

stambhane nai padoṣassyā dbāhyāśchetprativādinaḥ /
brahmavarcasakāmaśchetsamitho brahmavṛkṣajāḥ

śvetapaṅkajahomo vā rājyakāmasya mantriṇaḥ /
samitho rakta varṇāssyurbilvapuṣpāṇi padmaja

lakṣmīsumanaso vāpi yadvā bodhisamudbhavāḥ /
candramaṇḍalamadhyasthaṃ śvetapaṅkajaviṣṭare

sthitaṃ dvihastaṃ subhagaṃ bālabhūṣaṇabhūṣitam /
bālāvasthaṃ prasannenduvarcasaṃ nīlakuntalam

rājataṃ pātramannena pāyasena prapūritam /
bibhrāṇaṃ vāmahastena dadhyanna kabalaṃ punaḥ

dadhānamitareṇāpi dhyātvā devaṃ samāhitaḥ /
annena juhuyādagnau bahvānnatvamavāpnuyāt

gokāmo gomayaiḥ kṣīraistadīyairhomamācaret /
labhate dhenukaṃ sadyo mantravinmantravaibhavāt

bhūmikāmo mṛdā homaṃ durlabhāṃ labhate bhuvam /
phalairbilvasamudbhūtairhomādrāṣṭrasamudbhavaḥ

vastrakāmassumanasāṃ kālajānāṃ caturmukha /
sitāsitādivarṇānāṃ homānniyutasaṅkhyayā

nānāvidhāni vastrāṇi labhate nātrasaṃśayaḥ /
yadyatkāmayate mantrī dhānyajātimanekadhā

tattaddhomeva tatsarvaṃ labhatemandravaibhavāt /
mantrābhimantritaṃ bījamuptaṃ bahuphalaṃ bhavet

putrakāmo haviṣṭāśī samārādhya jagadgurum /
cakrābjamaṇḍale kumbhasthāpanādi vidhāya ca

yathāpūrvaṃ pāyasānnaṃ homānte sthāpitairghaṭaiḥ /
abhiṣicya tadambhāṃsi pāyayet striyamāgatām

sā putrān labhate tviṣṭān bahun vidyāvicakṣaṇān /
iṣṭvā nārāyaṇaṃ devaṃ cakrābjeproktavartmanā

anugrahe nigrahe ca sarveṣāṃ śaktimān bhavet /
kampane vasudhādīnāṃ parvatānāṃ ca bhedane

śoṣaṇe vā samudrāṇāṃ sarveṣāṃ stambhane pi ca /
sargasthitivināśānāmapi kartā yathā hariḥ

dhyānācca devadevasya japānmantrasya ca kṣaṇāt /
naśyanti bhūtavetālapramukhāni caturmukha

duṣṭasatvāni mantrasya prabhāvānnātra saṃśayaḥ /
viṣadaṣṭamavasthāpya dhyātvāca garuḍadhvajam

devaṃ vidyāṃ samuccārya tīkṣṇatuṇḍena tāḍayet /
garuḍasya tu pakṣābhyāṃ viṣadaṣṭasya mūrdhani

evaṃ dhyātvā viṣaṃ sarvaṃ vyapohyotthāpayenmṛtam /
bhuktaṃ viṣeṇa saṃspṛṣṭamannaṃ bījaṃ phalaṃ tathā

jarayedvidyayā sadyassarvadoṣaṃ ca nāśayet /
akṣayaścābhivṛddhiśca dhanasya yadi kāṅkṣitaḥ

saṃspṛśya vidyayā sarvaṃ nikṣipedbahujaptayā /
bandhūka kusumaprakhyamātmānaṃ bhagavanmayam

dhyāyanyāyātsabhāṃ tatra kruddhaśśāmyati bhūmipaḥ /
anuktāssiddhayaḥ sarvāssidhyantyatyantavistṛtāḥ

śāstre mantraprabhāvena devabhūyaṃ prapadyate /
vṛṣṭikāmo bahiśśālāṃ pūrvoktavidhinā kṛtām

cakrābjamaṇḍlādīni kṛtvā karmāṇi pūrvavat /
saptāhamājyasiktābhissamidbhirjuhuyātsudhīḥ

vaitasībhiḥ pratidinaṃ niyutāyutasaṅkhyāyā /
vṛṣṭirbhavati tadrāṣṭre taddheśe vā dinatraye

marīcikṣuṇṇasaṃmiśraissarṣapai rājasarṣapaiḥ /
pūrvoktasaṅkhyayā homādativṛṣṭiśca śāmyati

devatādipadaṃ prepsurvidyayā lokamīpsitam /
svargādyabhīṣṭarokasya mahimānuguṇairjapaiḥ

labhate tattadāścaryaṃ phalaṃ naivātra saṃśayaḥ /
cintāratnaṃ tathaivān maṇimādi guṇaṃ param

lipsurmantrajapaiḥ koṭisaṅkhyaiḥ prāpnoti mantravit /
mantrādhidaivataṃ devaṃ draṣṭukāmojitendriyaḥ

ṣaṣmāsānmantramaniśaṃ japettadhyānamāsthitaḥ /
āgatya devadeveśaḥ papratyakṣo bhavati kṣaṇāt

varāṃśca durlabhāṃstasme pradadāti yathepsitān /
mantriṇe mantramahātmyādacireṇa caturmukha

mantrāntarāṇāṃ yāsiddhiḥ kalpe kalpe samīritā /
sāpi prasidhyedasyaiva sakalā vīryapattayā

ṣaḍaṅgāni ca vedāśca mantrāścānye paraśśatāḥ /
anyacca vāṅmayaṃ sarvaṃ mantre'smin susamāhitam

apunarbhavalipsūnāṃ gatiraṣṭāraṃ matam /
janmanyasminnatīte vā yatenassañchitaṃ mahat

tanmantrajāpamātreṇa pralayaṃ yāti niścayam /
mriyamāṇaśśucirbhūtvāmantrametamudīrayan

prāpnoti vaiṣṇavaṃ sthānaṃ duṣprāpama vināśanam /
kiṃ tasya bahubhirmantraiḥ kiṃ tasya bahubhiśśrutaiḥ

yasyaiṣā vaśamāpannā vidyā sarvārthasādhanī /
ye mantramāhātmyamidaṃ śṛṇvanti ca paṭhanti ca

teṣāmapi phalānyāhuḥ pūrvoktāni manīṣiṇaḥ /
caturmukhaiśca turvaktraphalānyasya pradarśayan