Padma Samhita · Chapter 4.24

dvādaśākṣaramantrasya śṛṇu kalpaṃ caturmukha /
mātṛkācakramabhyarcya dvādaśārṇaṃ samuddharet

praṇavaṃ paramātmānaṃ bhadrapāṇimanantaram /
viṣṇuṃ dakṣaṃ cotadehaṃ subhadraṃ gadinaṃ sudhām

viṣṇuśīrṣaṃ trayaṃ paścāddvijayaṃ saṃprasāraṇam /
varuṇaṃ cādidevāntaṃ śuklaṃ bhuvanaśīrṣakam

atriṃ mādhava nāmānaṃ pīyūṣaṃ madhusūdanam /
vāyuṃ tathā'prameyāntameva muddhāraṇakramaḥ

bījamasya dvādaśātmā daṇḍaśīrṣa udāhṛtaḥ /
kruddho mahāṃśca vīraścha dyussahasraṃ ca tejasā

ulkāntāṣṣaḍime śabdāścaturthyantāḥ svadhāntakāḥ /
aṅgāni hṛdayādau syuḥ sthāne bījākṣarāṇi vā

parasya vāsudevasya bījāṅgaṃ samudāhṛtam /
dīptimānūrdhvalokānto bījaṃ daṇḍaśśiraḥ smṛtam

dīptimān kumbhasaṃyogo madhusūdanamastakaḥ /
sa eva vāmanaśirā hṛṣīkeśaśirāstathā

vīrasenaśirāścāpi kalkyantoyamanantaraḥ /
ṣaṣṭhamaurvaśiraḥ proktamaṅgāni kramaśaḥ punaḥ

satyantadaṇḍaśirasassarve vibhavapūrvake /
vāsudeve prayoktavyā hṛdayā diṣu ṣaṭsvapi

vyūhapūrve tu bimbasyādviṣṇuḥ kuṇḍādi pūrvavat /
aṅgaṃ yadvā dvādaśārṇaḥ pūrve ṣaṭ hṛdayādayaḥ

ṣaṇṇāmarṇāṣṣaḍapare tunda guhyabhujoravaḥ /
jaṅghāpādamiti sthāneṣvete yojyāḥ kramādbudhaiḥ

ṛṣiśca devatā cobhe vāsudevaḥ smṛtastriṣu /
chandhaśca devī gāyatrī varṇaśśvetaścaturmukha

tatvaṃ buddhiḥ paraṃ vyoma kṣetraṃ mantrasya śabditam /
pratyakṣaramṛṣiśchando devatā varṇavistaraḥ

tatvaṃ kṣetraṃ kramātsarvamucyate dvādaśasvapi /
parameṣṭhī sanandaśca sanakaśca prajāpatiḥ

bhṛgussanatkumāraśca pulastyaḥ pulahaḥ kratuḥ /
marīciratryaṅgirasau kathitā ṛṣayaḥ kramāt

chandāṃsi devī gāyatrī bastaḥ kṣetraṃ prajāpatiḥ /
triṣṭuppaṅtkiśca bṛhatī virāṭ bastastrivṛtsakaḥ

uṣṇikca śrīriti brahman varṇeṣu dvādaśasvapi /
viṣṇvādyā māsapā devāstatvāni kathayāmite

cijjīvaḥ prakṛtirbuddhirmana ssatvādayo guṇāḥ /
vyomāgnirmarutaścāpi varṇānāṃ tatvamīritam

kṣetrāṇi paramavyoma vāyuragnirjalaṃ tathā /
satyaṃ tapo janaścaiva maha ssvargaṃ bhuva stathā

bhūmiḥ pātālametāni krameṇa kathitāni te /
āmnādidhāmāśreyāṃśaṃ ? gopanāntaṃ sadaṇḍakam

satyantaṃ pāpahananaṃ viṣṇvantaṃ bhānumān param /
śaṅkhamādyakṣara paraṃ kamalaṃ madhusūdanam

pulahaṃ cāparaṃ vighnunāyakaṃ pītasūdanau /
ekanetraṃ mandaraṃ ca viṣṇvantaṃ bhatrahastakam

saṃprasāraṇamūrdhānamuddharenmantravittamaḥ /
agniprakāramantroyaṃ kathitaḥ kamalāsana

durgā gaṇapatistārkṣya kṣetrapālapadāni tu /
caturthyantāni natyanta praṇavādīni mintriṇā

koṇadikṣu prayujyerannārabhyāgnerdiśaṃ kramāt /
bhāṣyaṃ ca dvādaśārṇasya pravakṣyāmi yathātatham

omityuktaṃ paraṃ brahma sukharūpaṃ dhruvaṃ sthiram /
vyāpitvāttasya vācyasya vācakaṃ sarvagaṃ smṛtam

puruṣārthaṃ paraissarvaissurāsuramahirṣibhiḥ /
namyante deva devaikassa evaikaḥ parāyaṇam

ādau sṛjati bhūtāni bhūtānugrahakāmyayā /
paripālanamapyeṣa karoti bahumūrtibhiḥ

viśramārthaṃ ca bhūtānāṃ saṃharatyakhilaṃ jagat /
gatirgatimatāmanyā vāsudevānna vidyate

saṃharatyātmabhūtāni punassṛjati māyāyā /
deve jāgrati jāgarti supte svapiti cākhilam

carācaramidaṃ kṛtsnaṃ bhūtagrāmaṃ caturvidham /
dvādaśākṣaravācyo sau
tasya māhātmyamāśritaḥ

brahmabhūyaṃ gato brahmā devabhūyaṃ ca devatāḥ /
ṛṣayaśca marīcyādyā munayassanakādayaḥ

mantramāhatmyamāśritya jagmuḥ padamanuttamam /
gatvā gatvā nivartante candrasūryādayo grahāḥ

na kadāpi nivartante dvādaśākṣaracintakāḥ /
kiṃ tasya yajñaiḥ kiṃtīrthaiḥ kiṃ viśrāṇanakarmabhiḥ

kiṃ vratairyasya mantro'sau dvādaśākṣaralakṣaṇaḥ /
sarva yatnena puruṣastanmantra nirato bhavet

saṃsāra bhayabhīrūṇāṃ mokṣaikaphalakāminām /
muktaye paramopāyo mantro'yaṃ dvādaśākṣaraḥ

devadānavagandharva yakṣavidyādharādayaḥ /
praṇamanti mahātmānaṃ dvādaśākṣaracintakam

yasya rāṣṭre mahīpasyamantrī vasatinirbhayaḥ /
tadrāṣṭre dhanadhānyādi samṛddhaṃ vardhate'dhikam

bhūtāni ca palāyante grahaścaiva bhayaṅkārāḥ /
rāṣṭrādrājapurādrājñassakāśācca nipīḍitāḥ

na phalaṃ śakyate vaktuṃ kārtsnye kamalāsana /
caturmukhamukhaissarverdirvairvarṣaśatairapi

śarīraśuddhaye pūrvaṃ puraścaraṇamācaret /
śarīraṃ mantrasaṃskārapuraścaraṇamiṣyate

brāhmaṇāṃ stanmayān pūrvamāhuya dvādaśāvarān /
bhojayitvā tataścakramaṇḍale devamarcayet

vijñāpya deśikaḥ pūrvamanujñātassahāyavān /
āśrame yatra munibhiḥ pūrvamācaritaṃ tapaḥ

siddhamantraphale tatra vāsudevaniketane /
paścimadvāri vānyatra pūrvoktasthānabhūmiṣu

sthāne'bhirucite puṣpasamitkuśaphalodakaiḥ /
samupete yathoktānāṃ sampannābhimatāśanaḥ

bhikṣānnabhoktā bhaktānāṃ tanmayānāṃ gṛheṣu vā /
brahmacārī gṛhastho vā sādhayeddvādaśākṣaram

vaikhānaso vā niyatastapasyabhirataśsuciḥ /
bhikṣānnabhugbhrahmacārī śākakandaphalāśanaḥ

gṛhasthaścetsvayaṃ pākaṃ putrairvā bhāryayā'pi vā /
śiṣyeṇa vā pācitānnaṃ nivedya haraye'grataḥ

vaiśvadevādikarmānte bhojayitvā'tithīnapi /
śiṣyaṃ bhāryāṃ tathā putraṃ toṣayitvā yathātatham

svayaṃ bhuñjīta vidhivatpaścādannamakutsayan /
putradārasamāyuktojapedvaikhānasaśśuciḥ

viyuktaḥ putradārādyairathavā niyatasthsitaḥ /
añjasaiva svayaṃ pakvamannamadyānmi tāśanaḥ

sarveṣāṃ kāyaśudhyarthamādau cāndrāyaṇaṃ caret /
pādodakaṃ pañcagavyaṃ brahmakūrcajalaṃ tathā

pītvā kāyaviśudhyarthaṃ puraścaraṇa mācaret /
ārambhaḥ karmaṇāṃ māsi mārga śīrṣe'tha śobhane

caitre māsi site pakṣe brahmanne kādaśītithau /
upoṣya pūrvaṃ cakrābje pratimāyāmathāpi vā

kūrce vā sthaṇḍile vāpi yathābhirucite pade /
dvādaśyāṃ homaparyantamarcayitvā janārdanam

puṣpaiḥ patrairbrahmacaryanirato deśakālavit /
saṅkalpya kālaniyamaṃ vratādinimayaṃ tathā

nityaṃ triṣavaṇasnānamadhaśśayanameva ca /
śayanaṃ vā kuśe parṇe mṛgacarmaṇi vābjaja

saṅkalpya māṣaṃ tailaṃ ca kṣāraṃ lavaṇameva ca /
kālālaṃ bhojanaṃ kāṃsye divā svāpādi varjayet

dehaśuddhiṃ purā kṛtvā mantrajāpo'kṣamālayā /
ādyantayorbījayutaṃ tathaiva praṇavānvitam

japakāle japenmantraṃ na drutaṃ na vilambitam /
lakṣīkṛtyācyutaṃ dhyāye ttadadhīnamanogatiḥ

dhyānaṃ vakṣyāmi sarvāghanāśanaṃ kamālāsana /
caturbhujamudārāṅgaṃ sarvalakṣaṇalakṣitam

śuddhasphaṭika varṇābhayayutendusamaprabham /
cāruhāsaṃ sutāmroṣṭhaṃ karṇāntāyatalocanam

nirdhūta padmarāgābhaṃ dantacchavisuśobhitam /
mahoraskaṃ mahābāhuṃ prasannendunibhānanam

subhrūlalāṭaṃ sumukhaṃ ghanakuñcitamūrdhajam /
taṭicchatasahasrābhaṃ pītanirmalavāsasam

pāṇipādatalāmbhojaṃ puṇḍarīkāyatekṣaṇam /
śrīvatsāṅkaṃ kirīṭādisarvābharaṇabhūṣitam

padma cakra gadāśaṅkhadhāriṇaṃ kaustubhorasam /
divyagandhaviliptāṅgaṃ divyamālāvibhūṣitam

śeṣāhibhoge vipule sukhāsīnaṃ caturmukha /
śrībhūmisahitaṃ devaṃ lalāṭe śvetamṛtsnayā

dhṛtordhvapuṇḍratilakaṃ maṇḍitaṃ caṇḍabhānubhiḥ /
niyutairayutaiścandrairvidyutkālāgnikoṭibhiḥ

samavetairivaikatra tejaḥ puñjairvisarpibhiḥ /
bhrājamānaṃ durālokaṃ dehamaṇḍalanirgataiḥ

bhāsayastaṃ jagatsarvaṃ dhyāyetprakṣīṇakalmaṣaḥ /
ārādhya devaṃ santhyāyāmaparasyāṃ yathāvidhi

visṛjya punarutthāyadhautapādakaraśśuciḥ /
ācamya vāgyato mantraṃ japetsamyaksamāhitaḥ

yāvadbrāhmamuhūrtasya prādurbhāvastataḥ param /
snātvā yathoktaṃ sandhyāyāmanuṣṭhāya yathāvidhi

ārādhya devamārghyādyairupacārai ryathoditaiḥ /
japenmantraṃ śarīrasya sthitimuktaiḥ phalārthibhiḥ

dvādaśārṇaṃ japedevaṃ viśuddhenāntarātmanā /
lakṣaṃ dvādaśa tanyārdhaṃ tarpaṇaṃ vāribhiḥ smṛtam

tadarthaṃ juhuyādagnau sādhakassamidādibhiḥ /
caturviṃśatilakṣeṇa mantrajāpena kiṅkarāḥ

siddhavidyādharāssarve pātāle divi vā bhuvi /
yathābhirucite deśe duṣprāpe sādhakaṃ dvijam

nayantastatra niyataṃ devante paricāriṇaḥ /
ṣaṭtriṃśallakṣajāpena devabhūyaṃ samaśnute

atilakṣajāpena homaistāvanmitairvaset /
maharloke sukhaṃ śaśvattatratyairabhipūjitaḥ

koṭilakṣeṇa jāpena prāpnu yādaṇimādikān /
guṇān janāhvaye loke vasettat sthaissupūjitaḥ

mahābṛndaśatenaiva japahomaistathā vaset /
tapoloke mahāpadmajapahomena tāvatā

satye vasati deveśaṃ śrībhūmisahitaṃ harim /
dṛṣṭvā nirāmayastatra vasettalloravāsibhiḥ

mahoghaiśśatajāpena tāvadāhutisaṅkhyāyā /
sākṣātkurvan vusudevaṃ tanmayo bhavati dhruvam

kimebhirbahubhiḥ proktaiḥ padaṃ yadyadabhīpsitam /
tattadāpnoti puruṣassamārādhanakarmabhiḥ

vaśyākarṣaṇamukhyāni japahomādikarmabhiḥ /
phalāni citrarūpāṇi darśayetsādhakassvayam

pātāle divi vā bhūmau ye bhogā bhuvi durlabhāḥ /
tānavāpnoti puruṣaḥ puruṣottamapūjayā

kāmopabhogavaimukhyaṃ mantriṇaḥ kāryamucyate /
mokṣaikaphaladaṃ dhāma dakṣiṇadvāramuttamam

siddhāyatanamāsādya tatra devaṃ caturvidham /
manuṣyanirmitaṃ cārṣaṃ daivaṃ rūpaṃ madhudviṣaḥ

svayaṃ vyaktaṃ samārādhya mokṣakāmassamāhitaḥ /
sālokyādicaturbhedāṃ muktimāpnotyasaṃśayam

sālokyaṃ mānuṣādārṣātsāmīpyaṃ devanirmitāt /
sārūpyaṃ tulyamāpnoti svayaṃ vyaktādanukramāt

prāsāda dvāri cādhmāte śaṅkhe tasya mahādhvaniḥ /
śūyate yatra taṃ deśaṃ vaiṣṇavaṃ
mānuṣālaye

tato dviguṇamārṣetu triguṇaṃ devanirmite /
caturguṇaṃ svayaṃ vyakte deśe vṛddhimanukramāt

brahmacaryaparo bhūtvā kuśaśāyī jitendriyaḥ /
mumukṣamāṇastanmantraṃ lakṣajāpena sidhyati

yuñjīta yogavidhinā hṛdayāmbhoruhāsane /
karṇikāyāṃ sukhāsīnaṃ śuddhasphaṭikavarcasam

caturbhujamudārāṅgaṃ jyotirmaṇḍalamadhyagam /
aṅguṣṭhamātraṃ puruṣaṃ dhyātvā bhogairyathākramam

abhyarcayennirmalena manasā susamāhitaḥ /
yogābhyāsabalenaiva guṇotkarṣaḥ prajāyate

candrārkāgnimayaṃ bījaṃ kavimaṇṭalasannibham /
tatassūkṣmataraṃ bimbaṃ rājamudgakamaprabham

taṃ sarvamantrānākramya sthitaṃ vidyādvicakṣaṇaḥ /
tatastu rājakābhījapramāṇaṃ cintayetkramāt

atpādakamathānyābhiryasyānte nāda āśritaḥ /
taṃ vilīya samutpannamaśvavālapramāṇakam

yasya gacchati te pyomni pyoma cāgacchate hṛdi /
tato vicintayetsūkṣmā māśvavālapramāṇakām

brahmanāḍīmanenāśu paśyati dhyānanevanāt /
tato'ṅgaromamātraṃ tu bījavālaṃ samantataḥ

dhyāyenni yamamāsthāya brahmanāḍīprakāśakam /
evaṃ dhyāyannimaṃ piṇḍaṃ paripakvaṃ parityajet

parijñāya purā piṇḍaṃ pākalakṣaṇamuttamam /
niruddhasandhimātraṃ ca kṛtvā deha samīraṇam

muktvā tadbrahmarandhreṇa utkrāntikaraṇena ca /
dhyātvā parityaje ddhehaṃ nityābhyāsarato yadi

sa brahma paramāpnoti vāsudevākhyamavyayam /
taile tailaṃ ghṛte sarpiḥ kṣīre kṣīraṃ jale jalam

tadvanna bhedo gṛhyeta jīvātma paramātmanoḥ /
taptaloho yathā toyaṃ līnaṃ naiva prajāyate

agnidagdhāni bījāni nārohanti yathā punaḥ /
tadvannajāyate bhūyojīvātmā kamalāsana

sārūpyaṃ bhagavadrūpaprāptissadbhi rudāhṛtā /
sāmīpyaṃ sannidau sevā devasya paricaryayā

sālokyaṃ ca tadākhyātaṃ loke vaikuṇṭhasaṃjñite /
tadīye nitya vāso'yaṃ punarāvṛttivarjite

śrotumicchāmi bhagavan dehapātasya lakṣaṇam /
saṅkṣepatastu bhagavan vayorgatinirodhanam

yuktāhāravihārasya kriyāsaktasya padmaja /
yuktassvāpnāvabhodhasya yogayuktasya sarvadā

vivartate sadā śabdo hṛdgato dundhubhisvanaḥ /
sparśaṃ na śītaṃ nāpyuṣṇaṃ vijānāti tvagindriyam

bhruvormadhye yadā jyotirdvādaśānte vyavasthitam /
pratyastameti vai śīghraṃ na codayati vaipunaḥ

na jānāti samādhistho hārdamabjaṃ yadāntare /
pariśuṣyati gātrasthaṃ śoṇitaṃ śleṣmalakṣaṇam

na vetti pārthivaṃ gandhaṃ na bāhyābhyantare yadā /
piṇḍastadā praboddhavyaḥ kāle naiva cireṇa tu

pṛthivyāṃ saṃsthitaṃ caiva dhāraṇāyāṃ samāhitaḥ /
na vetti śabdaṃ prāguktaṃ pañcamātpañcame kṣaṇe

sthitassamedhā bhāhyetu śītoṣṇe na ca vindati /
pa teddinacatuṣkeṇa piṇḍastatkalite kṣaṇe

rūpadhyānaṃ samāsādya pūrvoktavidhinā yadi /
na bhāti hṛdayākāśe bahirvā jyotiṣāṃ patiḥ

piṇḍapāto hyavaśyaṃ syāt jñātvāriṣṭaiḥ puroditaiḥ /
tṛtīye'hni caturvaktasarvametattadā kṣaṇe

samādau yadi vāyavye yogī samyakpravartate /
na vetti paramahlādaṃ tṛṣitaḥ parikampate

dinadvayena piṇḍasya pātosya dvitayakṣaṇe /
sthito gaganabhāge tu prāguktavidhinā yadi

na vetti vidhinā gandhaṃ tadbāhye tu śubhāśubham /
tatraivaikadine vātha lakṣaṇe prathame kṣaṇe

dhyātvaiva vidhinā samyagyogī dhyānaikamānasaḥ /
mayi sannārpitamanā vyāharan dvādaśākṣaram

svayamutkramate piṇḍādyāyādyāganiketanam /
śeṣāsane sukhāsīnaṃ vai kuṇṭhe maṇimaṇḍape

aṣṭabāhuṃ viśālākṣamaṣṭāyudhadharaṃ harim /
śrībhūmisahitaṃ devaṃ sarvābharaṇabhūṣitam

caturbhujaṃ vā vumena hantenāliṅgya paṅkajām /
aṣṭau vārastriyastasya vālavyajanapāṇayaḥ

tiṣṭhanti paritaḥ paścācchaṅkhādyāyudhadhāriṇaḥ /
sevante puruṣāstasmādbahi stiṣṭhanti mūrtayaḥ

caturviṃśati saṅkhyākāstato mitrādimūrtayaḥ /
pakṣīndraviṣvaksenābhyāṃ kumudādigaṇaistathā

mahābhāgavatāstatra dvādaśākṣaracintakāḥ /
sevante maṇḍape nityaṃ punarāvṛtti varjitāḥ

iha yatkarma kurvāṇā viṣṇorārādhanātmakam /
mucyante yogamāsthāya puruṣāḥ paramaṃ padam

prāpyapi tattatkurvāṇā sevante puruṣottamam /
athavāpiṇḍapatanaṃ vijñāya prāgudīritaiḥ

nimittairaihikairbhogaissṛjantaḥ pṛthivīkṣitaḥ /
piṇḍāntaramupāyena viśanti kamalāsana

yena taṃ kathayāmyadya śrūyatāṃ sādaraṃ vacaḥ /
varapiṇḍaṃ navaṃ śuddhaṃ madhyame vayasi sthitam

sarvalakṣaṇasaṃpannaṃ pāparogabahiṣkṛtam /
brāhmaṇasya śarīraṃ vā bāhujasyāthavā tanum

ūrdhvavaktraṃ dīrghapādamekānte śāyayecchavam /
tatpādapārśve śāyīta badhvā yogāsanaṃ tataḥ

abhyasyedyogamekāgro yathāpūrvaṃ caturmukha /
sa jīvaṃ nābhicakrasthaṃ bhramantaṃ bhāskaraprabham

haṃsākāraṃ valarkṣābhamiḍayā piṅgalena vā /
haṃsarūpaṃ samāsthāya nirgataṃ nāsikāpuṭāt

khagavadyāti gaganaṃ sārdhaṃ prāṇasamīraṇaiḥ /
tālaṃ hastāvadhiṃ daṇḍaṃ kośaṃ yojanameva ca

gatvā gatvā nivartante yojanāni caturmukha /
nāsikāpuṭarandhreṇa nābhicakraṃ praveśayet

abhyasya nityamaniśaṃ yogī yogamatandritaḥ /
nirgamayya svakāddehānnāsikārandhravartmanā

ātmānaṃ parakīyena nāsikābilavartmanā /
parapiṇḍaṃ svadehasya vinipāte praveśayet

nābhicakraṃ praviśyātha nāḍīṣu vicaretsukham /
sarvatra yogī tatrastho yuññānaḥ pūrvavatsadā

draḍhimne tatra vapuṣastatra sthitvā ciraṃ sukham /
tasyāpi pātamālocya piṇḍe'nyatra niveśayet

ityetatkadhikaṃ brahman parapiṇḍapraveśanam /
siddhayo mūlamantrasya samāsātkathitāstava

mūlamantra iti proktassākṣāddevasya vācakaḥ /
prasūyate mantralatāṃ prasūtimaṇimādikām

kiṃ punardharma kāmārthī siddhiṃ kamalasambhava /
nāsādhyamasti mantreṇa dvādaśākṣararūpiṇā

sarvalokeṣu sarvatra satyametadbravīmite /
nāsmātparataro mantro vidyate sarvakāmadaḥ

rahasya metatkathitaṃ mantramāhātmyamakṣayam /
ayamevāṣṭamūrtināmadhikaścaturakṣaraiḥ

amunā ṣoḍaśārṇena caturviṃśatimūrtayaḥ /
ārādhanīyā bhogaścellabhyate durlabho mahān

mantratantraṃ yathāpūrvamuddṛtya dvādaśākṣaram /
akṣarāṇi ca catvāri varṇacakrātsamuddharet

guhālaye parikrāntaṃ bhāskaraṃ daṇḍaśekham /
dvipaṭkākṣaravaccāṅgamasyāpi caturāsana

mūrtiṣvaṣṭāsu yo dhyātā ṛṣirmantrasya niścitaḥ /
chandaśca devī gāyatraṃ vāsudevo'dhidaivatam

adhikārṇasamaṣṭessyā dvarṇassphaṭikasannibhaḥ /
kṣetraṃ ca paramapyūma tatvaṃ dhīḥ pūrva mīritā

śiṣṭārṇakānāṃ dyumaṇirvāsudevo nṛkesarī /
manobhavaścaturṇāṃ syādadhidaivatakalpanā

japennamo'ntaṃ pūjāyāmubhayorhomakarmaṇi /
svāhāyāṃ viramedvauṣaḍantamāpyāyane tathā

māraṇe tu phaḍantassyādevamanyatra yojayet /
nyāso mūrdhnilalāṭe ca dṛśośśravasi ca kramāt

nāsikāpuṭayo rvaktre galakūpe tathā hṛdi /
nābhideśe rahasye ca tathorpūrjaṅgha yorapi

kāryānurūpaṃ sapṛṣṭyādivyasanaṃ sarvakarmanu /
ārādhanaṃ sarvasiddhikāraṇaṃ tacca kathyate

tejasāṃ nidhimaṣṭāraṃ sudarśanamanuttamam /
cintayitvā caturvavaktrapūrvasyāṃ diśi vedhasam

saṅkarṣaṇaṃ dakṣiṇasyāṃ pradyumnaṃ diśi cāppateḥ /
aniruddhamudīcīne koṇadikṣu śriyādayaḥ

devyaścatasro madhye ca vāsudevaṃ jagadgurum /
arghyādibhissamārādhya mantraṃ ṣoḍaśalakṣakam

japan hutvāgnimudakaistarpayitvā yathāvidhi /
evaṃ prasādhito mantraḥ puruṣārthāṃścaturvidhān

sādhayetpuruṣārtheṣu yo yenāvāptumiṣyate /
sa sarpū'vāpyate brahman kimanyairativi staraiḥ

yadi brahmapade brahmannabhilāṣā pravartate /
brāhmīṃ mūrtiṃ yajettāsu dhyātvā'nanyamanūgatiḥ

grīṣme māsi sthito bhūmyāṃ pādaṅguṣṭhena padmaja /
pādamasyaṃ samuddhṛtya bāhū cotkṣipya niścalaḥ

varṣāsu parṇaśālāyāṃ bahiśśaradi śaiśire /
hemantre triṣu caiteṣu vasante'gniṣu pañcasu

madhyastho mantrajāpassyāditthaṃ syātpratihāyanam /
upāṃśu pravaro vyaktānmanasaḥ pravarastataḥ

vighnanti devatāstasya tapaḥ karma sudaścaram /
padahāniṃ samāśaṅkya gandharvapramukhai stadā

apsarobhirvilobhyainaṃ nṛttavāditragītibhiḥ /
tasmāt sthiramatirbhūtvā japan siddhimapāpnuyāt

pratyakṣaṃ yāti bhagavān triviṣṭapapatissvayam /
brahmatvaṃ vā tadanyadvā prayacchati phalaṃ mahat

mūrtīnāmitarāsāṃ ca padaṃ yadyabhilaṣyate /
mūrtiṃ tāṃ tāmabhidhyāyan japenmantraṃ ca pūrvavat

labhate tatprasādeva svaṃ svaṃ padamanuttamam /
mantreṇānena mukhyena sādhakassādhayetphalam

aihikāmuṣmikaṃ tattānnātra kāryā vicāraṇā /
brāhmaṇaḥ kṣatriyo vāpi vaiśyo vā japamācaret