Padma Samhita · Chapter 4.23

saṃjñābhedastu varṇānāṃ mantroddhārastu kīdṛśaḥ /
prayojanaṃ vā kiṃ tasya kathyatāṃ tadaśeṣataḥ

ahaṃ te kathayiṣyāmi śṛṇu sarvaṃ yathātatham /
hrasvadīrghavibhāgena bhinnāḥ padmaja manmukhāt

akārādyāssvarā jātāḥ kramādanye'rdhamātṛkāḥ /
kakārādyāśca cakrete nyasya pūjyāḥ pariṣkṛte

praśaste nirjane gupte bhūbhāge śobhane same /
hastadvayena vistīrṇaṃ sthaṇḍilaṃ caturaśrakam

darpaṇodarasaṅkāśamunnataṃ caturaṅgulaiḥ /
mṛdbhiḥ pidhāya suṣiraṃ gomayenopalipya ca

prokṣya cakraṃ vidhātavyaṃ ṣoḍaśārapariṣkṛtam /
nābhinamisamāyuktaṃ candanakṣodarekhayā

tanmadhye chandasāmādirarabhūṣu svarā stathā /
sparśākṣaraṃ nābhimadhye nemimadhye ca yādayaḥ

evaṃ nyasteṣu varṇeṣu dvādaśākṣaravidyayā /
arghyādyaissakalairbhogairvarṇātmāsaṃ samarcayet

cakrasaṃsthitavarṇānāṃ nāmabhedaḥ pradarśyate /
udgīthaśchandasāmādiḥ praṇavastāraka stathā

brahma ca brahmakośaśca vyāpī coṅkāra ityapi /
nāmāni prathitānyaṣṭāvakāro viṣṇurucyate

oṅkārādiścāprameya ākāro madhusūdanaḥ /
ādidevo gopanaśca syādikārastsrivikramaḥ

māyā bandhuśca rāmaśca kathyate tadanantaram /
pañcabindurmahāmāyā vāmanassmaryate tathā

ukāro bhuvanāhvānaśśrīdharaścodaya stathā /
ūkārāścordhvalokeśo hṛṣīkeśo guhālayaḥ

ṛkāra ṛtadhāmā ca padmanābhastathocyate /
ṛkāraḥ pīṭhanāmā syādyogī dāmodara stathā

lṛkāraḥ keśavo goptā prajñādhāro maheśvaraḥ /
lṛkāro dīrgha ghoṇaśca nārāyaṇasamāhvayaḥ

saṃprasāraṇanāmāsyādekāro mādhavāhvayaḥ /
devadatto mṛgeśassyādaikāro godhanaḥ smṛtaḥ

govindho vīrasenaśca syādokāraścaturmukha /
otadeho vāsudevo brahmasādhana ityapi

aukāra auṣadhāhvāna aurvassaṅkarṣaṇo manuḥ /
aṃkāraḥ kapilākṣaśca pradyumno devatā smṛtaḥ

aḥkāraścāniruddhāhvaḥ kalānta ssargisaṃjñikaḥ /
kakāraḥ kamalo brahmā karālaśśaṅkhinaḥsmṛtaḥ

khakāraḥ kharvadehaśca cakrī garuḍavāhanaḥ /
gadadhvaṃsī gakāraśca gadī paṅcātmakassṛtaḥ

padmapāṇirśakārastu pañcātmā gajavāhanaḥ /
ṅakāraśśārṅgapāṇiśca ekadaṃṣṭraḥ kapidhvajaḥ

vakratuṇḍaḥ khaḍgadharaścakāraḥ pretanāyakaḥ /
chakāraśchalavidhvaṃsī svacchandaḥ kuṇḍalī smṛtaḥ

musalī janmahantā ca jakāraḥ kakubhaḥ smṛtaḥ /
jhakārassāmavedātmā jhaṣāśī ca guvarṇabhāḥ

ñakāraścandradhavalaḥ pāśapāṇirbhṛguḥsmṛtaḥ /
ṭakāro hṛdayā hlādī kheṭakī parvataḥ smṛtaḥ

ṭhakāraḥ kaustubho meghī tomaro dussahaḥ smṛtaḥ /
ḍakāraḥ puṇḍarīkākṣo jhaṣo bhūmirvanālayaḥ

ḍhakāraḥ puṣpabhadrā ca dṛḍhakarmā pratardanaḥ /
ṇakāro vanamālī syātpracaṇḍassumukhaḥ smṛtaḥ

ekanetra stakārasyādvairājo vijayaḥ smṛtaḥ /
thakārassarva rodhaśca rasātmā supratiṣṭhitaḥ

dakāro vaidharo dṛṣṭiratri ssa tripurāntakaḥ /
dhakāro dhanadaḥ puṇyassubhago mohanāśanaḥ

nakāro bhadrapāṇissyādvighneśo mānuṣeśvaraḥ /
pakāraḥ pāpahananaḥ pavitraḥ paścimānavaḥ

pakāraḥ pullanayanaśśikhaṇḍī syādvikarmaṇaḥ /
bakāro jṛmbhalo hrasvo matimān kālanemijit

bhallāyudho bhakāraśca subhadrassūkṣmalocanaḥ /
makāro mandaro dakṣo mādhavī pāṭalakriyaḥ

yakāraḥ puruṣātmā syādvāyu śśaṅkhaścaturgatiḥ /
reṣo'nalo mahājvālo viśvātmāsarvadāhakaḥ

lakāraḥpītavarṇābho mahendraḥ pulahaḥ smṛtaḥ /
vakāro varuṇaḥ kumbhaḥ pīyūṣātmā sudhārasaḥ

śakāraśśubhado lakṣmīḥ śrīvatso vittavardhanaḥ /
ṣakāraḥ krodharūpī syādugrātmā śatrusūdanaḥ

pūrṇacandraḥ kalātmā syāt sakāraśśuklasaṃjñitaḥ /
dvādaśātmā hakārāssyāddīptimān bhāskaraḥ smṛtaḥ

ḻakāroḍuṇḍabho bhargo viṣkambho viṣamadhvaniḥ /
kṣakāro garuḍo' nantaḥ kūṭo narahariḥsmṛtaḥ

anusvāro druvo binduryaṣṭiścandrārdha ucyate /
svāhākāro hutāntaśca ṭaṭheti parikīrtitaḥ

namaskāro natirvarṇasaṃjñā ityādayaḥ smṛtāḥ /
cakrasaṃsthitavarṇānāṃ devatā kathyate kramāt

sarveṣāmapi varṇānāmakāraḥ kāraṇaṃ yataḥ /
sarvakāraṇarūpatvā dviṣṇustasyādhidevatā

ākārasya madhudveṣī syādikārastri vikramaḥ /
īkāro vāmano devastathokāraśśriyaḥ patiḥ

ūkārasya pṛṣīkeśo varṇasya syādanantaram /
padmanābhastvṛkārasya devo dāmodaro bhavet

ṝkārasya sthitaśśambhuḥ lṛkārasya ca devatā /
nārāyaṇo'dhidevassyāt lṛkārasya caturmukha

mādhavo'nantarārṇasya govindo devatā bhavet /
aikārasya tathārṇasya syādokārasya devatā

vāsudevastathārṇasya syādaukārasya devatā /
saṅkarṣaṇa stathāṅkāro bhavetpradyumna devatā

aḥkārasyāniruddhassyāddevā itthaṃ kramādacām /
devatāḥ kathitā brahman
halāṃ saṃprati kathyate

kakārasya vidhirdevaḥ khakārasya sudarśanaḥ /
gakārasya ghakārasya vāṇī śārṅgaśca devatā

ṅakārasya cakārasya devo nandaka iṣyate /
chakārasya yamo devo jakārasya ca devatā

musalī syāt jhakārastu bhavedaṅkuśadaivataḥ /
ñakārasya bhṛgurdevaḥ ṭakārasya mahīdharaḥ

meruḥ kaustubhadaivatyaḥ ṭhakāro ḍastu pārthivaḥ /
ḍhakāro mātṛdaivatyoṇakāro vānamālikaḥ

takārasya tathā dṛṣṭiḥ thakāro rasadaivataḥ /
atrirdakārasya bhaveddhakārasya dhaneśvaraḥ

lambhodaro nakārasya pakārasya pavitrakaḥ /
śikhaṇḍavān phakārasya bakārasya tu devatā

jṛmbalo bhākṣarasya syātsubhadro devatā tathā /
dakṣo makārasya bhavedyakāro vāyudaivataḥ

dhūmadhvajassyādrephasya lakārasya divaspatiḥ /
pakāro varuṇeśāna śśakāro mādhidaivataḥ

krodhākāraḥ ṣakārasya sakāraścandradaivataḥ /
sahasrāṃśurhakārasya ḻakāro bhargadaivataḥ

narasiṃhaḥ kṣakārasya kathitāḥ kādidevatāḥ /
varṇānāṃ cakraniṣṭhānāṃ nāmānyapi ca devatāḥ

yo vetti tasya phaladā mantriṇa ścaturānana /
yāvato yasya varṇasya yannakṣatraṃ vidurbudhāḥ

sa ca tāvāṃ statra varṇaḥ kramādiha nigadyate /
ādyaṃ vinā svaraṃ varṇāvādyāvāśvayujau smṛtau

ikārasyāpi bharaṇī kṛttikātrayamuttaram /
catuṣṭayamṛkārādi rohiṇye kamatheḍakā

raudramapyeka mevasyātpunarvasvordvayaṃ matam /
dvayameva tathā pauṣṇamādyantaṃ vā matā ntare

kādiṣu prathamaṃ puṣyaṃ dvayaṃ sārpaṃ dvayaṃ maghā /
ekamaryamaṇaṃ yugmaṃ bhargadaivatamucyate

yugmameva tu sāvitraṃ dvayamindrādhidaivatam /
ekaṃ niṣṭyā viśākhe dve trayaṃ maitramanantaram

aindramekaṃ trayaṃ mūlaṃ pūrvamāṣāḍhamekakam /
āṣāḍhamuttaraṃ cairamekamevābhijinmatam

dvayaṃ vaiṣṇavamekaṃ tu śraviṣṭhā śatatārakam /
ekameva trayaṃ śādi varṇassyādaja ekapāt

ahi rbudhnyastrayo varṇā iti varṇeṣu tārakāḥ /
ādau catuṣṭayaṃ meṣo varṇānāmṛṣabhastrikam

tathaiva mithunaṃ yugmaṃ kulīraṃ mṛgarāṭ tathā /
śiṣṭadvayaṃ śādayastu kanyā kuḥ prathamaṃ tulā

cavargo vṛścikaścāpaḥ ṭavargassadbhirucyate /
tavargo makaraḥ kumbhaḥ pavargo' ntyasya yādayaḥ

nakṣatraṃ yatsādhakasya mantrasyādyakṣarasya yat /
naranāryorivatayoryogāyogau parīkṣayet

catuṣpadaṃ likhitvorvāṃ tatrākārādi nikṣipet /
yarsmipade sādhakasya nāmādyarṇalipi stathā

tatraiva cedbhavesmantra syādhyaṃ varṇamavasthitam /
tatsiddhaṃ syāddvitīye tu sādhyaṃ vidyādanantare

pade siddhaṃ turīye tu vaiparītyāya kalpate /
siddhe siddhaṃ jāpādyaistu sādhye sādhyaṃ susiddhake

adhitamātre mahate phalāya bhavati dhruvam /
pade tu vairiṇassyācchellipiradhyetṛnāśanam

ānuguṇyaṃ parīkṣyeta nimittāni parīkṣya ca /
sādhakassādhayenmantraṃ devasya kuṭilā gatiḥ

caturṣumūlamantreṣu nānuguṇyaṃ parīkṣayet /
tāramaṣṭākṣaraṃ caiva dvādaśākṣarameva ca

viṣṇugāyatryapi tathā catvāraḥ prathame matāḥ /
dvātriṃśadakṣarādhikye mālāmantrādaśādikhe

bījamantrā
ssamasteṣu pūrve vārdhikyaśobhanāḥ /
itare yauvvane tadvatsarve bālyepi śobhanāḥ

strīvunna pumiti traidhaṃ bhajantemantrajātayaḥ /
saṃstyānamantrāssvāhāntā manontāstu napuṃsakāḥ

śeṣāḥ puruṣamantrāssyuriti trividhamīritam /
uccāṭane ca vaśye ca vidveṣe kṣudrakarmasu

striyaḥ praśastā nabliṅgāḥ karmasvanyatra pūjitāḥ /
pulliṅgeṣu tu mantreṣu diṅmītraṃ kiñciducyate

phaḍantā maraṇādyarthe śastā bhūtādyupadrave /
huṅkārāntāḥ praśasyante vauṣaḍantāstu te punaḥ

āpyāyane niyujyante dharmakāmārthamūrtiṣu /
caturthyantāḥ praśasyante omantāssarvasiddhidāḥ

sarvamantrāssarvaphalā guruvaktradyadi śrutāḥ /
yadṛcchayā śruto mantraścha nnenāthacchalena vā

patrekṣito vā vyarthassyātpratyutānarthadaḥ smṛtaḥ /
ekassusādhito mantrojapahomāditarpaṇaiḥ

sa sādhakasya sarvārthaṃ prasūte nātra saṃśayaḥ /
samyaksiddhaikamantrasya nāsādhyamihā kiñcana

kiṃpunarbahapo yasya kā kathā harireva saḥ /
kuśeṣu kṛṣṇatvaci vā brusyāmekāntabhūmiṣu

prāgādidiṅmukho bhūtvā na tu yāmyamukhaḥ kvacit /
upaviṣṭo japenmantraṃ sapavitrakaraśśuciḥ

dhṛtordhvapuṇḍraracano nānyāṃ vā camudīrayan /
guruṃ praṇamya prathamaṃ praṇavapramukhaṃ japet

devatāyatane nadyā śaile sāgararodhasi /
vane vā tīrthadeśe vānyagrodhāśvatthayoradhaḥ

anyatra vā śucau deśe kuṭiṃ kṛtvārabheta saḥ /
anaśnan vāyubhakṣo vā yadvābbhakṣo jalāplutaḥ

jīrṇaparṇāśanaśśākabhojano vā phalāni vā /
vakvāni mūlānyathavā bhuñjāno lavaṇaṃ vinā

yapoṣṭi kālājadugdha bhikṣāhoro jitendriyaḥ /
pūrvaṃ pūrvaṃ praśastaṃ syādaśanīyaṃ viśodhanam

mantrasya devatā tāratithivāreṣu sādhakaiḥ /
dvādaśyāṃ paurṇamāsyāṃ vā grahaṇe karma śasyate

viśeṣayajanaṃ kurvan cakrābje japamācaret /
śikhī vā jaṭilo vāpi valkalājinakarpaṭaḥ

trisandhyaṃ snānaniyatastailābhyaṅgavivarjitaḥ /
yāvaduktaṃ kṛtayuge mantrābhyasanamiṣyate

tretādiṣu triṣu proktaṃ dviguṇaṃ triguṇaṃ kramāt /
caturguṇaṃ paraṃ vāpi tato mantraphalecchayā

sarvasiddhikaromantrassiddhassiddhyetkriyāvaśāt /
kriyādhigamyate śāstrācchāstraṃ deśikapūruṣāt

mananaṃ sarvasatvānāṃ trāṇaṃ saṃsārasāgarāt /
mananatrāṇasaṃyogānmantra ityucyate budhaiḥ

athavā gopanīyatvā ddhātormantrayate rayaṃ /
rapratyayāntaḥ pulliṅgastathāyaṃ lokavedayoḥ

mantreṇa sthāpyate devo mantreṇaiva visṛjyate /
jñānānāṃ tatparaṃ jñānaṃ mantrajñānaṃ vidurbudhāḥ

aihikāmuṣmikaṃ sarvaṃ mantreṇaiva prasidhyati /
chando mantrākṣare yattaddarśanādṛṣirucyate

darśanaṃ ca phalasyāhurnapunarmantradarśanāt /
devatā mantra phaladā mantreṇa pratipāditā

bruvanti nilayaṃ kṣetraṃ tatvaṃ tatvamidaṃ viduḥ /
mantrākṣarāṇāṃ śuklādi mantrabhedaḥ prakīrtitaḥ

mūlamantrādimantrāṇāṃ sādhanaṃ śuṇu sāṃpratam /
vidhāya yāgayogyāni puṣpāmūlaphalāni ca

śākādīni tu varjyāni varjayeditarāṇi tu /
gṛhṇāyā dyāni varjyāni tāni vakṣyāmi padmaja

ugragandhānyagandhāni durgandhāni parityajet /
vastrārkaparṇaspṛṣṭāni puṣpāṇyāradhane hareḥ

unmatta śālmalī bījapūra dhuttūrikājapāḥ /
bandhūkīsitakoraṇḍadroṇakanyāparājitāḥ

hṛhatyagastyakūśmāṇḍapaṭolyāragvathaissamāḥ /
mirguṇḍī damayantī ca riṃśukaṃ pāribhadrakam

kośātakī prāyāluśca tapasvī girimallikā /
nimbavyāghrī karañjaśvī ṣaṇḍa pāṣaṇḍapaṭṭikā

vibhītakiṅkiṇyaṅkolalāṅgalīśaṅkhapuṣpiṇī /
nāraṅganandikāvarta valli kākṣīrikādiṣu

puṣpāṇi varjanīyāni śākānyapi tathā śṛṇu /
śṛṅgāṣṭaṃ grañjanaṃ śigrū nālikā suniṣaṇṇakam

saubhāñjanaṃ raktabhāṣpaṃ grāmabhāṣpaṃ trikaṇṭakam /
droṇapatraṃ liliṅgā ca taṇḍulīyaṃ tapasvinī

kośātakī ca varjyāni mūleṣu tyājyamucyate /
chatrākaṃ laśunaṃ tālaphalamūle paṭolikā

bimbakumbhāṇḍanāraṅgaphalāni parivarjiyet /
bilvodumbara bhodhyarka vaṭapatreṣu bhojanam

varjayetsādhako yatnādālasyaṃ dīrghacintanam /
vivādanidrā nirvedanigrahānugrahaṃstyajet

padmākṣamālāṃ grīvāyāṃ lambayetsādhakaśśuciḥ /
dhārayedraimayaṃ cakraṃ sarvavighnopaśāntaye

japakāle'thavā cakraṃ śaṅkhākṛti yathātathā /
śārṅgakhaḍgadākāraṃ lāñchanaṃ lāñchayetsudhīḥ

śarīrāvayave bāhvorvakṣobhuvi caturmukha /
cakrādipañcābhijñāna lakṣitāṅgapariṣkṛtam

puruṣaṃ dūrato dṛṣṭvā bhūtādyā bhayavihvalāḥ /
vidravanti tathā ghorāḥ pāpiṣṭhāḥ kṣaṇamātrataḥ

vinaśyanti tathā puṇyapuñjāni praviśantica /
praṇamanti tathā devā devarṣipravarāstathā

akṛtyamapi kurvāṇo bhujjāno vā yata stataḥ /
pāpairnalipyate dehī cakrādyāyudhalāñcitaḥ

havyaṃ kavyaṃ ca dātavyaṃ tasmai taddānamakṣayam /
avidhāya śikhābandhamakṛtvā tilakaṃ mṛdā

adhārayaṃstato darbhān sūtrai ranupavītayan /
kurvan karmāṇi na phalaṃ prāpnuyātpuruṣādhamaḥ

nagno muktaśikhābandho vāsasā vāvakuṇṭhitaḥ /
gacchan śayānaḥ pralapan na japātphalamaśnute

japenmaunaṃ samāsthāya sahasaṃbhāṣaṇādikam /
pratilomādibhirnīcairnakuryānmantravittamaḥ

vyāharedapi kāryārthaṃ nityaṃ tadgatamānasaḥ /
dvādaśākṣara manyaṃ vā japedakṣaralakṣakam

tadardhaṃ juhuyā dagnau homaśālāṃ prakalpayet /
dhūmanirgamanopetāṃ caturaśrāṃ manoramām

tanmadhye kalpayetkuṇḍamāhutyasuguṇaṃ śubham /
vṛttaṃ vā caturaśraṃ vā mekhalātrayasaṃyutam

yo nimanmṛtsnayā brahman mānaṃ kuṇḍanya kathyate /
ayutāhutiparyante home hastapramāṇakam

dvihastaṃ niyute kuṇḍaṃ trihastaṃ prayute tathā /
śaṅkuhome caturhastaṃ mahāśaṅkā tu ṣaṭkaram

nṛndāhutau saptahastaṃ mahābṛnde'ṣṭahastakam /
arbude navahastaṃ syānnirbude daśahastakam

ekādaśakaraṃ kharve parārdhe dvādaśāyatam /
trayodaśakaraṃ madhye antaketu caturdaśa

padme karāḥ pañcadaśa mahāpadme tu ṣoḍaśa /
samudre viṃśatikara moghe dvāviṃśatiḥ smṛtam

ito'dhikāhutividhau caturviṃśatihastakam /
prasaṅgāducyate saṅkhyā tāṃ krameṇāvadhāraya

ekaṃ daśa śataṃ saṅkhyā sahasramayutaṃ tathā /
niyutaṃ prayutaṃ śaṅkurmahāśaṅkustataḥ param

nṛndaṃ tathā mahābṛndamarbudaṃ nyarbudaṃ tathā /
kharvaṃ parārdhaṃ madhyānte padmaṃ tanmahadādikam

padmottaraṃ samudraṃ syānmahaughaṃ cottamaṃ bhavet /
ekamārabhya gaṇayetprayutāntaṃ yathākramam

sthānāt sthānaṃ daśaguṇaṃ vardhayetprayutāvadhi /
lakṣasya niyutaṃ saṅkhyā koṭiḥ prayutamiṣyate

śaṅkumārabhyagaṇayenmahaughāntaṃ kramādyathā /
śataṃ koṭisahasrāṇāṃ śaṅkusaṅkhyā nigadyate

tathaiva syānmahāśaṅkurevaṃ bṛndaṃ prakīrtitam /
tadvadeva mahānṛnda mevamevārbudaṃ smṛtam

itthaṃ nirbudamākhyātamevaṃ kharvamudāhṛtam /
evameva parārdhaṃ syānmadhyamitthaṃ caturmukha

evamantaṃ tathā padmaṃ mahāpadmaṃ tathaiva ca /
sāgarapralayāvevaṃ saṅkhyā nāsti tataḥ param

yatra kāṣṭhaṃ tu tacchrotraṃ yatra dhūmastu nāsikā /
yatrālpajvalanaṃ netraṃ yatra bhasmatu tacchiraḥ

yatra samyake sthitā darbhāstatra keśāḥ prakīrtitāḥ /
yatra prajvilito vahnirjihvātatraiva kīrtitā

agnikarṇe hutī rogo nāsikāyāṃ manovyathā /
cakṣuṣornidhanaṃ kuryātkeśe dāridryaṃ bhavet

hutaṃ śirasi pāpaṃ syāttasmājjihvāsu homayet /
samidbhiryājñiyairbījairghṛtairgavyaistathā dalaiḥ

sumanobhissamiddhegnau juhuyādagnimāharet /
āraṇyaṃ maṇijaṃ lauhaṃ kuṇḍamadhye pariṣkṛte

yogāsanaṃ cāgni madhye kalpayitvā hariṃ punaḥ /
āvāhayettatra devaṃ homāntaṃ tatra sannidhim

prārthayeta samārādhya homaṃ kuryāddine dise /
āhomakālamaryādaṃ rakṣedagnimatandritaḥ

na dahetparidhīn darbhānupastīrṇānupakrame /
evamuktena mārgeṇa japato mantramuttamam

sādhakasya punassvāpnāssambhavantyavicāritāḥ /
mantrasiddimasiddiṃ ca sūca yantaśśubhāśubham

ācāryaṃ pratimāṃ devīṃ pūjopakaraṇāni ca /
vipraṃ bhāgavataṃ bhūpaṃ chatracāmaradantinaḥ

siṃhāsanamapāṃ kumbhaṃ purṇaṃ kanyāṃ madhūjanam /
dīpaṃ śaṅkhaṃ tathā yānāṃ śrīvatsaṃ pādukāṃ tathā

śvetaṃ vastraṃ ca mālyaṃ ca candanaṃ bhūṣaṇāni ca /
ratnāni kāhalādīni pāyasaṃ dadhi pālikāḥ

tāṃbūlaṃ pustakaṃ ghaṇṭāṃ taṇḍulānavagāhanam /
samudrataraṇaṃ śailārohaṇaṃ drumarohaṇam

bhūmilābhaṃ mṛdāṃ lābhaṃ taṭakupādidarśanam /
prāṅkukhoduṅgukho vāpi yātrāṃ kurvan svayaṃ yadi

vimānadarśanaṃ viṣṇordīptau ca śaśibhāskarau /
nakṣatrāṇi gṛhādīni jyotsāṃ ca dhruvamaṇḍalam

dīptamagniṃ vedaghoṣaṃ siddhavidyādharādikam /
devatā samitiṃ caiva paśyan mūlaphalāni ca

apūpādīni bhakṣyāṇi kuśayaṣṭiṃ kamaṇḍalam /
yajñopavītaṃ pātrāṇi sruksruvādīni lokayan

akṣamālāmeva mādyaiśśubhaissvapnairvinirdiśet /
mantrasiddhiṃ bahu mukhāṃ
dussvapnāścāpyaśobhanāḥ

kathyante muṇḍitaissārdhaṃ sambhāṣā sahavartanam /
svayaṃ muṇḍaśchabhibhrāṇo jīrṇaṃ nīlaṃ tathāmbaram

kanthāṃ kartāṃ tathā nīlāṃ puṣpamālāṃ ca mūrdhani /
gardabhārohaṇaṃ bhagnayānādhiṣṭhānamabjaja

chinnacchatradharo vāpi mahiṣārohaṇaṃ tathā /
dakṣiṇābhimukho gacchannuṣṭravāhādirohaṇam

daṣṭaśca kapibhirdehe sṛgālairvā vṛkai stathā /
karṇapādaśiraśchedo dantānāṃ padanaṃ tathā

navavastradharaḥ pīḍā bhaḍaiḥ pāśena bandhanam /
vidhavāliṅganaṃ nīcaiḥ pāṣaṇḍaiḥ pratilomajaiḥ

vartanaṃ gopurādīnāṃ patanaṃ śākhināmapi /
turagārohaṇaṃ bhuktirbauddhādyālayasevanam

madirāpāyibhiḥ pāparogibhiḥkitavaissaha /
vartanaṃ dīpanirvāpaṃ devānāmutsavaṃ tathā

grāmādidāho bhakṣyāṇāṃ phalādīnāṃ ca bhakṣaṇam /
madhūcchiṣṭaṃ praticchāyā yātrā yuddhodyamaṃ bhaṭaiḥ

abhyaṅgaṃ tailalābhaṃ ca marīcaṃ lavaṇaṃ tathā /
lokayannevamādīni svapne śāntiṃ samācaret

japahomādibhirvidvān jāgrataḥ pratyayāṃ stathā /
vakṣyāmi sādhakasyāgre jātānabyudayāvahān

pyūmni devagāṇānnemi ghoṣaṃ dundubhinisvanam /
sddaissaṃbhāṣaṇaṃ cāpi vimānānāṃ ca darśanam

bhūtapretapiśācādidaśarnaṃ bhūtale tathā /
homakāle ca saptārcistriśikhaḥ paridṛśyate

śuddhasphaṭekasaṅkāśo dakṣiṇāvarta śobhitaḥ /
divyagandhopalambhaśca chatrabimbadhvajādikam

śaṅkhadundubhivīṇādivedaghoṣaśrutiṃ punaḥ /
pūrṇāhutividhau siddhiliṅgānyetāni lokayet

sādhakastāni liṅgāni kathayenna guruṃ vinā /
homānte bhojayedvidvān vaiṣṇavān dvādaśāvarān

yāvacca mantrasiddhissyāttāvadārādhayeddharim /
kāmanānuguṇākāraṃ dārvādyaiḥ parikalpitam

dine dine japenmantraṃ juhvānnagnauyathāpuram /
praṇavasya śṛṇu brahman puraścaraṇamuttamam

bījaṃ sāṅgaṃ samuddhāraṃ yathāvadavadhāraya /
aprameyādimudayaṃ madhye mandarapaścimam

samāhṛtya tryavayavaṃ trīn varṇān vācakaṃ hareḥ /
plutodāttasvaraṃ brahman cakramadhye pratiṣṭhitam

uddharedbījamasyādyaṃ pratīkaṃ daṇḍa śekharam /
vaiṣṇavaṃ daṇḍayedvaiṣā śaktissarvatra kīrtitā

bījaśaktyaṅgahīnā ye mantryāsusai nirarthakāḥ /
tasmātsāṅgaṃ bījayuktaṃ śaktiyuktaṃ phalapradam

bījaṃ śaktiśca kathitā śrūyatāmaṅgajātayaḥ /
ṛṣirbrahmasya chandastu devī gāyatra mucyate

pratipādyaḥ parodevaḥ paramātmā sa devatā /
buddhistatvaṃ paraṃ pyūma kṣetraṃ varṇassitacchaviḥ

jñānaṃ balaṃ tathāvīryamaiśvaryaṃ tejasā saha /
śaktirete caturthyantā namassvāhā vaṣaṭ tathā

huṃ phaṭ vauṣaṭ kramādeta davasānāśśubhāvahāḥ /
aṅgāni hṛdayādyeṣu ṣaṭsu sthāneṣu mantriṇā

prayojyāni prayukteṣu mantrassāṅgaḥ kṛto bhavet /
dehe karatale caiva sthāneṣu dvādaśasvapi

dvādaśākṣaravannyāsaḥ praṇavassphaṭika prabhaḥ /
nyāne namontassvāhntū japapūjāhutiṣvapi

vaśye cākarṣaṇavidau ucchāṭe huṅkṛtirbhavet /
māraṇe phaṭkṛtirjñeyā stambha vidveṣamohane

satiṃ vināṅgamanyassyāddharmādau natireva sā /
śākayāvakabhaikṣāśī japellakṣatrayaṃ śuciḥ

tadardhaṃ tarpaṇe saṅkhyā tadardhaṃ homakarmaṇi /
homānte siddhayastasya jāyante yāvadīpsitāḥ

aihikāmuṣmikaṃ sarvaṃ praṇavāllabhyate' khilam /
praṇavānna paromantraḥ kaścidasti caturmukha

śāntipuṣṭyabhicāreṣu kimanyaissiddhivarṇanaiḥ /
antyakāle ca māṃ dhyātvā vyāharan praṇavākṣaram

yogābhyā sokta vidhinā jīvamārohayeddhṛdi /
bhruvo rmadhye tatojīvaṃ tato brahma bilaṃ tataḥ

uccaran praṇavaṃ bhitvā bhilaṃ brahmaṇi līyate /
yāvatprāṇavinirmokamabhyasyetpraṇavākṣaram

sarvapāpavinirimukto yāti brahma sanātanam /
proktaḥ praṇavakalpaste samāsena caturmukha