Padma Samhita · Chapter 4.22

kīdṛśī bhagavanmūdrā tadbhedāścāpi kīdṛśāḥ /
prayojanaṃ vā kiṃ tasyāḥ kathyatāṃ tadaśeṣataḥ

śrībhagavān.
aṅgulīracanā bhedo mudrāyasmātpradarśitāt /
hiṃsakānāmaśeṣāṇāṃ mudaṃ drāvayati kṣaṇāt

tato mudrā nirasanaṃ teṣāṃ tasyāḥ prayojanam /
prīṇanaṃ cāpi devānāṃ karmaṇā sopidarśitaḥ

prayoktavyaśca rahisi na bahirjanasaṃsadi /
mantramaṇḍalamudrāṇāṃ guptireṣā sanātanī

gandhaliptau karau kṛtvā mudrādarśanamācaret /
anāmi kāmadhyamayoḥ praveśyāṅguṣṭhamāyatam

vidhāya muṣṭiṃ hṛdaye nyaseddhṛdayamudrikā /
saiṣā muṣṭimadho badhvā stāpayitvā ca mūrdhani

aṅguṣṭhāgreṇa hananaṃ tarjanyā śīrṣamudrikā /
urdhvāṅguṣṭhaṃ dhṛḍhaṃ muṣṭiṃ badhvānyasyecchikhāpade

śikhāmudreyamuditā
varmamudrātu kathyate /
praveśyābhyantarāṃguṣṭaṃ badhvā muṣṭipraveśanam

unnamyakiñcidagre ca vitatāntena muṣṭinā /
bhāvayedvarmaṇo bandhaṃ saiṣā kavacamudrikā

tarjanyaṃguṣṭhasirasi sphoṭayeccakravat smaran /
dikṣu sarvāsu śeṣābhirmuṣṭiṃ badhvā caturmukha

saiṣāstramudrā vijñāyā
śikhāmudrāmadhomukhīm /
vinyanettāṃ bhruvormadhye netramudreyamīritā

ṣaḍaṅgamudrāsvetānu hastassarvatra dakṣiṇaḥ /
kaniṣṭhāditribhirbadhvā muṣṭiṃ sāṅguṣṭhamunna tām

vidhāya tarjanīṃ tena bhrāmayedāśu cakravat /
agni prākāramudreyaṃ tayaivātmābhirakṣaṇam

nābheradhastādvinyasya savyaṃ karatalaṃ punaḥ /
uttānamitaraṃ tasya vinyaseduparī dṛśī

yogamudrā
karatalaṃ savyaṃ nābheradhastataḥ /
avāṅmukhaṃ tadupari savyekaratalaṃ punaḥ

samāṅguṣṭhaṃ viracayedyogasampuṭamudrikā /
yogābhyāse ca tatvānāṃ saṃhārotpādanepi ca

mudrādvayamidaṃ brahmankathitaṃ yogināṃ hitam /
yogasaṃpuṭa mudreyamuccitā ghaṭavatkṛtā

ūrdhvaṃ syātkumbhamudraiṣātayā snānaṃ samācaret /
tarjanyā nāmikāgraṃ tu viṣṭayitvā krameṇa tat

tathāṅguṣṭhakaniṣṭhau tu jñeyā saṃhāramudrikā /
tatvānāṃ sahṛtau caiva devatodvāsane tathā

eṣā mudrā prayoktavyā sarvakarmasu sarvadā /
saṃhatābhi śca tisṛbhiraṅgulībhiścasaṃgatiḥ

vimuktatarjanī bhūyassṛṣṭi mudreti kīrtitā /
āvāhane tatvasṛṣṭau mudraiṣā parikīrtitā

aṅguṣṭhatarjanībhyāṃ tu saṃyogastatvamudrikā /
tatvanyasanakāle ca mudraiṣā parikīrtitā

jñānamudrā pi saivaiṣā syādajñānatamopahā /
ūrdhvayoḥ karayormadhyaṃ madhyamābhyāṃ tu sspṛśet

uttānitau karau kṛdvā nyāsa mudrā nigadyate /
devātmadehayormantraṃ nyāsamudreyamīritā

aṅguṣṭhābhyāṃ tu karayostarjanyorubhayorapi /
madhyamābhyāṃ spṛśedanyāṃ vistṛtāni yathā tathā

japamudreti vijñeyā japakāle pradarśayet /
aṅgulībhissamastābhirdakṣiṇetarahastayoḥ

saṃpuṭīkaraṇaṃ brahmamudrā saṃśabditā budhaiḥ /
aṅguṣṭhe dve kaniṣṭhe dve tathāsyāttarjanī dvayo

sahayuktāgrataśśiṣṭā viṣṇumudreti kīrtitā /
sā caiva śeṣitāṅguṣṭhāsamastena parasparam

ubhayāṅguṣṭhamudrā sā rudrasya kathitā tava /
śrotre pidhāya pāṇibhyāṃ daṇḍapaddakṣiṇaṃ karam

prasārayedgurūṇāṃ tu abhivādanakarmaṇi /
sarvahastāṅgulīssavyakarṇenyasya tathetaram

prasaredvighnarājasya mudrā vighnavināśinī /
antastu tarjanīyugmaṃ saṃhatāṅguṣṭhakadvayam

mudrā bhāgavatī sāsyāt
karayugmaṃ tu sampuṭe /
kṛte varāhamudrā sāsarvasiddhikarī śubhā

gurupaṅktikrame brahman saiṣāmudrā pradarśitā /
apasavye karatale saṃsmaredraktapaṅkajam

tanmadhye cintayedagniṃ trikoṇaṃ tesasāṃ nidhim /
avāṅmukhaṃ karatalaṃ kṛtvā dravyopari nyaset

jñeyā dahanamudraiṣā dravyaśuddhi pradā sadā /
savye karatale śvetapaṅkajaṃ ṣoḍaśacchadam

kalāṣoḍaśa saṃyuktaṃ śaśinaṃ paṅkajāsana /
tanmadhyecintayitvātu srāvitaṃ cāmṛtaṃ smaret

tenāmṛtena tadbhasma kṣālitaṃ tūtthitaṃ smaret /
āpyāyananya mudraiṣā kathitā kamalāsana

aṃguṣṭhe dve kaniṣṭhe dve tathāsyāttarjanī dvayoḥ /
śiṣṭaṃ prasārayedbrahmannaṃgulāni karadvaye

madhyamāṃ dakṣiṇakare'nāmikāṃ ca tathetare /
saṃhṛtya prasareccheṣaṃ karayorubhayorapi

jñeyā surabhimudrā sā yāga dravyaviśodhinī /
hastābhyāmañjaliṃ kṛtvā īṣadvikasitaṃ sphuṭam

avāhanasya mudraiṣā darśanātsa nnidhiṃ bhajet /
hṛdaye śirasi dvepi sampuṭāñjalirūrdhvāgā

praṇāmamudrāsājñeyā kṣipraṃ devaprasādinī /
sā jñeyā vāsudevādimūrtināṃ kamalāsana

caturviṃśatimūrtīnāṃ mīnādīnāṃ tathaiva ca /
mudraiṣā cā nyamūrtināṃ kathitā kamalāsana

prasāryakarajān sarvān maṇibandhau sametya tau /
antaḥ praviśya cāṃguṣṭhau tayoḥ pṛṣṭhamanuspṛśet

prasārayetpadmamudrā māsane tu pradarśayet /
śriyādīnāṃ ca sarvāsāṃ devīnāṃ caturāsana

proktā kamalamudrā sā sarvakāmaphalapradā /
nibadhya dakṣiṇāṃguṣṭhaṃ vāmahastasya muṣṭigam

kṛtvā cāṃguṣṭhatarjinyau saṃyukte prasṛte same /
triprastu dakṣiṇanyāsā badhnī yurmuṣṭimūrdhvagāḥ

śaṅkhamudreyamuditā jñānadā mokṣadā'cirāt /
maṇibandhasamau hastau tiryaksaṃ bhrāmya ca kramāt

paryāyeṇa prayoktakyā cakramudrā mahodayā /
muṣṭhiṃ kṛtvā tu hastābhyāmaṃguṣṭhau vinatāvubhau

madhyamāṃguliyugmaṃ tu ṛjumūrdhvaṃ prasārayet /
śeṣābhiraṃgulībhistu bandhayeyuḥ parasparam

saṃśliṣṭau kūrparau dvau tu gadāmudreyamīritā /
tarjanyagraṃ madhyamayā saṃspṛśe ccāpamudrikā

muṣṭiṃ kṛtvā vāmahasta maṃguṣṭhamṛjumūrdhvataḥ /
apasavyakareṇai tadaṃguṣṭhaṃ tu bandhayet

prasārya dakṣiṇāṃguṣṭhaṃ jñeyā musalamudrikā /
kaniṣṭhāṃgulipūrvaṃ tu saṃhṛtyāṃguṣṭhakena tu

nibadhya tarjanīṃ bhūyastadagraṃ natameva ca /
khaḍgamudrā tusā jñeyā sarvaduṣṭabhayaṅkarī

hastābhyāṃ lambayedbrahmannaṃgulyagraiḥ parasparam /
bandhayedvana mālā syādaṃguṣṭhau dvau tu saṃharet

ākhaṇḍalādidevānāṃ mudrā cāñjalisaṃjñitā /
ubhau karatale pṛṣṭhau saṃśliṣṭau tu kaniṣṭhakau

bandhayettarjanīyugmaṃ prasarettuṇḍavatkramāt /
aṃguṣṭhau dvau pādayugma madhastāllambayetkramat

madhyamānāmikābhyāṃ tu karayorubhayorapi /
pakṣavaccalanaṃ kuryājjñayā garuḍamudrikā

kaniṣṭhāditrayaṃ brahman saṃhṛtyāguṣṭhakena ca /
nibadhya tarjanīṃ bhūyo niṣvaksenasya mudrikā

prasārya karajān sarvān viralānūrdhvagāminaḥ /
kṛtvāhastasya cāyāmaṃ tadagrān kuñcayetkramāt

phaṇiphaṇāgrasadṛśājñeyā'nantasya mudrikā /
caṇḍādīnāṃ bha venmuṣṭimudraiṣā balimudrikā

aṅguṣṭhānāmikābhyāṃtu tathā syādastramudrikā /
muṣṭimudrā tu muṣṭissyādaṃguṣṭhena tu veṣṭitā

jñānamudreti vijñeyā saiva muktakaniṣṭhikā /
gandhamudreti vijñeyā vimuktānāmikā ca sā

puṣpamudreti vijñeyā vimuktā madhyamā tathā /
madhyamāṅguṣṭhaśirasi saṅgatirhyagraparvaṇā

yajñopavītamudrā syā
daṃguṣṭhena kaniṣṭhikā /
ākalpamudrikā jñeyā viṣṇoḥ prītikarī śubhā

saṃhṛtāgrāṅgulīnāṃ tu kṛtvā vyatikarāṅgulīḥ /
sahaivordhvīkṛtāṃguṣṭhau karābhyāṃ dhūpamudrikā

ūrdhvaṃtu madhyamāṃ kṛtvā saṃhṛtyāṃguṣṭhameva ca /
tarjanyā nāmikābhyāṃ tu saṃhṛtya tu kaniṣṭhikām

tenaiva vāmahastena dakṣiṇena kṛtā tu yā /
dīpamudreti sā proktā devadeva prayādhikā