Padma Samhita · Chapter 4.20

rājānastadamātyā vā ye rājyadhuri niṣṭhitāḥ /
bhagavan rakṣaṇavyagrāḥ prajānāṃ satatodyatāḥ

brahmahatyādibhiḥ pāpairabhibhūtā vigarhitaiḥ /
kāyakleśātmake śāstracodite ghorakarmaṇi

pāpanirharaṇopāye pravartitumanīśvarāḥ /
te kathaṃ tāni pāpāni nirdhūya sakalanyapi

karmādhikāriṇo bhūyassatāṃ saṃsadi saṃmatāḥ /
kalpanai bhagavaddhyāne tadarcanavidhāvapi

yogyāḥ prakāraṃ taṃ deva brūhi mahyaṃ yathātatham /
brahmahatyādipāpānāmapanodanamuttamam

kāyakleśātmake karmaṇyakṣamāṇāṃ mahībṛtām /
vihitaṃ sukaraṃ teṣāṃ prāyaścittaṃ caturmukha

hiraṇyagarbhanāmaikaṃ karma proktaṃ yathāparam /
tulābhārasamā khyaṃ taddvābhyāṃ nirdhūta kalmaṣam

bhagavaddhyānapūjādividau bhūyo'dhikāriṇiḥ /
bhavantikarmadvitayaṃ tadaśeṣeṇa kathyate

kartuṃ vyavasitaṃ karma varayedgurumāditaḥ /
sarvaśāstrārthatatvajñaṃ mantrāṇāṃ pāragaṃ param

dayāluṃ sarvabhūtānāmakrodhanamalolupam /
karmadvayavidhānajñamṛjuṃ bhāgavataṃ dvijam

parīkṣyaivaṃ vidhaṃ yatnādupasaṅgamya pārthivaḥ /
arthayitvā yathānyāyamupacarya dvijottamam

karmārabheta puṇyeṣu deśakāleṣu yantritaḥ /
ṣaṭsutaiṣyādi māseṣu śravaṇe tvāṣṭrā eva vā

maitre cāśvayuji brahman rohiṇyāṃ pāsave'pi vā /
puṣye vā saumyanakṣatre cottaratritaye'pi vā

deśetīre ca saritāṃ samudrataṭabhūṣu vā /
yadvā sarvaguṇopete deśe bhagavadālaye

naimittikaṃ cetkarmaitanna kālādiparīkṣaṇam /
maṇḍapaṃ prathamaṃ kuryātpratiṣṭhāyāmivālaye

anyatra vā yathoddiṣṭe deśe śāstroktavartanā /
sarvālaṅkāranaṃyuktamantaḥ kalpitavedikam

aṅkurānarpayetpūrvamukteṣvanyatame dine /
sambhārāstatra sambhāryā yathāvidhi yathāvasu

ekāṅgulaghane tulye kapāle dve hiraṇmaye /
adharaṃ cottaraṃ cāpi karye dvābhyāṃ caturmukha

saṅgatābhyāṃ praviśyāntarāste garbhāśaye yathā /
kartāsukhaṃ taṃ niryāya dvayamaṇḍasamākṛti

hiraṇyagarbha saṃjñaṃ tat yatrāyaṃ jāyate punaḥ /
homapātrāṇi sarvāṇi raimayānyeva kārayet

sambhāreṣu samasteṣu sambhṛteṣu mahīpatiḥ /
pūrvedyu rniyataścopta romaśmaśrunakhaśśuciḥ

śuddhadaśśuddhavasanaśśvetamālyānulepanaḥ /
upoṣito ghṛtaṃ prāśya rātriṃ niyamatatparaḥ

nītvā paredyuḥ pratyūṣesnāto niyatamānasaḥ /
ṛtvigbhiḥ kārayetkarma garuṇā coditassvayam

vedimadhye śālibhārairnavabhiḥ kṛtaviṣṭare /
prāgagreṣu ca darbheṣu stīrṇeṣvāropya raimayam

kapālamadharaṃ dvāratoraṇādisamarcane /
yathāpuraṃ kṛte nṛttageyavāditramaṅgale

hiraṇyagarbhamabhitaścaturdikṣu bhṛtodakān /
saṃsthāpya caturaḥ kumbhān dhānyapīṭheṣu teṣvatha

kumbheṣu nyastaratneṣu veṣṭiteṣu navāmbaraiḥ /
catasro devatāssvīyairnāmadheyairanukramāt

āvahyaḥ puruṣassatyaḥ prācīdakṣiṇayestathā /
vāruṇyāmathakauberyāmacyuto'nanta eva ca

samudīryārghyapādyādyai rdhūpadīpāvasānakaiḥ /
annaṃ caturvidhaṃ cāpi kumbhe kumbhe nivedayet

pūrvādi dikṣu kuṇḍeṣu pratiṣṭhāyāmivakramāt /
klṛpteṣu hāvayedagnau samidhājyena cakramāt

pratyekaṃ mūlamantreṇa śatamaṣṭottaraṃ guruḥ /
caturvidhena cānnena pratyekaṃ ṣoḍaśāhutīḥ

kuryātpuruṣanoktena dhyātvā yaṣṭavyadevatāḥ /
prāpte muhurte bhūdevānanujñāpya gurussvayam

pāṇinā bhūmipaṃ haste gṛhītvā pralayakramāt /
dehaṃ saṃhṛtya bhūpālaṃ dehamātrāvaśeṣitam

dhyātvā praveśayedgarbhaṃ raimayaṃ kamalāsana /
adhare raimaye bhāge sukhāsīnaṃ ca bhūmipam

chādayedupariṣṭena bhāgenaitatpraveśanam /
ghṛtamiśraistilaistatvasaṃhārāhutimācaret

tattvotpādanamārgeṇa cintayitvā guruḥ punaḥ /
spaṣṭaṃ śarīraṃ bhūpasya sṛṣṭi homaṃ yathāpuram

kuryātkuṇḍeṣu sarvatra caturghu caturāsana /
ānīya mantravajjātaṃ aṇḍāttasmādbahirnṛpam

vaiyāghracarmaṇyāropya kalaśairabhiṣecayet /
uttamādhamamārgeṇa vedavittantravittamaḥ

tathaiva mantrātsnapanaṃ dravyajātaṃ ca tādṛśam /
karmaṇā tena nirdhūtakalmaṣaḥ puṇyakṛttamaḥ

jāto guruprasādena gurumagre sabhājayet /
sahasraniṣṭamānena tapanīyena bhūmipaḥ

ṛtvijāṃ cāpi sarveṣāṃ tāvatī dakṣiṇā matā /
karmopakaraṇaṃ sarvaṃ kuryādācāryasānnṛpaḥ

hairaṇyamaṇḍaṃ vidvadbhyo brāhmaṇebhyaḥ pradāpayet /
evaṃ kṛtavatastasya viṣṇorārādhanādiṣu

saṃpadyate'dhikāritvaṃ dvirevaṃ karma kurvataḥ /
phalaṃ ca viṣṇossārūpyaṃ sāyujyaṃ triguṇe bhavet

tulābhārāhvayaṃ karma dvitīyaṃ kathyate'dhunā /
nirmāya maṇṭapaṃ prāgvattasmadhye yajñadārujau

stambhā dṛḍhau saravantau hastaiṣṣaḍbhissamchṛtau /
dvihastapariṇāhau dvau savṛttau śilpikalpitau

dvihastamānāntarālau sthāpitau bhūtale dṛḍham /
kṛtvātayoruparyekaṃ dāru sārava duttaram

vistīrṇaṃ hastamānena tāvanmānaghasaṃ dhṛḍham /
trihastamāyataṃ caiva tulādaṇḍamayomayam

āyasenaiva pāśena yojayeduttareṇa tu /
vidhāyetthaṃ tulāmanyatsambhārādi yathāpuram

kalpayitvā yathāpūrvaṃ karmacopari śāstrikam /
homāntaṃ sakalaṃ kuryādyathā yogamalopayan

snāto narapatiḥ kṣāmavasanābharaṇānvitaḥ /
śucirdhyāyan vāsudevaṃ carmakhaḍgadharastataḥ

parikramya samaskṛtya devāṃstān puruṣādikān /
tulāmapi tathā kṛtvā bhāge tasyāśca paścime

sthitvā prāgānano bhūtvā ārohetpaścimaṃ dhaṭam /
svastina ityṛcaṃ sūktamadhīyānaśca maṅgalam

prācye dhaṭe nṛpasamaṃ nikṣipeddhāṭakottamam /
caturdikṣu pravṛtteṣu nṛttavāditragītiṣu

adhīyāneṣu vipreṣu vedāṃśca caturastadā /
śāntihome ca kuṇḍeṣu pravṛtte pārthivassvayam

kañcitkālaṃ dhaṭabhuvi dhyāyan rukmamayaṃ harim /
āsitvā gurvanujñātaḥ pūrvaṃ dhaṭabhuva stataḥ

avarohetsuvarṇaṃ ca bhūṣaṇāni ca bhūpatiḥ /
bhūsurebhyo yathāyogaṃ vibhajya vitarettataḥ

ācāryaya śataṃ niṣkaṃ mūrtipebhyaśca tatsamam /
sarvebhyo ye ca tatkarmasahakāre niyojitāḥ

tebhyo'pi dadyāddīkṣitvā teṣāṃ karma yathāyatham /
tulābhārāhvayaṃ karma kurvannitthaṃ mahīpatiḥ

anyo vā dhanavān kaścitsarvapāpaiḥ pramucyate /
pretya cābhimatān bhogānaśnute divi devavat

asakṛtkarma kurvāṇo brahmaloke mahīyate /
pāpāpanodanaṃ karma paraloke sukhāvaham

āyurvṛddhikaraṃ sarvarogaśāntikaraṃ param /
saṃpatkaraṃ yaśovṛddhikāraṇaṃ sarvakāmadam

caturānana karmānyatsvarṇagarbhādi saṃyutam /
puṣyābhiṣecanaṃ nāma śṛṇu guhyaṃ sanātanam

vihitaṃ pṛthivīśānāmintrādyairapyanuṣṭhitam /
māsitaiṣye proṣṭapade māse cāśva yuje śubhe

śravaṇe caiva nakṣatre janmarkṣe kartureva vā /
mahābhiṣecanaṃ karma prārabheta guru stataḥ

pūrvokaiṣveva deṣeṣu kasmiṃścidabhipūjite /
pañcadaṇḍāyatāṃ bhūmiṃ kṛtvā vai vartulākṛtim

tasyāmantasthsalaṃ samyakkṛtvā niṣkasamucchṛtam /
toraṇādi caturdikṣu sthāpayitvā caturmukha

alaṅkṛtya yathāpūrvaṃ vitānadhvajamālayā /
tanmadhye kalpayenmeruṃ mṛdaṅgasadṛśākṛtim

ślakṣṇādi ca mṛdā kāryaṃ tasyocchrāyaṃ trihastakam /
mūle cāgre ca viṣkambho hastamānastathā bhavet

caturdikṣu ca cadvāro bhāgāstasya yathākramam /
śveto'ruṇastathāpītaḥ kṛṣṇaḥ kalpyaśca sarvataḥ

katnaiḥ svarṇaiḥ pūraṇīyā ṣṣaṭtathā kulaparvatāḥ /
pūrvāparāyatāḥ kalpyā himavāṃ stadanantaram

hemakūṭaśca viṣadho nīlaśśvetaśca parvataḥ /
śataśṛṅgaśca viṣkambhasteṣāṃ gyātṣoḍaśāṅgulaḥ

śvetaśca piṅgalo rakto nīlaścandrasamaprabhaḥ /
hemavarṇaḥ kramādvarṇaiścitrayeddhātupāṃsubhiḥ

jambādvīpaṃ libhaitvaivaṃ lavaṇodadhivedhṭitam /
plakṣadvīpaṃ likheddikṣu samudrapari veṣṭitam

śālmalyā lakṣitaṃ dvīpaṃ parītaṃ madirāmbubhiḥ /
kuśaṃ parītamāghāraiḥ krauñcaṃ dadhisamudritam

śākaṃ dugdhodadhikṣiptaṃ puṣkaraṃ svacchatoyadhim /
kramāllikhitvā sarveṣāṃ lokālokamahācaram

vapravatkalpayetprācyāṃ tasyāntaramarāvatīm /
purīmindrasya yāmyāyāṃ nāmnā saṃyamanīmapi

yamasya varuṇasyāpi pratīcyāṃ nagarīṃ tathā /
vibhāvarīmudīcyāṃ tu purīṃ somasya kalpayet

indrādilokapālānāṃ sthāne sthāne prakalpayet /
saikate sthaṇḍile tatra tānāvāhya samarcayet

mahāmoruṃ ca tanmūrdhni vārāhiṃ mūrtimarcayet /
meroruttarapārśve tu śvabhraṃ kṛtvā pramāṇataḥ

adhaḥ kapālaṃ sauvarṇaṃ nyasya tatra samarcayet /
pūnarurdhvakapālaṃ ca nyasya tasyopari kramāt

pūrvoktena vidhānena purodhā niyatassvayam /
kuṃbhān ṣoḍaśa saṃpūrṇān ṣoḍaśa prasthapūraṇān

parito'ṇ‍ḍakapālasya sūtravastrādiveṣṭitān /
sthāpayitvā dhānyarāśau sāpidhānānalaṅkṛtān

diśamaindrīṃ samārabhya prādakṣiṇyena pūrayet /
pañcagavyādibhirdravyaiḥ praṇavena prapūrayet

pañcagavyaṃ ca pīyūṣaṃ dadhi sarpi stathā madhu /
haricandanatoyaṃ ca vāri cākṣatasaṃyutam

kuṅkumaṃ ca tathā toyaṃ karpūrāguruvāri ca /
kuśodakaṃ ca ratnāmbhassarva puṣpodakaṃ tathā

phalodakaṃ ca dhānyāmbhassarvatīrthodakaṃ tathā /
sarvagandhodakaṃ cāpi dravyāṇāṃ krama īritaḥ

morośca dakṣiṇe bhāge kuṇḍamagneḥ prakalpayet /
ājyena juhuyādagnau śatamaṣṭottaraṃ pṛthak

varāhamūrti prabhṛtīrupakṣiptvā ca devatāḥ /
anyāśca devatāśśailān samudrānviṣṭasāni ca

bhūrādīni tathā dvīpabhedāṃścoddiśya nāmabhiḥ /
teṣā māhūya tatkāryaṃ guruṇā sapurodhasā

bhūrbhuvassvariti brahmannanai ca juhuyādghṛtaiḥ /
agniṃ visṛjya vitareddakṣiṇāśca yathāvasu

tadanai yajamānastu sarvālaṅkārasaṃyutaḥ /
śucissamāhito bhūtvākṛtakautukabandhanaḥ

praviśya tatra taddhaimamaṇḍaṃ ca prāṅmukha ssvayam /
praviśyāsīta deveśaṃ dhyāyanneva sudhākaram

yajñamūrtiṃ dharāṃ devīṃ bibhrāṇaṃ nijadaṃṣṭrayā /
evaṃ dhyāyantamāsīnaṃ nṛpaṃ sopaskriyaṃ svayam

ācāryānumataḥ kumbhaiḥ sthāpi tairabhiṣecayet /
pañcagavyādibhirdravyairmantrānuccāryamantravit

vasoḥ pavitramantreṇa pañcagavyābhiṣecanam /
śaṃ nodevīriti payassnānaṃ dadhnā'bhiṣecanam

iṣetveti ghṛtenāgna āyāhīti tathā punaḥ /
madhunā cāgnimīḍeti mānastoka iti bruvan

haricandhanatoyena tathaivākṣatavāriṇā /
idaṃ viṣṇuriti procya kuṅkumakṣoda vāriṇā