Padma Samhita · Chapter 4.19

nityaṃ naimittikaṃ kāmyaṃ nipatedyugapadyadi /
kṛtvānaimittikaṃ nityamācārya stadanantaram

gṛhārcāsnapane prāpte vistāre sati veśmani /
tatraiva snapanaṃ kāryaṃ saṅkaṭe tu bahirbhavet

parvatādau śucau deśe prapānirmāṇapūrvakam /
snapanaṃ devadevasya kāryaṃ bhāgavatena tat

ālaye sthāpitaṃ bimbaṃ na kadāciccaturmukha /
nirgamayya bahissnāpya mantareṇa tu sarvadā

tīrthāvadhṛthaveḻāyāṃ sadyādīnāṃ taṭe bhavet /
anyathā cecchāntihomaṃ kuryātsarvasamṛddhidam

aṅkurārpaṇahīne ca snapane kautuke'nvite /
adhivāsavihīne ca kalaśaissnapane sati

śāntihomo vidhātavya ssarvadoṣāpanuttaye /
saṅkalpitasnānahānau dviguṇaṃ snapanaṃ bhavet

akṛte rājarāṣṭrasya bhavedvibhavasaṅkṣayaḥ /
yajamānasya dhāmnaśca prajānāṃ ca dhanakṣayaḥ

akāle tu kṛte snāne viṣuvādau yathodite /
śāntiḥ kāryayane caiva dakṣiṇe prāgupakramaḥ

uttare caiva pāścātye uttamaṃ naiva dūṣaṇam /
caitre ca viṣuve tadvatkramādāśvayuje'pi ca

sthāpitānāṃ ca kumbhānāṃ bhedane patane tathā /
kālādidoṣaduṣṭe ca krimikeśādidūṣite

laṅghite'śucisaṃspṛṣṭe vāyasādyaiścha dūṣite /
garhite śvāpadādyaiśca spṛṣṭe cāśucibhistathā

pāṣaṇḍaiḥ pratilomaiśca tathodakyādidūṣite /
kalaśaṃ taṃ tamuddhṛtya sthāpayitvā parān punaḥ

taddaivatyān japenmantrā naṣṭottaraśatāvaram /
snapanaṃ yadi taiḥkuryācchāntihomaṃ samācaret

akrameṇa samuddhṛtya snapane vihite sati /
japaḥpañcopaniṣadāṃ kartavyastatsamācaret

devatāmantrabhūbhāgadravyāṇāṃ vyatyaye sati /
pūrvavanmantrajāpassyātpratidravyamanarcite

arghyādibhirjapastadvanmahiṣājoṣṭrasambhavaiḥ /
kṣīrādibhistathā dravyai ssnapane snāpayetpunaḥ

samadbhirmūlamantreṇa juhuyātkamalāsana /
adbhiḥparyuṣitābhiścetsnapanaṃ snāpayetpunaḥ

śāntihomo mūlavidyā japaścāṣṭottaraṃ śatam /
ārādhanāṅgavaikalye nṛttavādyādibhi ssaha

śāntihomo bhavedvedyāṃ snapane calane sati /
pratimāpatane tadvatprāyaścittaṃ caturmukha

snapane vartamāne tu carane patane'pi vā /
yathāpūrvamavasthāpya snāpayitvā yathīvidhi

śāntihomaśca kartavyaḥ pīṭhādīnāṃ ca bhañṅane /
sahajānāṃ tathā hastapādādīnāṃ caturmukha

bhaṅgetu teṣāmāvāhya kūrcādau tadgataṃ harim /
kriyāṃ samāpayedbha gnāṃ prabhāpīṭhādikaṃ punaḥ

samādhāya yathāpūrvaṃ saṃprokṣaṇavidhirbhavet /
vastuṣu snapanāṅgeṣu ādhikyaṃ hānireva vā

yadi syānmūlamantrāsya japaścāṣṭottarāvaraḥ /
mokṣamāṇassadā kuryātsnapanaṃ niśi vā'hani

ripukṣayārthīdivase dharmārthī dinamadhyame /
dinānte sarvabhogārthī prāya ścittāya sarvadā

baddhapratisare bimbe snapanārthaṃ tu mantriṇā /
snapanāntarasaṃ prāptau na ca pratisarāntaram

maṇḍūkamūṣikāsarpacucundaryādijantubhiḥ /
spṛṣṭe vilaṅghite naṣṭe sthāpite kalaśe tathā

tyaktvānyaṃ tu tathā kṛtvā mūlamantraṃ japedguruḥ /
sthāpitaṃ kalaśaṃ tadvatpāṣaṇḍaiḥ pratilomajaiḥ

āśaucavadbhiraparaiḥkalaśa sparśane sati /
sadravyaṃ kalaśaṃ tyaktvā tathānyaṃ tatra nikṣipet

vācayitvātha puṇyāhaṃ śāntihomaṃ samācaret /
karmaṇisnapanādau tu pravṛtte deśikottamaḥ

sūtakaṃ maraṇāśaucaṃ śṛṇuyānnāśucirbhavet /
utsave tu yathāśātracodite skhalane sati

śāntistathocyate brahmannidānīmavadhāryatām /
vimānasthāpanāhīne na kuryadutsavaṃ hareḥ

kuryādvā dhvajamuddhṛtya utsavaṃ ca krameṇa vā /
vāyavīye dhāmakoṇe vidhinā śāntimācaret

saṃvatsarāntaṃ tatraiva dhvajayaṣṭeḥ sthitirbhavet /
hīnanityotsave dhāmni dhvajārohaṇapūrvakam

notsavaṃ kāraye tkāmyaṃ kārite śāntimācaret /
pramāṇahīne pakṣīndre dhvaje stambhādike'pi vā

śāntiḥkārya tathā hīne mūṣikādyaiśca dūṣite /
aśucidravyasaṃsparśe tyaktvā kopyadhvajāntaram

śāntihomaśca kartavyo brāhmaṇānāṃ ca bhojanam /
dhvajārohaṇa karmāṅgaṃ dhvajaṃ vā stambhameva vā

sakṛnniyuktaṃ tyaktavyaṃ dhvajayuṣṭiṃ tu na tyajet /
sakṛnniyuktestambhādau bhūyo'pi viniyojite

prāyaścittaṃ tu tatra syātsnapanaṃ cottamottamam /
śāntihomaśca kartavyo brāhmaṇānāṃ ca bhojanam

sthāpite vihageśānadhvaje vātātapādibhiḥ /
varṇahānau na doṣasyā tsamārādhanamiṣyate

patite vātavegena hetunā yena kena cit /
uddhṛtya badhvā bhūyopi snapanaṃ madhyamottamam

varṇahānau tathā bhinne dhvaje cchinne'pi vā kvacit /
dhvajāntaraṃ samutpādyatyaktvā nipatitaṃ dhvajam

yaṣṭiṃ vākalpyamevāsyaṃ na tu kālapratīkṣaṇam /
viparītaṃ dhvajapaṭaṃ pramādādyadibandhayet

tanmocayitvā yadvānyaṃ badhvāsnapanamācaret /
dhvajastambhe tathā bhinne bhagne vā suṣire'pi vā

stambhānta ramapasthāpya śāntissnapanapūrvikā /
patane bhramaṇe vāpi patite vā yadṛcchayā

śāntihomo bhavetprāgvanmūlamantrajapastathā /
pakṣīśādhiṣṭhite kumbhe bhinne naṣṭe'tha vā tathā

aspṛśyaiḥ prāṇibhiḥ spṛṣṭe sthāpya kumbhāntaraṃ punaḥ /
āvāhya tatra vihagaṃ karmaśeṣaṃ samāpayet

dhvajastambhe ca saṃspṛṣṭe caṇḍālādyairvigarhitaiḥ /
stambhāntaramavasthāpya śāntihomaṃ samācaret

sūtakaiḥ pretakaiścaiva pratilomai sathāvidhaiḥ /
spṛṣṭe prokṣya dhvajastambhaṃ puṇyāhoktipurassaram

sakṛnniyojitaṃ tyaktvāmṛṇmayaṃ pālikādikam /
aṅkurānarpayennūcet śāntihomādikaṃ caret

aṅkureṣvapi rakteṣu śyāmavarṇayuteṣu vā /
aprarūḍheṣu sarveṣu tathā tiryaggateṣu ca

aspṛśyasparśane teṣāṃ bhinnacchinneṣu vā punaḥ /
pālikādiṣu naṣṭeṣu patiteṣu yathātathā

valmīkādiprarohe ca mūṣikādyaiśca bhakṣite /
śāntihomaśca kartavyo brāhmaṇānāṃ ca bhojanam

prārabdhakarmamadhye cetkarmanaimittikaṃ punaḥ /
āpatedarpayedbhūya statarthāṃ ścaṅkurrā guruḥ

arpiteṣvaṅkureṣu syāddaivādvā yadi mānuṣāt /
karmalopastadā tyaktvā kalpitānaṅkurānapi

śāntyarthaṃ juhuyādagnau mūlamantrajapastathā /
baddhapratisare bimbe karmārthamaparaṃ yati

antarā karma nipatedbadhnīyātkautukaṃ punaḥ /
antarā patite snāne samāpte snapanaṃ punaḥ

pūrvārabdhamanuṣṭheyaṃ yathāśāntraṃ caturmukha /
grāmādiṣu syācchūnyeṣu na balirvīdhikotsavaḥ

dhāmanyeva bhavetkāmaṃ yadi syādvīdhikotsavaḥ /
sahasrakalaśaissnānaṃ prayaścittaṃ tadiṣyate

utsave varta māne syānmahāvātādinā yati /
grāmādau śithile kṛtvā prayaścittaṃ punarmahaḥ

kāryona lopyo lope tu kumbhairaṣṭottarai rhareḥ /
snapanaṃ kārayeddhomo japaścārthairdvijārcanam

muhūrtātikrame śāntissarveṣāṃ karmaṇāmapi /
kāryāhomādibhiḥ paścātkarmārambho yathoditaḥ

karmaṇyadhikṛte pūrvaṃ deśiko mūrtipeṣu vā /
daivādvā mānuṣādvāpi vighniteṣvadhikāriṣu

prārabdhaṃ karma kartavyaṃ tādṛgbhiraparairdvijaiḥ /
utsave vighnite daivānmānuṣādvā yathodite

balimeva kṣipeddhāmni grāmādau vidhikāsvapi /
balipradāne pyakṛte kasmiṃściddivase punaḥ

kurvan balimatikrāntaṃ kṛtvaivaṃ balimācaret /
utsavāṅgeṣu hīneṣu kaliteṣu yathāpuram

udyānayānamṛgayā jaladroṇyādi karmasu /
śāntiḥkāryā bhojanaṃ ca brāhmaṇānāṃ japastathā

hīnāyāṃ tīrthayātrāyāṃ punarutsavamācaret /
uttamottamamārgeṇa kṛtvā snapanamāditaḥ

māse yathokte'tikrānte nakṣatrādau yathodite /
utsavo'nantare māsi yadyarvāgvatsarādbhavet

ūrdhvaṃ saṃvatsarā tkurvan śāntiṃ kṛtvāsamācaret /
sahasrakalaśaissnānaṃ śāntihomaṃ japādikam

lupte parpotsave śānti ssnapanaṃ śaktyapekṣayā /
anyeṣu viṣṇorlupteṣu śravaṇādyutsaveṣu ca

uttamottamamārgeṇa snapanaṃ tasya niṣkṛtiḥ /
vyatyāse balivastūnāṃ juhuyātsarviṣā śatam

vātādyutpāta saṃspṛṣṭe bimbhe snapanamuttamam /
ācaredyāgaśālāyāṃ prapādiṣu mahotsave

agnidagdheṣu tatsarvaṃ samādhāya yathāpuram /
śāntihomo dvijendrāṇāṃ bhojanaṃ dānameva ca

kuryātsudarśanaploṣe kumbhairnavabhiruplavaḥ /
kāryo bimbādidāhe'pi tathā snapanamācaret

śvasṛgālādibhiryāgamaṇṭapādi praveśane /
saṃsparśe purvaklaptāni tyaktvānyāni nidhāya ca

śāntihomodvijendhrāṇāṃ bhojanādi yathāpuram /
caṇḍālādipraveśādau tyaktvā tadvastu dūṣitam

utsavārthāni vastūni śānti homaṃ samācaret /
utsavāgnau svayaṃ śānte śāntiṃ kuryādyathākramam

viṣuve cāyane caiva tīrthayātrā na doṣakṛt /
--tato'nyatra kartavyā hnyeva sā bhavet

pramādādyadi yātrāsyātsnapanaṃ cottamottamam /
utsave homavicchede dviguṇaṃ homamācaret

bimbe corādibhirnaṣṭe vartamāne mahotsave /
karmārcādiṣu bimbeṣu bimbaṃ cotpādya pūrvavat

ārādhayennipatite bimbe yānānmahotsave /
āropya pūrvavadyānaṃ rathyāsu patitaṃ nayet

ekādhikāśītikumbhaissnāpayecchāntaye punaḥ /
aṅgahānau kautukasya bimba manyaṃ nayettadā

hīnāṅgaṃ cetsamādhāya sadyassaṃ prokṣaṇaṃ caret /
snapanaṃ śāntaye kuryādbrāhmaṇānāṃ ca toṣaṇam

yānabhaṅge nayeddevaṃ yānenā'nyena vīdhikām /
śāntiśca kāryā patanabhramaṇādau ca sāratheḥ

puṇyāhavācanādīni kāryāṇi kamalāsana /
aspṛśyā yadi yānāni vaheyurbhimbameva vā

kṣālayitvā tu yānāni bimbaṃ ca snāpayedghaṭaiḥ /
puṣpayāgo niśi bhavecchāntaye bhuktaye pi vā

abhāve puṣpayāgasya snapanaṃ cottamottamam /
ārabhya tīrthadivasādūrdhvaṃ pañcadināvadhi

dhvajāvarohaṇaṃ kāryaṃ paścāccedavarohaṇam /
doṣassyāddoṣaśamanaṃ snapanaṃ madhyamottamam

aparopya dhvajapaṭaṃ snapanāna ntaraṃ punaḥ /
udvāsya devatāssarvāśśakaṭādbalikarmaṇā

mahotsavāntaḥ patitaṃ karma vaiśeṣi kāhvayam /
kāryameva na lopyaṃ tallope snapanamācaret

pavitrāropaṇe prāyaścittamanyatpra darśyate /
hīnamāne pavitre vā kuṇḍe vā maṇḍale'pi vā

astramantraṃ śataṃ japtvā pūjaye dastravardhinīm /
tyaktvā pavitraṃ keśādidūṣitaṃ punareva tat

kṛtvā pūrvavadāropya tataśśāntiṃ samācaret /
aspṛśyasparśane kumbhe bhinne naṣṭe'pi vā punaḥ

kuṃbhāntare samāvāhya mūlamantraṃ japetpunaḥ /
asthāne sthāpitaṃ śūla manyatra pratimādikam

sthāpayitvā yathāsthānaṃ snapanādi samācaret /
māne nyūnādhike vāpi vedyādīnāṃ prakalpite

śāntirājyāhutiḥ kāryā paṃcopaniṣadā śatam /
teṣāmabhāve ca tathā śāntirnayanamokṣaṇam

akṛtvāsthāpane śāntiṃ kṛtvā nayanamokṣaṇam /
toyādhivāsākaraṇe pratiṣṭhāyāṃ madhudviṣaḥ

snapanaṃ śāntihomaśca tadvadevāṅgahāniṣu /
anācāryapratiṣṭhāyāṃ punasthsāpanamācaret

ācāryapadamārūḍho vaidhuryādyalpadoṣavān /
adhikāryeva vijñānapāraṃ yāto yadi svayam

jñānādhikena deveśe sthāpite jñāna rūpiṇi /
na doṣo jñānadahanassarvadoṣān dahetkhalu

yāvatkālaṃ sthitirbhālamandire prārthitā purā /
tāvatyatīte samaye snapanaṃ madhuvidviṣaḥ

kāryaṃ punaścatatraiva sthitikālaṃ parīkṣayet /
anyatra vā bālagehe yadvā mūlālaye bhavet

karmārthapīṭhikāyāṃ tat sthāpayitvā samarcayet /
gopure vālaye yadvā prākāre maṇṭape'thavā

śithilī saraghātumbāvalmīkādisamudbhave /
uddhṛtyatattatsaṃśodhya deśaṃ kṛtvā yathāpuram

snapanaṃ devadevasya kuryāduttamamadhyamam /
śāntihomo dvijendrāṇāṃ bhojanaṃ dānameva ca

siddhāntasaṅkare jāte pramādāttatra saṅkare /
kṛtvā saṃprokṣaṇaṃ pūrvaṃ sahasrakala śāplavaḥ

sidthāntaṃ nāma kiṃ ko vā bhedastasya janārdana /
śrotumicchāmi tatsarvaṃ na rahasyamidaṃ yadi

mahopaniṣadaṃ nāma siddhāntapadaśabditam /
mīmāṃsādiṣu śātreṣu ye siddhārthā manīṣiṇaḥ

teṣāmante'dhikārosminnitisiddhānta śabditam /
taccaturdhāsthitaṃ śāstramṛgādivadanekadhā

ekaikaṃ bhidyate tantraṃ śākhābhedena bhūyasā /
prathamaṃmantrasiddhāstaṃ dvitīyaṃ cāgamāhvayam

tṛtīyaṃ tantrasiddhāntaṃ turyaṃ tantrāntaraṃ bhavet /
ekaiva mūrtirārādhyā prādhānyenetarāḥ punaḥ

devyaśśriyrādayaścāpi saṃpūjyāḥ parivāravat /
āyudhaiśśaṅkhacakrādyaiśśrīvatsādyaiścabhūṣaṇaiḥ

mūrtimadbhiḥ parivṛtā kevalā vāmbujāsana /
kathyate yatra tatproktaṃ mantrasiddhāntamagrimam

vāsudevādayo vyūhāścatvārassādhakairapi /
kramāgataistulyakakṣyāḥ pūjyāstatprabhavāpyaye

karmaṇāmapi sanyāsaḥ kathyate yatra cāgame /
tantramāgamasiddhāntaṃ taduktaṃ kamalāsana

navānāmapi mūrtīnāṃ prādhānyaṃ yatra kathyate /
mūrtayo dvādaśāṅgāni teṣāmeva tathāpare

prādurbhāva guṇāścānye mūrtyantaraguṇā api /
prādurbhāvāntarayutāssa digdevaissahāyudhaiḥ

mūrtimadbhiścha devībhirlakṣmyādibhirapi sphuṭam /
tattantrasiddhāntāhvānaṃ---
caturthaṃ paramaṃ punaḥ

saumyasiṃhādibhūyiṣṭhaṃ vaktrebhaidaiścaturmukha /
dvitrādimukhabhedā vā mūrtirekaiva pūjyate

parivārainsaṃvṛtā vā vinā vā sarvakāmadā /
yatra tantrāntaraṃ tatsyāccaturthaṃ kamalāsana

yena siddhāntamārgeṇa karṣaṇādikriyā kṛtā /
ādau tenaiva sakalaṃ nānyasiddhāntavartmanā

tantreṇāpi tathā yena karṣaṇādikriyā kṛtā /
tenaiva sakalaṃ kāryaṃ na tantrāntaravartmanā

tantrāntare'pi kathitamanuktaṃ grāhyameva hi /
siddhānta saṅkarastasmāttantrasaṅkara eva ca

doṣāya kalpate rājarāṣṭra dhāmakṣayātmane /
siddhāntasaṅkare jāte pramādāttasya śāntaye

kṛtvā saṃprokṣaṇaṃ pūrvaṃ sahasrakalaśāplavaḥ /
kartavyassnapanaṃ kuryā ttantrasaṅkarasambhave

antemahotsavaṃ kuryāt dhvajārohaṇapūrvakam /
sthāpite pañcarātreṇa deve ṣaḍbhirathādhvabhiḥ

patriṣṭhāne kṛte mohāddoṣassarvakṣayātmakaḥ /
śāntiśca tasya bhūyo'pi pañca rātroktavartmanā

pratiṣṭhāpya sahasreṇa kalaśaissnapanaṃ hareḥ /
mahotsavaśca kartavyo dhvajārohaṇapūrvakaḥ

ekatra dīkṣitastante vā dvijottamaḥ /
kriyāṃ na kuryādanyatra karṣaṇādi caturmukha

ācāryatvamathārtvijyaṃ pūjāyāṃ madhuvidviṣaḥ /
tantrabhedhe ca siddhāntabhede cāpi na yujyate

brahmahatyādipāpānāṃ niṣkṛtismsṛticoditā /
mṛtānāṃ viṣaśastrāgni prāyairugraiśca karmabhiḥ

nārāyaṇabalirnāma samārādhanamuttamam /
gatiheturvinā tena gatiranyāna vidyate

punardahanamārabhya karma smārtamaśeṣataḥ /
kṛtvā sapiṇḍīkaraṇaparyantaṃ tadanantaram

devadevaṃ samārādhya vakṣyamāṇena vartmanā /
viṣṇvālaye nadītīre parvate vā vane'pi vā

ānyatra vā puṇyadeśe karturvā bhavane śubhe /
yaṣṭavyaṃ kṛṣṇapakṣasya dvādaśyāmayanadvaye

upoṣitassan pūrvedyuḥkartāniyatamānasaḥ /
brāhmaṇānbhagavadbhaktānvratasvādhyāyaśālinaḥ

āmantryamantravidbadhvā keśavādi yathāsvayam /
śodhite gomayāmbhobhirbhūtale kuśaviṣṭare

upaveśya vṛtāneva prāṅmukhān kamalāsana /
arghyādibhissamabhyarcya sāmabhiḥ keśavadibhiḥ

namontrairnāgavallyādi datvā cābhyañjayeddvijān /
snātānāṃ sannidau teṣāṃ homaṃ caupāsane'nale

kṛtvāgni mukhamagneśca prāgbhāge cakrapaṅkaje /
sthaṇḍale kuśakūrce vā devamāvāhayediti

puṣpāñjalissamutthāya nṛsūktādyā ṛco japan /
oṃ pūrvābhirvyāhṛtibhirāvāhya puruṣottamam

mūrtibhedān keśavādīnnāmabhistairanantaram /
āvāhyārghyādibhiṣṭadbhirupacarya pṛthakpṛthak

tarpayitvā tilāmbhobhiḥ keśavādīn svanāmabhiḥ /
upacarya ca dīpāntaṃ puruṣaṃ puruṣātmanā

sūktena keśavādīṃstu nāmabhistairyathākramam /
agnau padmāsanāsīnaṃ dhyātvā paramapūruṣam

anūcya pāyasaṃ viṣṇornukamityṛcamabjaja /
paścātparomātrayeti yājyayā juhuyāddhaviḥ

keśavādyairnāmadheyaissarpiṣā juhuyāttataḥ /
caturthyantairdvādaśabhi rnāmabhirdhyānamāsthitaḥ

kṣīrājyaguḍamiśrānnaṃ tebhya eva nivedayet /
devasya tvā savituriti mahāviṣṇornavedanam

saptavyāhṛtibhirbhūyo juhuyātsarpiṣānale /
darbhāsaneṣu bhūdevānāhutānupaveśitān

vastrāṅgulīyakacchatrakuṇḍalopānahādibhiḥ /
yathāśakti samabhyarcya mantreṇāṣṭākṣareṇa tān

tilājyamiśrahastena tadanujñānapūrvakam /
juhuyādanale havyaṃ vidyayā vakṣyamāṇayā

pitṛbhyastatpitṛbhyaśca tatpitṛbhyaḥ punastathā /
mātṛbhyaḥ pitṛmātṛbhya statpitṛbhyaḥpunastathā

mātāmahebhya steṣāṃ ye pitarastebhya eva ca /
matāmahībhyo mātuśca pitṛmātṛbhya eva ca

pituḥ pitāmahībhyaśca tathācāryebhya eva ca /
tatpatnībhyo gurubhyaśca gurupatnībhya eva ca

sakhibhyastatpurandhrībhyojñātibhyā yāścatat striyaḥ /
tābhyaśchāmātyatat strībhyassarvābhyastat striyaścayāḥ

tābhyaśceti samuccārya svadhā nama iti bruvan /
nārāyaṇāya svāheti pratyekaṃ pṛthagāhutiḥ

agnibaddaṃ caturthyantaṃ kavyavāhanamityatha /
tadantesviṣṭakṛcchabdhamanuṣaṅgaśca pūrvavat

hutvaivaṃ sarpiṣā paścāddvādaśākṣaravidyayā /
pratyekaṃ śatamaṣṭā ca dvādaśākṣara vidyayā

viṣṇugāyatriyā tadvadbrāhmaṇān ṣaḍrasānvitam /
bhojayeddakṣaṇāṃ tadyāttān praṇamya pradakṣiṇam

tānanujñāpya śiṣṭānnaṃ yatheṣṭaṃ kriyātāmiti /
dakṣiṇenānalaṃ darbhān prāgagrān śodhite sthale

saṃstīrya teṣu darbheṣu baliṃ dadyātsamāhitaḥ /
viśvebhyaścaiva devebhyassādhyebhyastadanantaram

sarvebhyaścaiva devebhyo viṣṇurnārāyaṇa stathā /
sahasraśirase caiva yajñātmapadameva ca

puruṣaṃ yajñapūrvaṃ ca sarveśvarapadaṃ tathā /
caturthyantaṃ samucchārya namassvā hetyanastaram

sarvatraivānuṣaṅgaṃ ca sviṣṭakṛdyajanādikam /
ādhenuvaradānāntaṃ kṛtvā pretaṃ nivedayet

mūrtiṣu dvādaśasvenaṃ yajñaśarmāṇamākhyayā /
nivedayāmi devāya keśavāyetyanukramāt

dvādaśabhyonivedyaivaṃ paramānnaṃ nivedayet /
nārāyaṇabalirhyeṣa dvijānāṃ samudīritaḥ

evaṃ yasya kṛte datto balirde vārcanā tmakaḥ /
sa yāti nikhilaṃ pāpaṃ nirdhūya brahma śāśvatam

pāpānāmitareṣāṃ ca baliḥ puṇyakṛtāmapi /
paramātmapadaprāptyaikalpate nātra saṃśayaḥ