Padma Samhita · Chapter 4.18

naimittikānāṃ nityānāṃ karmaṇāṃ bhagavan hare /
ārādhanānāṃ vaikalyaṃ lopo vā prāyasaṃjñitam

tasya cittaṃ samādhānamiti nirvacanakriyā /
kasya kiṃ vā samādhānaṃ kaḥ prakāro'sya kathyatām

asnātonu pavīto vā adhṛtvātilakaṃ tathā /
arcayeddevadeveśaṃ prayaścittīyate naraḥ

samādhānaṃ mūlamantraśataṃ japtvā tadarcanam /
akṛtvā pādayośśaucamanācamyāpi vārcane

pañcopaniṣadāṃ jāpaḥ prayaścittaṃ tadarcanam /
nagno vā muktakeśo vāsvinnāṅgo vā hasan śvasan

kupyanvā pralapanvāpi pūjāyāṃ tu śataṃ japet /
śatakṛto'stramantasya samārādhanamanvataḥ

keśāsthilomaloṣṭādisparśane naiva niṣkriyā /
vasāno nīlamalinakliṣṭavāso'pavitrakaḥ

arcayenmūlamantrasya japastasya pratikriyā /
gatvāstriyamānāplutya pūjane snāpayeddharim

pañcagavyaistataḥpañcamahopaniṣadāṃ japaḥ /
viṇmūtraretorudhirabālādisparśane sati

asnānapūjane devaṃ snāpayetkuśavāribhiḥ /
mūlamantrajapaścoktoniṣkriyā tasya karmaṇaḥ

vastraṃ rajasvalāyāśca spṛṣṭvā devārcane kṛte /
pañcagarvaissnāpayitvā pañcopaniṣadāṃ japaḥ

śvānaṃ rajasvalāṃ yūpaṃ caṇḍālaṃ vedavikrayam /
citiṃ ca caityabhūmiṣṭhaṃ vṛkṣaṃ spṛṣṭvā tadarcane

pañcavāruṇamantraiśca snāpayetkuśavāriṇā /
kākapāṣaṇḍapatitapratilomakharādikān

aspṛśyamanyadapyevaṃ spṛṣṭvā prāgvatpratikriyā /
keśādidoṣaduṣṭena puṣpeṇārādhane kṛte

kṣīreṇa snapanaṃ kṛtvā śāntihomaḥ pratikriyā /
purīṣādikamākramya yadyanāplotya pūjayet

snapanaṃ kuśapāthobhirjavaḥ prāgvatpratikriyā /
striyo vā nupanīto vā spṛśedbimbaṃ pratikriyā

ukṣaṇaṃ kuśatoyena mantreṇa parimeṣṭhinā /
ārādhane saṃpravṛtte niṣṭhīvādikamantarā

yadyāpatedācamanaṃ spṛśedvā dakṣiṇaṃ śravaḥ /
pralayādikramāddehamasaṃśodhya samādhinā

mantranyāsamakṛtvā ca pūjane pūrvavajjapaḥ /
arcanaṃ ca punassarvaṃ kṛtvādevasya niṣkṛtiḥ

caṇḍālādyairasaṃspṛśyairhavisspṛṣṭaṃ nivedayet /
yadi pramādātsnapanaṃ koghṛtena pratikriyā

śānti homaśca kartavya stadante kamalāsana /
dṛṣṭaṃ ca spṛṣṭavattadvatsṛgālādyaiśca dūṣitam

ācārarahitairanyaistathai vāśucivastubhiḥ /
ayājñiyaiḥkodravādyairhavirbhiśca nivedane

pūrvavacca samādhānaṃ mūlamantrāyutaṃ japet /
śākamūlaphalairlehyapeyādyaiśca vivarjitaiḥ

snapanaṃ śāntihomaśca mūlavidyajapa stathā /
atyuṣṇasyātiśītasya haviṣaśca nivedane

nivṛttimantrajāpaśca viśvamantrajapaḥ kramāt /
śavādidūṣite gehe pakvasya haviṣastathā

nivedanaṃ cetsnapanaṃ śānti homastathaiva ca /
krimikeśādiduṣṭasya haviṣaśca nivedane

pauruṣeṇaiva sūktena kuryācchuddhābhiṣecanam /
mukhavāyuhatāghrātaṃ rajastuṣakaṇānvitam

mṛtpāṣāṇaśakṛtprāya dūṣitasya nidedane /
mūlamantrāyutajapastadvatparyuṣitaṃ yadi

niveditasya haviṣo bhūyo yadi nivedanam /
snānapūrvarcasaṃ mūlamantrasya japa iṣyate

nivedayecca nirmālyamucchiṣṭaṃ vā pratikriyā /
kumbhairdvādaśabhissnānaṃ śāntihoyojana stathā

gurvādīnmanasā vācā karmaṇā samataḥkare /
sthitāni havirādīni puṣpādīni caturmukha

pūjāvastūnyayogyāni samārādhanakarmaṇi /
tairarcane pañcakumbhaissnapanaṃ pūrvavajjapaḥ

vāsudevaṃ praṇamataḥ pūjāvastūni hastayoḥ /
sthitāni nārcanārhaṇi senānye tāni nikṣipet

tairarcanaṃ cetsnapanaṃ kalaśaissaptabhirbhavet /
śāntihomaśca kartavyo mūlamantrajapastathā

maṇḍūkamūṣikāsarpabiḍālādyaiśca jantubhiḥ /
krimikīṭapataṃgādyaiḥpakṣibhirvāyasādibhiḥ

spṛṣṭaṃ daṣṭaṃ havirnaipa devārhaṃ tanni vedane /
snapanaṃ kalaśaireva tribhirhomāntamarcayet

makṣikādyaiśca saṃspṛṣṭaṃ prokṣya devāya kalpayet /
bhuktaśeṣaiḥpramādādvālobhādvā devamarcayet

mūlamantrāyutajapaśśāntaye tasya kalpate /
dattaśeṣapradānena tadvadeva ca niṣkṛtiḥ

snāne paryuṣitāmbobhiḥ punarepamathāmbubhiḥ /
abliṅgaiḥ pāvanai rmantraiḥ prāyaścittaṃ taducyate

puṇyatīrthasarittoye na paryuṣitadūṣaṇam /
samudratoyaṃ daśamātparaṃ paryuṣitaṃ dināt

tiryagyonibhiraspṛśyairmanuṣyairapi laṅghitam /
spṛṣṭaṃ ca vāri na snānayogyaṃ snāne ca vāruṇaiḥ

snānaṃ punarvidhātavyaṃ śāntyarthaṃ tasya karmaṇaḥ /
ajāśva mukhasaṃscarśona doṣāya kadācana

gomukhenaiva saṃspṛṣṭaṃ varjanīyaṃ samarcane /
prāyaścittaṃ punassnānaṃ mūlamantrajapastathā

viṇmūtrarudhirāpeyayuktaistoyādivastubhiḥ /
nārcayedarcane snānaṃ kalaśai radhamādhamauḥ

śivanirmālyaduṣṭena toyaprabhṛtivastunā /
pūjane kalaśaissnānamadhamairmadhyamairbhavet

śivādidūṣite kūpe jalamuddhṛtya pūrvakam /
sarvaṃ tadante puṇyāhaṃ vācayejjñalaśuddhaye

paśvādimaraṇe kūpe caṇḍālasnānapānayoḥ /
tathā rajasvalādyaiśca pratilomairvigarhite

kūpasthaṃ tajjalaṃ sarvamuddharetkamalāsana /
cucundaryādimaraṇe jalasyārdhaṃ samuddharet

divā samuddharettoyaṃ rātrau cedagni sannidau /
uddharedanyathā toyairupayoge'tha vāruṇaiḥ

pañcabhirjuhuyādagnau brāhmaṇānapi bhojayet /
pūjākāle tu dīpasya nirvāṇedviguṇārcanam

dīpamuddīpya japtapyo viśvamantraśśatāvaraḥ /
akasmādeva nirvāṇe śāntirnaiva tvahetuke

anirvāṇasya nirvāṇe dīpasya snapanaṃ hareḥ /
kṣīreṇa mūlamantrasya japaścāṣṭottaraṃ śatam

sarpiṣā tilatailena dīpāropaṇamācaret /
nānyaireraṇḍatailādyairnājāvimahiṣādijaiḥ

snehairāropaṇaṃ kāryaṃ na ca prāṇyaṅgamambhavaiḥ /
pramādātphalajaistailaissna pane dīpane haviḥ

nivedane ca home ca snehauranyaiśca ninditaiḥ /
anuṣṭhāne kṛte kumbhai ssnāpayenmadhyamottamaiḥ

śāntihomastathā dānaṃ dvijebhyo bhojanaṃ tathā /
ajaprabhṛtidadhyādyaissnānādau vihite sati

prāyaścittaṃ yathāpūrvamācaretkasulāsana /
pūrvopacāraklṛptau tu nyūnāyāṃ klṛptavastubhiḥ

vastubhirdviguṇairbhūyaspamārādhya madhudviṣam /
sarpiṣāṣṭottaraśataṃ juhuyānmūlavidyayā

mantrahānau kriyāhānau mudrāhānau tathaiva ca /
japahānau dhyānahānau hīneṣvanyeṣu keṣu cit

mūlamastrajapastasya yathāśakti pratikriyā /
geyavāditranṛtteṣu pūrvaklṛpteṣu pūjane

hīnekasmiṃścidārādhyo harissnapanavartmanā /
vādyahānau tu payasā nṛttahānau ghṛtena tu

geyahānau tu madhunā juhuyātpūrvasaṅkhyayā /
pūrvaklṛptopadaṃ śādihānau dviguṇavastubhiḥ

nivedayetsnānapūrvaṃ kālāti kramaṇepi ca /
bhogadravyairdviguṇitai rārādhya kṣamyatāmiti

uccārayettathā santhyātikrāntau dvāda śeṣvapi /
kāleṣu klṛptaṅkhyeṣu hānau kālasya kasya cit

dviguṇairvastubhiḥ pūjyaḥ kāleṣu ca yathottaram /
kālaṃ prathamamārabhya dviguṇaistriguṇai stathā

caturguṇaiḥ pañcaguṇairevamādyaistu vastubhiḥ /
pūjayejjapa homādyaistadvadeva yathāyatham

atikrānte dinavidau vidhireṣaprakīrtitaḥ /
dvidinādau tu pakṣānte pūjāhine ghaṭaistathā

adhamottamamārgeṇa snāpayettasya śāntaye /
māse ca pūjāvikale madhyamottamavartmanā

tilājyacarubhiścaiva juhuyānmūlavidyayā /
saṃvatsaratrayādarvāṅmāsādūrdhvamanarcite

saṃprokṣaṇaṃ bhavedūrdhvaṃ pratiṣṭhāvidhirucyate /
bhūguptāmapi caikāhamuddhṛtya pratimāṃ punaḥ

saṃprokṣayedgṛhārcāyāmārādhanaviropane /
snapanaṃ paṃcagavyena sūktena puruṣātmanā

śāntaye juhuyādagnau brāhmaṇānapi tarpayet /
māsādūrdhvaṃ tu ṣaṇmāsaṃ pūjāhīne caturmukha

kumbhaiṣṣoḍaśabhissnānaṃ sūktena puruṣātmanā /
bhojayedbrāhmaṇānagnau juhuyācchāntaye punaḥ

ūrdhvaṃ saṃprakṣaṇaṃ kāryaṃ yāvatsaṃvatsarāvadhi /
pratiṣṭhāvidhirūrdhvaṃ tu vatsarāduktavartmanā

tridaśādipratiṣṭhāyāṃ pūjālope na dūṣaṇam /
prayaścittaṃ tu martyānāṃ pratiṣṭhāyāmudīritam

sāligrāvaśilādīnāṃ pūjālopo na dūṣaṇam /
tathaipāśuchisaṃsparśe kṣālayitvārcayetpunaḥ

sarvadhā lopane śāntirnoktakālāśrayo ? bhavet /
ajñānādadhavā jñānādvahnitarpaṇa varjite

paṃcopaniṣadairmantressarpiṣā juhuyācchatam /
ekādikālātikrāntau dviguṇādi yathāpuram

bahubhiḥkalaśairdevaṃ snāpayeddivasātparam /
māsāvadhi tadūrdhvaṃ tu kalaśairvatsarāvadhi

aṣṭottaraśataiḥkuryātsnapanaṃ juhuyātpunaḥ /
aṣṭottarasahasreṇa tilājyacarubhiḥ kramāt

dvādaśākṣaramantreṇa śāntihomastadā bhavet /
vatsarādupariṣṭāttu snapanaṃ madhyamottamam

kuṇḍe cāgniṃ sthāpayitvātilavrīhiyavairapi /
lājaiśca kālapuṣpaiśca samiccarughṛtairapi

aṣṭottarasahasreṇa juhuyānmūlavidyayā /
śāntihomastathā dānaṃ viprāṇāṃ cāpi bhojanam

satyagnāvapyahome tu prāyaścittamitīritam /
agnauśāntemathitvāgniṃ śāntihomaṃ samācaret

paṃcopaniṣadairmantrervyāhṛtipramukhai rapi /
guparistīrya ca kuśairhomaḥpraṇavavidyayā

aṣṭottaraśatenājyairmūlamantrajapastathā /
ayathoktakrame tadvatprāyaścittaṃ vidhīyate

kāmye paridhamo neṣā nitye karmaṇi vāna vā /
alābhe samidhāmajyaiścarubhirvāhutirbhavet

tayoralābhe bījairvā samidbhirvā yathoditaiḥ /
agnau keśādibhi sspṛṣṭe aspṛśyasparśane tathā

homo vyāhṛtibhiḥ kāryo vārānaṣṭottaraṃ śatam /
āyutaṃ puṣpavatyādisparśe mathanaje'nale

pākasthāne cullisparśe naraiḥ purvoditaistathā /
śvādibhissthānamālipya gomayena mahānasam

ānīyāgnyantaraṃ culyāṃ puṇyāhaṃ vācayeddhvijaiḥ /
viṇmūtrādyaistathāsparśe pūrvavacchuddhiriṣyate

pakvena culyāṃ duṣṭāyāṃ haviṣāṃ ca nivedane /
snāpayennavabhiḥkumbhairdevaṃ vātha ghaṭaistribhiḥ

parivārārcane cchinne tattannāmānyudīrayan /
sarpiṣā juhuyādagnau pratyekaṃ tvaṣṭasaṅkhyayā

dviguṇādyairdvikālādau balyarthaṃ ca haviryadi /
dūṣitaṃ keśakīṭādyairaspṛśyairmanujaistathā

kākādibhiśca tattyaktvāhaviṣānyena karmatat /
yadi duṣṭena haviṣā baliṃ dadyātpramādataḥ

śāntihomastadā kāryaśśāstradṛṣṭena vartanā /
taṇḍule codane puṣpe balyarthe pātrasaṃbhṛte

deve cāvāhite tasmin pūrvavaddūṣaṇaṃ yadi /
patite vā balidravye mūlabhere'thavātmani

udvāsya devamānīya dravyāntaramadūṣitam /
tasminnāvāhya deveśaṃ yathāpūrvaṃ punarnayet

taddoṣaśāntaye paścāddadhnā kṣīreṇa vā harim /
snāpayejjuhuyācchāntiṃ mūlamantrajapastathā

bali bere nipatite yanādāvutsave bahiḥ /
sthāpayitvā yathāpūrvaṃ baliśeṣaṃ nayetpunaḥ

śāstaye navabhiḥ kumbhaissnāpayetpatite bhuvi /
adhamādhamamārgeṇa śāntihomo japastathā

nṛttageyaratā nāryo gaṇikāścāthavetarāḥ /
devadāsyo dūṣayeyū rajobhiḥ pṛthivītalam

rajasvalārajoduṣṭaṃ bhūtalaṃ jānumātrakam /
khātvā ca mṛdbhiranyābhiḥ pūrayitvā mahītalam

ālipya gomayāṃbobhiḥ puṇyāhaṃ vācayettataḥ /
prokṣaṇaṃ paṃcabhirgavyaissannikṛṣṭaṃ ca kautukam

adhamottamamārgeṇa kalaśaissnāpayedguruḥ /
tilājyacarubhirhomaḥ pratyekaṃ mūlavidyayā

sahanrakṛtvastadanu śāntihomo japastathā /
kavāṭādikamapyanyatspṛṣṭaṃ prakṣālyamambhasā

tāsāṃ ca mārgāssaṃśodhyā gomayāmbhobirukṣaṇaiḥ /
corabhūtairbrāhmaṇādyaiḥ spaṣṭe bere'pyacoditaiḥ

corasparśanimittaṃ tu snapanaṃ kalaśairhareḥ /
varṇānāmānupūrvyeṇa tvathamādhamapaddhatim

ārabhya gaṇitaiḥ kuryātsaṅkarairapi tadbhavet /
bījaprayuktakalaśaissnapanaṃ śāntaye bhavet

śāntihomo brāhmaṇānāṃ bhojanaṃ dānameva ca /
ajñātajātisaṃsparśe snāpayeduttamottamaiḥ

śāntihomo dvijendrāṇāṃ bhojanaṃ dānameva ca /
trivastukaṃ mṛṇmayaṃ ca lepabimbaṃ ca bhittijam

citraṃ nīcairyadi spṛṣṭaṃ caṇḍālādyai rvigarhitaiḥ /
navīkaraṇamāstheyaṃ saṃprokṣaṇavidhi stathā

pratiṣṭhā vā yathāvittaṃ doṣabhūyastayātha vā /
paṭasparśe kṣālayitvā yathāpūrvaṃ pusassṛjet

dīkṣitairanyaśāstreṣu spṛṣṭe snapanamācaret /
dīkṣitairitaraiścāpi śūdraistadvatsamācaret

mahāpātakisaṃsparśe snapanaṃ cottamottamam /
upapādaki saṃspṛṣṭe snapanaṃ cādhamottamam

parastrīgamanāsaktaistathā'niyatavṛttibhiḥ /
sparśe ca navabhiḥkumbhaissnapanaṃ kautuke bhavet

aspṛśyairitarairvāpi kuṇḍādissarśane sati /
snapanaṃ pūrvavatkāryaṃ strībhirduṣṭābhireva ca

anulomāstriyaśśūdrā vrajeyurgarbhamandiram /
bhūtalaṃ pañcagavyena siñcedvā gomayāmbabhiḥ

caṇḍālaiḥpulkasairvāpi tapitairmadyapai stathā /
śvapacairmandirābhyantaḥ praveśe mṛṇmayāṃstyajet

tatrasthān kṣālayitvāntaḥ kavāṭādimahītalam /
ālipya gomayombhobhiḥ puṇyāhamapi vācayet

pratimāścāpi tatrasthā ssnāpayetkalaśairguruḥ /
śāntihomo japaścaiva dvijānāṃ dānabhojane

aśaucavatpraveśe ca pūrvavadvidhiriṣyate /
caṇḍālaśśvapaco vāpi tādṛśāḥpulkasādayaḥ

ajñānādgarbhagehetu karmasvadhikṛtā yadi /
vaseyuścaiva taissārdhaṃ bhojyaṃ vā vastu tādṛśam

spṛṣṭamārādhanāṅgaṃ cetspṛṣṭaṃ vā kautukaṃ yadi /
kriyāsamabhihāreṇa prāyaścittamihocyate

śodhayenmandiraṃ pūrvaṃ gomayālepanādibhiḥ /
puṇyāhaṃ vācayitvātha brāhmaṇāṃstatra bhojayet

svādhyāyaṃ parikurvīran brāhmaṇā vedapāragāḥ /
itihāsapurāṇāni paṭheyuśca divāniśam

kapilāśca pradeśeṣu tatra tatrādhipāsayet /
evaṃ māsādikāleṣu doṣagauravarāghavam

avekṣya śodhite dhāmni brāhmaṇāṃstoṣayeddhanaiḥ /
pratimānāṃ yathāyogamuddhāro vā navīkṛte

kuryāttato yathāpūrvaṃ nimitte vā navīkṛte /
pratiṣṭhāpya yathāśāstraṃ snāpayetkalaśairadhi

sahasreṇa pūrāvṛttadoṣāṇāmapanuttaye /
antemahotsavaḥkāryona cedrāṣṭrānṛpakṣayaḥ

bimbaṃ na cālayecchailaṃ na navīkaraṇaṃ tathā /
tathaiva divyamārṣaṃ ca svayaṃ vyaktaṃ ca kautukam

tathānyairmāgadhādyaiśca pratilomaiśca garhitaiḥ /
sahasrakalaśairdevaṃ snāpayettasya śāntaye

śvāpadaiśca sṛgālādyaiśchaṇḍālādyaiśca garhitaiḥ /
prathamādi praviṣṭaṃ ceddhāmāvaraṇabhūtalam

prokṣayetpañca gavyena puṇyāhamapi vā cayet /
dhāmasparśe tathānyasya balipīṭhādi kasya ca

sparśekṛtvā yathāpūrvaṃ śāntihomaṃ samācaret /
āgantukaiḥ kukkuṭādyaisspṛṣṭaṃ ceddhāma sarvataḥ

prokṣayenmrapūtena vāriṇā śāntimācaret /
devān saṃsnāpaye ccaiva prathamāvaraṇādigān

sarpiścarutilairhomo mūlenāṣṭottaraṃ śatam /
khadyotasparśane devaṃ snāpayennavabhirghaṭaiḥ

pūjākāle kavāṭasya bandhanaṃ cedasaṅkule /
aṣṭottaraśataṃ mūlamantrasya japa iṣyate

saṅkule bandhanaṃ naiva doṣāya bhavati kvacit /
prabhāpīṭhāstrasaṃsparśe bimbasparśavadiṣyate

ācāryāḥpūjakāścānye tathaiva paricārakāḥ /
āsaneṣvāsikāṃ bhuktiṃ śayanaṃ ca yathātatham

kuryuḥ karmaṇyadhikṛtā doṣā naiva tadā bhavet /
anye cetkuryuravaniṃ prokṣayedgomayāmbubhiḥ

prākāre maṇṭape dhāmni gopure pākaveśmani /
dagdhe'gninā samādhāya pūrvavanmaṇṭapādikam

pratiṣṭhāpya yathāpūrvaṃ tataḥ śāntiṃ samācaret /
adhamottamamārgeṇa snapanaṃ śāntidaṃ bhavet

śāntihomastu kartavyodvijānāṃ dānabhojane /
pratimādahane cāpi samādhāya yathāpuram

snāsaṃ sahasrakalaśaiḥ pratiṣṭhāpya yathāvidhi /
vastrādidahane tasyāḥ prabhādidahane tathā

navabhiḥkalaśaissnānaṃ homādi tadanantaram /
sudarśane'gninā dagdhe snānaṃ navaghaṭairbhavet

dhvaje vitāne chatre ca dagdhecāstaraṇādike /
punarutpādya tatsarvaṃ śāntihomādikaṃ bhavet

prāsādādyavakāśānāṃ vṛddhiścetsarvato bhavet /
yadvā prācyāmudīcyāṃ vā vṛddhirnānyatra śobhanā

dakṣiṇāparavṛddhiścetsnapanaṃ cottamottamam /
śāntihomo dvijendrāṇāṃ tarpaṇaṃ bhojanādibhiḥ

śobhanā sarvato vṛddhi rupapīṭhasya ceṣyate /
prathamāvaraṇaṃ yāvat doṣassyāddevanirmite

vardhitaṃ yadi pūrvoktaṃsnapanaṃ śāntidaṃ bhavet /
nahrāsayetpurāklṛptaṃ dhāmādi na ca cālayet

paurāṇikaṃ śiraḥ pīṭhaṃ dhāmacihnaṃ ca vaiṣṇavam /
noddhṛtya pūrayitvāvā na vṛddhirgopurādiṣu

alpīyaḥ prāgvimānādi divyavargaṃ dhanaiḥ punaḥ /
vardhayecchraddhayā mukhyairdravyairarcāṃnayedguruḥ