Padma Samhita · Chapter 4.17

pratimānāṃ tathā dhāmnāṃ jīrṇānāṃ bhagavannaham /
uddhāraṃ śrotuvicchāmi tanme brūhi yathātatham

svāyambhavārṣadivyeṣu mānuṣeṣu caturṣvapi /
aṅgahānau ratnajeṣu tattajjāmbānadaiḥ punaḥ

samādhātavyamevāṅgaṃ na tyājyaṃ śailajeṣvapi /
tadvadeva samādhānaṃ dārujādiṣu pañcasu

hīnāṅgeṣu tu bimbāni hitvā tāni punassṛjet /
aṅgamātrasamādhāne sṛṣṭau sarvātmanāpi ca

kumbhe śaktiṃ samudvāsya nirmāya ca yathāpuram /
adhivāsādikaṃ sarvaṃ pratiṣṭhāyāmivācaret

sthitavatsveṣu bimbeṣu samādhiryadi śakyate /
na tyāgo yujyate teṣāṃ sarveṣāmeva padmaja

tyaktaṃ ca lohajaṃ bimbaṃ drāvayitvā punassṛjet /
deve jīrṇe punassṛṣṭau devyaḥpracyo yathāsthitāḥ

tābhireva punardevo yojyo nānyāssṛjetpunaḥ /
nodvāhaśca punaḥ kāryassantate tānu pūjane

prabhāpadmāsanādīnāṃ vaikalye calane'pi vā /
āyudhe'pi ca cakrādau yaṣṭavyo nāsamāhite

udvāsya pratimāśaktiṃ mūlabhere ghaṭe'pi vā /
cakrādeśca samādhānaṃ kāryaṃ tasmin samāhite

saṃprokṣya pūjayeccaktimāvāhya pratimāsu tām /
bālālayaṃ kalpayitvātatra śailādivastuṣu

bimbe tu śaktimāvāhya jīrṇebhyaḥ pūjanaṃ hareḥ /
tyaktaṃ ca bimbaṃ nikhanet kṣitau vāmbhasi nikṣipet

prāsāde cāpi śithile pūjayedbālaveśmani /
upetaṃ parivāraissvairdevaṃ mūle yathā tathā

ajīrṇe dhruvabimbe tu jīrṇṭe dhāmani tat sthitān /
devāndevaparīvārānmūlabere niveśayet

ajīrṇadhāmaniṣṭhānāṃ jīrṇetu dhruvakautuke /
nodvāso nyatra kartavyo devādīnāṃ caturmukha

ajīrṇenāṅga hānau ca dhāmādau naiva kalpayet /
bhūyastaro pi martyena vyāmohādyadi kalpayet

ātmahānirddhravā tasya yajamānasya sānvayā /
yadi pramāṇarahitaṃ pramādātkalpitaṃ pūrā

prāsādādi punassṛṣṭau kalpaye llakṣaṇānvitam /
bahuberairabereṣu kalpanaṃ syādyathāpuram

bahuberenaikaberaṃ naikabere tathā param /
devīvirahitaṃ pūrvaṃ bahuberaṃ kṛtaṃ yadi

bhūyaḥ prakalpane tasya devībhyāṃ saha vā vinā /
amānuṣaṃ ca bimbādi pūrvaṃ lakṣaṇavarjitam

jīrṇoddhāre'pi kartavyaṃ tathaiva na tadanyathā /
śayanaṃ vā''sanaṃ sthānaṃ yānaṃ vā tadyathāpuram

bimbasya punaruddhārastathaiva syādamānuṣe /
mānuṣe tu sthitādīnāṃ bimbānāmicchayā bhavet

punassṛṣṭirna doṣāya tathā sati caturmukha /
* divye vimānādau ākārapramāṇādīvat upādāna.
dravyamapi sajātīyameva.*
divyaṃ vimānaṃ yadvastu yanmānaṃ yādṛśaṃ purā

tādṛgeva punassṛṣṭau nānyathā tatprakalpayet /
anyathā kalpane doṣo kājño rāṣṭrasya ca dhruvam

mānuṣaṃ sadanaṃ cārṣaṃ caiṣṭakaṃ vātha mṛṇmayam /
jīrṇaṃ punassamuddhāre śaileneṣṭakayāpi vā

upapīṭhādikaṃ klṛptaṃ rakṣārthaṃ vardhayedbahiḥ /
parivārāṃśca tatrasthānupapīṭhe ca vardhite

sthāpayenmūlaberasya rakṣārthatvānna dūṣaṇam /
sālagopurapīṭhādau calite jīrṇa eva vā

dṛḍhaṃ śilādibhiḥkuryā dvistīrṇa matha vā'nyathā /
nadyādijalavegena calite naṣṭa eva vā

prāsādādau punasthsāne nirbādhe'nyatra kalpayet /
yā mūrtiryena mantreṇa yādṛśenādhikāriṇā

prathame kalpane saiva dvitīye kalpane bhavet /
mūrtissaiva ca mantraṃ ca sa eva sthāpakaḥ punaḥ

apūrvakalpane jīrṇasamuddhāre dvayorapi /
tulyaṃ phalaṃ kalpanāyāṃ dhāmādernāstisaṃśayaḥ

tantrādhikārimūrtīnāṃ vyatyaye kalpane punaḥ /
nṛṇāṃ narapateścāpi rāṣṭrasya ca bhavet kṣayaḥ

bahubere pratiṣṭhāyāṃ jīrṇoddhāre'yathāpuram /
karmārcāṃ sthāpayedvedyāṃ śāyayeccāpi maṇṭape

nādhivāsaṃ jalekuryānnayanonmīlanaṃ tathā /
na tatvasaṃhārotpādau sarvaṃ pūrvavadācaret

mūlabimbaṃ samāsādya prāgvatsarvaṃ samācaret /
bālakautukamabhyarcya yātrā manyatra tadgatām

śaktiṃ kumbhe samāvāhya kumbhaṃ dhānyasthitaṃ punaḥ /
abhyarcya samaye prāpte mūlabere gurussvayam

śaktiṃ niveśayecchāstradṛṣṭena vidhinā harau /
kumbhatoyāvaśeṣeṇa parivāraprakalpanam

utsavaṃ kārayedante sarvaśāntikaro hisaḥ /
saṃprokṣaṇanimittaṃ kiṃ prakāro vāsya kīdṛśaḥ

kathyatāṃ bhagavanmahyaṃ jijñāsā ye'nuvartate /
prāsāde cāṅgabhaṅgādisasthāne nūtane kṛte

pratimāyāṃ ca pīṭhe ca prabhāyāṃ cāyudhepi ca /
ārādhane ca vicchinne māsādau kamalāsana

sparśane pratilomādyairnityāśaucavigarhitaiḥ /
pratilāmānulomaiśca sūtaiśca rathakārakaiḥ

vaikhānasaiśca saṃspṛṣṭe bhārgavāgamapūjakaiḥ /
śaivādibhiśca pāṣaṃḍairbrahmahatyādidūṣitaiḥ

kṣayyapasmārikuṣṭhyādyaiḥ kṛcchribhirmūlarogibhiḥ /
udakyādibhiranyaiśca śilpibhissparśadūṣite

viṇmutrarudhirāpeyasparśadoṣe ca mandire /
janane maraṇe caiva śvasṛgāla kharādhibhiḥ

spṛṣṭe ca bimbe tantrāṇāṃ saṅkare samupasthite /
evamādiṣu cānyeṣu saṃprokṣaṇavidhirbhavet

dhāmādikamasaṃprokṣya pratimādikamapyatha /
arcane rāṣṭramadhipaḥ prajāśca sadanaṃ hareḥ

śūnyaṃ syādiriṇa prāyamupadravasamākulam /
durbhikṣavyādhikalahamṛti prāyāssyurītayaḥ

tasmātsaṃprokṣaṇaṃ kāryaṃ dhāmādīnāṃ yathāvidhi /
viṣṇornukamiti svacchairjalaiḥ prokṣaṇa miṣyate

abliṅgairitarairmantrairācāryo brāhmaṇaissaha /
dhruvaberādibimbānāṃ śodhane kṣālane kṛte

idaṃ viṣṇuritiprāyairmantraiḥ paramapāvanaiḥ /
snapanaṃ ca yathāśakti kuryāt snapanapūrvakam

dvāratoraṇakumbhādiyajanaṃ tadanantaram /
dhānyapīṭhe maṇḍapasya madhyabhāge suśobhite

sthāpayitvā mahākumbaṃ sūtrāvastrādiveṣṭitam /
pūrvoktavartmanā tasmin paramātmānamarcayet

kuṇḍe vā sthaṇḍile vāpi juhuyītsamidādibhiḥ /
pratyekamaṣṭottaraśataṃ śāntihomo yathāpuram

badhnī yātkautukaṃ bimbe prokṣayedapare'hani /
prabhātasamaye prāpte śobhane deśikottamaḥ

sthāpitaṃ kumbhamāsthāya prādakṣīṇyena mandiram /
nītvā devasya purato dhānyapīṭhe niveśya ca

kūrcena toyamādāya kumbhasthaṃ mūlavidyayā /
pañcopaniṣadairmantrairabliṅgairitiraistathā

śāntimantrāṇi samaye paṭheyurvi prasattamāḥ /
brāhmaṇān bhojayeccāpi yathāśakti ca dakṣiṇā

ācāryadakṣiṇā cāpi daśaniṣkāvarā tadā /
sadyo vā sakalaṃ kuryānniśi vā divase'pi vā

na tithi rna ca nakṣatraṃ kālavelā na vidyate /
sadya eva tu kartavya miti śāstrasya niścayaḥ