Padma Samhita · Chapter 4.16

bhagavan bhāvināṃ karma phalānāmaśubhātmanām /
sūcaneṣu nimitteṣu sañjāteṣvaśubhātmasu

gṛhadoṣādiṣu nṛṇāmadhipasya ca bhūpateḥ /
teṣā makasmājjātānāṃ karma yacchamanaṃ param

tanmamākhyāyatāṃ kīdṛkkiṃ kathaṃ ceti cācyuta /
rahasyamapi tadvācyaṃ dayāyā parayā mayi

janmarkṣādyaśubhasthānaga teṣvaṅgārakādiṣu /
krūreṣu durnimitteṣu dusvapneṣvāmayeṣu ca

gṛhakṣetrādikeṣvevaṃ valmīkajanane tathā /
raktastrīṣu ca jātāsu agnidāhe ca veśmanām

vastrādimūṣikādaṃ śe dagdheṣu śayanādiṣu /
saṅkaṭeṣvapi cānyeṣu putrādikalahātmasu

nṛpakope tathā cittaduḥkhe nigalabandhane /
pīḍāyāmaripakṣeṇa piśācādyairbhayānakaiḥ

vratadhvaṃse prāgabhāve putrāṇāmarthahāniṣu /
ariṣṭasūcane putrajanmanyutpātasambhave

evamādiṣu jānyeṣu doṣeṣvārādhanaṃ mama /
śāntaye kalpate brahman prakārastasya kathyate

snānapūrvāṇi karmāṇi kṛtvā vidhivadādṛtaḥ /
ācāryaṃ varayetpaścānmadāradhanatatparam

śamādiguṇasaṃyuktaṃ pañcakālaparāyaṇam /
śucau bhūmitale kumbhaṃ sauvarṇaṃ rājataṃ tu vā

tāmraṃ vāpi yathāvittaṃ vāripūrṇaṃ sakūrcakam /
tantubhirveṣṭitaṃ nyasta vāribhījaṃ sapallavam

dhānyarāśiṣu saṃsthāpya nyastaratna guvarṇakam /
śāntidravyasanāthaṃ ca aśvatthadalamaṅgalam

veṣṭitaṃ navavastreṇa raktenākṣatasaṃyutam /
prācyāṃ diśi ca deveśaṃ yāmye saṅkarṣaṇaṃ tathā

pradyumnaṃ paścime bhāge aniruddhaṃ tathottare /
evaṃ krameṇa va...ttamāvāhyaghaṭikāsane

kuśakūrcaiḥ paścimāśāsammukhe'ṣṭākṣareṇa tu /
yajetārghyādinā yadvā rukmaṃ nyasya tadarcanam

kumbhe cāvāhya yajanaṃ japesmantramanuttamam /
mūlamantreṇa lakṣaṃ vā tadarddhaṃ vā tadarddhakam

tataḥ puṃsūktamanvākaṃ nārāyaṇānuvākakau /
tataśśrīsūkta bhūsūkte japedācārya ṛtvijām

mūlenāgniṃ pratiṣṭhāpya juhuyādgavyasarpiṣā /
agni pratiṣṭhāṃ kvatvā'tha vaiṣṇavīkaraṇaṃ tathā

mantreṇāṣṭākṣareṇaiva lakṣavārā nathāyutam /
sahasramapi vā kuṇḍe śataṃ vāṣṭottaraṃ guruḥ

dhyātvā hariṃ sarvaśāntikaraṃ sarvasamṛddhidam /
gauravaṃ lāghavaṃ cāpi samavekṣya yathocitam

doṣāṇāṃ yatnamātiṣṭhedarcanādiṣu sarvataḥ /
antepraṇavamabliṅgairyajamānaṃ gurussvayam

mantraiḥ kumbhasthato yena prokṣayenmūlavidyayā /
sahasrakṛtvaḥ kūrcena snāpayeccheṣavāribhiḥ

ācāryāya yathāvittaṃ dadyātsvārṇādi dakṣiṇām /
brāhmaṇān bhejayettebhyo dakṣiṇāmalpikāmapi

prabhūṇāmapi sarveṣāṃ sarvopadravaśāntaye /
sarvābhipretalābhāya viśeṣayajanaṃ hareḥ

kuryāt snapanapūrvaṃ tadahni nityārcane kṛte /
tadanaiśāntikaṃ karma aparāhṇe tu pauṣṭikam

pūrvāhṇe nityakarmoktaṃ vastubhirdviguṇairiha /
pūjādravyairekabhere mūlabhere samarcanam

bahuberetu bimbasyādautsave kamalāsana /
ācārya eva pūjāyāṃ vaiśeṣikyāṃ samarcayet

homakuṇḍaṃ bhavetpadmatulyākāraṃ suśobhanam /
pauṣṭike śāntike vṛttaṃ pratyahaṃ samidhādibhiḥ

pratyekaṃ tilahomassyādayutaṃ vā śatāvaram /
pratyahaṃ bhojayedviprān yathāśakti ca dakṣiṇā

nṛttaṃ geyaṃ ca vādyaṃ ca tathādhyayanamanvaham /
karmāvasānadivasaṃ yāvadagneśca dhāraṇam

saptāhaṃ dviguṇaṃ vā syāttriguṇaṃ vā caturguṇam /
snapanaṃ pratyahaṃ kāryaṃ dānahomādaya stathā

śāntike karmaṇi dhyeyo harissphaṭika sannibhaḥ /
pauṣṭike tu suvarṇābhaśśriyā'sīnassahāsane

cakrābjamaṇḍale kumbhe yatra yatra samarcanam /
tatraivānyedyurārādhyo na tu nirmālyatā tayoḥ

ācāryadakṣiṇā vāpi yathāvibhavavistaram /
karmaṇyadhikṛtānāṃ ca karmagauravalāghavam

avekṣya toṣaṇaṃ vittairṛtvijāṃ copakurvatām /
dinādiṣvanukūleṣu prārabhyā pauṣṭikī kriyā

śāntikī pratikūleṣu yajamānasya padmaja /
* bhagavataḥ mandire paricaryāparāṇāṃ
kṣetrādipradānāṃ dattāpahāriṇāṃ ca phalapraśnaḥ.*
bhagavanmārjanādīni mandire kurvatāṃ nṛṇām

viṣṇoḥ kṣetrādidātṝṇāṃ pūjopakaraṇāni ca /
bhūṣaṇāni ca vastrāṇi phalamabhyudayātmakam

kīdṛkkīdṛśca tānyeva dattānyāharatāmapi /
anarthakarametanme saṃśayānasya kathyatām

mārjanaṃ mandire viṣṇoḥ kurvan sammārṣṭi dehajam /
malaṃ pāpātmakaṃ sarvaṃ paratreha ca sambhṛtam

pratyahaṃ mārjanaṃ kurvan pratyahaṃ hanti kilbiṣam /
gocarmamātramālipya gomayena ca bhūtalam

ālaye labhate sadyogopradānaphalaṃ naraḥ /
mārjanālepane kurvan viṣṇorāyatane naraḥ

uṣitvā suciraṃ svarge karmaśeṣeṇa bhūtale /
bhūyopi jāyate bhūpaḥ kule mahati pūjite

srajaṃ badvā sumanasāṃ yaḥ prayacchati viṣṇave /
sa bhuktvā vipulān bhogānnākapṛṣṭhe virājate

dīpānāropayedviṣṇormandire'bhyantare bahiḥ /
divi devavadāsitvā jāyate paramārthavit

nityānnaimittikānvāpi dīpānāropayennaraḥ /
bahuduḥkhasamākirṇaṃ narakaṃ naiva paśyati

ahorātramanirvāṇaṃ dīpamāropayennaraḥ /
sarvapāpaviśuddhātmā viṣṇuloke mahīyate

udakābhyukṣaṇaṃ viṣṇorālaye vidadhāti yaḥ /
lokaṃ sa vāruṇaṃ prāpya ramate vatsarān bahūn

sammāryālipya ca harerdhāma puṣpāṇi bhūtale /
vikirenmanujassarvakāmānāpnoti puṣkalān

viṣṇusātkurute bhūmiṃ sarvasasya phalapradām /
yassalokānavāpnoti sarvāneva na saṃśayaḥ

puṣpodyānapradānena tapoloke mahīyate /
phalavṛkṣasamopetāṃ pūgabhūmiṃ jalānvitām

yo dadāti maharloke saciraṃ vasati dhruvam /
utpādayati yaḥ kṣetre vaiṣṇave phalinastarūn

nālikerādikānyāti sa svargaṃ pretya durlabham /
ārādhanāya tulasīmutpādayati yatnavān

surabhīṇi ca puṣpāṇi divi devaissapūjyate /
vāpīkupataṭākāni viṣṇormandhirabhūmiṣu

utpādayati hastasthāstasya sarvasamṛddhayaḥ /
na taṃ badhnanti pāpāni bahujanmārjitānyapi

yaḥ kuryādvaiṣṇavaṃ dhāma bhaktiśraddhobha yocitam /
khaṇḍite sphuṭite dhāmni dūṣite ca sudhādibhiḥ

samādadhyātpunardhāma sa lokaṃ yāti vaiṣṇavam /
snānapānāmbhasāṃ viṣṇoḥ pradānāttatsalokabhāk

snānīyadravyadānena nīrogaḥ pretya modate /
kṣaumādidānādāpnoti paraloke mahatsukham

ālepanadravyadānatkāmānāpnoti śāśvatān /
elākarpūratāmbālītailādisvarśanātsukhī

paratreha ca loke nyāddhīrghakālamasaṃśayaḥ /
cāmaravyajanacchatradānāt svārājyamaśnute

ādarśanapradānena dṛśyassarvairbhaviṣyati /
dhūpadravyapradānena svasthānaṃ svargiṇāṃ bhavet

upānahau pāduke ca vāhanaṃ yānameva ca /
dadāti yo maṇḍayitvā maṇikāñcana citrim

sa vimānaṃ suduṣprāvaṃ prāpnotyeva na saṃśayaḥ /
alaṅkṛtaṃ bhadrapīṭhaṃ prayacchan sarvakāmabhāk

vinatānandanasthānaṃ dhvajamutpādya darśayan /
sāmīpyaṃ sahasā viṣṇoryāti sadyaścaturmukha

dhvajaṃ ca vādyamutpādya viṣṇusātkurute tu yaḥ /
sa divyadundubhiprāyaṃ sthānaṃ prāpya virājate

dāsīdānaṃ tathātmīyamātmānaṃ ca prayaccati /
vāsudevāya dāsyena muktiḥkaratale sthitā

nṛttabhedairgītabhedai stathā vādyairanekadhā /
śrotavyairapi dṛśyaiśca evaṃ deveśasannidhau

āsīna mupacāraustairye samārādhayantite /
pretya divyeṣu lokeṣu pūjyaṃte tairna saṃśayaḥ

pradakṣiṇanamaskārastutiprāyopacaryayā /
ārādhayantiye devaṃ devānāmadhidaivatam

te devairupacaryante paratra bhagavān yathā /
sthitaṃ śayānamāsīnaṃ devaṃ sarveśvareśvaram

yadṛcchayāpi paśyastaḥ prāpnuvanti paraṃ padam /
kiṃ punarbhaktipūrvaṃ ye paśyanti kṣaṇama cyutam

nirdhūya duṣkṛtaṃ sarvaṃ yānti lokānyathepsitān /
aṣṭāṅgapraṇipātena ye namasyanti mānavāḥ

tapassvādhyāyaśīlānāṃ phalamaśnuvate'cirāt /
iyadetaditi smartuṃ phalaṃ vaktuṃ ca kaḥ kṣamaḥ

sakṛtpraṇamatāṃ devaṃ phalaṃ yanmadhuvidviṣam /
śirasā śravaṇābhyāṃ vā manasā vā kareṇa vā

bahubhyāṃ vātha padbhyāṃ vā dṛgbhyāṃ vā pakṣasāpi vā /
ekaikenāṅgajātena praṇamanmadhuvidviṣam

kāmānāpnoti vipulānanantānanyadurlabhān /
kiṃ punarye'ṣṭabhissarvairaṅgaiḥ praṇipatanti ca

vāsudevā śrayakathā vyācakṣāṇā dine dine /
pāsudevālaye yānti vācaspatyamasaṃśayam

gavāṃ ca kapilādīnāṃ pradānādaśnu te janaḥ /
brahmalokādilokeṣu vāsaṃ vindanti śāśvatam

haviṣāṃ pāyasādīnāṃ haraye ca nivedanāt /
sukhaikarasapūrṇātmā rājate viṣṇusannidau

bhakṣyapānīyabhojyānāmanyeṣāmapi dānataḥ /
śvetadvīpe tatsamīpe vasanti sukhanassadā

bahunātra kimuktena vāsudevārthamādarāt /
dadāti vastujātaṃ yaḥ sthānaṃ prāpnoti cepsitam

karmaṇāṃ mārjanādīnāṃ phalabhogādanantaram /
karmaśeṣaiḥ punarjanma karmānuguṇayoniṣu

utkṛṣṭāsveva bhoktāro labhante sukhinassadā /
prāsādamaṇḍapādīnāṃ bhoktāraḥkaiṭabhadviṣaḥ

ye mūḍhamatayaḥ pretya nirayeṣu niratyayāḥ /
vasanti bhūyo nīcāsu jāyante yoniṣu druvam

bhūṣaṇacchatravastrādi yo partā durmati rnaraḥ /
gale nigalitaḥ pāśaiḥ kṛṣyate nirayeṣu saḥ

vāhanāni ca yānāni vaiṣṇavāni harantiye /
mohadvāsanti te dīrghamaṅgāra narakodare

pretya bhūyo'pi jāyante gardabhoṣṭrādiyoniṣu /
candanādīni vastūni puṣpāṇi surabhīṇyapi

harantisvāni viṣṇoste vrajante yāmyayātanām /
anubhūya punarbrahman jāyante gandhamūṣikāḥ

upānatpādukāpīṭhavyajanāni harantiye /
uṣitvā nirayeṣvete jāyante phaṇināṃ kule

gobhūhiraṇyapastrādidhanaṃ viṣṇoḥ parigraham /
āhṛtya ye tu bhuñjante narakeṣu niratyayāḥ

uṣitvā pretya bhūyopi jāyante śvādiyoniṣu /
sarveṣu narakeṣvevaṃ devabrahmasvahāriṇaḥ

vasanti mūḍhamatayo yāmyaduḥkhāni bhūyasā /
vyāyāmodvartanābhyaṅgasnānapānāśanādikam

kurvanti mantire viṣṇorye te nirayagāmisaḥ /
pacyante tatra bhūyopi jāyante nīcayoniṣu

vāsudevapratikṛterbhedanacchedanādiṣu /
vikrītādīni cānyeṣu yatante pāpacetasaḥ

ye te yānti kramātsarvānnarakān bhṛśadāruṇān /
anyeṣvapyapacāreṣu sthūlasūkṣmeṣu mānavāḥ