Padma Samhita · Chapter 4.15

māsi bhādrapade devaṃ śravaṇe cādipūruṣam /
varāharūpaṃ subhagaṃ hiraṇyākṣāsuradviṣam

yajeta dharayā devyā sārdhaṃ sarvārthasiddhaye /
anyeṣāṃ mūrtibhedānāmapi tasmin samarcanam

svātāvāśvayuje māsi yajanaṃ snapanādibhiḥ /
kārtike māsi saṃprāpte dvādaśyāṃ cāsitetare

pakṣe prabodhayeddevamarcayitvā yathāvasu /
mantraścodityamityeṣa uttiṣṭheti ca bodhane

prabodhya vārcayeddevamutthitaṃ vidhivartmanā /
autsavaṃ bimpamabhyarcya maṇḍape maṇḍale sthitam

dvāratoraṇakumbhādiyajanaṃ ca yathāpuram /
grāme mahotsavaḥ kāryassarvamaṅgalasaṃyutaḥ

sarvecāśramiṇaḥ kuryārvratānāṃ ca visarjanam /
daśaniṣkaṃ tadardhaṃ vā dakṣiṇāṃ gurave tadā

kṛttikāsu kārtikyāṃ porṇamāsyāṃ madhudviṣaḥ /
kṛttikābhirayoge vā kevalāyāṃ tithau bhavet

dīvotsavaṃ tathā sarvaṃ śobhayenmama mandiram /
aropya sarvato dīpān stambheghāccairmadhudviṣaḥ

dikṣu sarvāsu sarvatra tathā cāvaraṇeṣu ca /
kūṭā kārāḥkalpinīyāsteṣāṃ syurdīpamālikāḥ

prākārabhittiṣu tathā maṇḍape gopu reṣu ca /
bahvībhirdīpamālābhirbhāvyaṃ sarvāsu dikṣu ca

dīvotsavāya pūrvedyurniśi kalyāṇakautukam /
badhnīyādautsave bimbe sarvamaṅgalasaṃyutam

aparedyuśca mūlādiberāṇāmarcanaṃ bhavet /
naimittikaṃ pradoṣe tu kuryāddīpādhipāsanam

purastānmūlaberasya pātramāropya nūtanam /
dhānyarāśau tatastasmiṃścajyamāḍhakasaṃmitam

kāpilaṃ tailamadhavā nikṣipya pariśodhitam /
ṛjuvartiṃ tantubhirvā pāsasā nūtanena vā

kalpayitvā samuddhṛtya kuṇḍāgniṃ tena dīpayet /
vartimāgneyamantreṇa agnimudrāṃ pradarśayet

abhyarcya cāgni mantraistu muhūrte śobhane guruḥ /
ādāya pātraṃ tat sthena vahninā valajādiṣu

dīpayeddīpikāssarvāstūryeṣu vidiśo diśaḥ /
ghoṣayatsu tathā nṛttagītādīnāṃ samudyame

adhīyāneṣu vipreṣu mantrānanavadaivatān /
autsavaṃ bimbamādāya sarvalaṅkāraśobhitam

yānamāropya rathyāsu nayedāvaraṇeṣu ca /
dṛśyāni nāṭakādīni kṛtrimāṇītarāṇica

darśayeddeva devāya bhāṣābhedānyathoditān /
āsādya maṇṭape tasminni vedya ca mahā haviḥ

pṛthukān saṃskṛtān saktūn palalānagnitṛptaye /
apūpān samaye tasminni vedya madhuvidviṣe

abhyastaraṃ mandirasya gamayenmaṅgalānvitam /
kṛttikādīpavidhinā samārādhasamīritam

viśāṃ ca rājño rāṣṭrasya sampatkaramanuttamam /
vipatpraśramanaṃ brahman prīṇanaṃ jātavedasaḥ

mārgaśīrṣesite pakṣe māsi vratamanuttamam /
dvādaśyāṃ vratapūrvatvādvratamārādhanaṃ hareḥ

ārādhanaṃ bhagavataḥkurvaṃstādṛśamuttamam /
daśamyāṃ harimārādhya bhojayitvāca bhūsurān

dakṣiṇāṃ ca yathāśakti datvā tebhyassamāhitaḥ /
bhagavatsannidau teṣāṃ vijñāpya dvādaśīvratam

anujñāpūrvakaṃ pūjāṃ vratapūrvāṃ mahāphalām /
saṅkalpya darbheṣvāsīnaḥ prāṅmukhaḥ praṇidānavān

haviṣyāśī sakṛtkṛtvā sarvaṃ karmāhnikaṃ tathā /
rātrau ca bhagavadyogamāsthāya ca yathāvidhi

aparedyuḥkriyājātame kādaśyāṃ yathāvidhi /
pūrvaṃ triṣavaṇannāyī niyamaṃ paramāsthitaḥ

anaśnan devamārādhya homāntaṃ maunamāsthitaḥ /
bhagavaddhyānanirato vyavahāraṃ ca laukikam

asaṃspṛśan manaḥkāyakarmabhiśceṅgitādibhiḥ /
sthito maunī tadā tadvadrātrau kautukamabandhanam

badhvā deveśamārādhya darbhaśāyūnayenni śām /
brāhme muhūrtecotthāya kṛtvā sandhyāṃ yathāvidhi

karmadevāntikaṃ gatvā kuryātpūjāṃ yathāpuram /
caturvedavido viprān dikṣu prācyādiṣu kramāt

darbhāsaneṣvāsayitvā devasyābhimukhaṃ yathā /
koṇeṣu ca diśāṃ viprānekāyanavida stathā

adhyāpayedadhyayanaṃ yathā svacchandasāṃ guruḥ /
sāmagāni tarālābhe kevalāṃ stapasi sthitān

ekāyanavido vāpi harestatprīṇanaṃ param /
prāśayedprāhmaṇaissārdhaṃ vratasdhaḥkāyaśuddhaye

kuśodakaṃ pañca gavyaṃ prāpaṇaṃ ca yathā kramam /
divā svāpaṃ parānnaṃ ca punarbhojanakarma ca

strīsevāṃ tailasevāṃ ca kāṃsyabhojanameva ca /
māṃsāśanaṃ tyajettasmin divase karma garhitam

bhojayecca yathāśakti tadyādante ca dakṣiṇām /
upavāsākṣamo naktame kādaśyāṃ samācaret

ajñānāccettrayodaśyāṃ pāraṇaṃ rākṣasaṃ bhavet /
varjyāśca vārā mandasya bhṛgoraṅgārakasya ca

nakṣatraṃ yamadaivatyaṃ vratārambhe caturmukha /
pāraṇaṃ copavāsaśca na doṣāya tithitraye

na sambhāṣeta pāṣaṇḍavṛttibhirgarhitairnaraiḥ /
pramādādapinaivānyairnāstikaiḥpratilomajaiḥ

nāśaucavadbhirdvādaśyāṃ vratastho nāvalokayet /
ārdrāyāmapi māse'smin janmarkṣeca garutmataḥ

tatprītaye samārādhyo hariśśāstroktavartmanā /
pāyasānnaṃ guḻānnaṃ ca prabhāte vinivedayet

bimbaṃ cautsavamākalpya vīdhikāvaraṇeṣu ca /
garuḍenaiva sahitaṃ gamayenmaṅgalānvitam

uttarecāyane devaṃ snapanādyaissamarcayet /
ghṛtenābhyañṅayeddevaṃ majjayedvā ghṛtādiṣu

ghṛte vā dadhni pīyūṣe yadvā madhuni sambhṛte /
phaleṣu vā phalarane pañca gavyaraseṣu vā

pāyasādiṣu cānneṣu kālapuṣpoccayeṣu vā /
daleṣu vā tulasyāternavaratnaca yeṣu vā

suvarṇakaladhauteṣu puṣpākāreṣu śobhane /
suvarṇa golakāḥkṛtvā kalpitāvayapojvalāḥ

kalpitākalpakalyāṇapratimākārasaṃmitāḥ /
pīṭhikākāratulitāstābhirācchādya bhūṣayet

pañcāyudhasamākārā hastādisatṛśākṛtīḥ /
kṛtvā vṛthagyathāśobhaṃ galakāḥ kañcukākṛtīḥ

bhūṣayettābhiraṅgāni cāyudhāni ca sarvaśaḥ /
āpādamastakaṃ vānyairvrīhyādibhiradhokṣajam

chādayenmūlamantreṇa pūraṇaṃ sarvavastubhiḥ /
tisrastripādasahitā napi vā dviguṇāṃ stathā

pūrayetkālamātodyanṛttagītādumaṅgalam /
ācaretsarvametasminyathāvibhava vistaram

juhuyātsarpiṣā yāvatpūraṇaṃ mūlavidyayā /
deyā ca dakṣiṇā svarṇamācāryaya yathāvasu

ghṛtādipūraṇaṃ caitatsarvakāmasamṛddhidam /
puṣye ca māsi nakṣatre paurṇamāsyāmathāpi vā

ārādhanaṃ bhagavatassarvapāpavināśanam /
māghamāse site pakṣe vañcamyāṃ madhuvidviṣam

samārādhya yathāśāstraṃ devasyāgre mahītale /
gomayālepite dvābhyāṃ hastābhyāmapi saṃmite

caturbhirvā samāyāmavistāre cchādi tepunaḥ /
vāsasā nūtanenaiva sadaśena tathopari

kṛṣṇājinena śuddhena bhedanaccedanādinā /
varjitena samācchādya vastraṃ tadupari kṣipet

tilānāṃ bhāramekaṃ vā dvau vā kṛtvā ca vedikām /
trimekhalāṃ tile tasmin padmākārasamākṛtim

niṣkatrayātmakaṃ svarṇaṃ lekhāpadmaṃ tileṣu vā /
nikṣipya navaratnāni dikṣu cāṣṭāsu nikṣipet

dhānyapūrṇānipātrāṇi dve dve pratidiśaṃ kramāt /
prasthatailaṃ tathā sarpirdhadhi cāpi caturguṇam

pārśvayoḥpurataścāpi pātrasthaṃ nyasya bhūtale /
tilājyāhāraḥpuratastrīṇyahāni jitendriyāḥ

upoṣya vā guruḥpūrvamekarātraṃ caturmukha /
abhyarcya gandhapuṣnādyaistilānyastānyanantaram

adhīyāneṣu vistreṣu tūryavāditraghoṣaṇe /
maṅgaleṣu tathānyeṣu pravṛtteṣu yathāyatham

tilaissahasrakṛtvognau juhuyānmūlavidyayā /
acaryaṃ pañca kālajñaṃ bhagavacchāstrakovidam

kalyāṇācāranirataṃ sarvessamuditaṃ guṇaiḥ /
tasme bhāgavatāyedamarcayitvā kṣatādibhiḥ

tilapadmaṃ pradātavyaṃ sannidau vāripūrvakam /
priyatāṃ bhagavān viṣṇurityācāryeṇa mantravit

tadante devamabhyarcya bhojayitvā mahāsurān /
dadyācca dakṣiṇāṃ tebyo gurave ca yathoditām

itthaṃ tilasarojaṃ yo dadyāddhānyādisaṃyutam /
pūnāti sa pitṝn sarvānātmānaṃ ca parāvarān

māsarkṣe paurṇamāsyāṃ ca yajanaṃ snapanādibhiḥ /
phālgune māsi phalgunyāṃ śrīkāmo harimarcayet

uṣoṣya pūrvaṃ niyato dhyāyannitthaṃ samāhitaḥ /
vipule bilvavipine madhye puṣkaraśobhite

mahātaṭāke śijñānapakṣisaṅghasamākule /
maṇḍape tatra māhendre ratna prākāraveṣṭite

caturdikṣu caturdvāre kalpakadrumamaṇḍite /
sauvarṇe bahukalyāṇaratnastambhasamanvite

siṃhāsane vare ratna padme'ṣṭadalasaṃyute /
karṇikākesaropete sukhāsīnaṃ śriyā saha

pūrvādidikṣu dhyātavyā vāsudevādayo dale /
āgneyādiṣu koṇeṣu catvāro hastinaḥkramāt

gugguluśca kuraṇḍaścadamakaśśalala stathā /
śaṅkhapadmanidhī cāpi saṃhaviṣṭarapārśvayoḥ

anyonyābhimukhau bhūri vamantau vasu sarvadā /
bhūmyādayo'ṣṭau pūrvādidikṣu cāmarapāṇayaḥ

indrādayaśca pūrvādi dikṣvaṣṭāvaṣṭasu kramāt /
sthitāścaturṣudvāreṣu vetrahastāssakaṅcu kāḥ

kubjaveṣāstriyo dvāri pālayantyomanuharāḥ /
balākinī bhīṣi kā ca tathaiva vanamālinī

śāṅkarī ca kramādetāḥpūrvādiṣu caturmukha /
dvārāṇi pālikābhiśca pūrṇakumbhairdhvajai stathā

toraṇairdāmabhirmauktairdīpairanyaiśca maṅgalaiḥ /
pariṣkṛtāni dhyātvaivaṃ devīṃ devaṃ ca pūjayet

śriyaṃ vā kevalāṃ padme karṇikāyāmavasthitām /
maṇḍape tatra pūrvekte parivārasamanvite

lakṣmīprasūnakaiḥpadmairhomo bilvādipallavaiḥ /
samidājyaiśca mantreṇa śriyaścāṣṭākṣareṇa ca

śrīsūktāni caturdikṣu pāṭhyāni pṛthivīsuraiḥ /
ārādhyābhiṣṭuyādantestotrairbahuvidhaiśśriyam

samāmi devi lokānāṃ janayi tryabdhisambhave /
sarvalokeśvareśeśa vallabhe durlabhe'dhamaiḥ

vāsudevāṅgasaṃsparśa sukhaikarasabhājane /
namaste sukhade devi devānāmadhidevate

yadṛcchayāpi te devi kaṭākṣāḥ patitāssakṛt /
kṣudreṣvapi pragalbhanaite trilokeśvarāḥkramāt

na spṛśanti trilokeśānapi yānvīkṣaṇānite /
saṃpādyante kṣaṇātkṣudrā nākapṛṣṭhādapicyutāḥ

lāvaṇyādiguṇā yatra kāṣṭhāmaśnu vate parām /
tāni tvadīyānyaṅgāni devi kastotumarhati

tvaṃ māyā tvamavidyāsi tvaṃ śaktiḥ karmaṇāmapi /
caitanyaśaktistvamasi prakṛtistriguṇātmikā

tvameva vidyātraiyyantā trayī ca tvaṃ parāvarā /
yasyāstavāyutāṃśāṃśe devyo vāgādayasthsitāḥ

saccidānandarūpasya parasya paramātmanaḥ /
ānandādimayī mūrti kavibhaktā bhavatyasi

prabhāsi tasya nityā tvaṃ bhāsvataḥ paramātmanaḥ /
sandhyā tvamasi viprāṇāṃ vandanīyā dine dine

bhūrbhuvassvastvayī ca tvaṃ bhūrasi tvaṃ bhuvosi ca /
svarasi vyāhṛtiścāpi ṛgyagussāmakāraṇam

tvamāhutistvamiṣṭaśca dakṣiṇāsi tvameva ca /
siddhiśca karmaṇāṃ tvatto nānyāsti kamalālaye

nītirānvīkṣakī vārtā vidyā cādyāsi laukikī /
dṛṣṭvā devi tvayā hīnaṃ mṛta prāyaṃ jagattrayam

yatnairambhodhimathanaprāyairāvirbhabhūvitha /
anuṣaṅgikamutpannaṃ prāptamapsarasāmapi

tādṛgevāmṛtādanyadindire harimandire /
hālāhalaṃ viṣaṃ cāpi janmanaśśreyase tava

pratyūharūpeṇotpannaṃ kṣīrapāridhisambhave /
abhyarhitā tapotpatti revaṃ nāma madhudviṣaḥ

kurmāditiryagyonitvaṃ yatprāptaṃ paramātmanaḥ /
tvaṃ sarvalokajananī janako jagatāṃ hariḥ

tvayā ca viṣṇunācaidvyāptaṃ sthāvarajaṅgumam /
mānaḥkośaṃ tathā goṣṭhaṃ māgṛhaṃ mā paricchadam

mā śarīraṃ kalatraṃ ca tyajethā mā ca santatim /
śrutavān śīlavān dakṣo buddhimān vittavānṛjuḥ

vṛttivān bandhumān śrīmān paśumān dhānyavānapi /
guṇavān kīrtimān loke tathābhijanavān prabhuḥ

āyuṣmān vijayī bhūmāṃstathaipārogyavānapi /
ślāghyavān deva puruṣaḥkaṭākṣaviṣayāttava

guṇairyathoktairahitastvaddarśanavivarjitaḥ /
krīḍābhūmirhareryasya vakṣobhūmissanātanī

ānantyāttanakalyāṇi guṇānāṃ varṇane kṣamaḥ /
na vācaspatirapyeṣa dūre syānmādṛśāṃ sthitiḥ

prasīda devi padme tvaṃ padmahaste śucistite /
padmāsane padmayonerjanayitri haripriye

padmapriye namastubhyaṃ viṣṇorvakṣasthsalālaye /
stutyantamitthamārādhyā devyassarvā śśriyādayaḥ

arhaṇaṃ copavītaṃ ca varṅayitvopacaryayā /
dhyātvā yathoktamārgeṇa yadvā dhūmadhvajārcanam

utsavaṃ ca śriyā devyā sārdhaṃ tasminmadhudviṣaḥ /
yāvajjīvaṃ śriyaṃ devīmarcayan saṃpadaṃ parām

ihānubhūya bhūyo'pi paratra śriyamaśnute /
yadvā kāmayamānena puruṣeṇārcanaṃ śriyaḥ

labhate tattadeveha phalabhedaiḥ kimīritaiḥ /
ārogya kāmassāvitre maṇḍale ratnapaṅkaje

asīnaṃ viṣṭare pītakauśeyavasanaṃ harim /
niṣṭaptatapanīyābhaṃ caturbhujamadhokṣajam

prasādasumukhaṃ sarvadivyābharaṇabhūṣitam /
devīsahāyaṃ kalyāṇaṃ kevalaṃ vā caturmukha

pūrvādyaṣṭadalāsīnaśaktyaṣṭasamupāsitam /
evaṃ dhyātvārcayennityamārogyaṃ paramaśnute

ananyalabhyamārogyaṃ sarvaṃ labhyettataḥparam /
dināni pañca śastāni vaiṣṇavāni caturmukha

teṣu vratanuṣṭheyaṃ sarvābhipretasādhanam /
pakṣadvaye ca dvādaśyau sinīvālī kuhustathā

śravaṇarkṣaṃ dināni syurmāseṣu dvādaśasvapi /
caitrādiṣu dvādaśasu māseṣu dvādaśādhipāḥ

arcanīyāḥkramādviṣṇustathaiva madhusūdanaḥ /
trivikramo vāmanaśca śrīdhara stadanantaram

hṛṣīkeśaḥpadmanābho dāmodarasamāhvayaḥ /
keśavo nāmadheyena tathā nārāyaṇaḥsmṛtaḥ

mādhavo'nyaśca govindo dvādaśaite prakīrtitāḥ /
māsecaitre samārambhomārgaśīrṣethavā bhavet

aśnan haviṣyaṃ pūrvedyuranaśnannapare'hani /
śravaṇe madhyame bhāge śucirdakṣassamāhitaḥ

cakrābjamaṇḍale yadvā bimbe kumbhe'tha vā harim /
ārādhya mūrtiṃ māseśamupacārairyathoditaiḥ

ārādhanānte vittāni datvā śaktyanusārataḥ /
brāhmaṇebhyastathā datvā gurave dakṣiṇādikam

aparedyustathā devamarcayitvā yathāvidhi /
pāraṇaṃ brāhmaṇaissārdhaṃ kuryānni yatamānasaḥ

evaṃ caturṣu cānyeṣu dineṣvārādhanakramaḥ /
māsi māsi ca yaṣṭavyā māseśā mūrtirabjaja

dineṣu pañcasūkteṣu sarvābhipretasiddhaye /
triṣu saṃvatsareṣvevaṃ kṛtvā māseṣu ca triṣu

vrate samāpte snapanaṃ kuryātpūrvokta vartmanā /
yācayeta vrataphalaṃ dhānyarāśau sthito dvijaḥ

bhojayitvā dvijavarān datvā tebhyaśca dakṣiṇām /
dakṣiṇābhistathācāryaṃ toṣayetkāñcanādibhiḥ

paurṇamāsyāmapi hyeṣa kramo māsādhipārcane /
viśeṣata striyāmāyāṃ candramasyu dite'rhaṇā

kuhvāmapi tithau prāgvadarcayedvratamāsthitaḥ /
ārādhanaṃ dineṣveṣu caturvarga phalapradam

sarvasmin māsanakṣatre prādurbhāva dineṣu ca /
arcayitvāṅkurān pūjā kāryāsnapanapūrvikā