Padma Samhita · Chapter 4.14

māsi māsi praśastāni nakṣatrāṇi janārdana /
bhagavan kāni yeṣu syādarcanaṃ paramaṃ smṛtam

kāni cāṃśāvatārāṇāṃ janmarkṣāṇi yuge yuge /
ucyatāṃ tāni deveśa śrotumicchāmi tatvataḥ

caitre māsi punarvasvorjanma rāmasya maṅgalam /
tithau navamyāṃ lagne ca kulīre kamalāsana

rāghavasyāprameyasya nakṣatre tatra rāghavam /
devyāca sītayā sardhamarcayitvā yathāvidhi

utsavaśca bhavettasmin sarvamaṅgalasaṃyutaḥ /
puṣye ca mīnalagne ca bharatassamajāyata

tatra syādarcanaṃ devyā māṇḍavyā saha pūrvavat /
utsavaśca tathā sarpe nakṣatre lakṣmaṇo'pi ca

śatrughnaśca kulīre ca lagne jātastadarcanam /
ubhayostatra divase devyā cormilayā saha

lakṣmaṇasyetarasyāpi śrutakīrtyā mahotsavaḥ /
rāmasya janmanakṣatre sarve vā bharatādayaḥ

arcanīyā hanumatā sardhaṃ sarvairmahotsavaḥ /
tatraiva śravaṇe caiva sāyāhne narakesarī

arcanīyassa hi tadā hiraṇyamavadhīdripum /
tasminneva site pakṣe trayodaśyāṃ samarcayet

viṣṇuṃ yadvā punarvasvoḥ paurṇamāsyāmathāpi vā /
vasantakālatṛptyarthaṃ tatsamṛddhibhirāhṛtaiḥ

puṣpairnānāvidhairdevamarcayeddakṣiṇāmukham /
āsīnaṃ maṇḍape klṛpte vedīmadhye manorame

udyāne mandire vāpi kṛtrimodyānaśobhite /
nadyādau vā yathāyogaṃ phalapuṣpodakānvite

paurṇamāsyāṃ tathau tasmin māse damanikādalaiḥ /
puṣpānvitaiḥprapāṃ kṛtvā maṇḍape pūjayeddharim

puṣpordamanikābhiśca sarvālaṅkāramācaret /
utsavaśca bhavettasmin homo damanikādalaiḥ

vaiśākhe māsi vā kuryādvasantotsavamabjaja /
damanīdalakalyāṇamapi vā pūrvamīritam

vaiśākhe māsi vā caitre sitapakṣe śubhe dine /
damanīdalavatkuryātkalhārakusumotsavam

sthāneṣu pūjayeddevaṃ kumbhādiṣu caturṣvapi /
mahāhavirnivedyātha homaṃ kṛtvā samāpayet

phalānyapi samāhṛtya vanyajānapadānyapi /
jyeṣṭhe vā śrāvaṇe vāpi devāya vinivedayet

sarvālaṅkārasaṃyuktaṃ vidadhyācca mahotsavam /
evaṃ yaḥ kārayetpūjāṃ śraddhāpūtena cetasā

sarvān kāmānihāvāsya viṣṇolokaṃ sa gacchati /
śrāvaṇe janma pūrvahṇe vāmanasya trivikramam

madhyaṃ dine ca tatkāladvaye pūjā madhudviṣaḥ /
paurṇamāsyāṃ ca vaiśākhyāṃ hare rarcanamiṣyate

anurādhe hanumato janma
tasmin sabhājayet /
taṃ rāghaveṇa sahitaṃ sītayā lakṣmaṇena ca

āñjaneyaṃ tadatyantaprīṇanaṃ rāghavātmanaḥ /
anūrādhe paurṇamāsyāṃ kalaśaissnapanaṃ hareḥ

āṣāḍhe śuklapakṣe ca dvādaśyāṃ kamalāsana /
cakrābjamaṇḍale devamarcayitvā yathāvidhi

kalpite śayanāgāre mandhire vā yathāvasu /
paryaṅke kalpite tatra śāyayitvātha kautukam

devībhyāṃ saha kūrcaṃ vā tritayaṃ tadabhāvataḥ /
tatra nityārcanaṃ māsāṃścaturo maṅgalānvitam

nayeccaśayane naiva śāyayodanyakautukam /
pratopavāsaniyamān kalpayitvā tadādikān

tadanuṣṭhāyinastatra cāturāśramya māśritāḥ /
āsīraṃstatra niyatā stareyurnataraṅgiṇīm

devasya yāvadutthānāṃ bhogiparyaṅkaśāyinaḥ /
śrāvaṇe māsi kṛṣṇe ca pakṣe'ṣṭamyāṃ tathau hareḥ

rohiṇyāṃ janma kṛṣṇasya lokānāṃ maṅgalāvaham /
jayantī nāma sā proktā jayatyaśubhamityasau

madhyarātre tatastasmin kalyāṇaṃ sarvamācaret /
tithyayoge'pi nakṣatre kevale'rcanamiṣyate

devasya devakīsūnoraparedyurmahotsavaḥ /
nityaṃ naimittikaṃ kāmyaṃ karmayacchruticoditam

tatkurvatāmāśrameṣu sthitānāmānupūrvaśaḥ /
varṇānāṃ mantralopādiśāntyarthaṃ pratyahaṃ hareḥ

ārādhaṃ bhagavataḥ pūrṇahutyā svayaṃ matam /
tasya nyūnātirekābhyāṃ duṣkṛtaṃ sakalaṃ bhavet

karmajātaṃ tataḥpūrṇamārādhanamabhīpsitam /
pratisaṃvatsaraṃ māsi śrāvaṇe tantunirmitam

pavitrabhūṣaṇaṃ viṣṇorāropyaṃ bahumālyavat /
ārādhya vidhivadbhādrapade vāśvayuje'pi vā

mantralopādinā karma patitaṃ vihitaṃ punaḥ /
prāyaśchitaina yatsarma kartāraṃ trāyate punaḥ

tatpavitraṃ phalairbhūyo rohatyeva samāhitaḥ /
iti nirvacanāttat jñeḥpavitrārohaṇaṃ matam

pūrvoditeṣu māseṣu dvādaśyāṃ pratipadyapi /
daśamyāṃ paurṇamāsyāṃ vā paṅca myāmadhavā tithau

ekādaśyāṃ trayodaśyāṃ dvitīyāyāmathāpi vā /
sitapakṣe śubhe vāre lagne śubha tare'tha vā

śravaṇe puṣyarohiṇyāṃ revatyāṃ bharaṇīṣu ca /
svātau hastapunarvasvoraśvinyāṃ mitradaivate

ṛkṣeṣvanyatam kāryaṃ pavitrāropaṇaṃ hare /
tantūn brāhmaṇakanyābhirnirmitān doṣavarjitān

kārpāsānvātha kau śeyān krītānvā śauddhavāribhiḥ /
kṣālitānmi śritāṃścūrṇai rmaudgikaiśśoṣayedbhahiḥ

ātapeṣu tataśśuthdhān śoṣitāṃ striguṇīkṛtān /
punastāṃ striguṇīkṛtya tāvantopi caturguṇān

yadvā triguṇatāṃ nītvā caturguṇyaṃ caturmukha /
triguṇāṃstriguṇīkṛtya yadvā tānekatāṃ nayet

gomiyālepite bhūmitale mānānusārataḥ /
śaṅkvosthsāpitayoryajñadrumasambhūtayo stataḥ

āropya bhagavadbhaktāḥ prāṅmukhā vāpyu daṅmukhāḥ /
āsīnā gururanyo vā tatprayuktāssamāhitāḥ

snātā nirmāṇanipuṇā manuṣyā bhagavanmayāḥ /
kuryāḥpavitra kalyāṇaṃ yathā syādbhūṣaṇottamam

pavitramadhivāsārthamādyaṃ nābhyavadhismṛtam /
aṣṭottaraśataissūtrairdvātriṃśadgranthibhiryutam

mūlaberādiberāṇāṃ pavitramidamiṣyate /
pavitraṃ maṇṭale padmatulyamānaṃ ghaṭe'pi ca

kuṇḍe ca mekhalāmānaṃ purvedyurmānamīritam /
aparedyuḥpavitreṣu mānaṃ saṃprati kathyate

padmanābhyaranemīnāṃ cakrābje maṇḍale satām /
tanmānāni pavitrāṇi bāhyamānaṃ bahissamam

granthayastantavaścaiṣāṃ kathyanaica yathākramam /
catuśsatāni sūtrāṇi granthayassaptaviṃśatiḥ

śatatrayaṃ tantusaṅkhyā grandhayo dviguṇā matāḥ /
dveśa te dviguṇā granthiśatameka manantaram

caturguṇā granthisaṅkhyā bāhyasūtraṃ catuśśatam /
granthayaḥpañca guṇitāḥ kumbhe cāṣṭottaraṃ śatam

tantavo granthisaṅkhyā ca saptaviṃśatiriṣyate /
ekādhikāśītisaṅkhyāsta ntavaḥ karake matāḥ

saptaviṃśati saṅkhyāścha granthayaḥparikīrtitāḥ /
pavitrasaṅkhyā bherāṇāṃ daśa tāni padāmite

prāmāṇyaṃ gandhasaṃjñaṃ cāpyalaṅkārāhvayaṃ tathā /
uttamādhamamadhyākhyaṃ kirīṭāhvamanantaram

śrīvatsakaustubhāhvānaṃ vanamālāhvayaṃ tathā /
mānāni teṣāṃ sūtrāṇi granthayaśca yathākramam

karthyanainābhimaryādā sūtrāṇyaṣṭottaraṃ śatam /
dvātriṃśadgranthayastasya hṛdayāntamana ntaram

sūtrāṇyaśīti tasyoktā kranthayaḥ paṅca viṃśatiḥ /
jaṅghāmadhyāntamāyāmaṃ nirmitaṃ śatatantubhiḥ

aṣṭottarairgranthibhiśca dvātriṃśadguṇatairyutam /
uttamākhyasya sūtrāṇāṃ bhavetsaṅkhyā catuśśatam

śatamaṣṭauttaraṃ saṅkhyā granthīnāṃ jānusīma tat /
śatāni trīṇi tantūnāṃ granthayo'śītiriṣyate

āyataṃ corumadhyāntaṃ dveśate tantavaḥ punaḥ /
nābhyantaṃ granthayaṣṣaṣṭi tantavo'tha catuśśatam

kirīṭamānaṃ dvātriṃśadgranthaya stadana ntaram /
śatāni trīṇi tantūnāṃ hārākāraprakalpitam

granthibhissaptaviṃśatyā dve śate ta ntavaḥ punaḥ /
dvātriṃśat ntasamaryādaṃ sahasraṃ cāṣṭabhiryutam

tantavaścaraṇā () yāmamanekagranthibhiryutam /
viṣṭarasya sahotthasya pavitraṃ tatsamaṃ madam

tantavo'ṣṭottaraśataṃ granthayaḥpañcaviṃśatiḥ /
prabhāvitraṃ tattulyaṃ granthayo bahanaḥsmṛtāḥ

sarveṣāṃ ca svatantrāṇāṃ bimbānāmidamīritam /
paratantreṣu bimbeṣu tritayaṃ tū ttamādikam

devīnāṃ ca śriyādīnāṃ pavitraṃ tadvadiṣyate /
aṣṭottaraśataissūtrairgranthibhirbahubhiryutam

agnikuṇḍe mekhalāsu pavitraṃ pratimekhalam /
tantubhissaptaviṃśatyā tāvadbhirgranthibhiryutam

agneḥpavitraṃ hastena samāyāmaṃ prakīrtitam /
madhyamaṃ pañcaviṃśatyā dvāviṃśatyādhame matam

sūtrāṇāṃ pañcaviṃśatyā pavitraṃ sruksruvādiṣu /
tadāyāmasamāyāmaṃ granthibhirbahubhiryutam

arghyapātre tathā dhūpadīpapātre caturmukha /
ghaṇṭāyāmakṣamālāyāṃ sarvatrāṣṭottaraiśśataiḥ

sūtrairyathepsitāgranthirdvādaśāṅgulamāyatam /
viṣvaksenasya tārkṣyasya tathā duścyavanādiṣu

digdevatāsu druhiṇe durgāyāṃ vighnunāyake /
rudre ca parivāreṣu pavitraṃ tastubhiḥkṛtam

śatenāṣṭottareṇa syāddvātriṃśadgranthibhiryutam /
hastamānāyataṃ kāryaṃ caṇḍādiṣu ca sarvataḥ

saptaviṃśatisūtreṇa granthibhinnena nirmitam /
hastamānaṃ bhavetkumbhatoraṇādiṣu tādṛśam

balipīṭhapavitraṃ tu karṇikāyā masaṃmitam /
ācāryāṇāṃ yatīnāṃ ca pavitraṃ tantubhiḥkṛtam

aṣṭottaraśatai ssūtrairgranthibhiḥparvabhiryutam /
ṛtvijāṃ pūjakānāṃ ca brāhmaṇānāṃ tathaiva ca

ekāśītyā kṛtaṃ sūtrairnābhyantaparilambitam /
rājñaḥpavitraṃ sūtreṇa śatenāṣṭottareṇa tu

yatheṣṭagranthinicayaistūlagarbhaiścanirmitam /
nābhyantamānametatsyāttathā tadanujīvinām

etāśītyā kṛtaṃ sūtrairvaiśyādīnāṃ ca tantubhiḥ /
caturviṃśatibhisteṣāṃ pavitramupavītavat

pavitreṣu samasteṣu vistāro vibhave sati /
pādonamardhaṃ pādo vā saṅkhyā syādvibhavakṣaye

granthīṃstataḥpavitrāṇāṃ dravyaiḥ kastūri kādibhiḥ /
maṇimuktāpravālādyai ratnaiścāpi yathāvasu

lohaiśca kaladhautādyaistūlairvā tadasannidhau /
pūrayitvā dṛḍhaṃ badhvā granthīṃstāṃ stanturajjubhiḥ

granthayaśśaṅkhasaṃsthānasamānākṛtayo'tha vā /
dhātrīphala samākārā yadvā muktādi sannibhāḥ

kuṅkumairocanābhiśca tathā malayajairapi /
lohitairapyavaśyāyaissaṃpiṣṭaiḥkardamīkṛtaiḥ

granthīnāmantarālāni limpecchobhā yathā bhavet /
granthīnāṃ pūraṇaṃ yadvā mallikādyaissugandhibhiḥ

puṣpaustadantarālāni niśācarcābhireva vā /
rañjayettantavaścāpi granthayaśca yathecchayā

yathāvibhavavistāraṃ kalpaniyāścaturmukha /
vibhave sati saṅkoco naiva kāryastathā'sati

vistāro naiva kāryasyāttadeva prīṇanaṃ hareḥ /
sadyo'dhi vāsya vā tasminnupoṣyārādhayeddharim

gṛhārcane kautuke vā maṇḍale vā ghaṭe'pi vā /
arcanaṃ śraddhayā kāryaṃ śraddhāpūtamidaṃ jagat

vihiteṣu pavitreṣu yathoktenaiva vartmanā /
ārabhetārcanaṃ viṣṇordaśamyāṃ ca nivedanam

niśāmukhe gurussārdhaṃ mūrtipaissu samāhitaḥ /
yajamānena sahitaḥpraviśedviṣṇumandiram

praviśya pūjayitvātaṃ gurustaissahitassvayam /
vijñāpayedimāṃ gadhā mīrayan prāñjalisthitaḥ

nyūvātirekaśāntyarthaṃ pavitrārohaṇaṃ param /
arcanaṃ bhagavan sarvadurutotsāraṇakṣamam

saṃpadāṃ cāpi sarvāsāmutpādanamanu tamam /
kriyate tadavighnena yathā syātkarma coditam

tathānujñāpayāmi tvā manujānīhi karmatat /
iti vijñāpya nirgatya mandirāt
maṇḍape punaḥ

saṃstīrya darbhān prāgagrān teṣu prāgānano guruḥ /
upaviśyopavāsaṃ ca kalpayitvā samāhitaḥ

nayettatreva tāṃ rātriṃ japadhyānaparassadā /
aparedyu rniśīdhinyāmadhipāsanakarmatat

ārabhettekabhereṣu badhvā tatreva kautukam /
bahuberuṣu kalyāṇamimbe kautukamaṅgalam

tato nirgatya vipule maṇṭape toraṇādikam /
arcayitvā yathāpūrvaṃ dikṣu caiva vidikṣu ca

caturvedavito viprānekāyanavidastathā /
adhīyānān sthāpayitvā turyāghoṣeṣu satsu ca

maṅguleṣvapi cānyeṣu kalpiteṣu yathātatham /
pavitrapātrāṇyādāya prāgudagbhuvi maṇḍape

dhānyarāśiṣu saṃsthāpya puṇyāhaṃ vācayettataḥ /
dahanāpyāyanadhyānaiḥ pātrasthāni viśodhayet

dhūpayedgandhavaddravyairlimpetkastūri kādibhiḥ /
puṣpāṇi vikiretteṣu gandhavanti bahuni ca

tāni bhūṣaṇapātrāṇi veṣṭayennavavāsasā /
darśayeccakramudrāṃ ca pūjayedastravidyayā

aiśānīṃ diśamārabhya sūtressaṃveṣṭya maṇṭapam /
maṇṭapasyopari dhyātvā cakraṃ bhūmitale punaḥ

padmaṃ gadāṃ ca dvāreṣu śaṅkhamaṣṭanu dikṣu ca /
pratyūhakāriṇāṃ tasya chidramanviṣya dhāvatām

bhūtānāṃ rākṣasādīnāṃ māṣānnena baliṃ kṣipet /
bahubereṣu kalyāṇabimbaṃ snānāsane bahiḥ

sthāpayitvopavītā ntamupacarya yathātatham /
cakrābjamaṇḍale bhūyassamānīya caturmukha

havirnivedanāntetu samārādhana karmaṇi /
niṣṭhite karake kumbhe devamāvāhya pūjayet

havirnivedayitvānte hutvācāgniṃ yathāpuram /
ekabere cu kalyāṇa kautukārādhanaṃ vinā

anyatsarvamanuṣṭheyaṃ yathā pūrvodita kramāt /
sambhave kautuke tasmin pavitraṃ bhūṣaṇaṃ punaḥ

nikṣipetkumbhakarake dahane tadanantaram /
cakrābjamaṇḍale mantramidaṃ viṣṇuriti bruvan

praviśya mandiraṃ sarvairmaṅgulaissaha deśikaḥ /
mūlaberaṃ samāsādya pavitranyasanaṃ tataḥ

pūrvoditena mantreṇa sarvārcāsu yathākramam /
pavitrabhūṣaṇanyāsaḥ pañca rāgaiśca tantubhiḥ

prāsādaṃ veṣṭayedrātrau sarvamāmnāyaghoṣaṇaiḥ /
pādyairgeyaiśca nṛttaiśca stotrairjāgaritā janāḥ

nayeyuraparedyuśca kautukaṃ maṇḍalesthitam /
snānavedyāṃ samānīya snāpayitvā yathāvidhi

alaṅkṛtya ca deveśaṃ maṇḍale mārjanādibhiḥ /
śodhite vartayitvā ca cakrābjaṃ pañcavarṇakaiḥ

dvārādiyajanaṃ prāgvatkṛtvāvasthāpya maṇḍale /
devamārādhya dīpāntaṃ kumbhādīnapi pūjayet

annaṃ caturvidhaṃ cāpi kumbhe deve nivedya ca /
agnau ca juhuyādannaṃ pāyasādi caturvidham

pauruṣeṇai va sūktena yavaiśca vrīhi veṇubhiḥ /
tilairlājaistathā puṣpaistathā cāgarubirghṛtaiḥ

samidbhirmūlamantreṇa pṛthagaṣṭottaraṃ śatam /
muhūrte śobhane prāpte daivajñapariśodhite

pavitrāṇi samādāya cakrābjaṃ bhūṣayetpunaḥ /
padmādīni tadaṅgāni yathā svamidamityṛcā

tataḥkumbhe cakarake deve ca tadanantaram /
sa eva mantraḥkuṇḍe'pi havyavāhe'pi toraṇe

dvārakumbheṣu tat stheṣu pavitrāṇi yathā tathā /
tataḥ pradakṣiṇīkṛtya maṇḍalasthaṃ jagadgurum

praviśya mandiraṃ sarvairmaṅgulaissaha deśikaḥ /
snapanādi vidhāyādau samārādhana macyute

havirnivedanāntaṃ tatkṛtvā tatratyadevatāḥ /
mūlaberaṃ samārabhya pavitrai rbhūṣayetsvakaiḥ

parapantrāssvatantrāśca sarvāḥpūrvokta vidyayā /
abhyarcyagandhapuṣpādyaiḥpavitrāṇi pṛthakpṛthak

deyāni
dānavelāyāṃ vādyavādanakovidāḥ /
nartakā gāyakāścaiva tathā svādhyāyakovidāḥ

sarve yathāsvanṛttādi darśayeyustadantike /
caṇḍādiparānārāṇāmanyeṣāṃ prāṅkaṇāsinām

pavitrāṇi pradeyāni balipīṭhāvasānakam /
brahmādi devatānāṃ ca tārkṣyaseneśayorapi

sarveṣāmapyanuktānāṃ pavitrāṇi yathāyatham /
mantraśca viṣṇugāyatrī yadvedaṃ viṣṇurityayam

yadvācāṣṭākṣareṇaiva mantreṇa dvādaśātmanā /
deśiko mūrtipaissārdhaṃ yajamānena saṃyutaḥ

praviśya mandiraṃ viṣṇo ratnapūrṇāñjalissvayam /
hemapuṣpāñjalirvāpi yadvā puṣpabhṛtāñjaliḥ

stotrestuvāno bahubhirvikirettāni pādayoḥ /
katnāni hemapuṣpāṇi puṣpāṇi surabhīṇyapi

kalpitāni manuṣyāṇāṃ pavitrāṇi yathāyatham /
nyasya deveśapadayoḥ puṣpavatsusamāhitaḥ

kṣaumā dīni pavitrāṇi devaṃ vijñāpya deśikaḥ /
svayaṃ gṛhītvā kṣaumādipavitraṃ cātmanaḥ kṛtam

dadyātpūjakamukhyānāmṛtvijāṃ sahakāriṇām /
ekāyanīyaniṣṭhānāmanyeṣāṃ viduṣāmapi

yathādhikāraṃ kramaśo devasyālokya cānanam /
spṛṣṭvā devapadānbhoja mācāryotha janāntike

nyūnātirekaśāntyarthaṃ gādhāmenāmudīrayet /
bhagavan devadeveśa śaṅkhacakragadādhara

saṃvatsaropacārāṇāṃ pūraṇārthaṃ kṛtaṃ mayā /
ārādhanaṃ gṛhāṇatvaṃ bhaktānāṃ hitakāmyayā

nāhaṃ svatantraḥkiñcicca karomi vihitaṃ hitam /
kintu tvattpreritassarvaṃ karomi tava yatsvayam

tatkṣantavyamaśeṣeṇa kriyālopādyanuṣṭhitam /
samaye yajamānastu gāṃ bhuvaṃ kāñcanaṃ tathā

vastrādikaṃ tathā dhānyaṃ bhojayitvā mahīsurān /
datvā yathepti tānarthānācāryāya ca dakṣiṇām

śataniṣkāvarāṃ gobhūvastradhānyādi kāvyapi /
mūrtipebhyastathānyebhyastattatka rmānusārataḥ

yathātuṣṭikaraṃ deyaṃ yāge tatropakurvatām /
aparāhṇe bahirgrāme kuryādevaṃ mahotsavam

prokṣya pratyahametāni pūjākāleṣu pūjakaiḥ /
syasanīyāni divasāṃ ścaturdaśa caturmukha

yadvaikaviṃśatiṃ sapta yadi vā divasānapi /
trirātramekarātraṃ vā paścāttānyaparohayet

uccaran pauruṣaṃ sūktaṃ sāma yadvā rathantaram /
trisuvarṇaṃ tathā mantraṃ mūlamastramathāpi vā

avaropya pavitrāṇi deyāni gurave tataḥ /
kurave tāni dattāni prīṇanāya madhudvipaḥ

anyathā karmanaiṣphalyaṃ kṣayassyāddhrājarāṣṭrayoḥ /
maṇḍalasdhaṃ ca kumbhasthamagnisthaṃ ca visarjayet

pavitrārohaṇadine kālotkarṣona yujyate /
kṛtvā varohaṇaṃ teṣāṃ snapanaṃ tadana ntaram

kāryaṃ yathoktavidhinā praviśenmandiraṃ tataḥ /
ityeṣa kathito brahman pavitrārohaṇevidhiḥ

anena vidhinā viṣṇoḥpavitrārohaṇaṃ hareḥ /
kurvan phalānyanantāni prāpnu yānnaiva saṃśayaḥ

sukhaṃ jīvati nirvyādhi ryāvadāyussamṛddhimān /
āyuśca vindati prāptaṃ dharmāthān dharmamāpnuyāt

kāmānavāpnuyātkāmī arthārthīcārthamāpnuyāt /
mokṣārthī mokṣamāpnoti prajārthī labhate prajāḥ

bāndhavairlabhatecāpi pravāsibhissamāgamam /
kīrtiṃcāpnoti paramāṃ kīrtikāmo na saṃśayaḥ

jñānārthī jñānamāpnoti śāntyarthī śāntimāpnuyāt /
śatravastu praṇaśyanti grahabhūtādyupadravāḥ

ārogyakāmī cārogyaṃ śrīkāmaśsriyāmāpnuyāt /
bahunātra kimuktena phalaṃ yadyadabhīpsitam

tatsarvaṃ tasyahastathaṃ nātra kāryā vicāraṇā /
bhuktvā bhoṃgāṃśca vipulān dhyātvā cānte madhudviṣam

tallokaṃ samavāpnoti na cehojāyate punaḥ /
dhārayanti pavitrāṇi yebhaktāśśraddhayānvitāḥ

tepi nirdhūya pāpāni modantediva devavat /
ācāryo mūrtipāssarve ye cānye paricārakāḥ

ye śyaṇvanti ca paśyanti kīrtayanti ca karma tat //
te sarvepi samṛddhārthālabhante sarvasaṃpadaḥ

āgrayaṇaṃ śrāvaṇe māsi māsi proṣṭhapade'pi vā /
māse cāśvayuje brahman kārtike māsivā bhavet

varṣāsvevaṃ tatonyatra taiṣe māghe'pi vā bhavet /
phālgune māsi caitre vā vaiśākhe vā tadācaret

haste ca śravaṇe pauṣṇe nairṛte ca prajāpateḥ /
nakṣatre vāruṇe puṣye vāyavyeditidaivate

makhāsu maitre citrāyāṃ śraviṣṭhāyāmathāpi vā /
saumye triṣūttarākhyeṣu sambhavānuguṇaṃ bhavet

ayugmāstithayassarvā navamīparirjitāḥ /
yugmāstu tithayo neṣṭā dvitīyāṃ daśamīṃ vinā

somo bṛhaspatissaumyo bṛguśceti grahāśśubhāḥ /
meṣavṛścikamine tu kanyājhaṣakulīrake

pūrvapakṣe ca kartavyastatrāyaṃ karmaṇaḥkramaḥ /
ādau dadhyādanaṃ kṣetre kṣetrapālāya kalpayet

muhūrte lavanasyokte vidhāya lavanaṃ tataḥ /
dhānyaṃ kaṇiśabhāreṇa gṛhṇīyādbhūmikarṣakaiḥ

kadalīpanasādīni tathādadhighṛtādikam /
dhānyabhārāsapi tathā kandalyādidalāni ca

nayeyurnṛttavāditragītālaṅkārasaṃyutam /
purataḥ pṛṣṭhataścaiva seneśavihagadhipau

alaṅkṛtau kuñjarādiyānārūḍhau yathāvasu /
chatra cāmarasauśeyadhvajātiparibarhakau

nītvā pradakṣiṇaṃ grāmamālayaṃ ca madhudviṣaḥ /
goṣṭhāgāraṃ praviśyāntardhānyaṃ kaṇiśagocaram

śrīsūktena samabhyarcya bhāṇḍeṣvabhinaveṣu tat /
nikṣipya saṅgrahaṃ tasya kuryāttatrāla yeṣu ca

karmiṇāṃ devadevasya tathā devaṃ samarcatām /
yathādhikāraṃ dhānyāni dadyācca samaye śubhe

taṇḍulānnūtanā nāmān kṣālitāṃstriphalīkṛtān /
maricairjīrakai ryuktān guḻapākenubhāvitān

nālikeraphalopetānikṣukhaṇḍasamanvitān /
mūlaberādiberāṇāṃ muhūrte śobhane guruḥ

nivedaye
ttato mūlavidyayāṣṭottaraṃ śatam /
taṇḍulai rjuhuyādagnau
brāhmaṇānāṃ yathāpuram

tasmin dine paredyurvā navānnāni nivedayet /
prabhūtasskṛtā nekaniṣṭhāni kadalīdale