Padma Samhita · Chapter 4.13

pañca kālavidhijñānaṃ praśastaṃ bhagavanniha /
vihitaṃ pañcake kāle vidhayaścāpi pañcake

mahyaṃ jijñāsamānāya kathayasva yathātatham /
na cedrahasyamatyantaṃ yadahaṃ pṛṣṭavānidam

ādyaṃ karmābhigamanamupādānamataḥparam /
ijyā ca paścātsvādhyāyastato yāgastataḥparam

paṃcaite vidhayasteṣāṃ kālāḥpaṃcaiva te kramāt /
kalyāṇācaraṇāntaṃ yatkarmajātaṃ caturmukha

utthānādikramādetadabhiyānamudīritam /
brāhme muhūrte budhyeta dhyāyannā rāyaṇaṃ param

utthāyīsīta śayane kīrtayannāma vaiṣṇavam /
krameṇa sṛṣṭvā tatvāni dehamutpādya tatvavit

nyasya dehe ṣaḍaṅgāni mantramuccārya mānasam /
daśāvatārān vyohāṃśca caturṇāṃ mānasānapi

dhyātvā svanāmabhistāni kīrtayitvā pṛthakpṛthak /
avakuṇṭhya ca vastreṇa śarīraṃ dakṣiṇāṅghiṇā

ākramya bhūmiṃ prathamaṃ pravikramamanusmaran /
namaḥ kṣitidharāyeti mantramuccārya mānasam

grāmādbahirdiśaṃ gatvānairṛtīṃ nyasya dakṣiṇe /
upavītaṃ karṇadeśe vyavadhāya tṛṇādinā

bhūmiṃ samutsṛjenmūtraṃ kiṭṭaṃ ca tadanantaram /
udaṅmukho divā kuryātsanthyayorubhayorapi

dakṣiṇābhimukho rātrau vāti vāte nusāriṇi /
dakṣiṇetarahastena gṛhṇīyānmehanaṃ tataḥ

dakṣiṇe mṛttikāṃ haste samutthāya
jalāśayam /
prāgudīcyāṃ pratīcyāṃ vā gatvā śaucaṃ samācaret

mṛttikābhirdvādaśabhirgudaṃ ṣaḍbhiśca mehanam /
antarācāntarā vāmakaraṃ prakṣālyavāribhiḥ

mṛṇmātrābhistadante dvaukarau dvādaśasaṅkhyayā /
saṃśodhya caraṇai ṅaṅghe kaṭiṃ corū ca vāribhiḥ

pratyekaṃ mṛttikāmātrā catuṣkoṇe viśodhayet /
ā camya praṅmukhobhūtvā dantadhāvanasamācaret

nyagrodhodumbharāśva tthaplakṣāmrārjunadhātakī /
pālāśaveṇu khadiraśamīdārūṇi dhāvane

dantānāmuditānyekādaśa cāmbhoruhāsana /
dantadhāvanakāṣṭhaṃ taddhvādaśāṅgulamāyatam

daśāṃgulaṃ tathā mānamaṣṭāṅgulamathā pi vā /
brāhmaṇakṣatriyaviśāṃ krameṇa samudāhṛtam

jihvānirlekhanaṃ kuryā dgaṇḍūṣācamanaṃ punaḥ /
kṣālayitvā mukhaṃ toyai
rācāntassnānamācaret

avagāhobhavedvāpyāṃ snāyādvā sarasīghu ca /
vāpyādyasaṃbhave naiva kupaiṣvāplavanaṃ bhavet

snānaṃ vātaptatoyena doṣavaiṣamyasambhave /
nābheradhastādvā dehaṃ kṣālayitvātmanastanum

ācamya prokṣayeddehaṃ vāribhirmantra vittanum /
oṃ pūrvayā ca gāyatryā vāribhiścabhimantritaiḥ

ātmānaṃ pariṣicyordhvamutkṣi petsalilāñjalim /
yoddhukāmāni rakṣāṃsi sandhyayorubhayorapi

śāmyanti tairvajraghātairhastābhiprerirjalaiḥ /
prāyaścittaṃ tu hiṃsāyāḥ paribhramaṇamātmanaḥ

tarpayedupaviśyātha tattanmantramudīrayan /
devādīn salile tiṣṭhan sāvitrīṃ prāṅmukho japet

yāvatsūryodayaṃ dṛṣṭvā prañjali stimirāpaham /
upasthāya svaśākhoktairmantraidhyāyan hṛdi sthitam

abhivādya gurūn vṛddhārna tathā bhāgavatān kramāt /
praṇamya svāśramaṃ devamabigamya yathāvidhi

arcayejjapahomāntaṃ dadyādgrāsaṃ gavāmapi /
añjanālepanaissrigbhirvāsobhirbhūṣamaistathā

alaktakarasādyaiśca tāmbūlīmukhaśodanaiḥ /
upetomaṅgalairanyairnayedabhigamakriyām

upādadyāttataḥpūjāsādhanāni yathāyatham /
puṣpāṇi phalamūlāni vividhānyoṣadhīrapi

dadhyādi ca haviryogyaṃ taṇḍulāni guḻāni ca /
snānīyāni ca vastrāṇi svādūni salilāni ca

darbhān parṇāni samidho yathāśakti yathāvasu /
āhṛtya yājñikārdhairvā pūjāsthāne niveśayet

nītvopādānasamayamitthaṃ
tadanu pūjayet /
prāpte madhyāhnasamaye snānaṃ kuryādyathāvidhi

nyāsamagre ṣaḍaṅgānāṃ kṛtvādāya mṛdaṃ kare /
savye nidhāya kṛtvā tu tridhā mūlāgramadhyataḥ

mūle sthitāṃ mṛdaṃ pūrva mabhimantryāstravidyayā /
vidikṣu dikṣu cordhvāyāmadharāyūmapi kṣipet

tato madhyasthitāṃ mṛtsnāmudake mūlavidyayā /
nikṣipya bhāgamagrasthaṃ karābhyāṃ karayordvayoḥ

vidhāya paṅkamaṃbhobhirdarśayitvā ca pūṣaṇam /
astrahīnāṅgavidyābhirāpādatalamastakam

ālipya dehamakhila mavagāhya ca vāriṣu /
devamāvāhya lakṣmīśaṃ datvā cārghyādikaṃ tataḥ

tatpādakṣālanāmbobhiḥ pāṇibhyāṃ kumbhamudrayā /
pāvanaiśśirasi nyastairātmānamabhiṣicya ca

vāsudevamabhidhyāyannaghamarṣaṇamācaret /
uttīrya karmanikhilaṃ madhyāhna samayocitam

kṛtvā yajeta deveśaṃ homāntaṃ kamalāsana /
stretreṇābhiṣṭuyāddevaṃ daṇḍavatpatitaḥkṣitau

jitante puṇḍarīkākṣa namaste viśvabhāvana /
namaste'stu hṛṣīkeśa mahāpuruṣa pūrvaja

namaste vāsudevāya śāntānantacidātmane /
ajitāya samastubhyaṃ ṣāḍguṇyanidhaye namaḥ

mahāvibhūtisaṃsthāya manaste puruṣottama /
sahasraśirase tubhyaṃ sahasracaraṇāya te

sahasrabāhave tubhyaṃ sahasranayanāyate /
amṛtāya namastubhyamekamūrtāya te namaḥ

aneka mūrtaye tubhya makṣarāya ca te namaḥ /
vyāpine vedavedyāya namaste paramātmane

cinmātrarūpiṇe tubhyaṃ namastraiyanta bhūmaye /
aṇiṣṭhāya sthaviṣṭhāya mahiṣṭhāya ca te namaḥ

nediṣṭhāya daviṣṭhāya kṣepiṣṭhāya ca te namaḥ /
varṣiṣṭhāya yaviṣṭhāya kaniṣṭhāya namo namaḥ

pañcātmane namastubhyaṃ sarvāntaryāmiṇe namaḥ /
kalpanā poḍharūpāya sṛṣṭhisthitya ntahetave

namaste guṇarūpāya guṇarūpātivartine /
vyastāya ca samastāya samastavyastarūpiṇe

ādimadhyāntaśūnyāya tadvadeva namo namaḥ /
praṇavapratipādyāya namaḥpraṇavarūpiṇe

lokayātrāprasidhyarthaṃ nṛṣṭa brahmādirūpiṇe /
namastubhyaṃ nṛsiṃhādimūrtibhedāya viṣṇave

vipākaiḥkarmabhiḥklaiśairaspṛṣṭavapuṣe namaḥ /
namo brahmaṇyadevāya tejasāṃ nidhaye namaḥ

nityasādhāraṇānekalokarakṣāparicchada /
saccidānandarūpāya vareṇyāya namo namaḥ

yajamānāya yajñāya yaṣṭavyāya namo namaḥ /
ijyāphalātmane tubhyaṃ namassvādhyāyaśūtine ?

namaḥparama hiṃsāya samassatvaguṇāyate /
sthitāya parame pyūmni bhūyo bhūyo namo namaḥ

saṃsārasāgare ghore viṣayāvartasaṅkule /
apāre dustare'gādhe patitaṃ karmabhissvakaiḥ

anādhamagatiṃ bhīruṃ dayāyā parayā hare /
māmuddhara dayāsindho sindhorasmātsu dussahāt

mantrahāniṃ kriyāhāniṃ hāniṃ vānyāṃ tvadarcane /
kṣamasva mama deva tvamaparādhasaho vyāsi

aparādhasahasrabhājanaṃ patitaṃ bhīmabhavārṇapodare /
agatiṃ kharaṇāgataṃ hare kṛpayā kevalamātmasātkuru

janmaprabhṛtidāso'smi śiṣyo'smi tanayo'smite /
tvaṃ ca svāmī gururmātā pitā ca mama mādhava

nāhaṃ hitaṃ vijānāmi tvāṃ bhajāmveva kevalam /
budvaivaṃ naya govinda muktyupāyena vartmanā

tvameva vettā śreyo me naita detaditīti ca /
buddhiyogaṃ ca me dehi yena tvāmupayāmyaham

iti vijñāpya deveśaṃ
vaiśvadevaṃ svadhāmani /
kuryātpañca mahāyajñānapi gṛhyoktavartmanā

atithīnapi tatkāle yathāśakti samarcayet /
poṣyavargān bhojayitvā bhuñjīta niyatassvayam

ijyāyāssamayastasyāḥkathitaḥkamalāsana /
mandire vā harerna dyāstīre vā maṭhabhūmiṣu

vivikte vipine vāpi parvate pā gṛhe'pi vā /
ṛco yajāṃṣi sāmāni bhidyamānānyanekadhā

śākhābhedairmūlaśākhāyekāyanasamāhvayām /
trayūmayīmadhīyīta sukhāsīnassamāhitaḥ

anyaissārdha madhīyānaiṣṣajaṅgeṣu ca rovidhaiḥ /
adhyāpayīta vā śiṣyān śāstrāṇi vividhāni ca

itihāsapurāṇāni dharmaśāstrāṇi vā punaḥ /
tadārādhananiṣṭhāni samabhyasyedyathāyatham

saṃsārabhīrubhirvipraistatva niṣkarṣakonidaiḥ /
sahāsītopadeśādiprakāracaturairapi

svādhyāyakālaḥ kathitassvādhyāyopi ca kīrtitaḥ /
tataḥpaścimasanthyāyāṃ prāptāyāṃ tatra coditam

japahomādikaṃ sarvaṃ kṛtvā paramapuruṣam /
arcayitvā yathānyāyaṃ yathāpūrvamaśeṣataḥ

bhuktvā saṃviśya śayane samutthāya mahāniśi /
ācam prayato bhūtvā dhyātvā paramapuruṣam

yogā nane sukhāsīno yuñjītātmānamātmani /
yathoktena prakāreṇa yathāśakti caturmukha

saṃhārakramāśritya tatvānyātmani saṃharet /
ātmānaṃ vāpi hṛtpadme paramātmani niṣṭhite

saṃha redutthito yogātsvāpaṃ kleśāvahaṃ tyajet /
ityeṣa kathito brahman yogaḥkālaśca pañcamaḥ

pañcai te samayāḥpañca vidhaya steṣu darśitāḥ /
itthameteṣu kāleṣu darśitaiḥkarmabhirnaraḥ