Padma Samhita · Chapter 4.12

samārādhyo hariḥ puṣpaiḥ kālapakvairhavīṃṣi ca /
phalamūlāni cānyāni kāni yogyāni kathyatām

puṣpāṇi nandanavanādārāmādātmanopi vā /
araṇyādvā gṛhītvā ca vikrītānyāpaṇasthalāt

ayācitāni labdhāni yadvā kamalasambhava /
pūrvapūrvoditālābhe grāhyamuttaramuttaram

anyāyopārjitāvyanyadevatārthāni vā punaḥ /
agrāhyāṇi tathā bhinnaṃ mukulaṃ patitaṃ tathā

jīrṇaṃ paryuṣitaṃ kīṭadūṣitaṃ pādalaṅghitam /
mlānaṃ spṛṣṭaṃ tathā'spṛśyairnītaṃ ca pratilomajaiḥ

snātaśśuddhāmbaro maunī pāṇiṃ prakṣālya vāriṇā /
pātre puṣpāṇi gṛhṇīyādvetraje tṛṇaje'thavā

kalpakadrumasañjātaṃ pārijātasamudbhavam /
haricandana santānamandāradrumasambhavam

saugandhikodbhavaṃ puṣpaṃ ṣaḍete suradārujāḥ /
pālāśaṃ saptamaṃ puṣpamupayuktāni cārcane

anirmālyāni deyāni punaḥprakṣālya vāribhiḥ /
uttarottaramekaikaṃ sahasraguṇamiṣyate

prātaḥpadmadvayaṃ śastamutpalatrayamarcane /
phalaṃ ca pūrvavat jñeyaṃ tathaiva śatapatrikā

campakaṃ ketakīyugmaṃ mālatī mādhavī tathā /
sandyāvartaṃ ca punnāgaṃ suraparṇyekaparṇikā

priyaṅgu pāṭaladvandvaṃ mandāradvayameva ca /
lakṣmīśca karṇikāraśca yūdhikā kuravastathā

paṭṭikai tāni śastāni phalaṃ pūrvavadiṣyate /
?* madhyāhmārcanopayogīni.*
śastaṃ madhyandine śvetakaravīrajamarcane

kaiṅkirātaṃ ca sauvarṇaṃ puṣpaṃ sahacarī tathā /
pūrvavacca phalaṃ vidyātpradoṣe ca praśasyate

jātiyugmaṃ vicakilaṃ malli kādvayameva ca /
vakulaṃ vanajātiśca tathā ca vanamallikā

kumudaṃ vanamallī ca pūrvavacca phalaṃ smṛtam /
prātaḥkāloditaṃ puṣpaṃ yuktaṃ madhyandinepica

pradoṣe kathitaṃ puṣpaṃ madhyarātre ca śasyate /
divāpuṣpairdivā pūjā niśāpurṣaustathā niśi

deśe kāle yathāyogamarcayetpuruṣottamam /
mālatyā pūjayetprātarmadhyāhne karavīrajaiḥ

sāyāhne jātipuṣpaistu pradoṣe vakulairapi /
madhyarātre mallikābhiryajeta
jalajaissadā

pratyūṣe nandikāvartaiḥ kāla eṣa udāhṛtaḥ /
padmādi jalapuṣpāṇāmarvāgdhartustryahādbhavet

na ca paryuṣito doṣo nīrajānāṃ bhavettathā /
abaddhebhyaḥ prasūnebhyo baddhamālā praśasyate

mālābhyassragvarā mālā sajātīya prasūnakā /
sraktu nānāvidhaiḥpuṣpairnirmitā kadalītvacā

hrīberaṃ ca tamālaṃ ca tathā damanakatrayam /
na paryuṣitametaiśca sadaivārādhayeddharim

tulasyau sitakṛṣṇe ca kevalākṣapakāstathā /
catvārastulasībhedā dūrvā bhilvadalāni ca

sarvadārarādhanārhāṇi
pūjā tu karavīrajai /
gṛhe kulakṣayakarī
puṣpapatrādyasannidau

akṣatairarcanaṃ kuryāddhareḥ kalamajaissitaiḥ /
nīvārā veṇavaśśālyaḥ kalamādyā yavā api

haviryogyā vrīhayaśca tadabhāve prayaṅgavaḥ /
anye ca yājñikā dhānyabhedāḥkodravavarjitāḥ

nīcairdattāstathā spṛṣṭāḥpatitaiḥ pratilomajaiḥ /
aśaucavadbhiraparai
rapakvāḥkalamādayaḥ

śasyante carusākeṣu pakvāśca tadasannidau /
cāturvarṇairupahṛtāstaṇḍulā doṣavarjitāḥ

akhaṇḍitāḥkhaṇḍitāścā bhāve trīniṣphalīkṛtāḥ /?
carupātraṃ tāmramayaṃ praśastaṃ mṛṇmayaṃ tu vā

viṣṇugāyatriyā bhāṇḍe kṣālite gālitairjalaiḥ /
purṇepraṇavasaṃspṛṣṭe
taṇḍulānmūlavidyayā

yadvā pañcopaniṣadā kṣālayedvāribhiḥpunaḥ /
pūrayetpraṇavenaiva pidadhyāccakravidyayā

adhiśritya ca mūlena mantreṇāgniṃ samedhayet /
pañchopaniṣadairmantreḥkāṣṭhaiḥ
kīṭādyatūṣitaiḥ

yajñavṛkṣodbhavaiḥkāṣṭhaiḥ pācayetpāvakaḥkramaḥ /?
pakve jalamapi srāvyasiktvājyena caruṃ punaḥ

udagudvāsayeddarbhaiḥphalake yajñadāruje /
sādhayeddīkṣitaḥpākaṃ vidhino ktena tat striyaḥ

yadvā tūṣṇīṃ sādhayeyurupadaṃśāṃśca coditān /
phalamūlāni tatrādau phalāni kadalīphalam

āmraṃ panasamurvāruṃ bṛhatīṃ karkarīmapi /
kāravallīmalābuṃ ca kūśmāṇḍaṃ tantriṇīmapi

karavartaṃ ca niṣpāvaṃ gavākṣaṃ trapusaṃ tathā /
mudgabhedāṃśca nirdeṣān
sadoṣān parivarjayet

ucciṣṭaṃ krimiṇā daṣṭaṃ śivadyairlaṅghitaṃ tathā /
ghrātaṃ lālājalaspṛṣṭamamedhyaprabhavaṃ tathā

pādaspṛṣṭaṃ ca patitamakāle cāśucisthale /
bhuktaśeṣaṃ tathā spṛśyaisspṛṣṭaṃ dattāvaśiṣṭakam

varjyaṃ vallī trayaṃ kandaṃ sūraṇadvayamutpalam /
piṇḍāradvitayaṃ cāpi
haviryogyaṃ caturmukha

jīvantīṃ vastukaṃ śākaṃ kāravallīdalaṃ tathā /
tumbūdalaṃ ca bhāñjīṃ ca śimbamudgadalāni ca

śākinīṃ śataparvāṇaṃ tathaivāśvāsamardinīm /
āgastyaṃ pācayecchākaṃ vihitaṃ brāhmaṇasya ca

ekamūlāni cānyāni gṛhṇīyādaniṣedhane /
aṅkurāṇyapi veṇvādivastūnāṃ kamalāsana

cedayitvālavitreṇa
lavaṇairmaricai stathā /
sarṣapairjīrakairhiṅkuśrīparṇīdalamiśritaiḥ

nālikeraphalairājyairyathāyogaṃ niveśitaiḥ /
saṃskāryaṃ vyañjanaṃ yūṣayuktaṃ kahitameva vā

sarpiṣā vā''yase pātre ghṛṣṭaṃ mṛṇmaya eva vā /
kalāyamudganiṣpāva śimbamāṣakulukatthākāḥ

sayūṣā vā viyūṣā vā pacanīyā guṇānvitāḥ /
tvaco vyapohya kulmāṣāḥkāryā yadvā yathoditāḥ

āmrādīni ca śuṣkāṇi phalāni guḻatintriṇī /
miśrāṇi pacanīyāni tathā lavaṇapāsitam

āmraṃ ca śrṛṅgiberaṃ ca tathā kevalamiṣyate /
pasanaṃ kadalī cāmraṃ kapitthaṃ badarīphalam

drākṣā rājādanaṃ jambhūphalaṃ toṭakamapyatha /
kharjūraṃ vetrajaṃ caiva mātuluṅgaṃ ca dāḍimam

phalānyetāni pakvāni kālapakvāni yojayet /
kṣīraṃ cairo guṇastasya toyamardhaṃ tadardhakam

taṇḍulāstāvadeva syādbhinno mudgastadardhakaḥ /
ghṛtaṃ samuditaṃ sarvaṃ paramānnaṃ nivedayet

samabhāgaṃ tu pūrvoktaistaṇḍulaissammitaṃ samam /
guḻaṃ phalena nikṣipya guḻānnaṃ tadvidurbudhāḥ

taṇḍulaissammitaṃ nistvaṅmudgabhinnaṃ susādhitam /
mudgānnaṃ kālapakvaistu phalai rājyapariplutam

nivedayetkevalānnaṃ daṇḍulai reva sādhayet /
phalāni kandaśākāni mudgabhedāstathāṅkurāḥ

payo dadhi ghṛtaṃ cāpi kālapakvaṃ tathā phalam /
āmrādilavaṇaiścāpi śṛṅgiberādisādhitam

matsyaṇḍī guḻabhedāśca yaccānyadupadaṃśakam /
parimāṇamamiṣāṃ syāt yathāśraddhaṃ yathāvasu

marīcyādi yathāyogyaṃ dravyasaṃskārakaṃ bhavet /
nāgamallīdalāni syuraśītiravarāstathā

viṃśatiḥkramukasyāpi phalānyavarasaṅkhyayā /
aṅgāni tailaṃ takkolaṃ lavaṅgaṃ jāti reva ca

mātulaṅgatvaganyacca cūrṇakaṃ karpūramiśritam /
pāṣāṇajaṃ nālikeraphalaṃ pakvaṃ ca nirjalam

karpūraṃ kevalaṃ vāpi āmaṃ vā śuṣkameva vā /
etairvastubhiranyaiśca nyūnabhāvivarjitaiḥ

tāmbūlavīṭikāstailamṛdupūgaphalānvitāḥ /
nivedya yājamānasya śraddhāvittānusārataḥ

godhūmaśālipiṣṭātthā apūpāścāpi saṃskṛtāḥ /
guḻabhedājyamarica jīvakādyairyathāyatham

vastubhirvividhākārā guḻapākapariplutāḥ /
puṭadagdhāṃ stilānikṣurasapākapariplutān

maricairjīrakai ryuktān palalāṃśca nivedayet /
pṛthukān puṭadagdhānvā kevalānvā guḻaplutān

maricairjīrakai ryuktān nālikeraphalaissaha /
saktūn guḻadravairmiśrān maricairapi jīrakaiḥ

karambhānapi pūrvoktaissaṃskārairapi sskṛtān /
pākasthānācca bhāṇḍānvā vāribhiḥkṣālitān bahiḥ

bhasmanā ca caturdikṣu kṛtordhvākārapuṇḍrakān /
astramantreṇa vāsobhiścannānvā vetrapañjare

yadvā pratiṣṭhitān bhūmau
jaladhārāpurassaram / vaheyu
rvidhṛtoṣṇīṣāssitakañcukasaṃvṛtāḥ

paricaryā parā viprā
maṇṭape mandire'pi vā /
devasya dakṣiṇepārśve nītvā phalakabhūmiṣu

sauvarṇādī nipātrāṇi viṣṇugāyatriyā tataḥ /
kṣālitāni parāmṛśya
praṇavenājyadhārayā

pātrāṇisiktvāmantreṇa tathā darvyā havīṃṣi ca /
ādāyādāya nikṣepya mamatreṣvannamarcitam

khārī tadardhaṃ pādaṃ vā tadardhaṃ vā'varaṃ matam /
pratisthālīṃ pāyasādibhaktamānaṃ caturmukha

yathāyathaṃ vyañjanāni nikṣepyāṇi ghṛtaissaha /
dadhnā ca sarvāṇya nnāni prakalpya vyañjanaissaha

nivedayeyurdepāya pānakāni ca pūjakāḥ /
coṣyāṇi lehyakhādyāni yathāvibhavavistaram

niveditānāṃ turyāṃśaṃ viṣvaksenāya kalpayet /
taccāgādhajale kṣepyaṃ tadbhaktānyāpi bhojayet

tenaivapārṣadāstṛptābhaveyurbhūta tṛptaye /
dāsyo vā gaṇikā bhojyā devasya paricārikāḥ

brahmeśānādi devānāṃ naiva bhojyaṃ niveditam /
na spṛśyaṃ laṅganīyaṃ ca caṇḍādīnāṃ ni veditam

devīnāṃ ca śriyādīnāṃ vinatā nandanasya ca /
cakrādīnā māyudhānāṃ vastu yadyanniveditam

bhoktavyameva sarveṣāṃ viprādīnāma śaṅkitam /
viṣṇorniveditaṃ śuddhaṃ pāvanānāṃ ca pāvanam

prāpaṇaṃ durlabhaṃ bhojyaṃ na tyājyaṃ syātkadācana /
bhuñjānānāmedhate śrīstyajatāṃ parihīyate

vratopavāsatulitamaśanaṃ tasya pāvanam /
śunāmiva puroḍāśo na nīceṣu tadiṣyate

viṣṇorniveditānnena yaṣṭavyaṃ devatāntaram /
pitṛbhyaścāpi taddeyaṃ tadānantyā kalpate

dhāritaṃ viṣṇunirmālyaṃ candanādyanulepanam /
aharniśaṃ dhārayatāṃ na punarjananaṃ bhavet

tathā hi caraṇasparśi viṣṇostsripathagājalam /
punāti siddhadevarṣisaṅkhānaṃ ho vighātakam

pādodakaṃ ca devasya pavitraṃ paramaṃ madam /
pādyaṃ datvā jalaṃ viṣṇo rmūlamantreṇa deśikaḥ

gṛhītvā śatadhāreṇa mūrdnidhāryaṃ viśuddhaye /
śodhanaṃ sarvapāpānāṃ sarvaduṣkṛtanāśanam

lakṣmīvivardhanaṃ nityamāyurvṛddhikaraṃ param /
mriyamāṇassvayaṃ viṣṇoścaraṇasparśitaṃ jalam

pītvā sadgatimāpnoti na cehājāyate punaḥ /
pitṛṇāṃ tarpaṇaṃ śastaṃ pāriṇā tena tarpitāḥ

ṛṇebhyaḥpitaro muktāvasantidivi devavat /
bhaktāya deyaṃ pādotthaṃ śāntāya śubhakarmiṇe

pañcakālavidhijñāya tadanuṣṭhānaśīline /
na nāstikāya dātavyaṃ dātavyaṃ nābhyasūyave